Свети Кирил и Методиј – Kurir.mk

„По примерот на Светите Кирил и Методиј соочени пред големи предизвици и национални искушенија должност ни е да ги одбраниме македонскиот идентитет и јазик“

Дарко Андоновски — Wed, 24 May 2023 16:01:58 +0000

Пред големи егзистенцијални пречки и национални искушенија, се сочуваме со некакви современи тројазичници, пред кои треба да браниме и одбраниме нашиот неприкосновен македонски идентитет, да ја браниме и одбраниме посебноста на нашиот македонски јазик. И жестоко храбро и мудро да го браниме и одбраниме вековното име на нашата татковина Македонија, изјави Мими Ѓоргоска Илиевска претседателка на централна Комисија за култура на ВМРО-ДПМНЕ, на денешната трибина посветена на сесловенските просветители Светите браќа Кирил и Методиј во Охрид. Таа додаде дека веројатно во нашиот национален код длабоко е запишано постојано да го браниме, она што природно ни припаѓа. - Токму сега кога сме соочени со големи предизвици ја чувствуваме блискоста и големото значење на просветителското дело на солунските браќа. Озарени од нивната светост, од нивниот христијански подвиг, од нивната посветеност, светите браќа Свети Кирил и Методиј, јасно ни посочуваат и мудро не советуваат како на ранливото човечко битие треба да им пркоси на времето. Професорот Михајло Марковиќ истакна дека да не биле Свети Кирил и Методиј ние ќе останевме слепи при очи и глуви при уши. - Светите браќа ни ги отвораат ушите и ни ја отвораат целосно светогледот кон светот не просветлуваат не само нас туку сите словенски народи. Потребно е да бидеме силни и моќни со знаење, да го сакаме и чуваме мајчиниот јазик. Ние сме должни да продолжиме да се бориме и да не отстапуваме од македонскиот идентитет, нагласи тој. Марковиќ потенцираше дека можеме да констатираме дека Светите Кирил и Методиј македонските и сесловенските рамноапостоли пред се претставуваат централни фигури од етичка и морална гледна точка што може да се согледа од нивната мисионерска работа. Професорката Наташа Котлар истакна дека 24 мај е датумот кога почнала Моравската мисија 863 година, претставувајќи ја живата поврзаност на македонскиот јазик со историјата на македонската историска посебност, македонската генетска специфика. „Потоа оваа историска посебност ја бележи и кодификацијата на старословенскиот јазик, глаголицата на светите браќа Кирил и Методиј создадена во 855 година врз автохтона, жива, народна и говорна практика, како и на книжевната школа на охридските заштитници, просветителите Климент и Наум во Охрид и нивните ученици. На ова, пак, се надоврзува запишаното богато усно народно творештво во делата на Миладиновци, Цепенков, Шапкарев и други“, рече професорката Котлар. Таа додаде дека особен придонес во стандардизацијата на македонскиот јазик имаат книгите на Ѓорѓија Пулевски и дејноста на членовите на македонската млада книжевна дружина и нивното списание „Лоза“, потоа делата на Мисирков, па АСНОМ-ското решение за воведување на македонскиот јазик за службен јазик во македонската држава, како и решението на Президиумот на на АСНОМ од 5 мај 1945 година за македонската азбука и официјалното освојување на македонскиот правопис од 7 јуни 1945 година, односно кодификацијата. Маја Ангеловска Панова истакна дека треба да се укаже на значењето и на историското фундаменталната улога на Константин Кирил и неговиот постар брат Методиј за Македонија, но и пошироко за просторот на Балканот и Европа имајќи ја предвид универзалноста на нивниот хуманистичко просветителски потфат. - Нивното дело се одликува и со длабок хуманизам кој во најширока смисла на зборот значи пројава и израз на љубов кон човекот опфаќајќи и филозофски правци. Освен на писменост ги поттикнало луѓето да се научат и на добрина. Евидентно делото на СВ. „Кирил и Методиј“ кој живееле и твореле во периодот на 9-от век антиципира во современите вредности на кои денес почива Европа, рече таа. Ангеловска Панова нагласи дека иако биле мобилизирани во својство на византиски мисионери тие својот животен век целосно го посветиле на словенството што претставува главна причина византиските писатели да избегнуваат да говорат за нивната дејност.

