свр струмица – Kurir.mk

Казнети 140 лица за брзо возење на подрачјето на СВР Струмица

Ивана Ефремовски — Thu, 03 Aug 2023 07:26:50 +0000

На 02.08.2023 во периодот од 08:00 до 18:00 часот на подрачје на Секторот за внатрешни работи Струмица била спроведена контрола за санкционирање на возачи кои управуваат возила со брзина поголема од дозволената. Притоа, биле констатирани 140 прекршувања на брзината, од кои 52 на подрачје на Струмица, 36 на подрачје на Радовиш, 32 на подрачје на Валандово и 20 на подрачје на Гевгелија. -Од нив, 74 прекршувања на брзината биле констатирани надвор од населено место, а 66 во населено место. За време на контролата биле констатирани и 10 останати прекршоци. Сите констатирани прекршоци биле соодветно санкционирани, велат од МВР.

Марихуана, амфетамин и таблети МДМА пронајдени при претрес во домот на струмичанец

Катерина Бојаџиева — Mon, 05 Jun 2023 15:20:46 +0000

СВР Струмица поднесе кривична пријава против М.Т.(45) од Струмица поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“. На 16.03.2023, полициски службеници извршиле претрес во домот на пријавениот во Струмица, при што пронашле и одзеле марихуана, амфетамин и таблети МДМА.

Над 70 санкции за брзо возење на подрачјето на СВР Струмица

Ивана Ефремовски — Mon, 30 Jan 2023 10:18:31 +0000

На 29.01.2023 во периодот од 10:00 до 15:00 часот на подрачјето на Секторот за внатрешни работи Струмица била спроведена контрола за санкционирање на возачи кои управуваат возила со брзина поголема од дозволената. Притоа, биле констатирани 71 пречекорување на брзината, од кои 26 на подрачје на Струмица, 17 на подрачје на Радовиш, 15 на подрачје на Валандово и 13 на подрачје на Гевгелија. Во 36 случаи брзината била пречекорена надвор од населено место, а во 35 случаи во населено место. Сите констатирани прекршоци биле соодветно санкционирани.

СВР Струмица: За брзо возење казнети 80 возачи

Магдалена Андонова — Mon, 12 Sep 2022 08:25:18 +0000

На 11.09.2022 во периодот од 15.00 до 21.00 часот на подрачјето на Секторот за внатрешни работи Струмица била спроведена контрола за санкционирање на возачи кои управуваат возила со брзина поголема од дозволената. Притоа, биле констатирани 80 прекршувања на брзината, од кои 28 на подрачјето на Струмица, 24 на подрачјето на Радовиш, 19 на подрачјето на Гевгелија и девет на подрачјето на Валандово. Сите констатирани прекршоци биле соодветно санкционирани. Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

СВР Струмица апелира до граѓаните да не се снабдуваат со огревно дрво без документација

Ивона Петрова — Thu, 11 Aug 2022 09:22:31 +0000

Секторот за внатрешни работи Струмица апелира до граѓаните да не набавуваат огревни дрва без соодветна документација, бидејќи доколку во нивните дворни места бидат затекнати бесправно исечени огревни дрва и против нив ќе бидат преземени законски мерки. Во апелот стои дека СВР Струмица континуирано презема мерки за санкционирање на лица кои вршат бесправна сеча и транспорт на огревни дрва, па во првите 6 месеци од 2022 година, при преземање на такви мерки, се одземени 66 метри кубни бесправно исечени огревни дрва, 13 патнички моторни возила, 13 запрежни возила, еден трактор, две тракторски приколки и една приколка за патничко моторно возило, а поднесени се и кривични пријави против 9 лица кои вршеле вакви кривични дела. Се додава дека СВР Струмица и во иднина ќе продолжи со преземање на засилени мерки кон лицата кои вршат пустошење на шуми, повторно потсетувајќи дека ваквата појава е кривично дело и против сторителите кои ќе бидат затекнати при бесправна сеча на шуми ќе бидат поднесени соодветни пријави.

