таблета – Kurir.mk

Во шише праќала дрога преку брза пошта до пациент на судско одделение

Ивана Ефремовски — Fri, 01 Sep 2023 16:59:34 +0000

СВР Битола поднесе кривична пријава против В.У.(22) од Охрид поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурсори“. Пријавената ставила марихуана и таблета МДМА во шише и како пратка преку брза пошта му го испратила на С.Б.(21) од Охрид, кој бил на издржување судска мерка во судско одделение во ЈЗУ Психијатриска болница Демир Хисар.

Кумановец лишен од слобода поради една таблета

Ивана Ефремовски — Mon, 02 Jan 2023 11:25:22 +0000

На 02.01.2023 во 00:15 часот на подрачје на Карпош, полициски службеници од Единицата за интервентна полиција при СВР Скопје го лишиле од слобода Е.С.(25) од Куманово затоа што кај него била пронајдена таблета. По целосно документирање на случајот ќе биде поднесен соодветен поднесок.

Соопштение на Фајзер: Нашиот лек штити 90% од хоспитализација и смртоносен исход

Магдалена Андонова — Tue, 14 Dec 2021 12:45:57 +0000

Компанијата Фајзер соопшти денеска дека конечната анализа покажала дека антиковид таблетата е речиси 90 отсто ефикасно во спречување на хоспитализација и смртоносни исходи кај високоризичните пациенти, а најновите лабараториски податоци покажуваат дека лекот оддржал ефикасност и против омикрој сојот. Американскиот произведувач на лекови изјави дека минатиот месец лекот бил ефикасен околу 89 отсто во спречување на хоспитализацијата или смртоносните исходи, на основа на примероци од 1.200 луѓе, додека денешните податоци се базирани на основа на додатни 1.000 луѓе, пренесува Ројтерс. Никој во текот на клиничкото тестирање кој го земал лекот на Фајзер не умрел, во споредба со 12-те смртоносни случаеви кај лицата кои го земале лекот плацебо. Лекот на Фајзер се зима на секои 12 саати, пет ден по првите симптоми, а доколку се одобри, ќе се продава под името Паксловид. Њујоршката компанија исто така ги покажа прелиминарните податоци на другиот клинички тест, кој покажува дека лечењето го смалило хоспитализирањето за околу 70 отсто кај 600 возрасни лица. Американкста влада веќе обезбедила 10 милиони дози на лекот на Фајзер, за 5.29 милијарди долари.

Лекот поефикасен од вакцината: Фајзер објави студија за новата таблета против ковид-19

Ивана Ефремовски — Sun, 07 Nov 2021 15:22:18 +0000

„Паксловид“ – ново апче против коронавирусот кое го намалува ризикот од хоспитализација и смрт дури за 89 %. Ова се тврдења на производителот - компанијата „Фајзер“ која ќе бара „амин“ од Американската агенција за лекови ФДА за да може веднаш да се пушти во употреба. Станува збор за таблети кои се даваат по појавата на првите симптоми на вирусот, односно од три до пет дена од дијагностицирањето, а колку овие апчиња ќе чинат и дали ќе ги има во македонските аптеки засега не се знае. Инаку истражувањето на „Фајзер“ опфатило околу 1200 пациенти со умерена форма на ковид-19, кои имале најмалку еден ризик фактор да развијат сериозна форма на болеста. Само 0,8% од оние кои го земале лекот во првите три дена од појавувањето на симптомите завршиле во болница, а по 28 дена лекување ниту еден не починал. Македонскиот научник од Охрид кој е молекуларен биолог Ненад Сврзикапа, магистрант на Харвард, а докторски студент на Оксфорд, преку статус на „Фејзбук“ резултатите од ова истражување ги оценува како одлични и очекува лекот скоро да биде одобрен, па за некој месец и да е достапен. Тој појаснува дека лекот делува на начин што го спречува копирањето на вирусот во клетките, пренесе Канал 5 телевизија. Од „Фајзер“ тврдат дека овој антивирусен лек, во случај ја добие дозвола, има потенцијал да спасува животи, односно да ја намалува тежината на заболувањето и да спречува девет од десет престои во болница. Според ова, Паксловидот покажал 40 отсто поголема ефикасност од првиот направен и одобрен лек против коронавирусот - „Молнупиравир“. Инаку „Молнупиравирот“ треба да биде достапен и во Македонија бидејќи Министерството за здравство веќе започна преговори со производителот за да го набави.

