Таџ Махал – Kurir.mk

ВИДЕО: Таџ Махал евакуиран поради дојава за бомба

Ивона Петрова — Thu, 04 Mar 2021 07:22:27 +0000

Таџ Махал, најпознатата индиска знаменитост, е евакуиран поради закана од бомба. Евакуирани се над 1.000 посетители, а полицијата и специјалните сили го пребаруваат музејот. Полицијата соопштила дека повикот го добила од непознато лице кое тврдело дека во Таџ Махал има експлозивна направа која набрзо ќе се активира. Сепак било утврдено дека се работи за лажна дојава.

#Tajmahal premises has been cleared for search operations by CISF and ASI after a threatening call at police Control room to blow the monument. @adgzoneagra @IpsBablooKumar @agrapolice @CISFHQrs pic.twitter.com/EeTExLEu9B
— Anuja Jaiswal (@AnujaJaiswalTOI) March 4, 2021

Possibility of a Bomb threat at Taj Mahal, Bomb disposal squad arrives #TajMahal #bomb pic.twitter.com/rVNJ3Q6OiI
— See Latest (@SeeLatest) March 4, 2021

Таџ Махал по шест месеци повторно отворен за посетители

Ивона Петрова — Mon, 21 Sep 2020 09:47:39 +0000

Едно од најпознатите светски зданија, Таџ Махал по шест месеци е повторно отворено за посетители. Ова беше најдолг период во кој некогаш храмот бил затворен, а во Индија сè уште расте бројот на заразени со коронавирусот. Мавзолејот во градот Агра беше затворен во март, по воведените мерки против Ковид-19. Правилата велат дека сега ќе може да прими само 5.000 посетители на ден, со строги епидемиолошки мерки. Во вообичаен ден, мермерниот мавзолеј од 17. век, го посетуваат и до 70.000 луѓе. Сега целиот објект е редовно дезинфициран, а на посетителите ќе им се мери температурата на влезот. Билетите се плаќаат со картички. Групно фотографирање е забрането поради наложеното физичко растојание. Последен пат Таџ Махал беше привремено затворен во 1978 година, при поплавите во Агра. Претходно храмот беше затворен на неколку дена во 1971 година, за време на војната меѓу Индија и Пакистан.

Одложено отворањето на Таџ Махал поради голем број новозаразени со Ковид-19

Ивона Петрова — Mon, 06 Jul 2020 06:25:49 +0000

Отворањето на Таџ Махал за туристи вчера беше одложено поради зголемувањето на бројот на заразени со коронавирусот во областа околу познатиот споменик. Во Индија, коронавирусот вчера беше потврден кај 24.850 новозаразени, што е најголемиот дневен пораст од почетокот на пандемијата во земјата. Во истиот период починаа повеќе од 600 луѓе. Агра, градот во кој се наоѓа Таџ Махал, сè уште е најсериозно погоден град од коронавирус во најнаселената сојузна држава Утар Прадеш. Властите во државата одлучија да го одложат отворањето на Таџ Махал и другите споменици. – Отворањето на овие споменици може да го забрза ширењето на Ковид-19, се вели во соопштението на локалната општина. Заштитените споменици првично се очекуваше за јавноста да бидат отворени на 6 јули. Во Индија до сега има околу 700.000 заразни и околу 20.000 починати од Ковид-19.