Честитка од СПМ по повод 24 Мај, Денот на сесловенски просветители Свети Кирил и Методиј

Тале Кристо — Wed, 24 May 2023 12:30:18 +0000

Големината и богатството на еден народ се состои во можноста несебично и на другите народи да им ги пренесе своите знаења како што преку македонските просветители Светите браќа Кирил и Методиј со писменост се даруваа словенските народи. Делото на Светите Кирил и Методиј во вековите е запишано како рамноапостолно и свето со кое се издигаат словенските народи со писменост и проповед на христијанството. Како православен македонски народ, денес чувствувајќи радост, да размислуваме за големината на делото со кои не задолжија Светите Кирил и Методиј, па обединувајќи се во верата, вистинските добродетели и меѓу себе да ја искажеме нашата искрена благодарност. Денес кога сме загрозени од оние околу нас ние Македонците сме заветени нашиот јазик да го чуваме, негуваме и почитуваме, бидејќи со тоа уште повеќе ја вреднуваме нашата култура и традиција, нашата историја и памтење, го воздигнуваме нашето име и идентитет и на тој начин им оддаваме вистинска и достојна почит на нашите Свети учители. Врежано е во помнењето дека токму ние Македонците сме нивните горди наследници и ние сме тие кои го продолжуваат нивното завештание да вложуваме во сопственото образавание и да ја чуваме и проддолжиме нивната света мисија. Во името на Социјалистичката партија на Македонија и во свое име до македонскиот народ, православните верници и просветните работници упатувам искрени честитки за светлиот 24 Мај, Денот на македонските и сесловенски просветители и учители Свети Кирил и Свети Методиј. Љупчо Димовски, Претседател на СПМ

Радев по повод Денот на сесловенските просветители Св. Кирил и Методиј: На 24 мај сите сме Бугари

Тале Кристо — Tue, 24 May 2022 13:12:48 +0000

На 24 мај сите сме Бугари. Вака ја започнал честитката претседателот Румен Радев до бугарскиот народ по повод 24 мај – Денот на Светите браќа Кирил и Методиј и, – според него – на бугарската азбука, просветата и културата и словенската литература, пренесоа медиуми. -Денес има седум милиони Бугари во Бугарија. Милиони други се надвор од татковината. Но, секогаш постои невидлива татковина што секој ја носи со себе каде и да оди. Тоа е бугарскиот јазик. Од раѓање сме предодредени да размислуваме и чувствуваме на богат, звучен, нијансиран и изразен мајчин јазик. Јазикот нè инспирира, јазикот нè утешува Јазикот е нашиот дом и надеж во тешките и осамени моменти, особено далеку од татковината, вели Радев. Тој порача дека „бугарскиот јазик ќе ги надживее интригите на неговите негатори и неговите блудните роднини кои не го препознаваат своето потекло или сродство со нашиот говор“.

Ковачевски со честитка по повод 24 Мај – Денот на сесловенските просветители Светите Кирил и Методиј

Тале Кристо — Tue, 24 May 2022 09:17:29 +0000

Ковачевски до МПЦ-ОА: Со особена грижа и верност ги чуваме заветите на Светите Кирил и Методиј Претседателот на Владата на Република Северна Македонија, Димитар Ковачевски по повод 24 Мај – Денот на сесловенските просветители Светите Кирил и Методиј, испрати телеграма со честитки до Македонската православна црква – Охридска архиепископија. Честитката на премиерот Ковачевски до Архиепископот Охридски и македонски и на Јустинијана Прима Г.Г. Стефан, како и до членовите на Светиот Архиерејски Синод на Македонската православна црква - Охридска архиепископија, до свештенството и монаштвото, како и на сите православни верници во нашата земја, ви ја пренесуваме во целост: „Ваше Блаженство, Архиепископ охридски и македонски Г.Г. Стефан, Во мое лично име и во името на Владата на Република Северна Македонија, Вам, на членовите на Светиот Архиерејски Синод на Македонската православна црква - Охридска архиепископија, на ценетото свештенство и монаштво, како и на сите православни верници во нашата земја Ви го честитам големиот празник Денот на Светите рамноапостолни Кирил и Методиј. Македонскиот народ со особена грижа и верност ги чува заветите оставени како аманет од сесловенските просветители, чие дело е подеднакво вредно и корисно за целокупното човештво. Да продолжиме по нивните стапки и со мудрост да носиме подобри времиња за сите! Нека ни е честит и вековит 24 Мај, Денот на сесловенските просветители Св. Кирил и Методиј!“.

