свети николе – Kurir.mk

Приведен дилер во Свети Николе: Пронајдени екстази, марихуана…

Ивана Ефремовски — Thu, 12 Oct 2023 08:15:52 +0000

На 11.10.2023 во 14.10 часот на ул.„Младинска“ во Свети Николе, полициски службеници од Надворешната канцеларија за криминалистички работи Свети Николе го лишиле од слобода Б.М.(18) од Свети Николе. Тој бил затекнат при продажба на марихуана на лице од Свети Николе. Подоцна, при претрес во неговиот дом, извршен со судска наредба, биле пронајдени и одземени марихуана, повеќе таблети екстази и пари. Лицето било задржано во полициска станица и за настанот бил известен јавен обвинител. По целосно документирање на случајот против него ќе биде поднесена соодветна пријава.

Свети Николе го слави Денот на ослободувањето

Ивана Ефремовски — Thu, 14 Sep 2023 13:58:31 +0000

По повод Денот на ослободување на Свети Николе денеска беше промовиран новиот парк, чија реализација е во завршна фаза. По тој повод градоначалникот на Општина Свети Николе, Дејан Владев и претседателот на ВМРО ДПМНЕ, Христијан Мицкоски изврши увид во завршните активности. Градоначалникот на Свети Николе, Владев истакна дека новиот парк се реализира со помош на Вардарски плански регион и со средства од Општина Свети Николе. - Успеавме да изградиме модерен пам-трак каде што младите велосипедисти ќе може да уживаат во своето слободно време. Паралелно го изградивме и моторичкиот парк каков што има само на други три места во Македонија, рече Владев. Владев посочи дека започната е постапка за изградба на мини амфитеатар кој ќе биде готов во следните 2-3 месеци, а изградено е и модерно детско катче кое го користат многу деца периодов. - Ова е само дел од проектите и може да кажам дека изградивме улици во село Црнилиште, Горобинци, неколку улици низ општината Свети Николе, го уредуваме речното корито и изградба на модерна пешачка патека. Го реконструиравме градскиот стадион, кошаркарското игралиште и се работи на изградба на четири големи улици, Гаврило Гаврилски, Михајло Апостолски и улица 3 и улица 4, изјави Владев. Тој додаде дека добиени се средства за балон сала во средното училиште, а ќе следи и изградба на улицата Орце Николов и замена на водоводната мрежа. - Ќе следи изградба на улици во Ерџелија, комплетна канализациона мрежа во Мустафино, за наредната година има доста проекти, спремни сме за 2024 година и од февруари ќе размислуваме дури за 2025 година, истакна Владев. Претседателот на ВМРО ДПМНЕ, Мицкоски на граѓаните на Свети Николе им го честиташе Денот на ослободувањето. -Ја користам оваа прилика на сите граѓани во општина Свети Николе да им го честитам овој ден, денот кога е извојувана победа и кога е ослободен градот Свети Николе од бугарскиот фашистички окупатор. Ден кој што многу значи во меморијата на Светиниколчани и ден кој што навистина свечено се одбележува овдека, така беше и онаа свечена академија на која што имав можност да присуствувам.Во текот на денот заедно градоначалникот, со луѓето кои што се дел од општинската администрација, со пратеникот во Парламентот ќе посетиме неколку објекти кои што се завршени или се во тек на реализација. Проекти кои што се дел од програмата, а која што беше презентирана пред светиниколчани за време на изборите во 2021 година, рече Мицкоски. Посочи дека заложба на пратеничката група на ВМРО ДПМНЕ ќе биде да се обзебедат повеќе средства за општините од државниот буџет.

ВИДЕО: Хеликоптерите на МВР исфрлија 54 тони вода на пожарот кај Свети Николе

Ивона Петрова — Sat, 05 Aug 2023 15:59:54 +0000

Хеликоптерската единица за полициски намени денеска дејствуваше во реонот на Свети Николе, каде успешно беше локализиран пожарот кој настана околу 11.30 часот. -Притоа хеликоптерите на МВР (Мi171 и Bell412) во 34 наврати исфрлија 54 тони вода, информира МВР. Пожарот е целосно локализиран.

Кривична за маж од Свети Николе, еве што најде полицијата во неговиот дом

Ивана Ефремовски — Fri, 07 Jul 2023 17:07:37 +0000

СВР Штип поднесе кривична пријава против С.И.(29) од Свети Николе, поради постоење основано сомнение за сторено кривично дело „неовластено изработување, држење, посредување и тргување со оружје или распрскувачки материи“. На 01.03.2023 во 19.15 часот полициски службеници од Надворешната канцеларија за криминалистички работи Свети Николе, при извршен претрес во домот на пријавениот, пронашле и одзеле 25 куршуми, кал.7,65 мм и повеќе модели на автоматско огнено оружје.

