светлана колариќ – Kurir.mk

Колариќ потсети каков однос има Шилегов кон пожарникарите (ВИДЕО)

Ивана Ефремовски — Thu, 05 Aug 2021 12:32:18 +0000

Ти си советник од ВМРО во Сопиште така? Не, или ти беше? Или ти беше? Светлана Колариќ од ВМРО-ДПМНЕ потсетува каков однос има градоначалникот на Град Скопје, Петре Шилегов кон македонските пожарникари. Па, таа му порача на Шилегов: „Јадоооо оди покриј се!!! Што е битно кој беше, битно е дека заслужуваат многу повеќе и од тебе и од мене и од нас! Пожарникарите се нашите херои“!!!

Колариќ: Шилегов е во виртуелни филмови, нема еден метар асфалт ставено на готовиот проект за Булеварот „Борис Трајковски“

Магдалена Андонова — Sun, 18 Jul 2021 10:02:18 +0000

Еве го на дело неработењето и предизборните лажни ветувања на Петре Шилегов. Пред еден месец неработникот Шилегов токму на ова место помпезно го најави проектот за продолжување на Булеварот „Борис Трајовски“. Еден месец тука си одморија два багера колку да се гледа дека нешто ќе се работи. Но денес гледаме дека багерите ги нема, а ниту пак нешто се сработи, ниту пак нешто се поместило од првобитната состојба, изјави денеска за медиумите, Светлана Колариќ, советничка во Советот на Град Скопје од ВМРО-ДПМНЕ Таа посочи дека ова е уште една голема лага на најголемиот неработник во Градот Скопје - Петре Шилегов. - Лажни ветувања само пред избори и појавувања пред камери за да народот мисли дека неработникот нешто работи. Внимавајте, Шилегов наследи готов проект за довршување на Булеварот „Борис Трајковски“ уште во 2017, Шилегов и покрај виртуелните филмови и сликања не успеа ниту еден метар да асфалтира. Сеуште неговата администрација ги нема решено проблемите со експропријација на имотите на физичките и правни лица на овој дел од трасата. Срамота е градоначалниче, наместо парите на граѓаните да ги трошите на преплатени чешми, плочки, клупи, жандинерии, наместо да го распродавате имотот на Град Скопје или пак да си ги вдомувате партиските послушници, земете конечно да го решите овој проблем со кои се соочуваат илјадници скопјани од овој дел на градот, потенцира Колариќ. Таа рече дека скопјани на следните локални избори ќе стават крај на неработењето на вашето неработење. - Виртуелни наочари немаме за вашите скапо платени виртуелни и неостварени проекции, но затоа бараме вистински дела, дела кои вие не можете да им ги дадете на граѓаните. Македонија е за сите луѓе, а градот Скопје во октомври ќе го добие вистинскиот градоначалник, додаде советничката Колариќ.

Колариќ: Со новиот ребаланс на буџетот, предлагачот Шилегов ќе ги замачкува очите на граѓаните пред избори

