св пантелејмон – Kurir.mk

Членот на ИК на ВМРО-ДПМНЕ Николов на литургија во Св. Пантелејмон

Дарко Андоновски — Sat, 16 Mar 2019 15:05:37 +0000

Во општина Карпош денеска претставници на ВМРО-ДПМНЕ беа во посета на населените места Нерези, Бардовци и Злокуќани. Меѓу преставниците беше и членот на Извршниот комитет на ВМРО-ДПМНЕ, Игор Николов. И овде граѓаните говореа за проблемите со кои секојдневно се соочуваат.

Николов присутвуваше и на литургијата во црквата Св. Пантелејмон во Нерези.

Претставниците на ВМРО-ДПМНЕ ги посетија и населените места Бардовци и Злокуќани. Жителите од овие населени места се пожалија дека власта нема направено во нивниоткрај.

Заврши првата фаза од изградбата на црквата Св.Пантелејмон на Голак

Ивона Петрова — Sun, 21 Oct 2018 08:27:03 +0000

На планината Голак во Делчево заврши првиот дел од изградбата на новата црква „Св.Пантелејмон”. Како што информираше ктиторот Мите Стојковски со градежни активности ќе се продолжи во текот на пролетта 2019 година. – Градежните работи за изградба на црковниот објект Св.Пантелејмон кој го започнавме во јуни ќе траат две години. Црковниот комплекс се гради по стар начин на градење и истиот е предвидено да биде изграден од камен. Изградбата според планираното ќе трае две години, информира Стојковски. Ктиторот додава дека заради подобра заштита објектот е конзервиран со што градбата ќе биде заштитена од зимските ниски температури. Според планираното предвидено е новиот црковен комплекс на Голак да располага со камбанарија, соба за крштевање и конаци се со цел црквата да остане да им служи на верниците кои ќе го посетуваат Голак, што пак од друга страна по изградбата на црквата ќе придонесе за развој на туризмот на делчевската планинска убавица. МИА

Од утре ќе се наплаќа паркирање пред манастирот „Св. Пантелејмон“: Првиот час 100 денари, следниот 50

Ивона Петрова — Fri, 06 Jul 2018 12:59:14 +0000

Од утре ќе почне да работи новото зонско паркиралиште, зона А02 кај манастирот „Св. Пантелејмон“ во Нерези. Паркирањето на оваа паркинг-зона ќе се наплаќа за време на државните празници и за викендите од девет до 16 часот, информираат Град Скопје и ЈП „Градски паркинг“. Цената за првиот час паркирање изнесува 100 денари, а секој нареден час 50 денари. СМС пораките за паркирање може да се испратат на бројот 144 144 од сите мобилни оператори во Република Македонија. - На паркиралиштето е поставена соодветна хоризонтална и вертикална сигнализација, како и информативни табли на кои се наведени сите неопходни информации во врска со паркирањето, времетраењето и цената. Непрописното паркирање на ова паркиралиште и непочитувањето на сигнализацијата ќе се санкционира, се вели во соопштението. Градските власти информираат дека оваа новина е дел од оптималното решение за зачувување на планината Водно и за да се овозможи непречено и безбедно движење на сите учесници во сообраќајот, а особено на пешаците и на велосипедистите.