светско првенство 2022 – Kurir.mk

Погба би можел да го пропушти Светското првенство

Дарко Андоновски — Mon, 31 Oct 2022 11:22:13 +0000

Фудбалерот од средниот ред на Јувентус, Пол Погба би можел да го пропушти Светското првенство во Катар поради нова повреда. Оваа информација ја пренесе „газета дело спорт“. Според италијанскиот весник, Французинот, кој закрепнуваше од операцијата на коленото на почетокот на сезоната, претрпел оштетување на бутен мускул. Се очекува Погба да пропушти најмалку 10 дена. Селекторот на Франција, Дидие Дешам, изјави дека нема да вклучи никого во списокот на турнирот кој не е подготвен за првиот натпревар од турнирот против австралиската репрезентација на 22 ноември. Дешам треба да го објави составот на Франција на 9 ноември.

Зидан апелира да се престане со критики за Светското првенство во Катар

Дарко Андоновски — Tue, 25 Oct 2022 07:03:06 +0000

Поранешниот тренер на Реал Мадрид, Зинедин Зидан проговори за критиките за Светското првенство во Катар во 2022 година. – Мислам дека треба да ја оставиме контроверзноста настрана и да продолжиме да разговараме за натпреварите на Светското првенство – за доброто на сите ентузијасти кои само сакаат да гледаат фудбал. Во секој случај, она што ќе го кажеме за било што никогаш нема да биде правилно, никогаш нема да биде точно и никогаш нема да биде соодветно. Затоа треба да оставите простор за фудбал и натпреварување за сите да си поминат добро, го цитира Зидан „RMC Sport“. Претходно, некои експерти ја критикуваа одлуката да се даде право на Катар да биде домаќин на Светското првенство во фудбал во 2022 година. Ова се должи на фактот што во земјава се прекршуваат принципите на демократијата, човековите права и условите за работа на печалбарите. Фудбалскиот Мундијал во Катар ќе се одржи од 20 ноември до 18 декември.

Крос: Бразил е главен фаворит за СП, тие се многу гладни за победа

Дарко Андоновски — Thu, 29 Sep 2022 10:42:17 +0000

Тони Крос го смета Бразил за фаворит на Светското првенство во 2022 година. – Бразил е мојот главен фаворит. Има три или четворица играчи на Реал Мадрид кои ги гледам секој ден. Мислам дека се многу добри. Дополнително, ако се погледнат последните резултати, Бразил победува на секој натпревар. Тие се многу гладни за победа. Имаат добра комбинација на борци кои се подготвени да влезат во секој дуел и оние кои имаат одлична техника, изјави Крос. За неодамнешниот натпревар на Германија против Англија, Крос вели дека исходот е реален. – Веројатно 3:3 е фер резултат. Двата тима имаа можност да го решат натпреварот во своја полза. Кога резултатот беше 2:0, мислев дека е готово, но Англија одлично возврати. После тоа, Германија беше целосно изгубена. Но, кога Германија почна да губи, не очекував дека ќе израмнат, изјави Крос. На Мундијалот во Катар кој ќе почне на 20 ноември, Бразил е во Г-групата со Србија, Швајцарија и Камерун.

Кантона: Нема да гледам ниту еден натпревар од Мундијалот во Катар

Магдалена Андонова — Wed, 14 Sep 2022 10:46:22 +0000

Во писмото објавено на социјалните мрежи, поранешниот напаѓач на Манчестер јунајтед и француската фудбалска репрезентација, Ерик Кантона, вели дека „неволно“ ќе се откаже од овој настан, што го смета за „аберација“, јави дописникот на МИА од Париз. Следејќи го патот што го трасираа други поранешни играчи како Филип Лам, јавни личности како актерот Винсент Линдон или дури и медиумите (Котидијан де ла Реунион), Ерик Кантона ја објави својата намера да го бојкотира Светското првенство во Катар 2022 година (20 ноември – 18 декември ). – Да бидеме искрени со себе! Ова Светско првенство нема смисла! Уште полошо, тоа е аберација! – вели поранешниот напаѓач (56), кој ги осудува „илјадниците смртни случаи“ и лудилото на климатизираните стадиони на овој „голем маскенбал“, чиешто единствено значење, според него, се „парите“. На за него својствен јазик, Кантона тврди дека нема „ништо да го интересира“ она што ќе направи репрезентацијата на Франција таму, притоа признавајќи дека оваа одлука го чини: „Од кога бев дете, тоа беше настан што го сакам“. Но, како што вели и самиот: „Понекогаш во животот мораме да носиме одлуки, дури и ако тоа не чини“. (МИА)

ВИДЕО: Денеска се отвора стадионот на кој ќе се игра финалето на Светското фудбалско првенство во Катар

Магдалена Андонова — Fri, 09 Sep 2022 13:58:58 +0000

Денеска свечено ќе биде отворен стадионот на кој на 18 декември ќе се одигра финалето на Светското фудбалско првенство во Катар. Стадион со капацитет од 80.000 седишта ќе биде домаќин на 10 натпревари на Светското првенство, вклучувајќи го споменатото финале, како и дуелот меѓу Мексико и Аргентина, кој останува меч за кој има најголема побарувачка на билети. Во 20:00 часот денеска ќе биде и главниот тест на функционалноста на стадионот, со натпреварот на два од најуспешните тимови во Азија и Африка. Ал-Хилал (саудиски шампион) ќе се сретне со Замалек (египетски шампион) во натпревар ќе послужи како главен тест за стадионот пред првиот натпревар на Светското првенство. Претходно на 11 август на стадионот се одигра и натпревар од Катарската лига меѓу Ал Рајан и Ал Араби. Овој модерен стадион е изграден на околу 20 минути од центарот на Доха.

