свр охрид – Kurir.mk

Жител на струшко Луково пронајден мртoв

Ивона Петрова — Wed, 16 Aug 2023 11:25:52 +0000

Триесет и осум годишен жител на струшкото село Луково бил пронајден мртов во близина на деловен објект во селото, соопшти денеска СВР Охрид. Според информацијата, случајот во полиција бил пријавен вчера во 6 часот и 25 минути. - Во близина на деловен објект во струшкото село Луково бил пронајден починат В.Ј.(38) од истото село. Увид извршиле јавен обвинител и полициски екипи, а смрт без видливи траги на насилство констатирал лекар од Итна медицинска помош од Струга, изјави портаролот на СВР Охрид Стефан Димоски. По наредба на јавен обвинител телото на починатиот било дадено на обдукција.

Казнети 42 мотоциклисти на подрачјето на СВР Охрид

Ивана Ефремовски — Thu, 10 Aug 2023 09:47:57 +0000

На 09.08.2023 во периодот од 16:00 до 22:00 часот на подрачјето на СВР Охрид преземени се засилени сообраќајни контроли. Притоа, полициските службеници констатирале и санкционирале 42 прекршоци што ги направиле мотоциклисти (Охрид-17, Струга-15, Кичево-05, Дебар-05). Засилените акциски контроли продолжуваат и во наредните денови. -Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, велат од МВР.

Пожар во Дебрца, гореше нива

Катерина Бојаџиева — Wed, 09 Aug 2023 13:29:01 +0000

На 08.08.2023 во 21.20 часот во СВР Охрид, пријавено е дека на нива со нискостеблеста вегетација помеѓу селата Горенци и Требеништа, општина Дебрца, настанал пожар. Интервенирала Територијалната противпожарна единица од Охрид, а повредени лица нема.

Велосипедска полициска патрола и летово низ улиците на Охрид

Ивона Петрова — Tue, 01 Aug 2023 13:26:58 +0000

Од денеска СВР Охрид, во редовната полициска работа низ градот и туристичките населби во околината, ја воведе велосипедската полициска патрола. Униформирани полициски службеници на велосипед се вклучија во редовните превентивни, но и репресивни делувања на терен, пред сѐ, за одржување на јавниот ред и мир, како и активности за спречување кражби и други кривични дела и прекршоци, откривање и приведување на сторители на разни кривични дела по плажите и паркинзите, како и во централното градско подрачје. -Велосипедската полиција е современа форма на полициското работење што треба да обезбеди поблизок контакт, односно посилно партнерство со граѓаните, како и нова содржина во превентивното делување, со што кај јавноста треба да се подигне степенот на меѓусебна доверба и позитивна перцепција за полицијата како јавен сервис во служба на граѓаните. Таа е и начин за поголема мобилност на полициската служба, посебно во летните месеци кога има зголемена фреквенција на сообраќајниците во Охрид, можност за побрзо пристигнување на местото на настанот каде има нарушување на јавниот ред и мир или имотен деликт, посебно во централното градско подрачје, откривање и пронаоѓање на сторителите на кривични дела или одржување на јавниот ред и мир, како и укажување помош и заштита на граѓаните и поголема ефикасност во извршувањето на вкупните полициски работи утврдени со закон. Велосипедската полициска патрола во Охрид, за првпат стартуваше во 2008 година, откако припадниците поминаа низ посебна обука, реализирана од инструктор со сертификат за посебни техники на полициско велосипедско патролирање, претходно обучен од американски полициски обучувачи за полициско патролирање на велосипед. Овој начин на патролирање значително придонесува за подигање на степенот на севкупната безбедност во Охрид, особено во летните месеци, велат од МВР. Покрај другото, патролата претставува посебна туристичка атракција која со воодушевување е прифатена од охриѓани и од туристите. Патролата е редовно присутна и во обезбедување на музички и спортски манифестации што во летниот период се одржуваат во Охрид. Покрај позитивното делување за поблизок контакт со граѓаните, посебно со младите, патролата го афирмира велосипедизмот како спортска дисциплина, ја промовира грижата за здрав начин на живот и го надоградува позитивниот имиџ на полицијата во јавноста. Секако, тука е и значителната економска оправданост од постоењето и работата на велосипедската полициска патрола.

