свлечиште – Kurir.mk

Најмалку 16 загинати во свлечиште во село во западна Индија

Ивона Петрова — Fri, 21 Jul 2023 08:17:31 +0000

Најмалку 16 лица загинаа, а многу повеќе се затрупани кога обилните монсунски дождови предизвикаа свлечиште во планинско село во западната индиска држава Махараштра, соопштија денеска државните власти. Десетици спасувачи и обучени планинари се распоредени за да најдат преживеани под купиштата кал,земја и карпи, но тешките временски услови ги отежнуваат спасувачките напори. Американските медиуми јавуваат дека локалните власти испратиле медицински тимови да им помогнат на повредените. Свлечиштето било предизвикано среде ноќ во селото Иршалвади, на околу 60 километри од Мумбај, јавија медиумите, повикувајќи се на официјални претставници. Надлежните изјавија дека во селото има вкупно 48 семејства, а околу 75 лица се евакуирани. Обилните монсунски дождови ги затворија училиштата, ги поплавија патиштата и ги прекинаа железничките услуги низ најбогатата индиска држава Махараштра. Училиштата и колеџите во Мумбај денеска се затворени.

Најмалку пет лица загинаа во свлечиште во Индија, се стравува дека најмалку 100 се затрупани

Ивона Петрова — Thu, 20 Jul 2023 07:25:51 +0000

Најмалку пет лица загинаа, а се стравува дека околу 100 се затрупани кога монсунските дождови предизвикаа свлечиште во едно планинско село во западната индиска држава Махараштра, соопштија денеска државните власти. Спасувачите се обидуваат да најдат преживеани под купиштата земја и кал, пренесоа британските медиуми. Свлечиштето беше предизвикано среде ноќ во селото Иршалвади, на околу 60 километри од Мумбаи.

ВИДЕО: Хаос на автопатот Скопје- Велес, блокирани автомобили со цели семејства, камиони

Катерина Бојаџиева — Tue, 04 Apr 2023 20:20:47 +0000

Големо свлечиште вечерва целосно го затвори автопатот Скопје – Велес, јавува репортерот на 4news.mk. Свлечиштето е пред патарината Сопот. Десетици автомобили со цели семејства се заглавени. Снаодливи возачи пробуваат по шумски пат преку село Ветерско да излезат од хаосот, но камионите сепак остануваат заглавени. На терен се и полициски службеници.

Индонезијa: Најмалку 11 загинати во свлечиште, 50 лица се водат за исчезнати

Ивона Петрова — Mon, 06 Mar 2023 16:37:38 +0000

Најмалку 11 лица загинаа, а 50 се водат за исчезнати во регионот Натуна, во Индонезија, откако свлечишта предизвикани од обилните врнежи затрупаа куќи и други објекти, соопшти денеска државната агенција за ублажување на катастрофи. Официјален претставник на агенцијата во провинцијата, Џунаина, изјави дека бројот на жртвите може да се зголеми, а телекомуникациите во областа се прекинати, пренесуваат британските медиуми. -Времето е променливо, но ветерот се уште силно дува. Плимните бранови се уште се високи, рече Џунаина. Британските медиуми објавија дека преживеани се евакуираат и од регионот Сирасан, а во тој регион е испратена спасувачка екипа. Според британските медиуми, областа зафатена од свлечиштата се наоѓа на оддалечен остров, на пет часа возење со брод од градот Натуна.

Најмалку осум кампери загинаа во свлечиште во Малезија

Ивона Петрова — Fri, 16 Dec 2022 06:40:27 +0000

Најмалку осум лица загинаа во лизгање на земјиште што денеска се случи во камп во Малезија. Малезиската агенција за управување со катастрофи на Твитер објави дека 53 лица биле спасени, а седум лица се повредени. Спасувачите веруваат дека околу 90 луѓе биле во кампот во Батанг Кали, околу 50 километри северно од Куала Лумпур, кога се случило свлечиштето, околу 3 часот наутро. Премиерот на Малезија Анвар Ибрахим денеска ќе отпатува на местото на несреќата.

ВНИМАВАЈТЕ: Сообраќајот на овој патен правец по една лента поради свлечиште

Дарко Андоновски — Thu, 15 Dec 2022 08:40:56 +0000

Сообраќајот на патниот правец Маврово – Дебар, помеѓу бензинската пумпа Макпетрол и манастирот Св.Јован Бигорски од 06:45ч. се одвива наизменично по една коловозна лента во должина од 20м. АМСМ информира дека од 03:10 часот, поради свлечиште, беше блокиран регионалниот патен правец Ростуше – Дебар. Екипите на Ј.П. Македонијапат работат на расчистување на свлечиштето и нормализирање на сообраќајот.

Свлечиште на патот Маврово – Дебар, сообраќајот се одвива наизменично по една лента

Ивона Петрова — Thu, 15 Dec 2022 06:18:19 +0000

Свлечиште на патот Р1202 Маврово – Дебар, информираат од АМСМ. Сообраќајот на делот од патот помеѓу бензинската пумпа Макпетрол и манастирот Св.Јован Бигорски од 06:45ч. се одвива наизменично по една коловозна лента во должина од 20 м. Инаку на останатите државни патишта сообраќајот се одвива непречено, по влажни коловози.

