светски рекорд – Kurir.mk

Синди Меклафин го сруши сопствениот светски рекорд на 400 метри

Ивона Петрова — Sat, 23 Jul 2022 14:13:42 +0000

Сидни Меклафин од САД го сруши сопствениот светски рекорд на 400 метри со пречки и го освои првото место на Светското првенство во атлетика што се одржува во Јуџин, САД. Меклафин истрча со време под 51 секунда и го постигна новиот светски рекорд кој сега изнесува 50,68 секунди. Втора на трката беше Фамке Бол од Холандија, која истрча за време од 52,27 секунди, додека третото место ѝ припадна на Далија Мухамад од САД со 53,13 секунди. Претходно Меклафин истрча со време од 51.46 за освојување на олимписката титула во Токио, а го собори рекордот по трет пат на овогодинешното американско првенство во Јуџин на 25 јуни, со време од 51.41.

ЗОИ: Поел најбрз на 10.000 метри со нов светски рекорд

Ивона Петрова — Fri, 11 Feb 2022 12:06:50 +0000

Швеѓанецот Нилс ван дер Поел триумфираше денеска на трката на 10.000 метри во брзо лизгање со време на нов светски рекорд и го освои својот втор златен медал на Зимските олимписки игри (ЗОИ) во Пекинг. Поел до второто злато на Игрите во кинеската престолнина лизгаше три секунди побрзо од светскиот рекорд, кој самиот го постави во Холандија пред три години. Новиот рекорд во сопственост на Поел сега изнесува 12 минути и 30.74 секунди. Холанѓанецот Патрик Рост, кој, исто така, заврши зад Поел на трката на 5.000 метри, го освои сребрениот медал (12:44,59), додека бронзата му припадна на Италијанецот Давиде Гиото (12:45.98). Златниот медал на Поел е прво олимписко одличје за Шведска на 10.000 метри во брзо лизгање по 34 години.

ФОТО: Меклафлин го урна личниот рекорд и постави нов светски, еве за колку истрча атлетичарката

Ивона Петрова — Wed, 04 Aug 2021 05:18:18 +0000

Американската атлетичарка Сидни Меклафлин го освои златниот медал на Олимпијадата во Токио на 400 метри со пречки. Таа патеката ја помина за 51,46 секунди. Ова е нов светски рекорд. Претходниот светски рекорд исто така го држеше Меклафлин со време 51,90 секунди. Сребрениот медал го освои друга Американка, Далиа Мухамед – 51,46. На победничкиот подиум како третопласирана се најде Фемке Бол од Холандија со истрчани 52,03 секунди. Вчера и на машката трка 400 метри со пречки, од страна на Норвежанецот Вархолм беше срушен светскиот рекорд.

Соборен светскиот рекорд на 20 километри брзо одење

Ивона Петрова — Sat, 20 Mar 2021 14:52:47 +0000

Кинеската атлетичарка и носител на титулата светски првак од 2017 година Јанг Џијау постави денеска нов светски рекорд во брзо одење на 20 километри со време од 1:23:49. Џијау мина низ целта на трката во рамки на кинеското национално првенство во Хуангшан со време подобро за речиси една минута од рекордот што во 2015 година го постави нејзината сонародничка и актуелен светски првак Лиу Хонг ((1:24:38), Хонг, која го освои олимпиското злато на трката на 20 километри брзо одење во Рио Де Женеиро во 2016 година, мина втора низ целта во Хуангшан. Во машка конкуренција во истата дисциплина, Ванг Каиху по третпат едноподруго стана кинески првак, а неговото време (1:16:54) беше за 18 секунди послабо од шест години стариот рекорд во сопственост на Јапонецот Јусуке Сузуки (18:16:36).

Кејтлин Бејкер постави нов светски рекорд на 100 метри грбно

Ивона Петрова — Sun, 29 Jul 2018 10:47:09 +0000

Олимписката вицешампионка од Рио 2016 Кејтлин Бејкер (САД) постави нов светски рекорд на 100 метри грбно за жени на националното првенство во пливање. Бејкер (21) ги сопре хрономерите на 58,00 секунди. Досегашниот рекорд беше 58,10 секунди, поставен од Кајли Мас од Канада во јули минатата година. Бејкер, која стана национална шампионка и на 200 метри грбно, постави и нов рекорд на САД во кратката дистанца, откако го подобри постигнувањето од 58.33 секунди на Миси Френклин од јуни 2012 година.