Џафери со честитка по повод 24 мај, Денот на сесловенските просветители, светите браќа Кирил и Методиј

Тале Кристо — Tue, 24 May 2022 09:02:09 +0000

Дозволете ми од име на пратениците во Собранието на Република Северна Македонија и од мое лично име, да Ви го честитам денешниот празник – 24 Мај, Денот на сесловенските просветители, светите браќа Кирил и Методиј. Оддавањето достојна почит кон нивниот лик и дело како основоположници на словенската книжевност и писменост е должност и задоволство за секој што ја знае важноста и неопходноста од описменувањето на секој поединец и заедница. Тоа е влог во градењето на здраво општество, напредна држава и сигурна иднина за идните поколенија. Во ова време кога секојдневно се соочуваме со предизвици кои влијаат врз редовноста и квалитетот на образовниот процес, треба да ја имаме пред себе големата слика и јасната визија за тоа каде сакаме и како сакаме да стигнеме до крајната цел, односно со посветен труд и безрезервен ангажман на сите кои се дел од образовниот процес, учениците, просветните работници, образовните институции и се разбира, законодавците. Да создадеме поволни услови и мотивација за секој да го даде најдоброто од себе за најдоброто од сите нас, за иднината на нашата младина и напредокот на Република Северна Македонија. Дозволете уште еднаш да упатам честитки по повод 24 Мај – Денот на Свети Кирил и Методиј со верба дека и патот на нашата земја ќе биде светол како што е и нивното дело, пишува во својата честитка спикерот на Собранието Талат Џафери.

Честитка од Пендаровски по повод 24 Мај, Денот на сесловенските просветители Св. Кирил и Методиј

Тале Кристо — Tue, 24 May 2022 08:48:22 +0000

Претседателот Стево Пендаровски упати честитка по повод одбележувањето на 24 Мај, Денот на сесловенските просветители Св. Кирил и Методиј. Почитувани сограѓани, Дозволете ми да ви го честитам 24 Мај, Денот на сесловенските просветители, светите браќа Кирил и Методиј, и посакувам овој голем празник да го поминеме во добро здравје, мир и хармонија, во љубов и во радост. Денот посветен на солунските браќа, кои не само што ги поставија темелите на духовноста и на писменоста кај словенските народи туку и инаугурираа идеи и дела исполнети со хуманост и со човекољубие и коишто имаат почитувачи и следбеници ширум светот, за нас е повеќе од празник. Ние имаме особен долг и благодарност кон нивното дело, кое е наш духовен и културен темел, но и светоглед и залог за иднината. Св. Кирил и Методиј се и треба да ни останат патоказ за тоа како да истраеме и како индивидуи и како нација. Почитувани, И единаесет века по упокојувањето на Св. Кирил и Методиј, поборниците за вистината и неуморните заштитници на послабите и на обесправените, сѐ уште се живи нивните дела и нивните мисли, но, за жал, живи се и догмите против коишто се бореа. Сѐ уште има такви коишто си земаат за право да имаат ексклузивитет врз општите и заеднички добра и се обидуваат да ги потчинуваат и условуваат останатите. Напредокот и добросостојбата се можни само со споделување на заеднички вредности, со давање и со помагање, а не со алчност, себичност и со доминација. Токму тоа најдобро го покажа делото на Св. Кирил и Методиј. Нека ни е честит 24 Мај, Денот на Св. Кирил и Методиј, пишува Пендаровски во својата честитка.

Мицкоски со честитка по повод големиот празник 24 мај – Денот на сесловенските просветители и учители, Светите браќа Кирил и Методиј