Претрес во Свети Николе, уапсено едно лице

Тале Кристо — Fri, 03 Mar 2023 15:52:56 +0000

На 02.03.2023, полициски службеници од ОВР Свети Николе го лишиле од слобода Л.Б.(34) во Свети Николе. При претрес во неговиот дом, извршен со судска наредба, биле пронајдени и одземени марихуана и дигитална вага. Тој бил задржан во полициска станица и по целосно документирање на случајот против него ќе биде поднесена соодветна пријава.

Владев: Во Свети Николе се асфалтираат повеќе улици, а започната е и процедура за изградба на нов парк

Ивана Ефремовски — Tue, 21 Feb 2023 12:31:44 +0000

Денеска сме на увид на градежните работи за изградба и асфалтирање на улиците „Октомвриска“ и „Кочо Рацин“. Зборуваме за цел потек кој што опфаќа 4 улици кој што претходно беа направени од растурена коцка и каде што населението кој што живее во овој предел во самото градско подрачје имаше големи проблеми дали со водоводната мрежа, дали со големите дупки што беа претходно од самата коцка. Заради тоа пошто е централно градско подрачје приоритет ни беше уште ланската година да го направиме овој голем потег каде што живее доста население во самото градско подрачје, изјави Дејан Владев, градоначалник на општина Свети Николе. -Зборуваме во потегот од позади Нептун, па се до самата гимназија, значи повторувам се работи за неколку улици кои што верувам еве сега точно разговарав со изведувачот, тој ме уверува дека оваа работа ќе биде завршена за 10-15 дена, значи професионално ќе работат. Имаат ставено 30 сантиметри тампон, за да веднаш потоа да ќе биде ставено два слоја на асфалт, прво 7 сантиметри првиот слој и потоа уште 5 сантиметри од вториот слој. Не застануваме тука, значи претходно пред некој ден асфалтиравме и две улици во село Црнилиште, продолжуваме понатаму, најавувам и асфалтирање на улица во Амзебегово, 4 улици на Сопотски пат кои што долго време ги чекаат граѓаните, веќе е почната при крај е процедурата и за изградбата на новиот парк во Свети Николе и така натаму, истакна тој. „Може да кажам дека другиот ден ќе имаме седница на совет каде што ние веќе имаме реализирано 85% од самиот буџет, што е за поздравување и што долго време не било така. Мојата работа и работата на моите соработници на општина Свети Николе отсега започнуваме веќе да правиме проекти за наредната 2024 година, бидејќи 2023 ќе ни биде доста активна и исполнета. Продолжуваме понатаму се во интерес на граѓаните на Свети Николе“ - рече градоначалникот.

Мицкоски: Во Свети Николе се реализирани 70% од тоа што е ветено на изборите, градоначалникот покажува дека може да се работи и реализира

Ивана Ефремовски — Tue, 21 Feb 2023 12:23:11 +0000

Убав ден денеска во Свети Николе, убаво е кога може да се види како се реализираат проектите кои што се ветени во програмата за време на кампањата на локаните избори во 2021 година, истакна денес лидерот на ВМРО-ДПМНЕ, Христијан Мицкоски. -Градоначалникот на Свети Николе, Дејан продолжува да го реализира тоа кое што беше ветувано и мислам дека сме во одлична фаза со голем процент на реализирано, можеби повеќе од 70 проценти од тоа кое што е ветено. Честитки до него, тимот и администрацијата, до општинскиот совет за вака храбро, мотивирано работење и исполнување на ветено, имајќи во предвид дека се соочуваме со влада која што онаму каде што нивните кандидати за градоначалници катастрофално изгубија, се однесуваат насилнички, ги бојкотира, го кочи развојот на тие општини каде што има градоначалници на ВМРО-ДПМНЕ. Но, уште кратко време и тоа ќе заврши и ќе можеме што се вели во последните години од мандатот на градоначалниците да покажеме колку можело, а не било направено и од страна на нивните претходници, градоначалници на СДСМ, но и од владата на ДУИ поддржана од СДСМ изминатиот период, рече Мицкоски. Тој понатаму посочи: „Така што уште еднаш ќе ми дозволите да му честитам на Дејан, да му посакам уште повеќе вакви проекти да се реализираат затоа што граѓаните заслужуваат да видат еден поинаков пристап на исполнување на работите. Не сме сите исти, напротив многу сме различни и јас уште еднаш им посакувам на светиниколчани да се радуваат заедно со општинската администрација на многу реализирани проекти кои што во периодот ќе следат“.

