свети валентајн – Kurir.mk

Како се слави Свети Валентајн во светот?

Катерина Бојаџиева — Tue, 14 Feb 2023 08:51:02 +0000

Симболот на Валентајн е римскиот бог Купидон прикажан со лак и стрела. Се смета дека тој кој ќе биде погоден од стрелата веднаш ќе се вљуби. Тој полупразник го добил името по ранохристијанскиот светец Валентин кој живеел во 3 век во новата ера. Меѓутоа, најпопуларната приказна е таа во која Свети Валентајн се наведува како свештеник кој тајно ги венчавал римските војници и нивните избрани невести. Во тоа време римскиот цар Клаудие донел наредба според која ниту еден римски војник не смеел да се венча бидејќи тоа би пречело на неговата сила на боиштата. Сите тие морале да ја почитуваат таа одлука, вклучувајќи го и свештенството, но свештеникот Валентин не ја почитувал таа заповед и почнал тајно да ги венчава младите двојки, ризикувајќи така да заврши во затвор и да биде убиен, што на крај и се случило на 14 февруари вечерта кога му била отсечена главата. Обичаите кои луѓето денес практикуваат да ги прават за Валентајн се разликуваат од општество до општество. Портокалите и Сингапур Според кинескиот календар, Валентајн паѓа на 15 ден во Новата година кој е резервиран за традиционалниот фестивал на фенерите. Но, вљубените од Сингапур и Малезија во текот на годините си развиле сопствени обичари, а еден од нив е поврзан за портокалите. Слободните жени на портокали ги пишуваат своите броеви на телефоните, па ги фрлаат во реките и езерата, а сите слободни мажи подоцна ги вадат и ги јадат. Јапонија и големите количини на чоколада Жените за Валентајн на своите партнери, машки колеги од работа и на шефовите им подаруваат чоколадо. Слободните девојки чоколадо им даруваат на своите симпатии. Месец дена подоцна, т.е. на 14 март мажите на жените подаруваат бело чоколадо (т.н. White Day). Ден на пријателството во Финска Финците Валентајн традиционално го поврзуваат со пријателството. Се подготвуваат креативни честитки и ситни подароци кои се подаруваат на партнерите, пријателите и семејството. Праќачот притоа е анонимен па саканите лица мора да откријат кој се сетил на нив на 14 февруари. Италијанките праќаат писма на Јулија Верона во Италија на денот Валентајн е во центар на вниманието. Љубовни писма се пишуваат не само на саканите лица туку и на Јулија, а потоа група млади луѓе ги читаат и ги наградуваат најдобрите. Обновување на заветот во Франција Популарно место за вљубените во Франција е Сент-Валентајн во покраината Индре. Паровите често се одлучуваат на обновување на брачниот завет, а селото со 285 жители е совршено место за веридби, па поради тоа Валентајн тука трае подолго од каде било во светот, соодветната свеченост се одржува три дена. Данска Данците на своите сакани за Валентајн праќаат шеговити љубовни песни (gaekkebrev). Песните се праќаат анонимно, а името на праќачот е скриено во стиховите. Среќничката која примила песна има време до Велигден да открие кој и ја пратил. Ако успее, испраќачот на Велигден и дарува јајце, а ако не успее, праќачот сепак се открива и тогаш таа на него му дарува јајце. Филипини На Филипините постои обичај по повод Валентајн да се организираат масовни венчавки. Се проценува дека лани за Валентајн се венчале над 4000 парови. Оваа година веќе почнаа масовни венчавки во филипинските градови така што бројот веројатно ќе биде уште поголем. Германија Германските обичаи за прославата за Валентајн се обични. Исклучок се честитките на кои се наоѓаат слики на прасенца бидејќи токму свињата во оваа земја е симбол за среќа и страст. Освен тој подарок, Германците љубов изјавуваат и со медењаци на кои пишува Ich Liebe Dich! Словенија Во Словенија постоела традиција за славење на љубовта на 12 март, кога на празникот Св. Гргур се венчавале птиците. Денес таа традиција помалку е заборавена, но сепак постојат луѓе кои на тој ден на своите сакани им даруваат колачи во форма на птички и така остануваат верни на поранешната традиција. Велика Британија Некогаш одамна во Норфолк во Велика Британија Џек Валентајн (Old Father Valentine) во ноќта спроти Валентајн посетувал деца и им дарувал подароци и колачи. Сличен е на Дедо Мраз, само што тој не се спуштал низ оџакот. Потеклото на оваа традиција е непознато, но и денес многу родители ја негуваат, па на Валентајн ги даруваат своите деца.