Тале Кристо — Tue, 24 May 2022 08:38:16 +0000

Во мое лично име и во име на ВМРО-ДПМНЕ на сите граѓани на Република Македонија им го честитам 24 Мај - Денот на сесловенските просветители и учители, Светите браќа Кирил и Методиј. Денес Македонија го чествува празникот на сесловенските просветители браќата Кирил и Методиј, кои со своето дело се втемелија во великаните на европската и светската цивилизација. До ден денес Македонците и светот им се благодарни на нашите просветители, чествувајќи го нивното дело. Нивната света мисија за просветувањето и продуховување на словенските народи е само показател за силниот човечки дух и исконскиот порив да се зачува јазичната, културната и идентитетската посебност. Во денешно време кога Македонија се соочува со негирање на македонскиот идентитет, култура и историја, потребна ни е сплотеност и обединување на македонските граѓани со цел да ги победиме лошите политики, да ги направиме промените во Македонија и да обезбедиме подобра иднина. Не смееме да дозволиме тргување со нашиот идентитет, и наша обврска е да се избориме за почитување на нашето наследство што е заложбина и аманет на нашите предци. Светлиот пример на нашите просветители истовремено е и аманет да продолжиме на патот за обезбедување подобро образование и научна работа. Уште еднаш нека ни е честит овој голем празник Денот и Големото дело на Светите Кирил и Методиј, пишува во својата честитка претседателот на ВМРО-ДПМНЕ Проф. д-р Христијан Мицкоски

По повод Денот на Светите Кирил и Методиј, Ковачевски со својата ќерка ќе предводи делегација во Ватикан и Рим – таму ќе биде и бугарскиот премиер

Магдалена Андонова — Sun, 22 May 2022 15:15:46 +0000

Премиерот Димитар Ковачевски придружуван од ќерката Тамара Ковачевска утре и задутре ќе предводи делегација на Република Северна Македонија во Италија и Ватикан во официјална и работна посета во рамки на одбележувањето на 24 Мај – Денот на сесловенските просветители Светите Кирил и Методиј, соопшти владината прес-служба. Ковачевски во тек на престојот на Ватикан и Рим ќе има аудиенција кај папата Франциск и ќе присуствува на молебенот на гробот на Св. Кирил во црквата „Сан Клементе“, а во работниот дел од посетата се најавени средби со претседателот на Советот на министри на Италија Марио Драги, како и со премиерот на Бугарија Кирил Петков. -Премиерот Ковачевски програмата на посетата на Светата Столица ќе ја започне на 23 мај со тет-а-тет средба со неговата светост папата Франциск.Програмата во Ватикан потоа продолжува со аудиенцијата кај папата Франциск на која заедно со премиерот Ковачевски ќе присуствуваат и ќерката Тамара Ковачевска, како и членовите на делегацијата министрите за надворешни работи Бујар Османи, за внатрешни работи, Оливер Спасовски, за култура Бисера Костадиновска Стојчевска. Во делегацијата се и Мартин Попов, шеф на Кабинет на претседателот на Владата, Ана Андреева, секретар за комуникации, односи со јавност и протокол на претседателот на Владата, Даријан Сотировски, директор на Комисијата за односи со верски заедници, Никола Јанкуловски, ректор на Универзитетот Св. Кирил и Методиј, Пимен Илиевски, митрополит на МПЦ-ОА, Јосиф Тодоровски, митрополит на МПЦ-ОА и Зоран Стојанов, декан на струмичка епархија на Католичката црква, стои во соопштението од владината прес-служба. Ковачевски потоа, стои во соопштението, заедно со министерот за надворешни работи Бујар Османи ќе имаат средба со државниот секретар на Светата Столица Пјетро Паролин и со секретарот за односи со државите Пол Ричард Галагер. Програмата во чест на 24 Мај – Денот на сесловенските просветители Светите Кирил и Методиј, утре делегацијата на Република Северна Македонија ќе ја заокружи со полагање венец на спомен-плочата на македонски јазик во папската базилика Санта Марија Маџоре и со пригодна културно-уметничка програма во која ќе учествуваат и наши истакнати уметници што живеат и работат во Италија. Задутре, на 24 мај, официјалниот дел од програмата започнува со оддавање почит пред гробот на Свети Кирил во базиликата Сан Клементе, каде што митрополитите Пимен и Јосиф ќе одржат молебен во чест на Св. Кирил на кој ќе присуствува целата делегација на Република Северна Македонија предводена од премиерот Ковачевски. -Работниот дел од посетата на Италија во текот на 24 мај ја вклучува и средбата на претседателот на Владата на Република Северна Македонија Димитар Ковачевски со претседателот на Советот на министри на Италија Марио Драги. Како дел од работната посета, на 23 мај премиерот Ковачевски ќе се сретне со премиерот на Бугарија Кирил Петков, се наведува во соопштението од владината прес-служба. (МИА)