СЛЕДЕТЕ ВО ЖИВО: „Промените на дело“ – Мицкоски во посета на општина Свети Николе

Ивана Ефремовски — Tue, 21 Feb 2023 10:53:42 +0000

Денеска (21.02.2023) со почеток во 12:45 часот, претседателот на ВМРО-ДПМНЕ, Христијан Мицкоски заедно со градоначалникот на општина Свети Николе, Дејан Владев во рамките на активноста „Промените на дело“, ќе присуствуваат на увид во градежни активности на реконструкција на улици (до општинската зграда). По завршувањето на настанот изјава за медиуми ќе даде претседателот на ВМРО-ДПМНЕ, Христијан Мицкоски. Изјавата можете да ја следите во живо на линкот во продолжение:

Во Свети Николе ќе се реализираат капитални инвестиции од над 100 милиони денари

Тале Кристо — Fri, 10 Feb 2023 16:22:26 +0000

Реконструкција на старите улици и изградба на нови и замена на коцката со асфалт во централното градско подрачје се само дел од проектите предвидени за тековната година во општина Свети Николе. Градоначалникот Дејан Владев истакна дека буџетот е во одлична кондиција, а во соработка со неколку министерства ќе се пристапи на уредување на Свети Николе, со што градот, како што рече, ќе добие сосем нов изглед. - Во моментот во завршна фаза е асфалтирањето на две улици во село Црнилиште, кои за две недели треба да бидат комплетно завршени. Паралелно со тоа се работи на вадење на коцката и асфалтирање на две улици со два крака во самото централно подрачје каде веќе ќе нема коцка во Свети Николе. Овој проект ќе биде завршен во наредниот месец до месец и половина. Паралелно ќе имаме асфалтирање на четири улици во местото викано Шоповски пат и ќе нема неасфалтирана улица во Свети Николе, вели Владев. Освен во градот, проекти има предвидено и за руралните средини. Покрај изградба и реконструкции на улици, ќе се работи и на водоводна и канализациона мрежа, детски игралишта и паркови. - Во тек се тендерски постапки за асфалтирање на улици во селото Пеширово, а целосно ќе се заврши и канализацијата во селото Мустафино. При крај е тендерот за уредување на новиот парк, ќе имаме нов детски парк, нов амфитеатар, додава Владев. Оваа година треба да пристигне и ново теренско противпожарно возило за потребите на ТППЕ Свети Николе, а треба целосно да заврши и изградбата на детската градинка којашто е под покровителство на Министерството за труд и социјална политика. Проектите ќе чинат преку 100 милиони денари.

Потресно сведоштво за условите и третманот во штипската болница, градоначалник со јавен апел

Ивана Ефремовски — Wed, 18 Jan 2023 21:17:48 +0000

Градоначалникот на општина Свети Николе, Дејан Владев објави потресно сведоштво и јавен апел до Премиерот на Република Македонија, Министерот за здравство во владата, директорот на болницата во Штип и сите одговорни во одделенијата во болницата. Сведоштвото и апелот ги пренесуваме во целост: Кога ќе се однесе пациент во болницата во Штип со посериозни проблеми јавна тајна е дека назад се враќа во погребaлно возило. Студено,кревети и постелнина од 19 век..... за храна да не зборуваме....и таа што ја има нема кој да ги храни луѓето....несменети памперси...крв... Зборувам за отворени рани за неполни 9 дена ... Лично сум сведок, дека наместо да се излекува пациентот, пациентот се враќа во вегетабилна состојба. Товарот е на семејството. Зборувам од име на функцијата градоначалник на соседната општина. Како е на обичните граѓани и пациенти. Пациент во стабилна состојба да го отпуштат по десетина дена во „страшна" состојба со отворени рани и во несвесна состојба. Дали имаат чувство спрема пациентот и неговото семејство..... Уште еднаш апел до сите одговорни во нашата ни држава во ресорот ЗДРАВСТВО дека животот нема цена. Одговорност мора и треба да има, од секој одговорен за секој пациент посебно. Се изнагледав многу работи во последните денови во болницата во Штип. Ова го пишувам од лично искуство но и од искуството на многу мои сограѓани. Со господ Бог напред....