свети никифор – Kurir.mk

Заштитник на сите оние кои неправедно страдаат – еве што треба да направите денес за да овој светец ви донесе благосостојба во домот

Дарко Андоновски — Wed, 22 Feb 2023 09:41:55 +0000

Житието на овој маченик јасно покажува дека Бог ја отфрла надменоста и со слава го овенчува смирението и братољубието. Во Антиохија живееја двајца блиски пријатели, учениот свештеник Саприкиј и простиот граѓанин Никифор. Нивното пријателство некако се одметна во страшна меѓусебна омраза. Богобојазливиот Никифор повеќепати се обидуваше да се помири со свештеникот, но овој никако не го сакаше тоа. Кога настана гонење на христијаните, свештеникот Саприкиј беше осуден на смрт и изведен на губилиште. Нажален Никифор појде со Саприкиј молејќи го патем барем пред смртта да му прости и да се разделат во мир: „Те молам, Христов маченику“, му велеше Никифор, „прости ми ако ти згрешив нешто!“ Саприкиј не сакаше да се обѕрне на својот соперник, туку мирно и гордо чекореше кон смртта. Но, кога ја виде тврдокорноста на неговото срце, Бог не сакаше да му ја прими маченичката жртва и да го овенча со венец, туку тајно му ја одзеде благодатта. И во последниот миг пред џелатите Саприкиј се одрече од Христа и изјави дека ќе им се поклони на идолите. Така беше заслепен од омразата. Никифор го преколнуваше Саприкиј да не се одрекува од Христа. „О брате, не прави го тоа, не одрекувај се од нашиот Господ Исус Христос, не губи го небесниот венец!“ Но сè беше залудно, Саприкиј остана на своето. Тогаш Никифор им возвикна на џелатите: „И јас сум христијанин! Убијте ме мене наместо Саприкиј!“ Џелатите му го јавија ова на судијата и тој им нареди да го пуштат Саприкиј, а да го убијат Никифор. Тој радосно ја положи својата глава на трупецот и му ја отсекоа. Така се удостои со Царството Небесно во кое влезе овенчан со маченички венец на бесмртната слава. Ова се случи во 260 година, во времето на царот Галиен. Светиот маченик Никифор е заштитник на сите оние кои неправедно страдаат, како и на оние кои се подготвени „да ги стават рацете во оган“ заради пријателите и правдата. Се верува дека ова е денот кога кавгите се помируваат и го започнуваат нивното пријателство од почеток. Затоа, денес простете им на оние кои ви згрешиле. Дајте им рака на помирување и заборавете на сите лоши работи што се случија меѓу вас. Ќе видите, животот ќе ви биде поубав и поисполнет после тоа.

Денес треба да направите една работа за да животот ви биде поубав – овој светител ќе ви даде благослов доколку се помолите на него

Дарко Андоновски — Tue, 22 Feb 2022 08:43:29 +0000

Денеска е пренос на моштите на св. Никифор

Дарко Андоновски — Fri, 26 Mar 2021 09:48:35 +0000

Денеска е Пренос на моштите на св. Никифор. Свети Никифор бил цариградски патријарх во времето на императорот-иконоборец Лав Ерменецот. Заради неговото право исповедање на верата во поглед на почитувањето на иконите тој бил свргнат од императорот и заточен на островот Проконис, каде и се упокоил во 828 година. По 12 години, кога повампиреното иконоборство било конечно победено, новиот цариградски патријарх Методиј ја убедил императорката Теодора да ги пренесе моштите на свети Никифор во Цариград и да ги постави во црквата Св. Апостоли.

Заборавете на лошото и пружете рака за да ве благослови овој светец: Денеска скараните се смируваат и почнуваат ново пријателство

Дарко Андоновски — Fri, 22 Feb 2019 08:17:49 +0000

Денеска е Св. маченик Никифор. Во третиот век во Антиохија живееја двајца многу блиски пријатели, Саприкиј и Никифор. Но, еден ден тие толку се налутија еден на друг, што не сакаа очи да си видат. По некое време Никифор ја сфати бедата на лутината и побара прошка од Саприкиј, кој беше свештеник. Овој не сакаше ни да чуе. Сите молби остануваа попусти. Во тоа време, при едно гонење на христијаните, Саприкиј беше затворен и ставен на маки, зашто не се откажуваше од Христа. Најпосле го осудија и го поведоа кон губилиштето. По патот Никифор повторно со солзи го молеше да му прости, но на Саприкиј срцето му остана тврдо. Така и ја изгуби благодатта и на губилиштето се откажа од Христа, а Никифор, гледајќи го тоа, самиот побара и беше погубен наместо него. Никифор е заштитник на сите кои неправедно страдаат. Тој е заштитник на оние кои за пријателите ако треба одат и во оган. Се верува дека ова е ден кога скараните се смируваат и почнуваат пријателство повторно. Затоа, заборавете денеска на сите кои ви направиле лошо и пружете рака за помирување. Така светецот ќе ви го направи животот поубав и полн со љубов и радост.