свети сава – Kurir.mk

Денеска е Св. Сава: До крајот на денот никако не го правете ова, а црвена облека да не ви падне на памет да носите – еве зошто!

Дарко Андоновски — Fri, 27 Jan 2023 16:26:15 +0000

Син на српскиот жупан Стефан Немања, се родил во 1169 година. Како млад жеднееше за духовен живот, заради што побегна на Света Гора, каде што се замонаши и со ретка ревност го мина сиот подвижнички раст. Немања тргна по примерот на синот, па и самиот дојде на Света Гора, се замонаши и умре како монах Симеон. Сава издејствува кај царот и кај патријархот независност за српската Црква и стана прв архиепископ српски. Заедно со татко му го подигнаа манастирот Хилендар, а потоа и многубројни манастири, цркви и училишта по српската земја. Двапати патуваше на поклонение во Светата Земја. Ги измируваше своите браќа раскарани околу власта, ги измируваше Србите со соседните народи. Се упокои во Трново, во времето на царот Асен, откако се разболе после литургијата на Богојавление, на 12 јануари 1236 година. Кралот Владислав му го пренесе телото во Милешево, од каде што Синан паша го зеде и го запали на Врачара во Белград, на 27 април 1595 година. За Свети Сава е задолжителен пост, а може и мрсно да се слави доколку не се паѓа во среда или во петок. Постои народно верување дека на Свети Сава не смее да се носи црвено. Ова верување потекнува од старите времиња, додека селаните стравувале дека волци ќе им ја изедат стоката. Свети Сава се сметал за овчар и заштитник на стоката, па на овој ден по обичај стоката сама ја пуштале на пасење. Меѓутоа, црвено не се носело бидејќи се верувалио дека црвената боја ги привлекува волците. Исто така денеска не се острат ножеви или било кој алат за на волците да им останат затворени. Постои и верување дека е лош знак ако на Свети Сава грми и дека сигурно нешто лошо ќе се случи, бидејќи ударите од гром се исклучително ретка појава во зима. За грмотевиците на Свети Сава се говори и во една народна песна.

Честитка од Џафери до српската заедница по повод празникот Свети Сава

Катерина Бојаџиева — Fri, 27 Jan 2023 10:47:51 +0000

Претседателот на Собранието Талат Џафери од свое лично име и од име на пратениците упатам честитки по повод Св. Сава – националниот празник на српската заедница во Република Северна Македонија. -Верувам дека овој празник, кој што воедно е и неработен ден за граѓаните на српската заедница во Република Северна Македонија, ќе го поминете опкружени со луѓе кои ви се драги и блиски, кои ве почитуваат Вас, го почитуваат празникот и ликот и делото на Св. Сава, како прв српски архиепископ кој што оставил неповторлив белег во растот и развојот на духовниот живот на српската заедница, меѓутоа и на писменоста како трајна вредност, наведува Џафери. Упатувајќи желби за убав празничен ден, поминат во мир, спокој и семејна благосостојба, тој посочува дека земјава е пример за тоа како се гради соживот меѓу различни етнички заедници со взаемна почит и разбирање. -Република Северна Македонија, нашиот заеднички дом, е земјата во која сите ги изразуваме нашите посебности најдобро што можеме и во хармонија со сите други заедници, со взаемна почит и разбирање. Тоа е единствениот начин за опстанок, напредок и безбедност за сите што сме дел од оваа заедница која колку и да е млада, сепак се посочува како пример за тоа како се гради соживот. Тоа е заслуга на сите нас и затоа изразувам висока почит, се наведува во честитката од Џафери.

Честитка од Пендаровски по повод празникот Свети Сава

Ивана Ефремовски — Fri, 27 Jan 2023 08:10:18 +0000

Претседателот Стево Пендаровски по повод празникот Свети Сава упати честитка до припадниците на српската заедница во Република Македонија. „Почитувани сограѓани од српската заедница, Дозволете во мое лично име и во името на сите граѓани на Република Северна Македонија најсрдечно да ви го честитам националниот ден на Србите во Република Северна Македонија - Свети Сава и да ви посакам големиот празник да го поминете во хармонија, радост и среќа. Празнувањето на духовникот Свети Сава е дополнителен мост за наше културно поврзување со соседна Република Србија, но и особено значаен дел од мозаикот на македонското мултикултурно и мултиетничко општество. Би сакал во оваа прилика да им се заблагодарам на сите припадници на српската заедница во Република Северна Македонија за нивниот придонес во сите сфери на општественото живеење и во градењето на демократска, просперитетна и заедничка татковина на сите. Нека е честит 27 јануари, денот на Свети Сава“ - истакна тој.

