света вода – Kurir.mk

Што треба да направите со старата света вода од Водици?

Дарко Андоновски — Thu, 19 Jan 2023 18:18:33 +0000

За време на Водици верниците од црква земаат осветена вода, но дали знаете што треба да направите со старата света вода? Според народното верување, доколку целата количина на Богојавленска вода не се потроши во текот на таа година, тогаш остатокот, кога ќе земете нова вода, се сипува во бунари, река или цвеќе. Во секој случај се истура таму каде нема да биде изложена на газење или обесветување.

Колку долго се чува светата вода? Еве што треба да направите со неа после Водици

Катерина Бојаџиева — Wed, 18 Jan 2023 16:54:55 +0000

Што треба да направите со старата света вода од Водици?

Катерина Бојаџиева — Mon, 16 Jan 2023 13:42:39 +0000

Доаѓа големиот празник Водици: Не е доволно само да земете света вода, мора да ги испочитувате и овие работи

Катерина Бојаџиева — Mon, 16 Jan 2023 11:55:55 +0000

Ни доаѓа големиот празник Водици. Богојавление е ден кога според преданието, божјиот глас објавил дека Исус е негов син и се верува дека во очи овој празник на полноќ се исполнуваат сите желби. Бројни верници на 19 јануари, Богојавление одат во црква по света вода со која домашните потоа ќе измијат, но за да осветената вода навистина биде делотворна, пред и после земање на водата, потребно е да се помолите. Обичај е на овој ден ништо да не се работи по дома, да не се пере облека, а ткаењето задолжително треба да се изостави. Никако не треба да се мисли лошо, ниту пак некому да се посака зло. На овој ден не е задолжително да се пости. Од временските прилики за Богојавление зависи какво време не` очекува. Се верувало дека ако за Богојавление има мраз или паѓа снег, година ќе биде родна, а ако биде ведро, годината ќе биде сушна.

Колку долго се чува светата вода: Еве што треба да направите со неа после Водици

Ивана Ефремовски — Wed, 20 Jan 2021 08:13:53 +0000

За време на вчерашниот ден верниците од црква земаат осветена вода, но дали знаете што треба да направите со старата света вода? Според народното верување, доколку целата количина на Богојавленска вода не се потроши во текот на таа година, тогаш остатокот, кога ќе земете нова вода, се сипува во бунари, река или цвеќе. Во секој случај се истура таму каде нема да биде изложена на газење или обесветување.

На Водици сите одат по света вода, но грешат во една работа- ова никако не го заборавајте да го направите!

Тале Кристо — Mon, 18 Jan 2021 22:01:30 +0000

Богојавление е ден кога според преданието, божјиот глас објавил дека Исус е негов син и се верува дека воочи овој празник на полноќ се исполнуваат сите желби. Бројни верници на Богојавление одат во црква по света вода со која домашните потоа ќе измијат, но за да осветената вода навистина биде делотворна, пред и после земање на водата, потребно е да се помолите. Обичај е на овој ден ништо да не се работи по дома, да не се пере облека, а ткаењето задолжително треба да се изостави. Никако не треба да се мисли лошо, ниту пак некому да се посака зло. На овој ден не е задолжително да се пости. Од временските прилики за Богојавление зависи какво време не` очекува. Се верувало дека ако за Богојавление има мраз или паѓа снег, година ќе биде родна, а ако биде ведро, годината ќе биде сушна.