Катерина Бојаџиева — Tue, 06 Jul 2021 14:54:23 +0000

Советничката на Град Скопје од редовите на ВМРО-ДПМНЕ Светлана Колариќ на денешната седница за ребалансот на буџетот, истакна дека очекувала предлагачот, односно градоначалникот да одвои пари во буџетот од кои граѓаните ќе видат аир. -Очекував средства за реконструкција на водоводната мрежа во Љубанци и Љуботен, бидејќи нечовечки е жителите да кукаат за вода во 21-ви век. Очекував нови канти за ѓубре, нови контејнери, нова училишна зграда за средното училиште во Драчево и така натаму. Но, вие го изготвивте предлог буџетот за да се замачкаат очите на граѓаните пред избори, рече Колариќ. Како не ви е срам, продолжи таа да напишете дека ќе се заштити животната средина во даденото образложение, кога ниту еден проект не е поврзан со секторот за заштита на животна средина. -Сигурно не мислел градоначалникот односно предлагачот дека дотур на средства за нова година преставува и капитален проект. Се потврди дека секторот за локален економски развој ништо не работи и дека повторно вадите 21 милион денари и повторно докажавте дека најмалку е значаен овој сегмент. Секторот за комунални работи повторно го товарите со 173 милиони денари, претворени во субвенции за јавни претпријатија во кои што всушност вие планирате предизборни партиски вработувања, меѓутоа и илјадници садници кои што ги купувате, а кои уште не засадени се исушени. Но, од друга страна се збогатија и се позлатија струмички фирми, изјави Колариќ. Секако, посочи советничката повторно одвојувате пари за непресушниот бунар – чистење на коритото на реката Вардар. -Во делот сектор за јавни дејности, повторно го отворате проектот за реконструкција на Универзална сала, иако “славејчињата” требаше да ги чуеме уште првата година кога дојдовте на власт. Треба јавно да кажете дека реконструкцијата нема да заврши оваа година и дека внатрешниот редизајн ќе трае неколку години. Доблесно е, рече таа градоначалникот Шилегов да каже дека и проектот Градска куќа ви се удри од глава како бумеранг. -Оваа администрација четири години ја оставивте во стари, дотраени и мувлосани бараки, на минусни температури, во услови на пандемија, а сега и на тропски температури. Ја продадовте градската куќа за 13 милиони евра, за да сега во развојните програми повторно ја ставате како проект и ќе ја плаќате во наредните 3 години, истакна Колариќ.

Колариќ: Шилегов нема решение за проблемите со водоводот во Љубанци и Љуботен, ниту пак знае до каде се ветените проекти кои граѓаните ги очекуваат

Ивана Ефремовски — Wed, 30 Jun 2021 13:42:09 +0000

На денешната седница на Советот на Град Скопје предвидена за советнички прашања се обрати советничката од редовите на ВМРО-ДПМНЕ, Светлана Колариќ која што постави три прашања до градоначалникот и администрацијата на Град Скопје.

Како прво прашање Колариќ го наведе загарантираното право на човекот да има вода за пиење, што како што таа вели одреден период е ускратено во многу скопски населби и села поради немарноста и неангажираноста на Шилегов за ревитализација на водоводната мрежа. Најпогодени во изминатите десетина дена се жителите на скопските Љубанци и Љуботен кои немаат вода за извршување на секојдневните потреби, ниту пак за пиење.

Колариќ додаде дека овие две села се на само петнаесетина километри од центарот на градот Скопје, што претставува поразителен факт за тоа колку на Шилегов не му е грижа за потребите на скопјани.

Во 2019 година Град Скопје примил средства како донација за студија на тематски забавен парк од страна на италијанската фирма Бауса. Деталите, како и самата студија не се објавени на сајтот на Град Скопје, што покажува до кое ниво е нетранспарентноста на Шилегов во однос на реализацијата на предвидените проекти. Колариќ го праша Шилегов зошто крие од граѓаните за какви намени се трошат парите на градот и зошто досега тематските игралишта не се ни започнати?

Со одлука на Советот на Град Скопје, десетте скопски општини зедоа одговорност да исплаќаат по 32 илјади евра, се со цел да заживее и да се разработи јавното претпријатие "Лајка". Колариќ го запраша Шилегов дали сите општини го испочитувале договорот, односно одлуката на Советот на Град Скопје и кои се реперкусиите кои што ќе ги сносат оние општини кои што не ги исплатиле средствата?

Колариќ напомена дека во однос на сите три точки, градоначалникот ниту знае што се случува, ниту пак пројавува желба за решавање на проблемите на граѓаните. За Шилегов не се важни ниту жителите на Љубанци и Љуботен, ниту тематските забавни паркови, ниту пак обврските кои што тој сам ги дал на општините за помагање на градот во однос на поддршката на ЈП "Лајка".

-Наместо лаги и манипулации скопјани заслужуваат многу повеќе. На градот не му е потребен човек кој е лажго и манипулатор, туку човек со јасна визија и цел. Токму затоа на локалните избори во октомври ќе се потврдат резултатите од досегашните анкети, а тоа е дека Петре Шилегов ќе си замине од градоначалничката фотелја. Уште само три месеци и скопјани ќе имаат шанса да одберат човек кој со енергија, знаење и чесна намера ќе го врати градот на нивото на кое заслужува, порача таа.

