сува трева – Kurir.mk

Сува трева и стрниште гореле во Старо Нагоричане и Липково

Ивана Ефремовски — Tue, 08 Aug 2023 08:02:01 +0000

Околу пет хектари сува трева, вчера гореле во Старо Нагоричане во атарот на село Војник, соопштија денеска од територијалната противпожарна единица од Старо Нагоричане. -Интервениравме со една екипа, од 16 до 17.30 часот, изјави командирот на ТППЕ Старо Нагоричане Далибор Трајковски Кумановската противпожарна единица, пак, интервенирала во Ваксинце липковско каде било опожарено стрниште околу 20.30 часот. Пожарот бил изгаснат по еден час. На улицата „11 Ноември“, горелo дрво-елка. (МИА)

Активен пожарот кај велешкото село Црквино, гори сува трева над гробиштата

Катерина Бојаџиева — Thu, 27 Jul 2023 13:37:52 +0000

Од Центарот за управување со кризи - Велес информираат дека во моментов е активен пожарот кај село Црквино над гробиштата каде гори сува трева, а засега нема опасност по куќите. Пожарот избувнал околу 13 часот, а се уште на терен е екипа од Територијалната противпожарна единица Велес. Претходно, во 10:50 часот избувна пожар во близина на Велес во месноста „Бојаџиева чешма“ кај „Штипско петле“, а била зафатена сува трева. Поради силниот ветар пожарот се проширил па претставувал опасност по околните куќи. - Сепак со брза интервенција на Територијалната Противпожарна Единица пожарот е изгаснат околу 13 часот, информира за МИА Кристина Хаџиева од ЦУК - Велес и додава дека за пожарот тие ги известиле во СВР Велес и Дирекцијата за заштита и спасување во Велес. Таа појаснува дека во еден момент пожарот бил сериозна закана за да се запали една куќа, но со брза интервенција од ТППЕ со 10 пожарникари со три противпожарни возила и два камиона, пожарот бил изгаснат.

Сува трева горела во три кумановски и едно село во Старо Нагоричане

Ивона Петрова — Wed, 19 Jul 2023 06:58:09 +0000

Сува трева горела во четири различни села од поширокиот кумановски регион, соопштија денеска од регионалниот центар за управување со кризи. Пожарникарите од Куманово гаселе сува трева првин во Табановце во претпладневните часови, во попладневните во село Лопате и во ноќните часови на „Никуљски пат“. Пожарникарите од Старо Нагоричане интервенирале на запалена сува трева во атар на село Алгуња. Во сите поединечни интервенции биле вклучени по една противпожарна единица со едно возило. Вчера и кумановската полиција и подрачната единица на ЈП „Национални Шуми“, почнаа со засилени превентивни активности и делење летоци на граѓаните за зголемување на свеста од опасноста од предизвикување пожари. Од институциите апелираат граѓаните да бидат внимателни особено во претстојниот период и да не палат огин на отворено, стрништа, пасишта и сува вегетација, да не фрлаат догорчиња и отпушоци.

Пожар во Бутел, гори поголема површина сува трева

Магдалена Андонова — Thu, 23 Jul 2020 13:10:58 +0000

Сува трева во моментот гори на полињата после населбата Бутел. Територијалната противпожарна единица на Град Скопје интервенира со три возила и десет пожарникари. Оттаму за МИА изјавија дека е зафатена поголема површина на сува трева и оти сè уште се работи на гаснење на пожарот. Причините за пожарот засега се непознати. (МИА)

Во пожар кај Костурино изгореа два хектара сува трева и нискостеблеста шума

Тале Кристо — Mon, 02 Mar 2020 17:15:59 +0000

Во атарот на село Костурино попладнево околу 15:20 часот избувна пожар во кој е зафатена сува трева и нискостеблеста шума, информираат од Територијалната противпожарна единица на Струмица. -Опожарена е површина од околу два хектара, а во гаснењето на пожарот учествува едно противпожарно теренско возило и тројца пожарникари, дополнуваат во информацијата од ТППЕ Струмица. Според последните информации, пожарот е локализиран и се очекува наскоро да биде целосно изгаснат.

Сува трева гори на Водно

Дарко Андоновски — Sun, 17 Mar 2019 17:49:16 +0000

Сува трева гори на потегот меѓу селата Нерези и Крушопек на падините на Водно, информира за МИА командантот на Противпожарната бригада на Град Скопје, Владимир Симоновски. Според него, на терен се две противпожарни екипи кои работат на локализирање на пожарот.