сузбивање – Kurir.mk

Сузбиена криминална група од Тајван што вршела телекомуникациски измами и трудова експлоатација, приведени девет лица

Магдалена Андонова — Fri, 28 May 2021 11:53:00 +0000

Полициски службеници од Секторот за меѓународна полициска соработка, Одделот за сузбивање на организиран и сериозен криминал-Национална единица за сузбивање на криумчарење на мигранти и Одделот за криминалистичка полиција сузбија криминална група од Тајван што вршела телекомуникациски измами и трудова експлоатација на државјани на Тајван, при што се приведени девет лица-државјани на Тајван. Криминалната група функционирала во повеќе земји и по првичните оперативни информации за нејзино присуство на наша територија, во координација со полицијата на Тајван и Интерпол веднаш е пристапено кон преземање мерки за детектирање и нејзино сузбивање. Имено, млади луѓе од Тајван биле регрутирани од страна на т.н. „синдикати“ за да работат во странство. Повеќето од младите не ги знаат сите детали за работата која треба да ја вршат се додека не стигнат до крајната дестинација. По пристигнувањето тие се физички ограничени во куќата, т.н. „кол центар за телефонски измами“ и немаат пристап до нивните пасоши и мобилни телефони. Тие се принудени да работат со часови без да им бидат исплаќани надоместоци или плати. Жртвите биле тепани доколку не ги почитуваат наредбите. Т.н. „синдикати“, користат брз интернет за воспоставување меѓународни разговори. Телефонските оператори од прво ниво се претставуваат лажно дека се службеници во банка или поштенска служба или службеници за осигурување. Следно, операторите од второ ниво лажно се претставуваат како полициски службеници за да приберат целосни лични податоци и бараат доказ за извршена уплата за некаква казна. Конечно, жртвите се префрлани во „трето ниво“, каде операторите им се претставуваат како обвинител или судија и ги убедуваат жртвите дека ќе бидат соочени со тешки обвиненија доколку не соработуваат и доколку не ги префрлат парите на назначените сметки со цел намалување на казната или ослободување од казна. Во координација со ОЈО за ГОКК-Скопје и добиена наредба од судија на претходна постапка, на 07.05.2021 извршени се претреси на две локации во населба Бардовци, Скопје. На првата локација затекнати и приведени се шест членови на криминалната група, како и 25 жртви (сите државјани на Тајван), а на втората локација еден член на криминалната група и 10 жртви (сите државјани на Тајван). Дополнително, детектирани се уште две лица од криминалната група, кои биле сместени во хотел во Скопје, како и уште четири лица-жртви, кои биле сместени во друг хотел во Скопје. Вкупно иднетификувани се 39 жртви на трудова експлоатација. По добиени насоки од јавен обвинител, сите обезбедени материјални докази ќе бидат предадени на надлежните служби за спроведување на законот од Тајван, заедно со идентификуваните жртви и лицата идентификувани како членови на меѓународната криминална група, за нивно натамошно процесуирање во Тајван, каде се обвинети за повеќе кривични дела.

Полицискиот час во Франција недоволна мерка за сузбивање на Ковид-19

Тале Кристо — Wed, 27 Jan 2021 14:22:42 +0000

Полицискиот час што беше воведен пред 12 дена во Франција не е доволен за забавување на ширењето на коронавирусот. Тоа го соопшти на на денешната прес-конференција пoртпаролот на француската влада Габриел Атал. Тој потврди дека се разгледуваат различни сценарија – од продолжување на тековниот полициски час до воведување на ново строго „заклучување“ во државата.

ЕК со план за сузбивање на „агресивните“ режими при планирање на корпоративните даноци

Магдалена Андонова — Wed, 15 Jul 2020 14:20:18 +0000

Европската комисија денеска објави план за сузбивање на „агресивните“ режими при планирање на корпоративните даноци кои кршат еднакви услови во единствениот пазар на ЕУ и тој чекор, според Комисијата, ќе и помогне на Европа да се опорави од кризата предизвикана од пандемијата на новот коронавирус. Членките на Европската унија се обидуваат да ги поддржат јавните приходи со цел да го финансираат економското закрепнување заради погласните јавни критики на сметка на корпорациите, особено мултинационалните дигитални гиганти, но и богатите лица за затајување данок. Имајќи го тоа предвид, Комисијата објави дека ќе го прошири својот даночен кодекс за борба против оние корпоративни даночни режими на земјите-членки кои имаат генерално штетни последици. Кодексот од 1997 година е инструмент на ЕУ за црната листа на даночни затајувачи, што довел до откривање на околу 120 вакви режими. Во моментов, ЕУ може само да ги процени „преференцијалните“ режими, на пример ако една земја применува една даночна стапка на домашните компании и користи друга стапка за меѓународните компании. Претходните планови на ЕУ за промена на даночните правила беа спречени од вето на земја-членка, бидејќи регулативите овозможуваат една држава да ги блокира даночните реформи. Сепак, Комисијата нагласува дека разгледува начини за заобиколување на системот за вето, веројатно, со употреба на член од договорот за основање на ЕУ, што дозволува даночните одлуки да се донесат со мнозинство гласови во случај на конкуренција. Во мај, комисијата идентификуваше шест земји на ЕУ – Кипар, Унгарија, Ирска, Луксембург, Малта и Холандија – како даночни системи што компаниите ги користат за агресивно планирање на даноците. (МИА)

Хиндуистичка група нуди кравја урина за сузбивање на коронавирусот

Тале Кристо — Sat, 14 Mar 2020 21:40:21 +0000

Хиндуистичка група организираше денеска групно пиење урина затоа што веруваат дека кравја урина има лековити својства и може да послужи како превенција од коронавирусот. „Забавата“ беше организирана од групата „Ахил Бахрат Хинду Махасабха“ (Сеиндиски хиндуистички сојуз) во седиштето во Њу Делхи на која присуствуваа 200 луѓе. Експертите во неколку наврати им нагласија дека кравја урина не лекува болести како што се карцином и дека нема докази дека може да спречи заразување со коронавирус.

ЕУ основа тело за сузбивање на перење пари

Тале Кристо — Sun, 03 Nov 2019 08:12:00 +0000

Европската унија ќе формира централно тело за борба против активности на перење пари, по низата скандали со висок профил, кои укажаа на слабостите на Европа во спречувањето на протокот на „валкани пари“ преку нејзините банки. Министрите за финансии на блокот се очекува официјално да ја овластат Европската комисија да даде препораки за ново „независно“ извршно тело со „директни овластувања“, се вели во нацрт-изјавата, што треба да биде одобрена на состанок во декември. Мисијата на телото е да биде полициска финансиска институција во согласност со правилата на ЕУ за длабоки проверки на купувчи и други гаранции. Најгласни во застапувањето за ново тело за да се избегнат нови кризи се Франција и Холандија. Европа ја погодија неколку скандали, од кои најголемата беше перење 30 милијарди евра руски пари од Данска банка.