Колариќ: Четири години мрзливиот Шилегов не изгради ниту еден капитален проект, сега на три месеци пред избори мачка очи на јавноста

Дарко Андоновски — Wed, 23 Jun 2021 10:11:08 +0000

Десет и триесет часот, работниците ги нема, а машините стојат. Четири години замачкување на очи на скопјани, без ниту еден капитален проект, само лажни ветувања од страна на неработникот Шилегов, ова денеска преку изјава за медиумите го истакна Светлана Колариќ од ВМРО-ДПМНЕ. -Шилегов за 4 години не изгради ниту еден булевар, а сега 3 месеца пред завршување на мандатот се сети за довршување на булеварот Борис Трајковски кој не му беше ниту предвиден во Буџетот за 2021 година и децидно велеше дека нема да го прави. Наместо вчера Шилегов да се слика за отпочнување на последната фаза од булеварот Борис Трајковски, Шилегов требаше да се слика за завршен булевар Борис Трајковски. Петре Шилегов во 2017-та година наследи готов проект за довршување на овој булевар. Готов проект кој мрзливиот Шилегов требаше само да го реализира. На 21.06.2021 година потпишува договор со градежна фирма, а машините пристигнати 5 дена порано. Тендер без спроведена аукција и со ограничени услови. Иако вчера се сликаше за отпочнување на градежни активности, градската администрација на чело со Шилегов сеуште не ја заврши експропријацијата на имотите на жителите на трасата која треба да се гради, вели Колариќ. Таа го прашува Шилегов, кога ќе ги решите имотно-правните работи на овие жители? -Дали знае градоначалникот Шилегов колку сообраќајни несреќи се случија на овој дел од булеварот последните четири години? Дали знаете колку коли се искршија по дупките на ова место? Но, на градоначалникот на Скопје не му беше гајле за проблемите на овие жители, а не се малку околу 70,000 жители гравитираат на овој дел од градот. На Шилегов му беа битни тендерите за клупи од 29 илјади денари, скала од 1.7 милиони евра, жардињерии од 60 илјади денари, партиски вработувања, распродажба на градски имот и сега повторно сеење предизборна магла и лажни ветувања. Наместо да работи, Шилегов целиот мандат го помина во делење и нарачки на тендери. Петре Шилегов е најнеспособниот градоначалник на Град Скопје. Шилегов не работи за скопјани. Шилегов работи за себе и за блиските луѓе околу него. Дајте почитувани граѓани да ставиме крај на поделбите од страна на СДСМ и Зоран Заев, не смее да има граѓани од прв и од втор ред. Македонија е за сите луѓе, вели Колариќ.

Колариќ: Со оставен готов проект сега требаше да сечете црвена лента за завршување, а не сликање пред камери за отпочнување со последна фаза на „Борис Трајковски“

Катерина Бојаџиева — Tue, 22 Jun 2021 16:20:19 +0000

Како бре не ви е СРАМ!!! Со готов проект оставен од претходниот градоначалник, сега требаше да сечете црвена лента за завршување на истиот, а не сликање пред камери за отпочнување со последна фаза на бул.Борис Трајковски, вели Светлана Колариќ, советничка во Советот на Град Скопје. -До март 2021 не ви паѓаше на ум да отпочнете со градба сега сте се наредиле пред избори за сликање. Но можеби и во право сте, доколку го реализиравте проектот ќе немавте пари да ги платите клупите од 33 000 денари, штитниците за садници од 6 000 ден, жардињери од 60 000 денари, скала од 1.7 милиони евра, зелен кров од 1 милион евра и над 300 партиски џаболебари вработени во трули бараки. Туку да ве прашам, до каде се договорите за експропријација на имотите крај патот? Нели Коце Трајановски беше тој што градел без да заврши со решавање на имотно правни проблеми или тоа за пред јавност да се истакнеш колку си домаќински настроен??? Што ќе биде со детското игралиште? Кога ќе заврши изградбата, брзооо - не асфалтираш двор на викендица та да е брзо алооо??? Се надевам дека сите слоеви на асфалтот ќе бидат застапени и нема да биде како Бутелска или патот до Три Круши🤨??? Ех море Петре да ги прифатеше моите амандмани минативе 3 години и сега да се сликаше на мостот Драчево со реализиран проект те уверувам ќе земеше плус гласови за изборите, но сега, сега во жешково, со летна прашина, гужви, нерешена експропријација можеш само да се сликаш и да си спомнуваш во пензионерските денови кои ти следуваат " можев многу повеќе" но решив да уживам во градоначалничкиот мандат и да продавам воздух и магла, пишува Колариќ на Фејсбук.

