свечена академија – Kurir.mk

Свечена академија по повод 75 години на Факултетот за земјоделски науки и храна во Скопје

Ивона Петрова — Fri, 16 Dec 2022 06:30:25 +0000

Свечена академија и наставно-научен совет ќе се одржи денеска на Факултетот за земјоделски науки и храна во Скопје (ФЗНХ) по повод одбележувањето на 75-годишниот јубилеј на оваа високообразовна установа. Како што е најавено, на свечената академија и свечениот наставно-научен совет, ќе се обратат ректорот на Универзитетот „Св. Кирил и Методиј“ – Скопје проф. д-р Никола Јанкуловски, претседателот на МАНУ академик Љупчо Коцарев, министрите за образование и наука и за земјоделство, шумарство и водостопанство Јетон Шаќири и Љупчо Николовски и деканот на факултетот проф. д-р Вјекослав Танасковиќ.

Свечена академија по повод државниот празник Св. Климент Охридски

Катерина Бојаџиева — Wed, 07 Dec 2022 06:48:24 +0000

Свечена академија по повод државниот празник Св. Климент Охридски ќе се одржи денеска во Музејотна македонската борба во Скопје. Свечената академија ја организиираат Комисијата за односи со верските заедници и религиозни групи (КОВЗРГ) и Македонската православна црква – Охридска архиепископија.

Свечена академија по повод Свети Сава

Ивона Петрова — Thu, 27 Jan 2022 06:56:42 +0000

Со свечена Светосавска академија во просториите на Македонскиот народен театар, српската заедница во земјава вечер по 15-ти пат ќе го одбележи националниот празник на Србите 27 Јануари, Денот на српскиот просветител Свети Сава. На свечената академија ќе се обратат високи официјални претставници од земјава и од Србија, а со богата културно – уметничка програма ќе биде претставена културата и традицијата на српскиот народ.

Свечена академија по повод Денот на албанското знаме

Ивона Петрова — Fri, 27 Nov 2020 06:16:27 +0000

Свечена академија по повод 28 Ноември – Денот на албанското знаме и независноста денеска ќе се одржи во Скопје. Свечената академија ќе се одржи под покровителство на претседателот на Демократската унија за интеграција, Али Ахмети.

Свечена академија по повод 1000 години од основањето на Охридската архипеископија

Ивона Петрова — Sun, 27 May 2018 06:56:56 +0000

Централната свеченост во рамки на манифестациите по повод одбележувањето на Илјадагодишнината од основањето на Охридската архиепископија ќе се одржи вечерва од 18:30 часот во катералната црква „Света Софија“ во Охрид. На Свечената академија по повод значајниот јубилеј е предвидено обраќања да имаат поглаварот на Македонската православна црква – Охридска архиепископија г.г. Стефан, митрополитот на Дебарско-кичевската епархија владиката Тимотеј, претседателот на државата Ѓорѓе Иванов како и премиерот Зоран Заев. Свеченоста ќе биде збогатена со пригоден концерт на Камерниот оркестар на Филхармонијата во чии рамки ќе настапат и хоровите од братствата на манастирите „Рајчица“ и „Свети Јован Бигорски“, под дирегентска палка на маестро Борјан Цанев. На програмата се преработки и аранжмани на композиции со тематика од македонските тропари. Во рамки на манифестацијата во галеријата на „Света Софија“ ќе биде отворена и изложба на уметнички портети на македонските архиепископи. Одбележувањето на милениумското постоење на Охридската архипеископија почна синоќа со концертот на женскиот црковен камерен хор „Света Злата Мегленска“ во Центарот за култура „Григор Прличев“ во Охрид. Чествувањето на јубилејот продолжува утре со празнична златоуста литургија од 9:00 часот во „Света Софија“ со која ќе чиноначалствува архиепископот Стефан во сослужение на членовите на Светиот синод на МПЦ. Се очекува на литургијата да присуствуваат и претставници на највисокото државно раководство. Милиениумското опстојување на Охридската архиепископија, како еден од најзначајните јубилеи за македонската држава и народ, ќе биде одбележано со бројни културни, научни, академски, образовни и спортски настани, организирани на локално, но и на највисоко државно ниво. Активностите се распределени да се одржуваат се до крајот на календарската година, во чии рамки се предвидени ликовни колонии, промоција на научни дела, поштенски марки, монети, училишни конкурси, издавање значајни публикации, организирање научни академски собири, па и спортски активности осмислени да го привлечат вниманието на пошироката јавност. МИА