табли – Kurir.mk

Во Кавадарци ќе се поставуваат табли со еколошки пораки

Ивона Петрова — Thu, 16 Jun 2022 11:29:20 +0000

Во Кавадарци ќе се поставуваат табли со еколошки пораки, со поддршка на Ротари клуб, информираа денеска од кабинетот на градоначалникот Митко Јанчев. -Градоначалникот оствари средба со претседателот и претставници на Ротари клубот Кавадарци, во придружба на Ротари Дистрикт 1912 Словенија & Македонија, гувернерот Душан Петеркович и координаторот на Сојузот на Ротари клубови на Македонија, Сашко Целаковски. На состанокот се разговараше за досегашната соработка на РК Кавадарци и општината Кавадарци, соопштија од градоначалничкиот кабинет. Од кабинетот на Јанчев појаснија дека за следниот период, се најавува реализација на два проекта во областа на екологијата. -Значи поставување на табли со еколошки пораки како и креирање на Дендро парк Кавадарци со вредност од 300.000 денари. Тој ќе биде реализиран во паркот на револуцијата со целосна поддршка на Ротаријанците, а ќе биде прв заеднички меѓунареден проект на збратимените Ротари клуб МЕДАНА – Горишка, Словенија и Ротари клуб Кавадарци, информираа од кабинетот на кавадаречкиот градоначалник.

Клупите и детските игралишта слободно крши ги, ама за плочката ќе има стражар

Дарко Андоновски — Sun, 18 Aug 2019 07:56:14 +0000

Скопје е полно со искршени клупи, уништени цвеќиња во парковите, демолирани детски игралишта… и на тој вандализам се одговара млако. Но вчера наеднаш Град Скопје се разбуди и најави дека засилено ќе контролира кој крши, ама само околу спомениците на кои се фамозните плочки каде се тројазичните објаснувањата за античката историја, објавува СкопскоЕхо. – Како тргнале, стражари ќе постават до споменикот, а ене подолу на кејот се е искршено и ниту да го споменат тоа, беше реакцијата на еден наш сограѓанин кој синоќа беше дошол на главниот плоштад за да ја види фамозната плочка. Скопјани очекуваат дека за плочките ќе фрчат и казни затоа што како што велат – власта е решена приоритет да им биде договорот Заев – Ципрас, другото ќе почека…

Странците ќе се изнасмеат кога ќе ги видат овие табли во Охрид (ФОТО)

Ивана Ефремовски — Wed, 03 Jul 2019 21:08:31 +0000

Нови информативни табли деновиве се поставени во Oхрид во близина на автобуските постојки. Но, тие имаат еден проблем. Имаат печатна грешка во преводот на англиски јазик. Наместо “bus stop”, на новите информативни табли пишува “buss stop”, што во разговорниот современ англиски јазик има сосема поинакво значење, објави Ohridnews.

Грција ќе ги менува таблите со „Скопје“ и „ПЈРМ“ за да напише „Северна“

Ивана Ефремовски — Fri, 15 Feb 2019 07:07:57 +0000

Грција веќе ја призна Северна Македонија, а тоа ќе се одрази во секое официјално споменување, вклучувајќи ги и таблите, рече портпаролот на грчката Влада и министер без ресор, Димитрис Ѕанакопулос, на редовниот брифинг со новинарите, одговарајќи на прашањето на дописничката на МИА од Атина, во однос на тоа дали, откако стапи во сила Договорот од Преспа, Грција ќе ги промени таблите на северната граница на кои сега пишува Скопје или ПЈРМ. -Во однос на таблите, што ги споменавте, јасно е и апсолутно е факт дека Грција веќе ја признава соседната држава со името Северна Македонија и тоа ќе се одрази во секое официјално споменување од Грција кон Северна Македонија, нешто што очигледно ги вклучува и таблите, рече Ѕанакопулос. Грчки дипломатски извори за МИА објаснуваат дека Министерството за надворешни работи на Грција, во следните денови ќе испрати циркулар до јавната администрација со кој ќе ги информира за промената на името во Северна Македонија, а со тоа и за потребата да се променат таблите.с

ФОТО: И на ГП кај Делчево поставени табли со Северна Македонија

Ристе Здравков — Wed, 13 Feb 2019 16:04:59 +0000

На граничниот премин кај Делчево почна „лепењето“ на таблите со новото уставно име на Македонија- Република Северна Македонија. Новото име, Република Северна Македонија стапи на сила од вчера со пристигнувањето на Вербалната нота од грчкото МНР и објавувањето во Службен весник. Таблите на граничните премини на кои е напишано името на државата се планира да бидат променети во текот на денот, најави директорот на Царинската управа Ѓоко Танасоски.