Колариќ: Една недела ДКСК молчи за распределбата на субвенции за инвертер клими од Шилегов

Ивана Ефремовски — Sat, 22 May 2021 09:19:04 +0000

Една недела ДКСК молчи за начинот на распределбата на субвенции за инвертер клими од Шилегов. Една недела откако поднесовме претставка и документација. Од ДКСК ни трага ни глас, вели Светлана Колариќ, советничка во Советот на Град Скопје. -Имаме сомнежи дека субвенциите се делени по партиски клуч, а изнесовме и информации дека субвенции добивале лица со живеалиште во централното градско подрачја, кои живеат на улиците „Народен Фронт“ и улица „Македонија“, каде што има приклучок на градска топлификациона мрежа, или се греат на струја, но не се греат на дрва. Во исто време запоставени се жителите на Лисиче, Ѓорче Петров, Драчево и други населби, кои се греат на тврди горива и во текот на зимскиот период влијаат на зголемено загадување на воздухот. Шилегов го најави проектот како помош за нив, а заврши како помош за луѓе кои воопшто не се во зоните извор на загадување. Уште поголем сомнеж фрли и произволноста на службите кои работат под диктат на Шилегов, а кои прифаќале за едни апликанти потврди од БЕГ, а за други изјави од Нотар. Никаква заштита на личните податоци на граѓаните и немало никаква унифицираност при нивната работа, истакнува Колариќ. Таа порача: „За сите овие сомнежи поднесовме претставка до ДКСК, но од таму нема реакција кога станува збор за Шилегов. Зошто се молчи“?

Колариќ: Имаме сомнение дека парите за субвенции за инвертер клими се злоупотребени и се давани по партиски клуч, ДКСК да отвори случај

Ивана Ефремовски — Fri, 14 May 2021 10:24:28 +0000

Денеска ќе поднесеме пријава до ДКСК за градоначалникот на Град Скопје, Петре Шилегов, за кој постојат основани сомненија дека ненаменски потрошил над 33 милиони денари народни пари, кои требало да бидат искористени за исплаќање на субвенции за инвертер клими на домаќинства кои се греат на дрва, нафта или мазут, Светлана Колариќ, советничка во Советот на Град Скопје. -Субвенцијата која требаше да ја добие едно домаќинство е до 62 илјади денари. Сите пари не завршиле кај домаќинства кои требаше да ги заменат своите печки на дрва со инвертер клими. Од свиркачи во Град Скопје имаме информации дека се давани субвенции и на домаќинства кои не ги исполнуват бараните услови пропишани во Програмата донесена од Советот на Градот Скопје на 29-ти јануари 2020 година. Ова е класична злоупотреба која мора да биде санкционирана. Дополнително постои сомнение дека поделбата на субвенциите е вршена и по партиски клуч. Имено на некој од граѓани им било барано да достават потврда од БЕГ дека не се приклучени на градското парно, на други им била прифаќана и изјава на нотар, а на трети не им се барани никакви документи. Применета е произволност и самоволие на градската управа спротивно на Програмата донесена од Совет на Град Скопје, истакна таа. Колариќ порача: „Дополнително не е испочитувана и постапката за заштита на личните податоци, ниту еден граѓанин нема потпишано изјава за согласност за обработка на лични податоци, ниту пак е запазена постапката за прием на апликации, а Градот Скопје се однесува се уште незаконски со документацијата“. -Ова е фотографија која е доказ за тоа. Ова се вреќи во кои е сместена документација со податоци на скопјани. Дојавата е од совесни административни службеници кои работат во Градот Скопје. Ова е класична злоупотреба. Имаме сомнежи дека се злоупотребени народни пари, не се постапува согласно законите, но и дека е вршен поткуп пред избори, особено заради фактот што огласот за инвертер клими беше распишан 13 дена пред парламентарните избори во 2020 година. Бараме ДКСК во најбрз можен рок да отвори постапка и да го истражи овој случај до крај, порача советничката.

