св инвест – Kurir.mk

„Фирмата „СВ Инвест“ блиска до Заеви добила со сигурност над 6 милиони евра тендери од државата, а должи за даноци“

Магдалена Андонова — Fri, 04 Jun 2021 07:12:14 +0000

Фирмата „СВ Инвест“ на Столе Чифлигароски, пријателот на Заеви од државата добила со сигурност над 6 милиони евра тендери, а не плаќала данок. Да потсетиме дека оваа компанија отпочна стечајна постапка, а Чифлигароски според информациите од јавноста е во бегство. Ова Власта на Заеви не го демантираше ова, што само фрла дополнителен сомнеж за сите криминални бизниси со кои беа поврзувани Чифлигароски и Вице. Имено според пријавата која постои до МВР, а која потоа беше мистериозно фалсификувана, токму фирмата „СВ Инвест“ и Вице се посочувани во изнудата на 250 илјади евра во случајот „Рекет во РЕК“, стои во соопштението на ВМРО-ДПМНЕ. - Уште посомнително после пријавувањето на случајот компанијата „СВ Инвест“ почнува стечајна постапка иако со години наназад добиваше милионски тендери од власта на Заев. Дали Чифлигароски освен бизнис потпора имал и директна закрила во матните зделки и криминогените активност од семејството Заеви? Дали Чифлигароски бил само параванот зад кој се крие Вице Заев? Дали Чифлигароски намерно бил толериран од страна на државата иако немал платено над 2,5 милиони евра даноци, само затоа што е близок со Заеви? Дали Чифлигароски бил навреме информиран за пријавата и откриените матни зделки и затоа е надвор од државата, прашуваат од партијата. ВМРО-ДПМНЕ посочува дека овие прашања треба да бидат одговорени, прво пред јавноста, а потоа и пред обвинителството. - Клопчето полека се отплеткува и наскоро ќе се дознае за улогата на поранешниот директор на РЕК Битола Васко Ковачевски, Вице, Чифлигароски, хотелот „Вила Парк“ во Струмица и низа други лица, случаи и локации поврзувани со случајот „Рекет во РЕК“. 4 години власт на Заев, 4 години украден живот. Доста е, додаваат од партијата.

„Дали газдата на пропаднатата „СВ Инвест“, поврзуван со Вице Заев е избеган во САД?“

Дарко Андоновски — Wed, 02 Jun 2021 07:10:05 +0000

Се погласни се информациите дека газдата на пропаднатата „СВ Инвест“, кој се поврзува со Вице Заев е избеган во САД, ова денеска преку соопштение до јавноста го истакнаа од ВМРО-ДПМНЕ.

-Газдата на „СВ Инвест“ Стојан Чифлигароски според документите кои ги доставија до ВМРО-ДПМНЕ свиркачи од врвот на СДСМ е лицето за кое е вршен притисок врз сопствениците на „Рубитон“ да ја отстапат работата во РЕК Битола или ако не сакаат да платат 250.000 евра во кеш на Вице. Јавноста уште нема информации каква е поврзаноста на газдата на „СВ Инвест“ и Вице Заев? Но и зошто Вице нема дадено исказ во ЈО? Од документите се гледа дека целиот државен апарат е ставен во функција на Заеви, велат од партијата.

Од ВМРО-ДПМНЕ додаваат дека цел лист од пријавата која МВР првично ја составила недостасува, а ЈО молчи. Го нема Вице, ги нема струмичаните на Заеви.

-Ќе се најде ли маж во МВР што ќе го повика Вице Заев на распит? Веќе се повеќе луѓе од врвот на СДСМ се одважуваат против струмичката криминална екипа на Заеви. Четири години Заеви ја уништуваат Македонија. Четири години власт на Заев, четири години украден живот. Доста е, истакнуваат во своето партиско соопштение од ВМРО-ДПМНЕ.

Арсовски: Фирмата „СВ Инвест“ блиска до Заеви и поврзувана со случајот рекет во РЕК Битола, e во стечајна постапка