Кривична пријава против струмичанец за повеќе кривични дела „тешка кражба“ и „предизвикување на општа опасност“

Катерина Бојаџиева — Wed, 11 May 2022 09:21:45 +0000

Секторот за внатрешни работи Струмица поднесе кривична пријава против Д.Г.(37) од Струмица, поради постоење основи на сомнение дека сторил повеќе кривични дела „тешка кражба“ по член 236 и кривични дела „предизвикување на општа опасност“ по член 288 од Кривичниот законик. Пријавениот Д.Г. кривичните дела ги извршил во периодот од 21.02.2022 до 30.03.2022 на тој начин што во повеќе наврати со употреба на сила и алат пресекол и украл делови од надворешни единици на фрижидери во неколку маркети во Струмица, како и делови од гасоводната инсталација на два објекта во Струмица.

СВР Струмица: Откриени возила што вршеле превоз на патници без соодветна документација

Магдалена Андонова — Wed, 02 Feb 2022 10:32:07 +0000

На 01.02.2022 во периодот од 20.30 до 22.30 часот, полициски службеници од Полициската станица за безбедност во патниот сообраќај Струмица извршиле контрола во автобус со струмички регистарски ознаки, сопственост на правно лице од Струмица и три патнички возила со струмички регистарски ознаки. При контролата во автобус на булевар „Гоце Делчев“ во Струмица, управуван од Н.Б.(37) од с.Велуса, струмичко, било утврдено дека автобусот вршел јавен превоз на патници без соодветна документација. Исто така, биле затекнати и повеќе патници од дозволениот број на патници кои може да се превезуваат. Додека, при контрола на патничките возила на магистралниот пат Струмица – Радовиш било утврдено дека Н.В.(27) од Струмица, А.Д.(38) од село Дабиле, струмичко и И.Ц.(42) од Струмица со возилата вршат јавен превоз на патници без соодветна документација. За настаните биле запознаени Јавен обвинител од Основно јавно обвинителство Струмица и сообраќаен инспектор од општина Струмица. По целосно документирање на случаите ќе бидат поднесени соодветни пријави.

Приведен крадец од струмичко, украденото вратено на сопственикот

Катерина Бојаџиева — Thu, 09 Dec 2021 09:13:13 +0000

На 08.12.2021 во 10.30 часот, полициски службеници од СВР Струмица го лишиле од слобода М.Ј.(31) од с.Смолари, општина Ново Село. Тој се сомничи дека на 07.12.2021 околу 20.00 часот одзел пари од куќата на З.М.(56) од с.Смолари. Парите биле пронајдени и вратени на сопственикот, а М.Ј. бил приведен во полициска станица. По целосно документирање на случајот против него ќе биде поднесена соодветна пријава.

Украла чанта со пари – поднесена кривична пријава против 44.годишна жена од струмичко

Магдалена Андонова — Tue, 13 Apr 2021 10:42:58 +0000

Секторот за внатрешни работи Струмица поднесе кривична пријава против З.Г.(44) од с.Старо Коњарево, поради постоење основи на сомнение за сторено кривично дело „кражба“. На 29.03.2021 пријавената отишла во куќата на Л.А. во с.Старо Коњарево и му одзела чанта со пари во различни валути. На 07.04.2021, полициски службеници ги пронашле парите кои потекнуваат од кражбата, закопани во дворното место од куќата на З.Г., кои по овластување на Јавен обвинител биле вратени на оштетениот.

СВАДБА СО 300 ГОСТИ ВО СТРУМИЦА: Си се веселеле за време на пандемија

Катерина Бојаџиева — Tue, 06 Apr 2021 14:35:28 +0000

СВР Струмица поднесе кривична пријава против Д.И.(57), А.И.(54) и Е.И.(26), сите од с.Банско, струмичко, поради постоење основи на сомнение за сторено кривично дело „непостапување според здравствените прописи за време на епидемија“. На 28.02.2021, пријавените во с.Банско организирале свадбена веселба на Е.И., на која присуствувале околу 300 лица, со што постапиле спротивно на Одлуката на Влада за забрана за организирање на домашни групирања, свадби и други веселби.