Кривични за охриѓанец и правно лице за бесправно градење и узурпација на недвижности

Катерина Бојаџиева — Fri, 28 Apr 2023 18:12:32 +0000

СВР Охрид поднесе кривична пријава против А.Д.(42) од Охрид и против правно лице со седиште во с.Косел, охридско, поради постоење основи на сомнение за сторени кривични дела „бесправно градење“ и „узурпација на недвижности“. Првопријавениот, сопственик и управител на правното лице, на имот на катастарска парцела во Охрид, спротивно на Законот за градење, без да поседува одобрение за градење извршил доградба на деловен простор на државно земјиште, што било утврдено на 05.04.2023 од овластен градежен инспектор при општина Охрид.

Неовластено поставил 50 лежалки и 25 чадор за сонце на плажа во Охрид за да оствари незаконски профит

Катерина Бојаџиева — Tue, 28 Mar 2023 20:14:40 +0000

СВР Охрид поднесе кривична пријава против С.Р.(65) од Охрид и против правен субјект со седиште во Охрид, поради постоење основано сомнение за сторено кривично дело „узурпација на недвижности“. С.Р., како сопственик и управител на правното лице, во периодот од јуни до септември 2022 година, на плажа на охридското крајбрежје, на површина од околу 80 метри квадратни, неовластено поставил 50 лежалки и 25 чадори за сонце. Тоа го направиле без да поседуваат одобрение за тоа, издадено од Секторот за урбанизам и управување со градежно земјиште при општина Охрид и без да платат соодветен надомест за користење на државен имот, а со намера да остварат незаконски профит.

ПОВРЕДЕНИ ДВЕ ЛИЦА: Возило излета од патот Ресен-Охрид

Катерина Бојаџиева — Mon, 23 Jan 2023 09:48:25 +0000

На 22.01.2023 во 13.40 часот во СВР Охрид, пријавено е дека на магистралниот пат Ресен-Охрид, во близина на клучката за селото Куратица, охридско, Д.Н.(33) од ресенското село Јанкоец, управувајќи патничко возило „фолксваген голф“ со ресенски регистарски ознаки, изгубил контрола и со возилото излетал од патот. Возачот и сопатникот Д.Р.(28) од истото село биле пренесени во болницата „Св.Еразмо“ во Охрид, каде што кај Д.Н. биле констатирани телесни повреди, додека кај Д.Р. констатирани се тешки телесни повреди. По овластување на Јавен обвинител, увид на местото извршила екипа од СВР Охрид.

Познат идентитетот на стружанецот кој со пушка усмрти 7 кучиња, бил повикан во полиција

Ивона Петрова — Wed, 11 Jan 2023 10:44:55 +0000

На 10.01.2023 во 17.15 часот во Надворешната канцеларија за криминалистички работи Струга, извршен е службен разговор со М.З.(62) од селото Ливада, струшко. -Тој се сомничи дека во периодот од 06.45 до 07.15 часот на улица „Владо Малески“ во Струга со огнено оружје усмртил седум кучиња скитници. Од него, одземена е ловечка пушка сачмарка калибар 16 милиметри за вештачење, информираат од СВР Охрид. По целосно документирање на случајот ќе биде поднесена соодветна пријава.

Лишен од слобода бугарски државјанин во Охрид- еве ја причината

Катерина Бојаџиева — Thu, 20 Oct 2022 08:17:08 +0000

На 19.10.2022 во 11.00 часот во трговски центар „Амам“ на булеварот „Македонски Просветители“ во Охрид, полициски службеници од СВР Охрид, го лишија од слобода И.Н.И.(22) од Република Бугарија. При преглед, кај него пронајдени и одземени се два ножа, со што сторил прекршок по член 80 од Законот за оружје. Тој е предаден на Судија на претходна постапка при Основниот суд во Охрид.

На територија на СВР Охрид за само 6 часа казнети 104 возачи кои возеле пребрзо

Магдалена Андонова — Mon, 12 Sep 2022 13:07:41 +0000

На 11.09.2022 во периодот од 15.00 до 21.00 часот, на подрачјето на СВР Охрид преземени се засилени сообраќајни акциски контроли. Притоа, полициските службеници затекнале и санкционирале 104 возачи на моторни возила кои во и надвор од населено место ја надминале дозволената брзина на движење (Охрид-17, Струга-28, Кичево-32, Дебар-27). - Акциските контроли ќе бидат интензивирано со цел зголемување на сообраќајната безбедност и доследно почитување на одредбите од Законот за безбедност во сообраќајот, посочуваат од СВР Охрид.