Магдалена Андонова — Mon, 31 May 2021 09:18:09 +0000

Фамозната фирма „СВ Инвест“ на Столе Чифлигароски, еден од луѓето кој со Вице Заев одземаше тендери на компании кои што си добиле во РЕК Битола и праќаше луѓе со Васко Ковачевски кој што е директор на ЕЛЕМ кај Вице да плаќаат рекет и покрај заработените милиони во РЕК Битола, оваа фирма на Столе Чифлигароски на „СВ Инвест“ на 22 март оваа година објавила отпочнување на стечајна постапка. Практично оди во стечај и се затвора. Фирма која од година во година и растел профитот по 50, 100 и 200 проценти, и во 2019-тата година заработила 2.5 милиони евра оданочени, отпочнала стечајна постапка за неизмирено побарување од нешто над 250.000 евра. На овој документ се гледа решението за отпочнување на стечајна постапка за поведување, а на овој документ се гледа образложението зошто односно за неизмирен долг од 16.5 милиони денари или нешто повеќе од 250.000 евра. Ова се тие два документи кои што ја определуваат стечајната постапка, изјави на денешната прес конференција, Димче Арсовски, портпарол на ВМРО-ДПМНЕ. - Очигледно е дека сакаат оваа фирма свесно да ја затворат сите инволвирани во криминалот и да ја стават во стечај за да не ги поврзува ништо, ама баш ништо, ниту Столе ниту било кој друг со криминалот во РЕК Битола. Но, тоа се само нивни желби и тоа не оди така. Не може со затворање на фирма да се амнестираат делата доколку ги има и доколку е направен криминал, а видовме по пријавата дека ги има, на било кој инволвиран во целиот случај од пријавата, вели тој. Арсовски потсети дека Столе Чифлигароски сопственикот на „СВ Инвест“ и индиректно Вице Заев, преку „СВ Инвест“ се обидоа да изнудат тендер, без да исполнуваат услови за да го добијат тендерот, од фирма која си го добила на јавен повик во РЕК Битола и притоа да направат штета на компанијата на која што и го изнудиле тендерот од нешто повеќе од над половина милион евра. Дополнително, истите тие луѓе, барале 250.000 евра рекет во кеш од сопствениците на компанијата да однесат во Струмица. - Рекет, почитувани граѓани, исто како на филмовите. Зошто токму баш сега се отвора оваа стечајна постапка на фирмата „СВ Инвест“ од Битола? Дали тоа значи дека постои можност да сопственикот на фирмата ја напушти државата со парите со кои што ги заработил од РЕК Битола и да избега и да не може да биде достапен и на располагање на органите за случајот за рекет од 250.000 евра и изнуда на тендер во РЕК Битола? МВР и ЈО треба да преземат мерки уште веднаш, да го отворат случајот и да ги обезбедат на било каков начин сите инволвирани. Во спротивно институциите им помагаат на сите инволвирани да го заштитат криминалот и да ги изнесат парите надвор од државата, додаде тој.

„Заев склучува договор со СВ Инвест вреден милион евра, еве зошто граѓаните плаќаат поскапа струја“ (ДОКУМЕНТИ)

Ивана Ефремовски — Tue, 22 Sep 2020 11:31:12 +0000

Заев и Костадинов додека лажат за економската слика во Македонија, тие се богатат на грбот на граѓаните. Над 40.000 граѓани останаа без работа, но Заев потпиша договор со „СВ Инвест“ вреден скоро милион евра, обвинуваат од ВМРО-ДПМНЕ. „СДСМ не одговори за тендерот од 6.2 милиони евра за ископување на јаглен од РЕК Битола кој го доби нивен финансиер Силјан Мицевски. Но затоа се дрзна и Заев преку „СВ Инвест“ да зема пари. Очигледно дека РЕК Битола претставува златна кокошка на мафијата предводена и диригирана од Зоран Заев. Компанијата „СВ Инвест“ се поврзува со името на Вице Заев, брат на Зоран Заев, тој добива милионски јавни набавки во четири очи од државната електрана РЕК Битола, без притоа да поседува механизација со која ќе ги извршува работите. Македонските граѓани додека го тераат денот со 50 денари дневно, фамилијата Заев се полни со милиони евра. Македонската економија стагнира, но богатењето на Заев и СДСМ продолжува. Поради СДСМ Македонија има историски пад на БДП од 12.7% и намалени плати и тоа само за 6 месеци криза. Еднократната помош и задолжувањето од страна на Владата на СДСМ не се решение, затоа што тие не генерираат раст на економијата. И додека се оди во надолен тренд сметките за струја единствено растат. Додека граѓаните гладуваат, Костадинов и неговиот шеф Заев се богатат“, обелоденуваат од партијата.

ЕЛЕМ без да објави оглас склучил милионски договор со „СВ инвест“

Ивона Петрова — Tue, 01 May 2018 09:08:08 +0000

АД Електрани на Македонија - Скопје во постапка со преговарање без претходно објавување на оглас на 2 март, годинава склучил договор за ангажирање на помошна работна рака за технолошко чистење на БТО системите за ПЕ Рудници, РЕК Битола со друштвото за трговија, градежништво и услуги „СВ-инвест“ увоз-извоз ДООЕЛ Битола, пишува Е-магазин. Вредноста на склучениот договор со вклучен ДДВ изнесува 21.240.000 денари. Станува збор за фирмата за која лидерот на ВМРО-ДПМНЕ Христијан Мицкоски вчера побара од Обвинителството да провери дали е точно дека е ангажирана за подизведувач во оперативните градежни работи во РЕК Битола. -Од видео материјалот може да се види дека фирмата „СВ Инвест“ врши превоз на јаглен со товарни возила кои се со јасна ознака на оваа компанија, но се со струмички регистерски таблици. Тоа е така бидејќи сопственик на овие камиони кои се гледаат од видео материјалот не е „СВ Инвест“, туку компанијата „ДГИ Тотал Инжинеринг Струмица“ каде управител и сопственик е лицето Вице Заев, брат на премиерот Зоран Заев, обвини Мицкоски. Од ЕЛЕМ ги демантираа ваквите обвинувања. „Фирмата „СВ Инвест“ – Битола никогаш не била ангажирана како подизведувач за транспорт на јаглен во РЕК Битола“, информираа од ЕЛЕМ и нагласија дека тврдењето на лидерот на ВМРО-ДПМНЕ Христијан Мицкоски е целосно неточно.