Денеска Радев и Пендаровски заедно ќе одадат почит на Светите браќа Кирил и Методиј

Магдалена Андонова — Thu, 27 May 2021 06:09:32 +0000

Со посетата на базиликата „Санта Марија Маџоре“, претседателите на Македонија и Бугарија, Стево Пендаровски и Румен Радев денеска заеднички ќе им оддадат почит на Светите браќа Кирил и Методиј. Двајцата претседатели ќе положат цвеќе пред пред спомен плочата во чест на Свети Кирил и Методиј. Тие ги предводат делегациите на двете земји во посетата на Рим и Ватикан во чест на сесловенските просветители. Положувањето цвеќе во спомен на сесловенските просветители на плочите на македонски и бугарски јазик и воопшто заедничката посета и заедничкото патување со бугарски државен авион на двете делегации се оценува како чекор кон затоплување на климата меѓу двете земји и тоа во момент кога на маса е ставен португалскиот предлог за решавање на спорот меѓу Скопје и Софија и за одблокирање на процесот на евроинтеграција на Македонија. Тоа ќе биде единствената заедничката активности на двајцата претседатели во чест на Свети Кирил и Методиј, а Пендаровски и Радев денеска по оддавањето почит на сесловенските проветители ќе имаат изјава за медиумите. Шефот на државата Пендаровски, како што е најавено, денеска ќе има аудиенција кај поглаварот на Римокатоличката црквата, папата Франциск, а ќе оствари средба и со државниот секретар на Светата Столица, кардиналот Пјетро Паролин. Потоа, претседателот Пендаровски во базиликата „Сан Клементе“ ќе положи цвеќе на гробот на Свети Кирил. Пендаровски и Радев вчера на скопскиот аеродром имаа куса неформална средба , по што двете делегации, заедно со медиумските екипи со бугарскиот државен авион полетаа за Рим. Како можност за обновување на дијалогот и довербата и за зајакнување на односите меѓу Македонија и Бугарија во духот на Договорот за соработка, пријателство и добрососедство, го оценија Пендаровски и Радев заедничкото патување за Рим и Ватикан и заедничкото чествување на Светите браќа Кирил и Методиј. Според Пендаровски, на кусата средба со Радев на скопскиот аеродром немало конкретен исход, туку била воведен разговор за престојните активности, но и за случувањата на релација Скопје-Софија изминатите денови. Ретроспектива на она што се случувало изминатите два-три дена во Брисел направиле двајцата претседатели на средбата, но како што напомена Пендаровски оперативно разговорите за спорот ги водат владите на двете земји. -Така ќе биде и понатаму, а ние сме тука за да ја релаксираме атмосферата, да говориме со еден поинаков јазик и да ја обновиме довербата, рече вчера Пендаровски. Радев, пак, изрази благодарност до, како што кажа, неговиот колега и пријател Пендаровски за денешното гостопримство. -Сакам да споделам дека заедничкото патување и оддавање почит на Светите браќа Кирил и Методиј е прекрасен повод да го обновиме дијалогот на нашите две земји на највисоко ниво и да ја изразиме нашата заедничка волја за развој на нашите односи во духот на соработката, пријателството и добрососедството, истакна бугарскиот претседател. Инаку, Радев пред заедничкото патување со Пендаровски во Брисел учествуваше на Самитот на Унијата. Тој најави дека се очекува во втората половина на јуни да има напредок по прашањето за европскиот пат и почетокот на преговорите за членство на Македонија во ЕУ, но дијалогот на највисоко работно ниво меѓу Софија и Скопје треба да продолжи што е можно поскоро. Пендаровски, пак, вчера по средбата со италијанскиот претседател Серџо Матарела изјави дека тој во овој момент е реалист и умерен оптимист. Одговарајќи на новинарски прашања во врска со обидите за пронаоѓање решение со Бугарија и одблокирање на почетокот на преговори на земјава со ЕУ информира дека сигурно наредните денови ќе достават предлози, кои ќе се базираат на акциските планови, секторската соработка, кои, како што рече, ги правевме и во