Република Северна Македонија „залепена“ на ГП „Богородица“- таблите треба да бидат сменети во текот на денот

Катерина Бојаџиева — Wed, 13 Feb 2019 12:21:02 +0000

На граничниот премин „Богородица” почна „лепењето“ на таблите со новото уставно име на Македонија- Република Северна Македонија. Новото име, Република Северна Македонија стапи на сила од вчера со пристигнувањето на Вербалната нота од грчкото МНР и објавувањето во Службен весник. Таблите на граничните премини на кои е напишано името на државата се планира да бидат променети во текот на денот, најави директорот на Царинската управа Ѓоко Танасоски. -Плaнираме сите да бидат променти денеска, со оглед на можностите на фирмите за одржување што треба да го направат тоа, а со кои Царинската управа има склучено договор. Јавниот настан ќе биде на граничниот премин Богородица, додека на другите гранични премини промените ќе бидат направени во текот на денот, изјави Танасоски одговорајќи на новинарски прашања пред презентацијата на курсеви за електронско учење. Тој појасни дека поради тоа што времето е кратко за спроведување тендерски постапки, а согласно заклучоците на Владата предвидено е таблите да бидат променети каде што е можно со налепници, а каде е можно со монтирање други табли, за да се исолни обврската во рок од три дена да бидат променети таблите на граничните премини со новото име Република Северна Македонија. Фото: Мкд.мк

Пристигнаа таблите на Северна Македонија, првата ќе се постави на „Богородица“

Ивана Ефремовски — Sun, 10 Feb 2019 17:20:42 +0000

Како што беше најавено, промената на името прво ќе почне на граничните премини. Таблата на која е испишано Северна Македонија веќе е на граничниот премин „Богородица“, но се уште не е поставена. Тоа најверојатно ќе биде направено утре. Официјална Атина очекува уште утре Скопје да почне со исполнување на обврските за промена на името, пред се имињата на институциите, како и користење на новото име- ерга омнес. Фото: 24Инфо

За една недела започнува менувањето на таблите со новото име на Македонија

Катерина Бојаџиева — Wed, 30 Jan 2019 09:08:37 +0000

За една до две недели ќе започне менувањето на официјалните државни табли со новото уставно име на Македонија, објави Владата по синоќешната 117-та седница. Со одлуките поврзани со имплементацијата на одредбите од Преспанскиот Договор се предвидува сет од мерки и активности што треба да ги преземе Владата на РМ, како и сите други органи на државната управа и сите државни институции, а кои произлегуваат од усвоените амандмани на Уставот на Република Македонија и кои ќе стапат на сила 7 дена по влегувањето во сила, односно веднаш после ратификацијата на Протоколот за пристапување на нашата земја во НАТО од страна на Република Грција, и кои ја регулираат употребата на новото уставно име согласно амандманите. „Согласно овие заклучоци, надлежните министерства, државни органи и институции, јавните претпријатија и акционерските друштва во сопственост на државата во предвидениот рок по стапувањето на сила на амандманите 33, 34, 35 и 36 на Уставот на Република Македонија, ќе треба да извршат промена на таблите на граничните премини и државната граница на нашата земја, на дипломатско-конзуларните претставништва, како и на влезовите на институциите“, гласи соопштението на Владата. Истовремено и службите за односи со јавност на државните институции ќе добијат упатства како да комуницираат со медиумите. Препораки ќе добијат и општините.

ФОТО: Албанскиот јазик стигнува и во Струмица

Ивана Ефремовски — Tue, 15 Jan 2019 13:31:21 +0000

По потпишувањето на Законот за јазици, денеска наутро, двојазични табли се поставуваат низ цела Македонија. Како што веќе е објавено, првиот што започна со промена на таблите е ЈП „Патишта на Македонија". Прва меѓу општините кои на дело ја воведе двојазичноста е општина Струмица чиј долгогодишен градоначалник беше токму Зоран Заев.

ЈП “Македонија пат” започна да поставува табли на двата јазика низ целата земја

Ивона Петрова — Tue, 15 Jan 2019 11:17:10 +0000

По потпишувањето на Законот за јазици од страна на претседателот на Собрание, денеска уште рано наутро, почна и поставувањето на двојазични танели низ цела Северна Македонија. Од информациите што успеа да ги обезбеди порталот на албански јазик “TетоваСот“, прва институција што започна со промена на табелите е ЈП "Македонија пат". Првата двојазична табела е поставена во Битола, каде што потоа ќе продолжи и во други градови каде што има Албанци.