таеквондо клуб бутел – Kurir.mk

Таеквондо клубот кој што пишува спортска историја денеска го слави 14. роденден

Магдалена Андонова — Wed, 03 Feb 2021 19:12:19 +0000

Таеквондо клубот Бутел денеска прославува 14 години постоење на клубот. Клубот зад себе има богата историја, со многу освоени златни, сребрени и бронзени медали на балкански и меѓународни турнири и првенства. „14 ГОДИНИ ТАЕКВОНДО КЛУБ БУТЕЛ ❗️🏔 СРЕЌЕН РОДЕНДЕН ! 3 фебруари 2007 година, од овој ден до ден денеска во многу луѓе живее магија која нема начин да се опише. Многу убави, многу мачни и тешки моменти и безброј заеднички спомени од Аргентина, Кореа, Канада, Шпанија, Полска, Австрија, Кипар, Турција, Латвија, Италија, Англија, Русија, Шведска, цел Балкан и други држави во безброј незаборавни патувања со една цел: ЗА МАКЕДОНИЈА ДО КРАЈ, стои во Фејсбук статусот на Дарко Костовски, пратеник од редовите на ВМРО-ДПМНЕ. - Нашиот клуб Бутел пишува македонска спортска историја на што сме особено горди, тој создаде плејада на врвни спортисти кои достоинствено го претставуваат македонското знаме во олимпискиот спорт Таеквондо, пишува тој. Во продолжение целосниот Фејсбук статус на Дарко Костовски.

ФОТО: Македонската Таеквондо Федерација организира врвна класа тренинг камп во Охрид

Дарко Андоновски — Fri, 31 Jul 2020 19:53:44 +0000

Македонската Таеквондо Федерација под водство на претседателот Д-р Борче Костовски организира десет дневен тренинг камп подготовки ОХРИД 2020 за репрезентативните национални тимови во сите возрасни селекции на кој земаа учество тренерите и најдобрите натпреварувачи(репрезентативци)од клубовите членки на МТФ: ТК Хваранг Фист Охрид, ТК Корио, ТК Бутел, ТК Кобра, ТК Тигри, ТК Борец, ТК Годел, ТК Илинден. МТФ ги покрива сите трошоци на вкупно 30 репрезентативци кои во минатите две натпреварувачки години остварија успешни резултати кои ни даваат за право да потврдиме дека станува збор за квалитеттни репрезентативни тимови кои ветуваат многу. Секако на овој камп беа присутну и нашиот европски шампион Дејан Георгиевски, европскиот медалист Филип Додевски, светскиот медалист Анамарија Георгиевски, сениорските балкански шампиони Коки Георгиевски и Марко Стевиќ, успешните Мила Релиќ, Дамјан Трајковски, Филип Стаменов, Филип Јосифовски, Марко Аврамовски, Фросина Рајковска, Дебора Брњарчевиќ и други. Кампот до сега тече одлично, спортистите се во Охрид од 28ми Јули до 7ми Август. Македонската Таеквондо Федерација подготвува сериозна тренинг програма за идните предизвици во овој олимписки спорт, програмата ѓи опфаќа секако сите старосни категории но е со фокус на сениорскиот тим кој сериозно се бори да донесе олимписки норми за оваа нација, гордоста да имате сериозни олимписки надежи е голема но уште поголема е одговорноста и затоа стручниот тим на МТФ сериозно и напорно како до сега ќе се посвети на врвните таеквондо резултати кои во минатото покажавме дека можеме да ги направиме реалност збогатувајкија македонската спортска ризница со многу важни медали од елитни светски натпревари, но секако нашата цел е да продолжиме до и околу самиот врв на овој олимписки спорт.

Хуманитарна помош од Таеквондо Клуб Бутел за семејства во социјален ризик (ФОТО)

Ивана Ефремовски — Wed, 08 Apr 2020 15:01:38 +0000

Денеска Таеквондо Клуб Бутел посети седум семејства од социјален ризик.Некои од нив дополнително беа и повеќедетни семејства со самохрани родители. -Oднесовме брашно, грав, леќа, ориз, прашок, макарони, шпагети, средства за хигиена, пијалоци, благи за најмалите, конзерви месо и други намирници, за кои се надеваме дека добро ќе им дојдат во овие тешки времиња на криза. Се сретнавме со храбри погледи на мали дечиња кои што растат во тешки услови, човек останува без текст и со насолзени очи. Вреди да се бориш за доброто на твојот народ, нема поголема милост од тоа да затоплиш тажен човек со добар разговор и малку внимание, но треба многу повеќе од тоа, објави тренерот Дарко Костовски. -Хуманата работа на ТКД Бутел која е веќе традиција скоро никогаш јавно не ја покажуваме, овој пат сакаме да потикнеме и други клубови, лица, фирми и слично да се приклучат сега кога е најпотребно за нашиот народ. Да бидеме солидарни е потреба, да бидеме хумани е должност-порача тој.