Колариќ: Скандал со субвенционирањето на клима уреди од Град Скопје, делени без критериуми и можна злоупотреба на лични податоци

Катерина Бојаџиева — Sun, 09 May 2021 09:22:12 +0000

На повидок е нов скандал, и повторно во центарот на овој скандал е скопскиот градоначалник Петре Шилегов. Имаме основани сомневања дека многу најавуваните субвенции за инвертер клими се голема измама и злоупотреба зад кое стои половична реализација на проектот, и истите се делени без исполнување на критериумите, селективно, и сето тоа базирано на партиски и лични основи, истакна Светлана Колариќ, советник во Совет на Град Скопје. -Исто така имаме сомневања дека личните податоци на апликантите не се заштитени и третирани согласно закон при што можна е злоупотреба на истите. Овие наши основани сомневања ги темелиме на претходна дојава од самите служби на градот и како советничка група на ВМРО-ДПМНЕ и коалицијата побаравме увид во документацијата при што сме должни да објавиме констатираните нецелосна документација, со бројни пропусти и аномалии, рече Колариќ и додаде: „Се сомневаме дека се делени субвенции за инвертер клими на партиски луѓе кои живеат во централното градско подрачје, , на улицата Никола Кљусев, улица Македонија, Народен фронт и други улици низ центар каде е познато дека има парно греење или и досега граѓаните се грееле на струја, додека цели населби како Ѓорче Петров, Драчево, Лисиче, Радишани и други каде нема парно и загадувањето е големо, нема доволно субвенции. Она што го затекнавме во градот е запрепастувачки. Нецелосни досиеја, расфрлани документи по ходници“. Го прашуваме Шилегов, подвлече таа, јавно да каже колку контроли се направени кај граѓаните корисници на субвенциите за исполнети услови? -Зошто на едни граѓани се барани потврди од БЕГ а на други изјави од нотар? Го прашуваме Шилегов јавно да каже дали го познава воопшто и зошто не го применува Законот за заштита на лични податоци. Или пак како и се друго за него и неговите партиски послушници законите не важат. Го повикуваме Шилегов да појасни, зошто досега на ниту еден апликант не му е побарано да даде изјава за согласност за обработка на лични податоци? Да одговори дали е точно дека се печатени лични карти и покрај софтверско чување на истите при апликација за субвенции? Да одговори зошто регистри со досиеја на граѓани апликанти и корисници на субвенции се расфрлани по ходници на дотраена барака бр.14? Шилегов да одговори, дали е точно дека раководител на сектор дал наредба да се сечат документи, складирани во вреќи и изнесувани надвор од бараката? Да одговори каква документација е уништена и под чија наредба? Шилегов треба да одговори кој е одговорен за личните податоци на апликантите и корисниците на субвенции. Колариќ изјави дека ја повикуваат и Агенцијата за заштита на лични податоци да изврши увид и примена на законот и инспекторатот на државен архив за ништена документација. -Граѓаните имаат право да знаат кој ги обработува и за какви цели нивните лични податоци.

Колариќ до Шилегов: Кршите закон според кој не смее да се врши промена на улици шест месеци пред избори или една година пред попис