Велика Британија ја одобри првата таблета против Ковид-19

Магдалена Андонова — Thu, 04 Nov 2021 12:29:42 +0000

Обединетото Кралство даде условно одобрение за употреба на антивирусен лек против ковид-19 од Мерк, првата таблета која се покажа како успешна во лекувањето на сериозни симптоми на инфекција со коронавирус. Обединетото Кралство е првата земја која одобри третман со молнупивир, иако сè уште не се знае точно кога овој лек ќе биде достапен, пишува АП. Лекот е лиценциран за употреба кај луѓе постари од 18 години кои се позитивни на Ковид-19 и имаат барем еден фактор на ризик за развој на сериозна болест. Што е молнупиравир и колку е ефикасен? Многу луѓе мислат дека молнупиравир е одлично решение бидејќи на тој начин можеме да се лекуваме против коронавирусот без хоспитализација, според Си-Ен-Ен. Имено, кога на пациентот ќе му биде дијагностицирана инфекција со Ковид-19, тој може да започне со терапија со овој лек и да зема четири капсули од 200 милиграми (вкупно 40 таблети) два пати на ден во период од пет дена. - За разлика од вакцината, која предизвикува имунолошки одговор, молнупиравир се меша со репликацијата на вирусот, рече Санџај Сенајаке, специјалист за заразни болести на Австралискиот национален универзитет. Прелиминарните резултати од третата фаза од клиничките испитувања спроведени од фабриката Мерк на повеќе од 700 невакцинирани пациенти покажаа дека таблетата може да го намали ризикот од хоспитализација или смрт за приближно 50 проценти во споредба со пациентите кои земале плацебо. Учесниците примиле таблета или плацебо во текот на студијата во рок од пет дена од почетокот на симптомите на инфекција, а ниту еден од оние кои примиле молнупиравир не починал во рок од 29 дена, за разлика од оние осум испитаници кои примале плацебо. Фази на клинички испитувања За да биде одобрена, вакцината или лекот мора да помине низ три фази на клинички испитувања. Мал број испитаници учествуваат во првата фаза, вообичаено помеѓу 20 и 100 (или поретко неколку стотици), така што таа одредува прелиминарна проценка за безбедноста и ефективноста на лекот. Во втората фаза се тестира ефикасноста на вакцината или лекот на голем број субјекти, најчесто меѓу 50 и 300, па се анализираат различни начини на имунизација, односно примена на дози. Во третата фаза учествуваат најголем број испитаници - од неколку стотици до десетици илјади, во зависност од болеста за која се развива лек или вакцина. Во овој момент, одреден кандидат се споредува со плацебо за да се испита вистинската ефикасност на вакцината или лекот што се развива, а безбедноста дополнително се тестира и се идентификуваат несаканите ефекти. Ограничени залихи Мерк рече дека може да произведе 10 милиони третмани до крајот на годината, но дека голем дел од тие акции веќе се откупени од владите ширум светот. Азиските земји побрзаа да го нарачаат овој најнов потенцијален лек против Ковид. Според аналитичката компанија, најмалку осум земји во азиско-пацифичкиот регион, вклучувајќи ги Нов Зеланд, Австралија и Јужна Кореја, веќе потпишале договори или се во преговори за купување на лек произведен од американската компанија Мерк. Во ноември, британските власти објавија дека обезбедиле 480.000 третмани со молнупивир. - Ова е историски момент за нашата земја бидејќи Велика Британија сега е првата земја во светот која одобри антивирусен лек против ковид-19 кој може да се зема дома - изјави британскиот министер за здравство Саџид Џавид. Можни несакани ефекти? Мерк сè уште не откри детали за можните несакани ефекти од земањето молнупиравир, освен што беше наведено дека нивното ниво е слично кај оние субјекти кои го земале лекот и оние кои примале плацебо. Бидејќи лекот го таргетира ензимот што коронавирусот го користи за репродукција и внесува грешки во неговиот генетски код, некои експерти веруваат дека молнупиравир потенцијално може да предизвика мутации што доведуваат до некои дефекти или тумори. За време на студијата, испитаниците, и мажи и жени, добија инструкции да користат контрацепција или да се воздржат од интимни односи. Бремените жени беа исклучени од студијата. Мерк изјави дека лекот е безбеден кога се користи во согласност со упатствата. Цената на лекот Засега не е познато колку азиските земји ќе платат за купување на овие таблети. Соединетите држави се согласија да платат 1,2 милијарди долари за 17 милиони третмани доколку лекот биде одобрен, што значи дека САД во тој случај би платиле околу 700 долари по третман. Аналитичарите утврдија дека производството на третман со молнупивир, врз основа на пресметката на цената на суровините, треба да чини околу 18 долари. Џинтарис Готам, кој се занимава со анализа на пристапот до лекови, рече дека е вообичаено фармацевтските компании да наметнуваат голема компензација за лековите, но додаде дека сепак бил изненаден кога би ја видел високата цена на молнупивир. Компанијата Мерк не потврди дали проценките на аналитичарите се точни, но во изјава за Си-Ен-Ен наведува дека тие пресметки не ги земаат предвид трошоците за истражување и развој. - Со оглед на тоа што засега не е одобрен за употреба во САД, сè уште не ја утврдивме цената за молнупиравир. Имаме преддоговор со американската влада и таа цена е специфична за одредена количина молнупивир и не ја претставува договорената цена за САД или која било друга земја - велат од компанијата.