Два дена молк од институциите околу скандалозниот милионски договор склучен помеѓу РЕК Битола и СВ- Инвест

Матеја Петровски — Tue, 24 Apr 2018 09:10:13 +0000

Веќе два дена молк околу скандалот за РЕК Битола и државните институции околу скандалот за исплатите на работниците ангажирани преку СВ- Инвест на потребите на фабриката. Опозициската партија, ВМРО-ДПМНЕ побара од власта одговор каде завршуваат околу 2/3 од парите од 21 милионскиот договор за ангажирање работници, од како што велат од партијата склучен во четири очи помеѓу РЕК Битола и СВ- Инврест. -Според информации кои доаѓаат до нас СВ- Инвест која со РЕК Битола има склучено договор за ангажирање на работници по цена од 197 денари од час по работник, на работниците им исплаќа само по 75 денари од час. Или тоа е 1/3 од парите кои ги добиваат по работник. Овие уплатници го потврдуваат токму она за што говориме. На оваа уплатница стои сумата која што еден работник ја земал во текот на еден работен месец, изјави во неделата Орце Ѓоргиевски од ВМРО-ДПМНЕ. Кога ќе се направи пресметка, од 21 милион кои се исплатуваат на сметка СВ- Инвест, кај работниците од РЕК завршуваат само осум милиони денари, два дена веќе институциите молчат каде завршуваат останатите 13 милиони денари. Од ВМРО-ДПМНЕ прашаа дали овој договор во четири очи е причина поради која е поништена транспарентната и редовна постапка за ангажирање на работници. Овој случај како што коментираат многумина можеби би требало да го заинтересираат и Јавното обвинителство, како и финансиската полицијата, кои би требало да откријат каде завршуваат 13 милиони денари, пари на граѓаните на Република Македонија. Од ВМРО-ДПМНЕ кажаа дека парите на граѓаните не смеат да бидат злоупотребени. Ѓоргиевски порача дека граѓаните мора да знаат каде завршува секој еден денар. -Власта не смее да бега од одговори. Тука не се работи за парите на фирмите на Заеви или Анѓушев, ова се пари на нашите граѓани, ова се пари на граѓаните на Република Македонија. Нашите граѓани имаат право да знаат каде и како се трошат нивните пари, изјави Ѓорѓивески. Дополнителен сомнеж дека овој скандал откриен од ВМРО-ДПМНЕ е точен, влева и молкот, кој го има и кај РЕК Битола и во останатите државни институции. Инаку ова не е единствен скандал во последниот период кој ја тресе РЕК Битола. Пред околу два месеци од ВМРО-ДПМНЕ обвинија дека вработените во фабриката се жртви на политички притисоци со цел нивно приклучување кон новоформираниот синдикат под контрола на власта. -Новото раководство на АД ЕЛЕМ кое го постави СДСМ најпрво направи се за да ги спречи редовните синдикални избори на Самостојниот Синдикат од Енергетика, Рударство и Индустрија на Р. Македонија. Покрај тоа, раководството на СДСМ ги блокираше сите средства на оваа синдикалната организација по основ на членарина и задршки од вработените за роба како и другите приходи кон синдикатот, на 3 март оваа години изјави Викторија Христовска од ВМРО-ДПМНЕ. Христовска тогаш кажа дека за скандалот да биде поголем, одземени биле и работните простории на овој репрезентативен синдикат на АД ЕЛЕМ. Таа тогаш обвини дека ова се прави со цел работниците да се приклучат кон новата синдикална организација која треба да биде марионета на СДСМ. -Но, бидејќи новоформираниот синдикат се уште нема членство, од страна на претпоставените на компанијата се делат пристапници на вработените со закани дека ако истите не бидат потпишани ќе сносат последици. И додека се врши притисок врз вработените, претпријатието стагнира. Според информации кои ги добивме од терен, сите големи проекти стагнираат или се запрени од страна на новото раководство. Количеството на јаглен на депонијата е минимално, односно 30.000 тони, што доколку работат трите блока истовремено не е доволно ниту за три дена, изјави тогаш Христовска. Останати скандали кои го тресат РЕК Битола од минатото се склучувањата на скапи јавни набавки во четири очи, промени на решенија и деградирање на над 300 вработени, стопирање на еден од најзначајните проекти за битолчани, а тоа е Топлификацијата во Битола.