Ивана Ефремовски — Tue, 30 Mar 2021 14:25:24 +0000

Светлана Колариќ, советник во Советот на Град Скопје од ВМРО-ДПМНЕ на денешната седница на советот, истакна дека една година градот и граѓаните се соочуваат со корона пандемија, а градоначалникот наместо да се фати за решавање на проблемите на скопјани, сака да врши грабеж на граѓаните и фирмите преку преименување на улиците. -Една година делиме еден голем предизвик во градот односно се справуваме со пандемија чума во градот, корона пандемија, смрт за голем број на граѓани, борба за преживување без последици и борба за опстанок. Секоја седница, барем една до две точки требаше да ни е појдовна основа за еден нов пристап на разговор и нов пристап на гледање на работите, нов пристап за решавање на круцијалните прашања кои што ги тиштат граѓаните. Очекував во најмала рака нова стратегија од вас градски татко. Независно дали истата ќе ве чини кариера вас или нас, или нови мандати, требаше да ги одбереме граѓаните. На сметка на ова два месеци февруари а сега и март ние разговараме за предлог листа, сега за листа на нови имиња на улици. Зар не треба да борите во овој период да амортизирате други прашања кои што се многу битни и клучни за граѓаните, како што е социјална кохезија и меѓуетнички мир, како што е амортизација на економски притисок, меѓутоа и реформски предизвици кои што ќе нанесат штета на граѓаните и на фирмите. Требаше да се осврнеме и да бараме решение да се амортизираат проблемите на граѓаните во оваа време невреме, но вие изгледа во услови на безидејност, слабост, како сакате толкувајте го, но јас го толкувам вака. Вие наместо да се соочите со маките на граѓаните, почнавте да раздавате имиња на улици, а во суштина вие веројатно планирате да направите грабеж и собирање од народот и пред се од фирмите, рече Колариќ. Колариќ истакна дека Шилегов директно го крши член 8 од Законот за именување на улици, плоштади и други инфраструктурни објекти во кој децидно стои дека не треба да се вршат промени на улици шест месеци пред локалните, претседателски или парламентарни избори, како и дека една година пред година пред планиран попис. -Не знам на кога да верувам, вие се декларирате дека сте правник, па затоа членот 8 е многу дециден и јасен од Законот за именување на улици, плоштади и други инфраструктурни објекти, и јасно стои дека промена на имиња на улици не треба да се вршат шест месеци пред локални, парламентарни, претседателски избори. Локалните избори еве ги за шест месеци доаѓаат. Но многу поголемо и суштинско значење е другата реченица, во која се вели дека една година пред планиран попис вие не смеете да ги менувате имињата на улиците. Зошто го правите ова, зошто го кршите законот? Зошто газите по законот за определување на имиња, на улици, плоштади, мостови и други инфраструктурни проекти, праша Колариќ. Колариќ побара од Шилегов да ја повлече оваа точка и да се откаже од ваквата промена на имиња на улици, укажувајќи дека ниту граѓаните, ниту општините не се прашани за овој предлог. -Сега кога нас ни се битно само адресите на продавници за храна и аптеки и банки и пунктови каде има лаборатории, доктори и кој прегледува и пунктови за вакцини, вие одлучивте да зборувате за имиња и презимиња и листа на нови имиња и презимиња на сокаци, на сокаци со дупки, на сокаци за кои што ниту куќните совети, ниту граѓаните, ниту општините не се прашани. Каде ви се во прилог мислењата од општините? Зошто не ги приложивте материјалите, дајте да ги видиме. Зошто нетранспарентно сакате да го обезличите градот? Зар сега беше прашање и тема да се зборува за имиња и презимиња на улици? Па имињата треба да откријат нешто од историјата, треба да бидат од значење од генологијата, етнологијата, места каде што живееле трговци да ги означиме, каде што се одржувале игри, спортови, каде што живееле истакнати семејства. Па дури и состојбите на улиците ако се ископани со ѓубре треба да добијат и соодветен назив, па имаме толку цркви, џамии, имаме голем број на историски личности и настани. Ние се врзавме само на имиња и презимиња од паушална направена анкета која што траеше само десет дена во период кога сите бевме на одмор. И вие зборувате за транспарентност. Не е точно. Ако зборувавте за транспарентност ќе направевте една проширена анкета, каде што ќе ги вклучивте сите оние луѓе, археолози, историчари, етнолози, вели Колариќ. -Со ова раздавање на имиња и презимиња на улиците вие всушност сакате да направите грабеж и да ги соберете парите од граѓаните и од фирмите затоа што секоја промена ќе значи и нови промени во документи, табли на улици, називи, во личната документација, долг е патот за сплотување градоначалник, но многу е краток за разединување. Неколку пати сум ве слушнала јас ги планирам работите подолго и сакам да ги направам такви какви што треба да бидат, па еве ви шанса градоначалник дајте повлечете ги овие точки, еве ви шанса, дајте нова методологија да го накитеме градот со убави имиња и презимиња, дајте нов метод, дајте друг вид на расправа, објасни Колариќ.