„Мундо Депортиво“: Чиле ќе го замени Еквадор на Светското првенство 2022

Дарко Андоновски — Thu, 09 Jun 2022 07:14:49 +0000

Еквадор нема да игра на Светското фудбалско првенство во Катар. Според „Мундо Депортиво“, ФИФА веќе ја донела соодветната одлука. Како што пишува шпанскиот спортски весник, се очекува утре (10 јуни) официјално да биде објавено дека Еквадор нема да игра на турнирот во Катар, туку Чиле. Во средата беше објавено дека адвокат на репрезентацијата на Чиле пронашол докази дека дефанзивецот Бајрон Кастиљо е Колумбиец и нема право да игра за репрезентацијата на Еквадор. Да потсетиме дека во моментов се познати 30 селекции кои ќе учествуваат на Светското првенство. Мундијалот во Катар ќе се одржи од 21 ноември до 18 декември.

Беше заштитно лице на Мундијалот во 2018, а сега и во Катар – руската мис на светот обожува да се слика особено во оваа поза од која ќе ви се крене притисокот

Дарко Андоновски — Tue, 05 Apr 2022 09:04:58 +0000

Освен селекторите и претставниците на фудбалските сојузи на ждрепката за Мундијалот во Катар беа и многу други познати личности, а меѓу нив и атрактивната Русинка, Викторија Лопирева која веќе со денови е во центарот на вниманието низ целиот свет.

View this post on Instagram

A post shared by Victoria Lopyreva (@lopyrevavika)

Мис на Русија од 2003 година беше една од амбасадорките на Светското првенство (СП) во Русија во 2018 година, а иако ја нема нејзината селекција оваа година, таа пак ќе мами воздишки на трибините.

View this post on Instagram

A post shared by Victoria Lopyreva (@lopyrevavika)

Домаќините на турнирот ја ангажираа Русинката да биде амбасадорка и на СП во Катар, па повторно ќе биде главна и на овој Мундијал.

View this post on Instagram

A post shared by Victoria Lopyreva (@lopyrevavika)

Инаку таа е сензација и на Инстаграм каде ја следат четири милиони луѓе, а често објавува и провокативни фотографии во танга и бикини.

View this post on Instagram

A post shared by Victoria Lopyreva (@lopyrevavika)

Египет бара да се преигра квалификацискиот натпревар за СП со Сенегал

Дарко Андоновски — Thu, 31 Mar 2022 09:48:02 +0000

Претседателот на Египетската фудбалска асоцијација, Џамал Алам, изјави дека се поднесени жалби до Светската и Африканската фудбалска федерација (ФИФА) и (КАФ) со барање да се преигра квалификацискиот натпревар за СП 2022 со Сенегал. – Египетската и Африканската фудбалска федерација мора да се вклучат за да го поддржат египетскиот тим. На Конгресот на ФИФА ќе се сретнеме со Џани Инфантино и ќе ги доставиме потребните документи до дисциплинската комисија. Многу работи ни се случија на овој натпревар, нашите играчи беа нападнати, го цитира Алама „Youm7“. Првиот човек на египетскиот фудбал објасни дека треба да се игра нов меч, бидејќи претходниот натпревар се играше во чудна атмосфера: „Автобусот до стадионот доцнеше, а сите играчи на Египет беа нападнати од навивачите. Исто така, преку разгласот на стадионот се слушаа навреди кон репрезентативците на Египет“. Египќаните пред два дена на пенали загубија од Сенегал и останаа без пласман на Мундијалот во Катар.

ФИФА ги потврди носителите, Хрватска во вториот, Србија во третиот шешир – еве каде е Португалија по победата над Македонија

Дарко Андоновски — Wed, 30 Mar 2022 10:29:42 +0000

Португалија со победата над Македонија (2:0) се избори за статус на носител на Светското првенство во Катар. Досега пласман на Светското првенство изборија 27 репрезентации, вечерва своите места во Катар треба да ги потврдат САД и Мексико, а преостанатите три три места ќе бидат пополнети по одигрувањето на баражите. Групите за мундијалот во Катар ќе бидат извлечени во петок, од 18 часот. Шеширите би требало да изгледаат вака: 1. Катар, Бразил, Белгија, Франција, Аргентина, Англија, Шпанија, Португалија 2. Холандија, Германија, Данска, Швајцарија, Уругвај, Хрватска, САД?, Мексико 3. Сенегал, Иран, Јапонија, Мароко, Србија, Полска, Јужна Кореа, Тунис 4. Канада, Камерун, Еквадор, Саудиска Арабија, Гана, Перу или Австралија/ОАЕ, Велс или Украина/Шкотска, Костарика или Нов Зеланд/Соломонски острови. Светското првенство во Катар ќе се одржи од 21 ноември до 18 декември.

Катар ќе го отвори шестиот стадион изграден за Светското првенство 2022 година

Дарко Андоновски — Mon, 06 Sep 2021 14:55:06 +0000

Катар следниот месец ќе го отвори шестиот стадион, изграден за Светското фудбалско првенство во 2022 година. Ова го објави прес-службата на Организацискиот комитет на Мундијалот 2022. Свеченото отворање на арената „Ал-Тумама“ ќе се одржи на 22 октомври. Стадионот може да прими 40.000 гледачи и ќе биде домаќин на натпреварите од групната фаза на Светското првенство, како и плејофот, вклучувајќи ги и четвртфиналните натпревари. Дизајнот на арената наликува на традиционална арапска глава. Неговиот архитект е Ибрахим М. Џајда. Светското првенство во фудбал ќе се одржи во Катар од 21 ноември до 18 декември 2022 година.