СВЕТИ ЃУРЃОВДЕН: ХИТ ВИДЕОТО за Свети Трифун или Валентајн

Катерина Бојаџиева — Tue, 14 Feb 2023 08:25:17 +0000

Во последните неколку години секој 14 февруари има расправи за тоа кој празник треба да се слави, а ова е ХИТ видеото за овој ден секоја година. Некои не го даваат Свети Трифун, на други не им пречи Свети Валентин, а трети пак го прославуваат денот на вљубените со добро вино, а најмногу профитираат умешните трговци кои за овој ден имаат полни раце работа. А речиси малкумина се оние кои знаат нешто за овие светители. „Свети Валентин не е наш празник туку измислица на западниот свет со цел да се извлечат повеќе пари за овој бесмислен празник. Ние имаме свој светител, а тоа е Свети Трифун; Отсекогаш сакаме да се разликуваме од другите. Зошто како сиот нормален свет дда не го славиме Денот на вљубените. Што има лошо во тоа “ – ова се само дел од спротиставените размислувања на интернет –форумите за тоа дали треба да се слави едниот или другиот празник. Ова момче има навистина интересен одговор за тоа кој празник го слави, Свети Трифун или Валентајн… Дополнителен коментар се чини не е потребен… Ова е ХИТ видеото секоја година за овој ден!

Како се слави Свети Валентајн во светот?

Катерина Бојаџиева — Mon, 14 Feb 2022 12:47:58 +0000

Една боја е симбол на Денот на вљубените: Денес задолжително облечете нешто во оваа боја, ќе ве следи среќа во љубовта

Магдалена Андонова — Mon, 14 Feb 2022 11:03:31 +0000

Денот на вљубените е еден од празниците што е општо прифатен во целиот свет, особено кај помладите генерации. На истиот датум, православните христијани го слават Свети Трифун, заштитникот на лозата. Сепак, Денот на вљубените е особено популарен меѓу младите, па многу луѓе се обидуваат да ги израдуваат оние кои го сакаат или се заљубени во тој ден со разни подароци. Од дамнешни времиња постои верување дека една боја е симбол на љубовта и овој празник и дека е многу важно да имате парче накит или облека во таа боја, за да ве придружува среќата во љубовта до следниот ден на вљубените. . Се работи за црвената боја. Имено, се верува дека оваа боја на страст им носи среќа на заљубените, но и срцето најчесто го цртаме како црвено, што го потврдува значењето на ова верување. Старото верување кое се практикува во повеќето земји во кои овој празник се слави уште од античко време, вели дека денес девојките и момчињата дефинитивно треба да носат барем некој црвен детаљ, така што среќата во љубовта би ги придружувала до следниот ден на вљубените. Сите варијации на црвено влегуваат во игра, вклучувајќи ги и оние темни нијанси како бордо. Се верува дека црвената боја им носи среќа на оние кои немаат партнер или не се среќно заљубени, но и на оние кои се во среќни врски. Доколку оние кои се сами денес носат нешто црвено од гардеробата или некој детаљ, постои верување дека веројатно ќе ја најдат својата „сродна душа“ до следниот ден на вљубените. Црвената боја го „подигнува“ расположението и дава поголемо чувство на самодоверба, симбол е на радост и страст, затоа задолжително облечете нешто црвено денес и уживајте во Денот на вљубените.

Им се крева косата од Свети Валентајн: Овие хороскопски знаци не го поднесуваат Денот на вљубените

Катерина Бојаџиева — Fri, 04 Feb 2022 15:06:16 +0000

Една од главните теми во февруари дефинитивно е Денот на вљубените. И додека едни едвај го чекаат, други на самото споменување на овој ден „им се крева косата на глава“. Се прашувате зошто е тоа така? Астролозите тврдат дека големо влијание на тоа има хороскопот и дека луѓето родени во овие четири знаци едноставно не го поднесуваат Валентајн. Јарец Тврдоглавите Јарци воглавно не сакаат кога ќе им се каже дека треба нешто да направат и во такви ситуации обично се инаетат. Бидејќи се многу скржави, не се согласуваат со идејата на Денот на вљубените да ја искажат својата љубов преку скап подарок. Затоа, ако сте во љубовна врска со некој кој е роден во овој знак, не го потсетувајте дека се наближува овој празник, бидејќи сигурно нема да ви купи ништо, но и без тоа не треба да очекувате никаков подарок. Водолија Водолиите се родени сонувачи, поради што веројатно би помислиле дека сакаат празници како што е Валентајн. Но, тие често се целосно емотивно исклучени од светот околу себе за Денот на вљубените и воопшто ништо не им паѓа напамет. А во случај да одлучите да ги потсетите дека се наближува овој ден, веројатно ќе им создадете притисок и ќе ги доведете во непријатна ситуација, па дури и ќе предизвикате расправија. Девица Девиците се реалистични и со двете нозе стојат цврсто на земјата, па воопшто не ја разбираат идејата на Денот на вљубените и не го сметаат за важен ден. Доколку им предложите размена на подароци за Валентајн, веројатно од нив ќе добиете кисела насмевка и ќе си ја намалите вредноста во нивните очи. Шкорпија Иако се романтични и емотивни, кога Шкорпиите се заљубени сакаат својата љубов да ја искажуваат секојдневно и без никаков повод, па идејата за славење на Денот на вљубените дури и помалку ги навредува.