свински грип – Kurir.mk

Во Канада регистриран прв заразен со редок вид на свински грип

Ивона Петрова — Thu, 05 Nov 2020 08:50:08 +0000

Канадските здравствени власти го пријавија првиот случај на заразено лице со вирусот H1N2 – редок вид на свински грип. Случајот, откриен во западната провинција Алберта во средината на октомври, се чини дека е изолиран и нема ризик жителите да се заразат во оваа фаза, соопштија локалните здравствени власти. Ова е единствениот случај на ваков грип во Алберта во оваа сезона на грип досега, се вели во соопштението. Нема докази дека вирусот се проширил. Здравствените експерти се обидуваат да утврдат каде е жариштето и да потврдат дека не се шири. Од 2005 година, само 27 случаи на заболени од H1N2 се пријавени ширум светот. Овој вид не треба да се меша со почестиот H1N1. Претходно немало такви случаи во Канада.

Прва жртва на свински грип во Албанија

Ивона Петрова — Wed, 26 Feb 2020 06:26:49 +0000

Во Албанија е регистрирана првата жртва од свински грип, а уште четири лица се заразени од вирусот АХ1Н1. Почнатиот е В.А.(45) жител на градот Скрапар, кој од Регионалната болница во Берат вчера попладне бил префрлен во Инфективната клиника во Тирана во тешка состојба, со многу висока телесна температура и проблеми во дишењето. И покрај напорите на лекарите, тој синоќа починал. Инфектологот Етлева Вила, од болницата во Берат за медиумите потврди дека починатиот немал контакт со области зафатени со коронавирус. Докторката Вила потврдува дека имале и четири други случаи на заразени со вирусот АХ1Н1,што било потврдено и од направените анализи во Институтот за јавно здравје. Во Албанија, на почетокот на минатата година, четири лица починаа од вирусот AH1N1. Стануваше збор за пациенти кои страдале и од други болести.

Од свински грип починаа 54 лица во Мјанмар

Ивана Ефремовски — Tue, 16 Jul 2019 07:45:29 +0000

Епидемијата на свински грип, вирусот Х1Н1, се прошири на поголем дел од Мјанмар, а досега починале 53 заразени лица, соопшти Министерството за здравство на таа земја. Епидемијата на свински грип во Мјанмар се појави минатиот месец, а првиот смртен случај е забележан на 19 јуни во Јангон. (МИА)

Родилка и бебе починаа од свински грип во Албанија

Катерина Бојаџиева — Thu, 28 Feb 2019 16:35:21 +0000

Родилка со едно од нејзините близначиња починаа во Инфективната клиника во Тирана како поседица од вирусот АХ1Н1, познат како свински грип. Жената на 36-годишна возраст била хоспитализирана неколку дена, по предвременото породување. Едното од бебињата не е заразено од овој опасен вирус и според лекарите е во добра здравствена состојба. По овој случај, раководителот на Одделот за инфективни болести при Институтот за јавно здравје, Силва Бино упати апел до сите бремени жени и ризични групи да се вакцинираат против грип. – Таа беше на 36-годишна возраст, бремена и го загуби својот живот заедно со едно од новородените близначиња. Другото е во добра здравствена состојба. Гинеколози, лекари, медицински сестри, бремени жени се сметаат за ризични групи од грип. Апелирам да се вакцинираат за да се заштитат себе си и нивните рожби, порача таа. Додаде дека и покрај тоа што нема зголемување на бројот на заболени од грип, останува загриженоста, па затоа потребна е имунизација. – Морбилите продолжуваат да се шират низ земјата и кој ја одложил вакцината на неговото дете или не е вакциниран, веднаш тоа да го направи. Морбилите не го заобиколуваат никого и не разликуваат возрасна граница, посочи Бино. Мајката и бебето се шеста, односно седма жртва од грип во Албанија, при што шестмина од пациентите биле заразени со вирусот АХ1Н1, односно свински грип.

24-годишна девојка почина од грип на КАРИЛ

Дарко Андоновски — Thu, 07 Feb 2019 14:03:21 +0000

Втора жртва за само два дена по добиени компликации од сезонскиот грип. 24 годишната девојка со Даунов синдром починала на КАРИЛ по добиените компликации од грипот, објавува Канал 5.

На детската клиника по компликации од грип почина и пет годишно девојче. Вирусот на грип од инфлуенца А во Македонија не беше присутен три години. За епидемиолозите телото кога има вирус на грип важна е неговата кондиција, дали има други заболувања и заради тие компликации состојбата со здравјето може да стане сериозна. За само една недела бројот на болни од грип се зголемил за 50 проценти. Докторите очекуваат дека бројот на болни ќе расте. Лекот тамифлу за лекување на грип го има во доволни количини.

Прва жртва од свински грип во Албанија

Предраг Кукиќ — Sun, 03 Feb 2019 13:21:29 +0000

Во Албанија денеска почина 48-годишен маж како последица од вирусот АХ1Н1, познат како свински грп. Извори од Инфективната клиника во Тирана, за тиранската телевизија „Ора њуз“ потврдиле дека починатото лице било хоспитализирано во средата, имало пневмонија, поради што уште повеќе му се влошила состојбата. – Жртвата пристигнала од Елбасан заедно со уште две други лица, за кои исто така се сомнева дека се заразени од свински грип. И тие се во тешка здравстевна состојба, наведува телевизијата. Според албанските медиуми во петокот од грип почина 41-годишен маж. И тој е од Елбасан а во болницата во Тирана бил донесен во тешка состојба. Не се отфрла можноста и тој да бил заразен од вирусот АХ1Н1.

Десет лица заболени со свински грип

Предраг Кукиќ — Wed, 30 Jan 2019 12:58:03 +0000

Mинатата недела биле регистрирани вкупно 535 лица со грип, а оваа недела се регистрирани 20 отсто повеќе или 643 новозаболени со грип и заболувања слични на грип, информираат од Министерството за здравство. Во Институтот за јавно здравје се пристигнати 19 примероци за лабораториски испитувања, од кои 12 се позитивни на грип. Станува збор за 10 лица со тип А (Х1Н1), односно пандемски грип и две со А (Х3Н2) грип. Министерството за здравство информира дека има доволно количини од лекот „тамифлу“, со кој се третираат заболените и има доволно капацитети за хоспитализирање на лицата со евентуални компликации од грипот.

Нов проблем освен морбилите: За една седмица 7 заболени од свински грип

Ивана Ефремовски — Tue, 29 Jan 2019 16:57:18 +0000

За една седмица има 7 потврдени случаи на вирусот А Х1Н1, помеѓу народот познат како свински грип. Поголем број од нив се повозрасни, а се хоспитализирани се на различни клиники во Комплексот „Мајка Тереза“ поради посериозно заболување, а присуството на овој тип на грип може да доведе до компликации и да ја влоши нивната здравствена состојба. На Инфективната клиника се прават анализи за уште еден пациент, кој има симтоми на ова заболување. Од таму за Алфа велат дека резултатите од лабораториските испитувања ќе ги добиеле утре. Епидемиолозите очекуваат бројот на заболени да расте, а бидејќи вирусот А Х1Н1 неколку години не беше присутен, популацијата е поосетлива на овој тип на грип. Во 2009 година, поради компликации од вирусот Х1Н1 имаше повеќе од 30 смртни случаи. Прилогот на Алфа, погледнете го во продолжение: