та неа – Kurir.mk

Република Северна Македонија без превод, решение за кое до утре Заев треба да се изјасни

Матеја Петровски — Wed, 06 Jun 2018 13:33:49 +0000

Според информациите на грчкиот весник „Та Неа“ утре се очекува да има брзи промени во преговорите за името на Република Македонија. Одговорот на Зоран Заев дали прифаќа конечниот грчки предлог што беше договорен во Њујорк, меѓу Димитров и Коѕијас ќе го покаже патоказот во текот на случајот. Како што пишува грчкиот весник доколку одговорот биде позитивен, тогаш Заев ќе има телефонски разговор со грчкиот премиер Алексис Ципрас. Доколку пак Македонија не даде позитивен одговор во текстот се вели дека тогаш преговорите ќе пропаднат и двете земји ја пропуштаат шансата да најдат договор, особено во ова време.

Димитров за „Та неа“: Се наоѓаме во многу чувствителна фаза

Даниел Василев — Tue, 15 May 2018 07:36:29 +0000

Се наоѓаме во многу чувствителна фаза во прашањето, вели шефот на македонската дипломатија Никола Димитров од Хаг во куса изјава за грчкиот весник „Та неа“, јави дописничката на МИА од Атина. Новинарката оваа изјава ја толкува како индиректна потврда дека е многу важен напредокот што се направил во разговорите. - Се наоѓаме во многу чувствителна фаза за прашањето. Не можам да говорам јавно за случувањата, освен да Ве упатам на изјавите на Нимиц, рекол Димитров за „Та неа“, при пристигнувањето во Институтот за меѓународни односи Клингендал. Весникот коментра дека шефот на македонската дипломатија „не ја демантирал можноста да се појават важни случувања во Софија во четврток, на 17 мај, на средбата на двајцата премиери“. Прашан во врска со тоа дали очекува важни случувања и постигнување договор, повтори дека „околностите се многу чувствителни за да одговори на прашањето“, пишува весникот. Димитров од вчера, се наоѓа во дводневна работна посета на Кралството Холандија. МИА

„Та неа“: Македонската страна го менува ставот за употреба на уставното име во внатрешноста на земјата

Ивана Ефремовски — Sat, 12 May 2018 11:29:11 +0000

Постигнување договор сега и постепено комплетирање за две години се двете карактеристики на сценариото што се наоѓа на маса кое го објавува саботното издание на грчкиот весник „Та неа“. - При првото читање, најважниот елемент на оваа верзија на договорот е појавувањето на намерата на соседите да го прифатат за севкупна употреба (ерга омнес) името што ќе се договори (преовладуваат имињата Горна Македонија, Нова Македонија), пишува весникот и коментира дека македонската страна го менува ставот за употреба на уставното име во внатрешноста на земјата. Според информациите на весникот, договорот не може да биде сега и веднаш туку се дава време, најверојатно две години за имплементација на ерга омнес. Македонската страна сметала, пишува „Та неа“, дека овој временски период од две години е задоволителен за да се направат потребните уставни промени, дали со или без распишување на избори. Како што јави дописничката на МИА од Атина, „Та неа“ пишува дека за Македонија да ги направи овие отстапки, бара да се обезбедат итни опипливи резултати, односно влез во НАТО и почеток на пристапни преговори со ЕУ. - Во однос на двегодишниот период, Атина молчи. Сепак, според информациите велат дека би можело да се согласи на еден неопходен временски период што ќе го побара другата страна (една година на пример) за време на кој ќе се направат чекори кон имплементација на комплетниот обврзувачки договор, што ќе се постигне на почеток, за секој пат да се спроведуваат договорените точки, а не за нив одново да се разговара, пишува весникот и објаснува дека е потребен комплетен договор, обврзувачки временски период само за имплементација, а тоа е „патот по кој би можело Скопје да стигне до официјална покана за интеграција“. - Потоа, ако се оди според мапата (известување на официјален начин на ОН и обврските во однос на новото име и опсегот на употреба), следат ратификации во парламентите за интеграција на соседната земја како полноправен член на НАТО, пишува „Та неа“, пренесе МИА. (МИА)