ноември и во декември, ги доставуваме и до Брисел и до Софија. – Многу ми е битно дали при тоа ќе бидат сочувани виталните македонски национални и државни интереси, дециден беше претседателот Пендаровски. Ставот на Софија, кој во овој момент го формулира само претседателот Радев, бидејќи нема други функционални институции, истакна Пендаровски, е дека вратата не е затворена во однос на португалскиот предлог. Укажа дека тоа е се што знаеме во однос на ставот на Софија за португалскиот предлог. – Ние сега бараме да почнеме со преговори, а понатаму низ годините можат буквално сите барање од тие нивни декларации и резолуции да ги стават на маса. Меѓутоа зборуваме да почнеме со процесот, изјави Пендаровски. Во однос на мониторинг од страна на ЕУ за почитување на договореното, шефот на државата нагласи дека нема да има нов договор со Бугарија, а земјава нема никаков проблем со тој мониторинг. За можноста за отворање посебно поглавје, кое би се однесувало на почитувањето на договореното, Пендаровски вели дека нема проблем со посебни поглавја, ниту со патокази и какви било други документи, но она за што е заинтересиран е нивната содржина, што пишува во нив. – Можам да констатирам од мојата средба со Радев и претходно другите контакти со него, неспорна е една работа, претседателот Радев зборува со сосема поинаква реторика од претходниците во бугарската Влада, министерот за одбрана, министерот за надворешни работи и се обидува да ја спушти топката и се обидува со културен речник да се обраќа. Тој се држи до суштинските бугарски барања, не не навредува, и тоа веќе кажува оти се работи за човек кој е сериозен, стабилен и не мисли да ќарува само политички поени со тоа што ќе навредува некој од соседите, рече шефот на државата Пендаровски. Потсети дека во петокот шефот на португалската дипломатија Аугусто Сантош Силва и еврокомесарот за проширување и соседска политика Оливер Вархеји најпрво во Софија, а потоа и во Скопје ги презентираа предлог решенијата за спорот. Добрата работа во однос на тој нон пејпр, истакна Пендаровски, е што ниту една од страните не го отфрли, ниту Софија, ниту Скопје. Беше земен, подвлече, како сет на идеи за кои вреди да се разговара и понатаму тие да се развиваат. Се осврна на тоа дека го објаснил сето тоа во негова поранешна изјава односно дека е важно да знаеме оти и понатаму разговорите околу преговарачката рамка за нас ќе се водат во ЕУ, меѓу земјите-членки. – Ние ќе даваме свои предлози, идеи, амандмани, меѓутоа на крајот тие решаваат. Во декември минатата година Бугарија не се согласи со таа преговарачка рамка, но тоа беше комплетно форум на ЕУ и тука ние не сме присутни, рече Пендаровски. Уште еднаш повтори дека на средбата со бугарскиот претседател Радев не разговарале во детали. Генералната слика, потенцира Пендаровски, е дека и на Бугарија и одговара Западниот Балкан и С Македонија да одат напред. Во врска за гаранциите од ЕУ за тоа дали ќе се имплементира билатералниот договор, Пендаровски посочи дека Бугарија вели оти не се задоволни од темпото на имплементација. Ние, рече Пендаровски, немаме ништо против, трета страна, нека биде и ЕУ, да каже ние сега ќе штиклираме дали билатералниот договор по сите тие точки и обврски се имплементира. – ЕК како независно тело, непристрасна кон ниту една од страните, да каже дали тој договор оди со задоволително темпо. Ние тврдиме дека многу работи од тој договор се имплементирани, меѓутоа не ни пречи воопшто да дојде трет човек од страна и да каже ниту ти, ниту ти, оваа е вистината, изјави во Рим шефот на државата. Пендаровски информираше дека во нон пејперот Португалците предлагаат дека треба да постои роуд меп или патоказ, со тоа што тие предлагаат овој пат патоказот да биде имплементиран и надгледуван во рамки на Советот за стабилизација и асоцијација, а не во рамки на ЕК. – Тука се разликуваме со нашите позиции, изјави