Доколку сте на мака ова чудо веднаш да го посетите: Чудотворните свети води во делчевско лекуваат од многу болести

Дарко Андоновски — Tue, 30 Jul 2019 07:25:41 +0000

Се верува дека овие свети извори, оваа чудотворна вода особено е полезна за оние што страдаат од нервни растројства, дејствува против уроци, за зацелување рани, помага кај децата кои мократ во сон, немирно спиење, а ја лечи и главоболката, го бистри умот и го јакне телото. Карактеристично е што луѓето што доаѓаат, не доаѓаат само да се измијат, туку и да наполнат вода. Од сите три извори еднакво се мие и се пие, а оние што земаат од светата вода со себе треба да знаат дека водата не се внесува во куќа, туку треба да се остави надвор (оние што имаат градина треба да ја остават меѓу цвеќиња). Откако ќе се донесе вода, болниот треба да се мие без да го поместува садот во кој таа се наоѓа и да пие од неа наутро. Приказната вели дека во близина на село Тработивиште, оддалечено десетина километри од Делчево, сместена на брегот на реката Брегалница, во подножјето на Орлова Чука, се наоѓа месноста што од дамнина се викала Света Вода. Името, како што вели историчарот Славчо Десподов, го добила по трите извори оддалечени по десетина метри, еден од друг, од кои извира вода бистра како солза и за која се верува дека е чудотворна и дека им помага на луѓето при лекување многу болести и тегоби. – Верувањето за лековитоста на овие свети извори се пренесува од колено на колено, со генерации наназад, а меѓу населението на Пијанец сè уште постои легендата за престојот на светите браќа Кирил и Методиј во овој крај, која ја потврдуваат и записите на Јеремија Павловиќ и Јордан Иванов. Според нив, во средината на IX век овде постоела ќелија во која Кирил и Методиј живееле аскетски живот и преведувале грчки црковни книги на словенски јазик. Дека не се работи за обичен мит, туку за историска вистина, зборува и фактот дека кога се копани темелите за новата куќичка, која јасно се гледа на фотографиите, пред неколку години се откриени остатоци од стара градба за која се претпоставува дека е аскетската ќелија на Кирил и Методиј. Како уште еден доказ за ова е платото над изворите, кое мештаните го викаат Собориште и на кое се најдени остатоци од стари градби, вели Десподов. За лековитоста на водата има голем број сведоштва, а некои од нив во знак на благодарност се документирани во печатени белешки, над самите извори. Едно такво сведоштво е и она на Милка Илиева, родена Заринска во 1944 година во село Робово, Беровско, од мајка Зора и татко Евтим, со место на живеење во Кочани. На Заринска лековитата вода ѝ помогнала, а за да доловиме како застанала на нозе од водата ќе ви го прераскажеме целото нејзино сведоштво. – Јас како дете до седумгодишна возраст немав никакви здравствени проблеми. Еден ден додека мојата стринка Рилка ми ја миеше главата наеднаш ми се слоши, ѝ реков „лошо ми е“ и толку се сеќавам. Сум западнала во тридневна кома од која немало никаков излез. Мојот сакан дедо Станомир Пандурски, кој е чичко на мојата мајка, предложил да ми фатат побратим кој ќе ми донесе вода од ова свето место во Пијанец, познато како Света Вода. Побратим ми беше Славе Капевски од истото село, кој истиот момент прифатил да ми донесе света вода. Тој заминал пеш, а сите други останале околу мене за да го чекаат. Кога луѓето го виделе дека се враќа, почнале да зборуваат, а јас, иако бев во кома, слушнав глас „побратимот иде“. Кога стигнал во дворот, јас повторно слушнав глас „побратимот е во дворот, изведете ја да се замие кај амбарот, каде што не се гази“. Мајка ми и стрина ми ме фатиле под мишки и влечејќи ми ги нозете, по земја, сета модра и без знаци на живот, ме изнеле во дворот пред побратимот. Побратимот ме измил по челото и по лицето, а јас веднаш ги отворив очите и видов дека дворот и куќата се преполни со луѓе кои гледаа и чекаа да видат што ќе се случи. До вечерта ми дадоа да јадам, а утрото јас станав на нозе, сосема здрава. Оттогаш јас имам голема желба да го посетам ова свето место и сега на 68 години дојдов со голема благодарност и задоволство. Јас од настанот на седумгодишна возраст, па сè до ден-денес, не сум боледувала од никаква болест, ниту сум била на лекарски преглед, иако сум медицинско лице. Премногу ти благодарам тебе света Богородице и на тебе света водичко, што ме оставивте да го продолжам животот, така лесен и убав до ден-денес. Уште еднаш ти благодарам света Богородице“, се вели во благодарноста што Илиева ја оставила над еден од лековитите извори. Милка Илиева се потпишала и го оставила ова сведоштво, засекогаш да говори за водата што ѝ го спасила животот. Но, не случајно Илиева ја спомнала света Богородица. Се верува дека трите извори го носат името на трите светителки, света Богородица, света Недела и света Петка. Местото е познато на мештаните од Пијанец и Малеш, но јавноста многу малку знае за светите води во село Тработивиште. Дел од мештаните велат дека овде традиционално тие се собираат на празникот Источен петок Балаклија, кога се организира голем општо народен собир. -Луѓето доаѓаат за здравје, палат свеќи, посета има најмногу на света Богородица Балаклија, се носи јадење, некои принесуваат жртва (овца или јагне), исто така за здравје. Еве ние денес решивме со внуците да дојдеме овде малку да наполниме вода, да се прошетаме, вели жителка на селото која случајно со сопругот и внуките ја затекнавме на ова место. Местото каде се наоѓаат Светите води не е доста пристапно и потешко се доаѓа до светите извори. Од она што досега е направено, патот е порамнет со градежна машина, поставени се мали патокази, а непосредно пред самите извори, мештаните патот го обележале и со стари неупотребливи гуми за автомобили, кои служат како скали за симнување до трите извори. Исто така, доаѓајки на овие извори луѓето покрај тоа што доаѓаат и се замиваат за здравје, над водата во близина на околните дрвја, оставаат дел од својата облека, со надеж дека така ќе се избават од она што ги мачи. За тоа како да стигнете до местото, на влезот на село Тработивиште, пред мостот кој води до градските гробишта, стои патоказ кој ќе ве насочи во правец до Светите води, но постојат и околни патишта што жителите на Тработивиште доколку ги прашате ќе ви ги кажат со задоволство. ИЗВОР: МИА/Валери Спасевски