Израелците прават вакцина против коронавирусот во форма на таблети: Ова може да ја „смени играта“ со 3-та доза

Магдалена Андонова — Tue, 27 Jul 2021 10:50:39 +0000

Додека во светот има полемики дали треба да се вклучи третата доза на вакцина за коронавирус и кој е кандидат за таканаречениот засилувач, во Тел Авив започна клиничко испитување на вакцината во форма на таблета. Оралната вакцина за коронавирус може да ја „смени играта“ со поедноставување на логистиката, како поради земјите што немаат услови за складирање вакцини, така и поради здравствените работници кои се занимаваат со имунизација. Орамед Фармацевтикалс создаде орална верзија на можна вакцина за една доза, развиена од индиски Премас Биотех, и објави во март дека таблетата успешно произведе антитела кај свињите. Компанијата наведува дека израелската пилула ќе биде соодветна за едноставна почетна вакцинација, бидејќи нема да има потреба да се чува на ниски температури и истовремено да се елиминира потребата од професионалци кои даваат вакцини. - Ова може да донесе голем пресврт во земји како Индија, каде што се вакцинирани само 5% од населението - вели Надав Кидрон, извршен директор на Орамед. Тој предвидува дека оваа технологија може да им помогне на здравствените работници да се справат со можниот предизвик за давање трета доза на вакцина за коронавирус, и смета дека вакцината во форма на таблета во голема мера ќе го олесни тоа. Израел веќе започна да им дава нова доза на вакцина на имунокомпромитирани лица, а лекарите од целиот свет веќе долго време расправаат дали третата доза треба да се даде на целото човештво. Во меѓувреме, во медицинските кругови, сè почесто се сугерира дека засилувачката доза треба да биде вакцина од друг производител, односно заснована на различна технологија од првите две дози. Оваа теза е поддржана од Угур Шахин, креаторот на вакцината фајзер / Бајонтек против корона, како и српскиот експерт проф. Д-р Миланко Шеклер. Кидрон за „Тајмс оф Израел“ изјави дека би било добро оралната вакцина да биде одобрена што е можно поскоро, со оглед на можноста за побарувачка за трета доза и недостаток на вакцини во одредени делови на светот. - Нашата орална вакцина, која не се потпира на синџирот на снабдување со длабоко замрзнување, за разлика од другите вакцини против коронавирус, може да направи голема разлика, рече Кидрон. Пред оралната вакцина да пристигне во Израел за тестирање, имаше најави од Русија дека тамошните научници исто така измислиле вакцина што може да се земе орално - преку јогурт или кефир.

Харвард работи на „таблета за генијалност”

Катерина Бојаџиева — Thu, 18 Jan 2018 14:44:09 +0000

Научници од Универзитетот Харвард сметаат дека „скицата на големиот мозок" направена со помош на скенери, ги потврдува заедничките точки на генијалците и на многу успешните луѓе, пишува интернет страницата „Лајф“. Структурата на ткивата во мозокот на натпросечно интелигентните деца, е таква што активноста на одредени зони и состојбата на невронските врски гарантираат оригинални идеи. Притоа, зголемената активност во некои делови на мозокот може да се постигне и по вештачки пат. Ова сознание не е ништо ново, веќе со децении научнииците вршат експерименти со големиот мозок, за вештачки да предизвикаат реакции кај луѓе и кај животни. Сега науката оди чекор натаму. Експертите од Харвард работат на специјална „таблета за генијалност", со високоактивни својства кои ќе ја интензивираат активноста на точно определени центри во мозокот.