Пендаровски и додаде оти смета дека тоа треба да остане во рамки на ЕК. Во португалскиот предлог, појасни, постои друг детал што се однесува на истата работа. – Има европски држави кои би биле заинтересирани да контрибуираат во Комисијата составена од историчари. Не како формални членови, како луѓе кои можеби би давале совети во однос на методологијата за работа. Отприлика ние ги знаеме кои земји би можеле да бидат, меѓутоа, ставот е ако воопшто двете страни се согласат да се приклучат такви луѓе на Комисијата, тоа мора да биде со взаемна согласност на двете страни. Тоа мора да бидат меѓународни експерти, можеме да се договориме и од која држава и конкретно по име и презиме, појаснува Пендаровски. Претседателот на Р Македонија Стево Пендаровски изјави дека на средбата со неговиот италијански колега Серџо Матарела добиле целосна поддршка за нашите ЕУ интеграции и дека Италија ќе се заложи не само за С Македонија, туку и за целиот регион на Западен Балкан, кој предолго чека во чекалната на европските интеграции. До крајот на оваа година, по 20 години, како што најави Пендаровски, во земјава во официјална посета по осамостојувањето треба ќе дојде шефот на италијанската држава. Во рамки на заедничката посета на двајцата претседатели вчера во Рим директорите на Медумската информативна агенција – МИА и на Бугарската телеграфска агенција – БТА, Драган Антоновски и Кирил Волчев потпишаа Договор за размена на информации и професионална соработка. Договорот беше потпишан во канцеларијата на делегацијата на Европската Унија во Рим, во присуство на претседателите на Македонија и Бугарија, Стево Пендаровски и Румен Радев. Договорот предвидува размена на информативните сервиси меѓу двете агенции, а согласно Договорот за пријателство, добрососедство и соработка МИА и БТА ќе преземат ефективни мерки во размената на информации за да избегнат злонамерна пропаганда и поттикнување насилство, омраза или други слични активности што би им наштетиле на односите на двете земји. Антоновски по потпишувањето потенцира дека двете агенции со овој Договор се обврзале да преземат засилени активности во борба против лажните вести и манипулации. МИА и БТА, нагласи Антоновски, ќе ја зајакнат соработката во насока на вистинско информирање на граѓаните, за да дознаат што навистина се случува во Македонија и Бугарија. Тој додаде дека мисијата на двете агенции ќе биде пред се уривањето на лагите, кои предизвикуваат штета во непречено унапредување на односите меѓу двете држави. Директорот на БТА Волчев, изрази задоволство од потпишувањето на договорот за соработка меѓу двете агенции, напоменувајќи оти самиот чин на потпишување во рамки на одбележувањето на светите браќа Кирил и Методиј дава посебно значење во насока на промоција на писменоста од страна на медиумите. -Ние од БТА и МИА сме должни според светските стандарди на информативните агенции да говориме на еден јазик, тоа е јазикот на фактите и вистината и да се бориме против лагата, истакна Волчев. Додаде дека согласно Договорот предвидени се и професионални посети на новинари, вклучително и од двете агенции, радио и телевизиски презентери и други лица од областа на медиумската и информативната активност, кои ќе се реализираат од оваа есен. Инаку, заедничкото патување и чествување на Свети Кирил и Методиј многумина и во земјава и во ЕУ ги оценија како добра можност за затоплување на односите меѓу двете земји. И самите претседателите на двете држави позитивно гледаат на ова патување, иако, како што напомена Пендаровски, тие не може формално да преговараат за спорот, бидејќи немаат такви задолженија. Заедничкото патување вчера го поздрави и американската амбасадорка во земјава Кејт Брнз. -Гледаме позитивен пат напред и задоволни сме од тековните разговори меѓу Македонија и Бугарија за унапредување на членството на Северна Македонија во ЕУ, напиша на Твитер Брнз. (МИА)