ФОТО: Свлечиште на автопат во Бразил, најмалку двајца загинати и 30 исчезнати

Ивона Петрова — Thu, 01 Dec 2022 07:06:21 +0000

Најмалку 30 лица се водат како исчезнати по свлечиште на автопат во јужен Бразил, соопшти доцна синоќа регионалната влада на државата Парана. Како што пренесе ДПА, шест лица се спасени живи по свлечиштето што се случило во понеделникот, но пожарникарите извлекле и две тела, соопштија регионалните власти на Твитер. Во понеделникот дојде до лизгање на земјиште на автопатот БР-376 во близина на Гуаратуба по силен дожд и затрупа 16 возила. – Немаме начин да го одредиме точниот број на жртви, бидејќи може да има од едно до пет лица во секое возило. Затоа претпоставуваме дека се исчезнати меѓу 30 и 50 лица, изјави шефот на противпожарната бригада Маноел Васко. Во потрагата учествуваат екипи на противпожарната единица, цивилната одбрана и операторот на автопатот. Спасувачките сили користат и термални камери за да ги пронајдат затрупаните. Во меѓувреме, постојаниот дожд може да доведе до дополнителни лизгања на земјиштето и да ги отежни спасувачките напори.

СВЛЕЧИШТЕ ВО ИТАЛИЈА ЗАТРУПА ЗГРАДИ, ИМА МРТВИ И ИСЧЕЗНАТИ: Меѓу исчезнатите е и семејство со бебе (ФОТО+ВИДЕО)

Магдалена Андонова — Sat, 26 Nov 2022 14:52:58 +0000

Осум лица загинаа, а повеќе се водат како исчезнати откако невреме предизвика лизгање на земјиштето на италијанскиот остров Искија, соопшти Италијанската Република. Италијанската Република пишува дека десетина згради биле затрупани во лизгање на земјиштето во градот Касамиколи на островот Искија и дека во тек е потрага по исчезнатите. Министерот Матео Салвини рече дека загинале осум лица, додека владата изразила солидарност со погоденото население. Според италијанските медиуми, има исчезнати лица, меѓу кои и семејство составено од маж, жена и бебе и 25-годишна девојка. Се стравува дека бројките би можеле да се зголемат. Италијанската противпожарна бригада на Твитер објави дека трага по исчезнати лица во градот Казамичола.

Seguiamo da ore con angoscia quanto successo a #Ischia, con il pensiero che va alle famiglie e ai soccorritori che operano con un tempo infame.
Mettere in sicurezza l’Italia, da nord a sud, sarà quello su cui tutti dovremo lavorare giorno e notte. pic.twitter.com/tfXyS0XLq7
— Matteo Salvini (@matteosalvinimi) November 26, 2022

Пожарникарите соопштија дека извлекле еден автомобил од морето и спасиле двајца патници, пренесе Ројтерс. Паѓале камења од планината, свлечиштето затрупало некои куќи и влечело автомобили до морето. Се урнале 10 згради.

Fiumi di fango, edifici distrutti, decine di persone intrappolate, Salvini parla già di 8 morti.

Non è fatalità: #Ischia è ormai simbolo del dissesto idrogeologico di un'Italia fragile che non ha capito ancora che l'unica grande opera necessaria è la cura del territorio. pic.twitter.com/wZ4BTRGw3R
— Giuliano Granato (@Giul_Granato) November 26, 2022

- Тоа е сложена ситуација, има куќи кои беа откорнати од лизгање на земјиштето, објаснува командантот на карабинерите Тицијано Лагана. Министерот за цивилна заштита Нело Мусумечи изјави дека на Ишја паднал големо количество дожд. - Постојано го следиме развојот на ситуацијата. Што да кажеме, огромното лизгање на земјиштето возводно од Казамикола зафати неколку домови. Вкупниот број на исчезнати лица го дефинира координацијата на Префектурата, која е во врска и со сите градоначалници на островот за превентивна евакуација на други семејства, рече министерот. Помош пристигнува и надвор од регионот.

ФОТО: Се санира свлечиштето и каналот на хидроелектраната Врбен на ХЕС Маврово

Магдалена Андонова — Sat, 29 Oct 2022 11:32:11 +0000

Се санира свлечиштето и се гради нов бетонски канал по настанатите штети на еден од каналите за собирање води за хидроелектраната Врбен на хидросистемот Маврово во септември. Лизгање на земјиштето од обилните врнежи на 27 септември предизвика попуштање на бетонскиот канал, изграден уште во 1950г при пробивањето на тунелите и градењето на мрежата за собирање на водите од планинскио масив на Кораб и горнорадички слив, за потребите на хидроелектраните на ХЕС Маврово. Со дозвола на Бирото за јавни набавки, по итна постапка веднаш по настанот, избран е изведувач на работите, градежна фирма од Тетово, која почна да работи на терен, со проценка за завршување на зафатот за 30 дена. Во моментот се изведуваат ископи, насипи, поставување цевки за пропусти, кршење на стариот канал и изведба на нов тунел во должина од 29 метри. Се работи со булдожери, багери, утоварачи, кршачи на бетон, транспортери итн. Условите за работа се тешки, се работи на 1500м надморска виина, на ризичен терен со можни нови одрони на карпи и лизгања на земјиштето. Хидроелектраната Врбен во текот на целиот период е функционална, има довод на води од другите канали, додека водата која не може да помине преку каналот каде сега се работи, се испушта во реката Радика и оди во акумулацијата Шпилје.