Свечена академија по повод Денот на Свети Сава

Ивана Ефремовски — Fri, 27 Jan 2023 06:40:57 +0000

Со централна манифестација, свечена Светосавска академија, вечерва во Македонскиот народен театар ќе биде одбележан националниот празник на Србите во земјава – Денот на српскиот просветител Свети Сава. Како што информираа од Српскиот културен центар во Скопје, Академијата ќе започне во 19 часот, На Светосавската академија е предвидено обраќање на високи официјални претставници од државава, како и од Србија и од Република Српска. Во соопштението се наведува дека со богата културно-уметничка програма ќе биде претставена културата, духовноста и традицијата на српскиот народ. (МИА)

УТРЕ Е НЕРАБОТЕН ДЕН ВО МАКЕДОНИЈА – ако грми не очекува лоша година, ова мора да го прочитате!

Дарко Андоновски — Thu, 26 Jan 2023 18:59:42 +0000

Свети Сава е син на српскиот жупан Стефан Немања, се роди во 1169 година. Како млад жеднееше за духовен живот, заради што побегна на Света Гора, каде што се замонаши и со ретка ревност го мина сиот подвижнички раст. Немања тргна по примерот на синот, па и самиот дојде на Света Гора, се замонаши и умре како монах Симеон. Сава издејствува кај царот и кај патријархот независност за српската Црква и стана прв архиепископ српски. Заедно со татко му го подигнаа манастирот Хилендар, а потоа и многубројни манастири, цркви и училишта по српската земја. Двапати патуваше на поклонение во Светата Земја. Ги измируваше своите браќа раскарани околу власта, ги измируваше Србите со соседните народи. Се упокои во Трново, во времето на царот Асен, откако се разболе после литургијата на Богојавление, на 12 јануари 1236 година. Кралот Владислав му го пренесе телото во Милешево, од каде што Синан паша го зеде и го запали на Врачар во Белград, на 27 април 1595 година. За овој најголем српски светец кој се празнува утре врзани се неколку народни верувања. За Свети Сава мора да се пости, со исклучок ако не паѓа во среда или во петок. Се верува дека овој светец може да ги смири морето и бурите како и да створи вода од каменот. Постои и верување дека на овој ден не треба да се носи црвено, ниту да се острат ножеви, коси или други алати. Ова верување потекнува од старите времиња, додека селаните стравувале волците да не им ја изедат стоката. Свети Сава се сметал за пастир и заштитник на стоката, па на овој ден стоката обично сама се пуштала на пасење. Меѓутоа црвено не се носело зошто веројатно бојата на крвта ги привлекува волците. Исто така на денешен ден не треба да се оштрат ножеви или било кој алат за да не се предизвикуваат волците. Постои и вервање дека е лош знак ако на Свети Сава загрми и дека тоа значи дека нешто лошо ќе се случи, зошто ударите на гром се многу ретка појава во зима. Исто така постои и верување дека ако денот е сончев на Свети Сава ќе донесе благосостојба и среќна и родна година. Иако овој празник со црвено е одбележан во календарот на СПЦ, се верува дека обратно треба да се работи од она што е вообчаено за големите празници. Тој ден стоката се испраќа на пасење, а домаќинот треба да си ги заврши важните домашни работи. Жените смеат да работат домашни работи, а дури е пожелно да направат големо чистење. Се смета дека и децата на Свети Сава треба да научат нешто ново, дури и некоја нова песна, зошто во спротивно ќе станат мрзливи и неа доволно да напредуваат цела година. Утре инаку е и неработен ден во Република Македонија за припадниците од Српската заедница.

Свети Сава е неработен ден за граѓаните припадници на српската заедница во Македонија

Катерина Бојаџиева — Tue, 24 Jan 2023 08:20:26 +0000

Министерството за труд и социјална политика соопштува дека согласно со Законот за празниците на РМ („Службен весник на РМ„ бр.21/98 и 18/07), 27 јануари 2023 година (петок), Свети Сава е неработен ден за граѓаните припадници на српската заедница во Република Северна Македонија. Истовремено, Министерството за труд и социјална политика на граѓаните припадници на српската заедница им го честита празникот Свети Сава.

Мицкоски со честитка по повод празникот Свети Сава

Тале Кристо — Thu, 27 Jan 2022 09:31:42 +0000

Дозволете ми во мое лично име и во име на партијата ВМРО-ДПМНЕ на граѓаните на Република Македонија припадници на српската етничка заедница да им го честитам празникот Свети Сава. Големиот светител има дадено огромен и непроценлив придонес за културата на Србите, а неговото дело за ширењето на писменоста и христијанството оставил траен белег, пишува претседателот на ВМРО-ДПМНЕ проф. д-р Христијан Мицкоски во честитката по повод празникот Свети Сава. -Србите во Македонија се дел од културниот, јазичниот и општествениот мозаик на нашата земја, кои придонесувале и придонесуваат кон изградбата на заедничката иднина. Духовните мостови помеѓу народите најдобро се симболизираат преку взаемната почит и соработка, а одбележувањето на ваквите празници овозможува продолжување на традицијата на заедничка доверба и негување на културни особености и обичаи. Македонија е горда на својата вековна историја на соживот и разбирање и тоа е нашиот темел за иднината. Само обединети можеме да ги надминуваме сите предизвици. Само сплотени можеме да ги решаваме сите проблеми кои не тиштат, без разлика на нашата верска и етничка припадност. Само заедно можеме да направиме подобра денешница и уште подобро утре. Ви посакувам празничните мигови да ги поминете во радост, благосостојба и добро здравје. Нека е честит празникот Свети Сава!, пишува Мицкоски во честитката.

Мицкоски: Св. Сава треба да не обединува во напорите за подобар живот и крај на политичката кариера на оние кои носат поделби

Ивона Петрова — Wed, 27 Jan 2021 09:42:48 +0000

Претседателот на ВМРО-ДПМНЕ Христијан Мицкоски на сите припадници на српската етничка заедница во Република Македонија им го честита големиот христијански празник Свети Сава. -Веќе 14 години кога по иницијатива на ВМРО-ДПМНЕ, а со конструктивна и срдечна поддршка на претставниците на српската заедница, заеднички решивме да го установиме овој празник и за прв пат во нашата современа историја како држава и Србите да добијат свој официјален празник и датум за прослава. Ако во Република Македонија тоа се Свети Кирил и Методиј, во Србија и помеѓу српскиот народ тоа е Свети Сава, првиот српски архиепископ и деец кој оставил траен белег во негувањето и ширењето на христијанска мисла на Балканот. Од овие причини, но и од почит кон српскиот народ, овој ден го одбележуваме како празник на српската заедница во Република Македонија. Српската заедница е нераскинлив дел од македонското општество со својата култура и традиција придонесува за збогатување на нашето мултикултурно општество и градење на соживот и мостови на доверба и пријателство во Република Македонија. Сите ние заедно ја живееме денешната реалност на тежок живот, сиромаштија и разочарувања. Затоа преку меѓусебна почит ние мораме да се обединиме и да донесеме промени и да ја обновиме нашата заедничка татковина за да создадеме подобра држава и подобра иднина за нас и нашите идни генерации. Празникот Св. Сава треба да не обединува во напорите за подобар живот, решавање на заедничките проблеми и крај на политичката кариера на носителите на власта кои носат поделби, угнетување на заедниците и нееднаквост. Нека денешниот ден ви донесе многу здравје, радост и благосостојба вас и на вашите семејства, се вели во честитката на Мицкоски.

Честитка од Пендаровски по повод празникот Свети Сава

Ивона Петрова — Wed, 27 Jan 2021 08:41:12 +0000

Претседателот Стево Пендаровски по повод празникот свети Сава упати честитка до припадниците на српската заедница, посакувајќи им празникот да го поминат во добро здравје, исполнет со радост и со среќа. -Духовната и просветителско-образовна дејност на свети Сава е еден од најзначајните темели на српската национална и културна самобитност. Неговото дело е неизоставен дел од традициите, обичаите и културно наследство на припадниците на српската заедница во Република Северна Македонија која активно придонесува за политичкиот, општествениот и културниот живот. Се радувам и на придонесот што нашите граѓани од српска националност го имаат во продлабочувањето на односите со соседна и пријателска Република Србија, пишува во честитката претседателот Пендаровски. Скоро цела година, како што вели Пендаровски, живееме борејќи се со пандемијата со Ковид-19, која ги загрозува нашето здравје и благосостојба, но и го менува нашето секојдневие. -За жал, како и за останатите празници и светосавското празнување ќе биде во изменети околности. Да продолжиме со почитување на мерките и со дисциплинираното однесување за да го заштитиме своето, здравјето на најблиските, како и здравјето на целата заедница. Празникот на свети Сава нека биде поттик да истраеме и да останеме солидарни и одговорни, сложно и сплотено работејќи за развојот и за напредокот на нашата заедничка татковина, пишува Пендаровски во честитката по повод Денот на Свети Сава.

Среда неработен ден за припадниците на српската заедница

Ивона Петрова — Mon, 25 Jan 2021 08:43:25 +0000

Министерството за труд и социјална политика соопштува дека согласно со Законот за празниците на РМ („Службен весник на РМ„ бр.21/98 и 18/07), 27 јануари 2021 година (среда), Свети Сава е неработен ден за граѓаните припадници на српската заедница во Република Македонија. Истовремено, Министерството за труд и социјална политика на граѓаните припадници на српската заедница им го честита празникот Свети Сава.