Утре Пендаровски заедно со Радев ќе оддадат почит на Светите браќа Кирил и Методиј

Магдалена Андонова — Wed, 26 May 2021 06:11:14 +0000

Со посетата на базиликата „Санта Марија Маџоре“, претседателите на Македонија и Бугарија, Стево Пендаровски и Румен Радев утре заеднички ќе им оддадат почит на Светите браќа Кирил и Методиј. Двајцата претседатели утре ќе положат цвеќе пред пред спомен плочата во чест на Свети Кирил и Методиј. Тие ги предводат делегациите на двете земји, кои ќе ги посетат Рим и Ватикан во чест на сесловенските просветители. Положувањето цвеќе во спомен на сесловенските просветители на плочите на македонски и бугарски јазик и воопшто заедничката посета и заедничкото патување со бугарски државен авион на двете делегации се оценува како чекор кон затоплување на климата меѓу двете земји и тоа во момент кога на маса е ставен португалскиот предлог за решавање на спорот меѓу Скопје и Софија и за одблокирање на процесот на евроинтеграција на Македонија. Тоа ќе биде единствената заедничката активности на двајцата претседатели во чест на Свети Кирил и Методиј, а Пендаровски и Радев утре по оддавањето почит на сесловенските проветители ќе имаат изјава за медиумите. Одбележувањето на Свети Кирил и Методиј на двете државни делегации оваа година не се одржа на Денот на просветителите, 24 Мај, туку малку подоцна поради здравствените протоколи на поглаварот на Римокатоличката црква, папата Франциск. На самиот ден на Свети Кирил и Методиј во Рим и Ватикан беше делегација на МПЦ-ОА, предводена од владиката Пимен, кој чиноначалствуваше со молебен на гробот на Св. Кирил. Пендаровски и Радев денеска полетуваат за Рим. Радев со неговата делегација најпрво ќе пристигне на скопскиот аеродром, каде ќе има куса неформална средба со Пендаровски и потоа двете делегации, заедно со медиумските екипи со бугарскиот државен авион ќе се упатат за Рим. Претседателот Пендаровски денеска попладне во Рим ќе оствари средба со италијанскиот претседател Серџо Матарела, по што ќе даде изјава за медиуми. Во рамки на посетата за денеска е планирано и потпишување на Договор за соработка меѓу Медиумската информативна агенција и Бугарската информативна агенција. Договорот ќе го потпишат директорите на МИА и БТА, Драган Антоновски и Кирил Волчев, а на потпишувањето ќе бидат присутни и претседателите Пендаровски и Радев. Шефот на државата утре ќе има аудиенција кај поглаварот на Римокатоличката црквата, папата Франциск, а ќе оствари средба и со државниот секретар на Светата Столица, кардиналот Пјетро Паролин. Потоа, претседателот Пендаровски во базиликата „Сан Клементе“ ќе положи цвеќе на гробот на Свети Кирил Во состав на државно-црковната делегација, што ќе ја предводи претседателот Пендаровски, се министерот за надворешни работи, Бујар Османи, министерката за култура, Ирена Стефоска, директорот на Комисијата за односи со верските заедници и религиозни групи, Даријан Сотировски, Негово Високопреосвештенство, митрополит европски, г. Пимен, и отец Зоран Стојанов, парох во Радово и Декан на Деканатот на Св. Кирил и Методиј при Струмичко – скопската епархија. Заедничкото патување и чествување на Свети Кирил и Методиј многумина и во земјава и во ЕУ ги оценија како добра можност за затоплување на односите меѓу двете земји. И самите претседателите на двете држави позитивно гледаат на престојното патување, иако, како што напомена Пендаровски тие не може формално да преговараат за спорот, бидејќи немаат такви задолженија. Пендаровски минатата недела изјави дека овој чин е еден добар симболичен гест од двете страни, кој може да ја олабави атмосферата во пресрет на преговорите меѓу двете земји во врска со блокадата за членство во ЕУ. – Одиме на заедничко патување и на средби во Ватикан кај папата, затоа што ќе го решаваме спорот. Предлогот беше даден пред еден месец, јас сметав дека е добро со бугарскиот државен авион да ја собере целата делегација од кај нас, од Скопје. Сметам дека ова е еден добар сомболичен гест од двете страни и малку да ја олабавивме атмосферата во пресрет на она што ќе претстои понатаму во преговорите во врска со блокадата, изјави Пендаровски, кој додаде дека со Радев нема формално да преговара, но со оглед на фактот дека многу време ќе поминат заедно, неизбежно е дека ќе стане збор и за спорот, но сето тоа ќе биде во неформален контекст. Радев изминатите два дена во Брисел учествуваше на Самитот на Унијата. Оттаму во врска со претстојната посета на Рим со Пендаровски истакна дека тие ќе ја покажат својата заедничка волја за соработка. Тој го оцени како „добар знак“ претстојното заедничко оддавање почит на делото на светите браќа Кирил и Методиј на делегациите на Бугарија и Македонија во Рим и повика на политичка волја од Северна Македонија за постигнување конкретни резултати за проблематични прашања. Бугарскиот претседател Радев вчера најави и дека се очекува во втората половина на јуни да има напредок по прашањето за европскиот пат и почетокот на преговорите за членство на Македонија во ЕУ, но дијалогот на највисоко работно ниво меѓу Софија и Скопје треба да продолжи што е можно поскоро. (МИА)