Св. маченичка Агрипина – Kurir.mk

Се празнува Светата маченичка Агрипина

Ивона Петрова — Thu, 06 Jul 2023 05:20:52 +0000

Родена и воспитана во Рим. Од детството се подвизуваше да живее евангелски, одгонувајќи ја од срцето смрдливоста на страстите и налевајќи го со благоухание на девствена чистота, со целомудрие. Му беше вереница на Господ Христос и како Негова невеста пострада во времето на царот Валеријан. Претрпе биење со стапови, се дури не ѝ ги скрушија коските. Ѝ се јави ангел Господов и ја укрепи. Во натамошните маки го предаде својот дух. Нејзините другарки Васа, Пауна и Агатоника ѝ ги пренесоа моштите на островот Сицилија и таму ги погребаа чесно. Подоцна овде подигнаа црква во име на Света Агрипина. Од нејзините мошти стануваа безбројни чуда. Едно од нив е повлекувањето на Агарјаните пред силата на Светите мошти на оваа маченичка од пред градот во којшто беа положени. Света Агрипина се упокои во 275 година.

Се празнува Св. Агрипина, преку нејзините мошти многу луѓе добија исцелување

Ивона Петрова — Tue, 06 Jul 2021 05:23:13 +0000

Света Агрипина потекнуваше од Рим. Таму беше пораснала и уште многу млада целосно му се посвети на служење на Бога. Како христијанка беше мачена и пострада за време на владеењето на Валеријан (253-260). По нејзината смрт три жени, некои христијанки Васа, Павла и Агатоникија го зедоа телото на маченичката и го однесоа на Сицилија, каде Бог даде преку моштите на света Агрипина да добијат исцелување многу луѓе што им приоѓаа со вера во нејзиниот небесен младоженец Христос.

Денеска е Св. маченичка Агрипина- преку нејзините мошти многу луѓе добија исцелување

Катерина Бојаџиева — Sat, 06 Jul 2019 10:37:33 +0000

Според календарот на МПЦ (Јулијанскиот календар) денеска е 23 јуни. Денеска е Св. маченичка Агрипина. Света Агрипина потекнуваше од Рим. Таму беше пораснала и уште многу млада целосно му се посвети на служење на Бога. Како христијанка беше мачена и пострада за време на владеењето на Валеријан (253-260). По нејзината смрт три жени, некои христијанки Васа, Павла и Агатоникија го зедоа телото на маченичката и го однесоа на Сицилија, каде Бог даде преку моштите на света Агрипина да добијат исцелување многу луѓе што им приоѓаа со вера во нејзиниот небесен младоженец Христос.