Таеквондо Клубот Бутел ги повикува сите сограѓани вечерва во 19 часот да го пречекаат европскиот медалист во олимписки спорт Филип Додевски

Дарко Андоновски — Mon, 09 Sep 2019 12:59:02 +0000

Таеквондо Клубот Бутел ги повикува сите сограѓани вечерва во 19 часот во спортската сала на Оу Свети Климент Охридски-Бутел скромно но со многу топлина и чест да го пречекаат европскиот медалист во олимписки спорт Филип Додевски. -Почитувани подржувачи и пријатели на Таеквондо Клуб Бутел, таеквондо спортот и спортот воопшто! Вечерва со почеток во 19:00 часот во спортската сала на Оу Свети Климент Охридски-Бутел скромно но со многу топлина и чест ќе го пречекаме ЕВРОПСКИОТ МЕДАЛИСТ ВО ОЛИМПИСКИ СПОРТ ФИЛИП ДОДЕВСКИ ! Со особено задоволство ве покануваме да му покажеме топлина и ПОЧИТ на ова момче кое со сериозна повреда ХРАБРО ни донесе врвен спортски резултат за Македонија. МЕДАЛ ОД ЕВРОПСКО ПРВЕНСТВО !!! 19:00 ч ВЕ ОЧЕКУВАМЕ !, стои во нивното соопштение до јавноста.

Таеквондо клубот Бутел пример за врвни спортски успеси (ВИДЕО)

Предраг Кукиќ — Mon, 03 Jun 2019 20:33:52 +0000

Таеквоно клубот Бутел постои 11 години, основачи и тренери на овој клуб се браќата Борче и Дарко Костовски. Да потенцираме дека таеквондо е олимписки фулконтактен спорт со сериозна олимписка традиција, тоа само по себе значи пеколна конкуренција во овој спорт. Клубот Бутел со своите репрезентативци има остварено голем број врвни спортски резултати меѓу кои: Дејан Георгиевски освојувач на златен медал на сениорско европско првенство, два бронзени медали на европски првенства У21, сребрен медал на медитерански игри, голем број златни медали на светски Г1 купови и е три кратен балкански шампион. Филип Додевски има освоено златен медал на сениорско европско клубско првенство, неколку медали од светски Г1 купови како и златен медал на балканско првенство. Анамарија Георгиевска има бронзен медал од светско јуниорско првенство, неколку медали на светски Г1 купови и златен медал на балканско првенство. Анамарија во 2018 година е прогласена за најдобра млада спортистка во Македонија. Дејан Георгиевски и Филип Додевски се стипендисти на Македонскиот Олимписки Комитет, со тоа и официјални македонски олимписки надежи. Таеквондо клубот Бутел има освоено над 60 пехари на меѓународни турнири за високи клубски пласмани. Клубот Бутел е успешна македонска спортска приказна, и доказ дека со минимални ресурси но со многу труд и откажувања може да се достојно да се спротиставуваме на светски веле олимписки сили. Врвната цел на Бутел е остварување на олимписка норма и секако медал од олимписки игри.

Таеквондо Клуб Бутел меѓу шесте најдобри во Европа

Дарко Андоновски — Mon, 04 Mar 2019 18:36:00 +0000

-Таеквондо Клуб Бутел, со особено задоволство ве известуваме дека на официјалното клубско рангирање кај најважната сениорска селекција на европското клубско првенство во олимписко таеквондо од вкупно 41 клуб учесник со сениорски тимови таеквондо клуб Бутел е рангиран како 6ти најдобар сениорски клуб во европа !!! Сениорските златен и сребрен медал на Филип и Дејан овој пат ни донесоа силен печат и огромно европско признание на нашиот клуб Бутел. Ова големо клубско достигнување е силен и дополнителен мотив за понатамошна борба и остварување на нашите соништа, стои во соопштението на клубот.