Чудо во Велес: Посетете го местото Црн Камен за здравје и дознајте за моќта на светата вода

Ивана Ефремовски — Sun, 24 Mar 2019 19:26:51 +0000

Според народните верувања ова место се посетува за здравје и среќа, а можете и да проверите колку сте грешни. Во близина на Велес, над утоката на реката Тополка во Вардар се наоѓа манастирот „Св. Димитрија“. Во непосредна близина е и местото викано Црн Камен. Се наоѓа на дваесетина метри од црквата и низ него има дупка, премин низ кој луѓето минуваат. Некаде околу 469 години манастирот останал затрупан и велешани го заборавиле но во 1855 година на многу чуден начин бил откопан. Според легендата на стотина метри од манастирот на десниот брег на реката Вардар имало воденица која била во сопственост на турското семејство Кади Молови каде што работел велешанецот Петре Здравев. Него на сон често му се јавувал Св. Димитрија и му велел да оди кај градските власти и да им каже дека се јавува светецот и бара да се откопа затрупаниот манастир.На иницијатива на Здравев чиј гроб денес се наоѓа на влезот во манастирот тој бил откопан и вратен во живот.Водопадот кој е висок педесетина метри, според верувањата има исцелителна моќ. -Според народните верувања тука се доаѓа за здравје и ксмет. Кога се иде првиот пат се мине три пати под водата потоа се зема камен кој се чува до наредната година, кога повторно се мине три пати под водопадот.Застани под карпата кај што тече водата. Ако те намокри, чист си пред бога, а ако те заобиколи и ниту една капака не капне врз тебе, носиш некој грев на душата – ова е моќта на светата вода на Црн Камен, велат оние кои го познаваат местото. Целата вест и повеќе фотографии на Скопје 24