светско првенство 2030 – Kurir.mk

Фудбалскиот Мундијал 2030 на три континенти

Дарко Андоновски — Wed, 04 Oct 2023 17:30:52 +0000

Мароко, Шпанија и Португалија ќе го организираат Светското првенство во фудбал во 2030 година, а три натпревари од завршниот турнир ќе се одиграат во Јужна Америка, објави денеска ФИФА. Заедничката кандидатура на Мароко, Португалија и Шпанија беше единствената за организација на Мундијалот 2030. Три натпревари од завршниот турнир ќе се играат во Уругвај, Парагвај и Аргентина, по повод одбележувањето на 100-годишнината од организацијата на првиот Мундијалот 1930 во Уругвај. Оваа одлука официјално ќе биде потврдена на редовниот конгрес на ФИФА во 2024 година.

Саудиска Арабија сака да го организира СП2030 заедно со Грција и Египет

Дарко Андоновски — Wed, 30 Nov 2022 19:29:03 +0000

Саудиска Арабија има намера да се кандидира за домаќин на Светското фудбалско првенство во 20230 година, заедно со Грција и Египет. Ова, како што објавија денеска локалните медиуми, го најави саудискиот министер за туризам Ахмед Ал Катеб, кој изрази уверување дека тројната кандидатура за организација на еден од најголемите спортски настани би било добитна комбинација. –Во моментов преговараме и ја осмислуваме заедничката кандидатура. Но, мислам дека тоа би била победничка понуда. Овие три држави би биле подготвени да вложат многу во инфраструктурата. Тоа што особено можам да го ветам дека Саудиска Арабија би знаела и можела да изгради уметнички дела кога се во прашање фудбалските стадиони, но и целата друга придружна инфраструктура, изјави Ал Катеб. Следното Светско првенство во 2026 година заеднички ќе го организираат САД, Канада и Мексико.

Саудиска Арабија може да достави заедничка кандидатура со Италија за организација на Светското првенство 2030

Дарко Андоновски — Fri, 16 Jul 2021 13:41:12 +0000

Саудиска Арабија размислува да биде домаќин на Светското фудбалско првенство во 2030 година. Најголемата држава на Арапскиот полуостров планира да поднесе заедничка апликација со друга земја, а Италија може да стане партнер на Саудиска Арабија, според „The Athletic“. Консултантска компанија со седиште во САД, „Бостон Консалтинг Груп“ и помага на Саудиска Арабија и нуди различни опции за партнерство. Една од нив е заедничка апликација со Египет и Мароко. Сепак, оваа опција е малку веројатно поради загриженост поврзана со комерцијалниот успех на турнирот, влијанието врз економиите на земјите и безбедноста на турнирот. Затоа, европскиот партнер изгледа како попрофитабилно решение за Саудиска Арабија, а Италија е најверојатен кандидат. Воспоставени се деловни, дипломатски и спортски односи меѓу двете земји. Во јануари 2022 година, Саудиска Арабија ќе биде домаќин на Суперкупот на Италија. Претходно стана познато дека Велика Британија и Ирска, како и Шпанија и Португалија планираат да достават заеднички апликации за организација на Мундијалот 2030.