светла среда – Kurir.mk

ВЕЧЕРВА ПОГЛЕДНЕТЕ КОН НЕБОТО – првата среда по Велигден има посебна моќ, еве што треба да направите кога ќе се смрачи

Дарко Андоновски — Wed, 19 Apr 2023 16:58:52 +0000

Неделата по Велигден е полна со бројни убави обичаи и верувања. Денешниот ден, првата среда после Велигден, кај народот е познат како светла среда. Постарите велат дека вечерва треба да се гледа во небото. Ако е ведро, без облаци и полно со ѕвезди, годината ќе биде родна. Ако има облаци, годината до следниот Велигден ќе биде тешка, година на беда и сиромаштија. Некои намерно бараат ѕвезди што паѓаат бидејќи се верува дека оној што прв ќе види ѕвезда како паѓа ќе има повеќе среќа од останатите. Овој обичај се врзува и за мртвите. Ако неодамна ви починал некој вечерва треба да погледнете во небо, бидејќи старите велат дека денес по полноќ ќе падне и неговата ѕвезда. Според народното верување среда е мошне поволен ден, а особено млада среда, за секоја активност и преземање важни чекори. Во некои делови ова е варовна среда, која се нарекува водена, бидејќи е посветена на водената стихија – да не се уништат посевите, што во време на пролетните дождови често се случувало. Во минатото многу се внимавало на тоа луѓето да се воздржуваат од секоја зла мисла или лошо дело. Особено во среда, бидејќи оној што ќе згреши во среда-гревот му останува до судниот ден. Ова народно верување е засновано на фактот дека меѓу светителите единствено Света Среда нема црква која ѝ е посветена, па оттука грешникот нема каде да се исповеда и да бара простување за гревот. Кој ќе згреши во среда, гревот му останува засекогаш… Денешната среда се нарекува и поцрнета среда, а називот го добила според еден стар обичај кој се практикувал до пред Втората светска војна. Имено, на денешен ден по селото се движела поворка составена исклучително од неженети момчиња до триесеттата година. Тие биле следени од свирачи и со себе влечеле стебло. Овој ведар и живописен обичај го симболизирал верувањето за потребата и смисолот на бракот, а тие кои се уште не го засновале на овој начин јавно биле „прозвани“ или како што се велело „поцрнети“.

УТРЕ Е СВЕТЛА СРЕДА: Старите велат дека вечерта треба да се гледа во небо

Дарко Андоновски — Tue, 18 Apr 2023 19:52:38 +0000

Утрешниот ден меѓу народот е познат како светла среда. Постарите луѓе кажуваат дека ноќеска треба да се гледа во небото. Ако е ведро и ѕвездено, годината ќе биде родна. Ако има облаци, не чека година на сиромаштја и несреќа. На небото посебно се бараат ѕвезди кои паѓаат. Се верува дека оној кој прв ќе здогледа една, ќе има повеќе среќа од останатите. Овој обичај се поврзува и со мртвите. Ако во семејството некој неодамна ви починал, ноќеска треба да погледнете во небото. Велат дека на овој ден после полноќ ќе падне и неговата ѕвезда. Утрешната среда уште се нарекува и „гарава среда“, а името настанало по еден стар обичај кој во некои краеви се одржувал се до пред Втората светска војна. Имено, на тој ден низ населбата би се движела поворка во која исклучиво биле неоженети мажи до триесетите години. Тие низ местото би оделе со придружба на свирачи и со себе би влекле трупец. Овој ведар и живописен обичај го симболизирал верувањето за потребата и смислата на бракот, а оние кои уште не го засновале на овој начин, јавно, биле „повикувани“ да го сторат тоа и да се оженат.

Светла или Гарава среда: Кој денеска згреши нема простување, а еве зошто луѓето веруваат дека вечерва треба да погледнеме во небото

Магдалена Андонова — Wed, 27 Apr 2022 08:36:26 +0000

Денешниот ден меѓу народот е познат како Светла или Гарава среда, што е прва среда по велигденските празници. Постарите луѓе кажуваат дека ноќеска треба да се гледа во небото. Ако е ведро и ѕвездено, годината ќе биде родна. Ако има облаци, не чека година на сиромаштја и несреќа. На небото посебно се бараат ѕвезди кои паѓаат. Се верува дека оној кој прв ќе здогледа една, ќе има повеќе среќа од останатите. Овој обичај се поврзува и со мртвите. Ако во семејството некој неодамна ви починал, ноќеска треба да погледнете во небото.Велат дека денес после полноќ ќе падне и неговата ѕвезда. Што значи ако сонувате гараво лице? Ако во сон видите гараво лице тоа значи дека сакате некого или нешто што не можете да го имате. Можно е да сте заљубени во личност која е зафатена или која едноставно вас не ве сака.