таеквондо – Kurir.mk

БРАВО: Парулеска освои медал за Македонија на Светското превенство

Ивана Ефремовски — Thu, 24 Aug 2023 18:37:51 +0000

Македонскатата репрезентативка во традиционално таеквондо Христијана Парулеска освои бронзен медал во спаринг-борби за јуниорки од 14 до 15 години на Светското превенство што се одржува во Астана, Казахстан. Парулеска е најдобрата континентална кадетка, со златен медал освоен на Европското првенство одржано годинава во Италија. На Светскиот шампионат нашата делегација отпатува со тројца натпреварувачи – Парулеска, Давид Крстески и Елена Јанеска. Светското првенство завршува задутре. (МИА)

Македонија со тројца таеквондисти на СП во Мексико

Бошко Тасиќ — Sun, 13 Nov 2022 06:50:26 +0000

Македонија ќе настапи со тројца таеквондисти на Светското првенство за сениори кое од утре започнува во Гвадалахара, Мексико. Предводник на нашиот одбран состав ќе биде олимпискиот вицешампион од Токио, Дејан Георгиевски, а во составот се и Филип Додевски и Мила Рељиќ. Останува да се надеваме дека нашите репрезентативци ќе не израдуваат со некој медал.

Арсовска: Со поддршка за развој на спортот се создаваат нови шампиони

Магдалена Андонова — Sat, 30 Apr 2022 11:20:44 +0000

Денеска во СЦ „Јане Сандански“ градоначалничката на Град Скопје, Данела Арсовска, градоначалникот на општина Бутел, Дарко Костовски и градоначалникот на Општина Аеродром, Тимчо Муцунски го отворија меѓународниот турнир во Таеквондо Скопје ОПЕН 2022. - Имам чест да истакнам дека Град Скопје е поддршка на меѓународниот турнир на кој над 550 учесници, од седум различни држави и повеќе од 30-тина клубови, се натпреваруваат во Скопје по осми пат, истакна градоначалничката Арсовска. Таа во своето обраќање до натпреварувачите истакна дека градот истакнува силна поддршка за развојот на спортот и спортскиот дух особено за младите, подржува проекти и активности за создавање на здрави и спортски навики. - Само преку развој на спортот и поддршка на спортските активности се развиваат успешни млади таленти, кои носат потенцијал за олимписки успеси, како нашиот Дејан Георгиевски, олимпискиот вицешампион во таеквондо, гордост и иднината на спортот за Скопје и Македонија, посочи градоначалничката Арсовска на денешното отворање на меѓународниот турнир.

На Путин му е одземен црниот појас во таеквондо

Ивона Петрова — Tue, 01 Mar 2022 11:25:41 +0000

На рускиот претседател Владимир Путин му е одземен почесниот црн појас во таеквондо поради нападот на Украина, објави Светската таекводндо федерација. Таеквондо федерацијата со седиште во Сеул, се повикува на своето мото „Мирот е подрагоцен од триумфот“, и ја осудува воената акција во Украина. Се наведува дека „бруталниот напад на невини животи“ претставува нарушување на спортските вредности на почит и толеранција. -Согласно ова, Светската таеквондо федерација одлучи да му го одземе почесниот црн појас 9 дан кој на господинот Владимир Путин му е доделен во ноевмри 2013 година, стои во соопштението на управниот одбор на федерацијата.

World Taekwondo strongly condemns the brutal attacks on innocent lives in Ukraine, which go against the World Taekwondo vision of “Peace is More Precious than Triumph” and the World Taekwondo values of respect and tolerance.#PeaceIsMorePreciousThanTriumph https://t.co/nVTdxDdl2I
— World Taekwondo (@worldtaekwondo) February 28, 2022

Македонија денеска ги пречекува Дејан Георгиевски и олимпиското сребро, во 19:30 на плоштад

Ивона Петрова — Thu, 29 Jul 2021 06:00:28 +0000

Македонскиот олимпиец Дејан Георгиевски и освоениот сребрен медал во Токио денес доаѓаат во Македонија. Главниот пречек за новиот спортски херој ќе се одржи во 19:30 часот на плоштадот во Скопје, веднаш во Триумфалната порта. -Утре (четврток) 29.07.2021 со почеток во 19:30 часот на плоштад веднаш до триумфалната порта Македонија да го пречекаме нашиот јунак, нашиот херој, нашиот олимписки сребрен медалист Дејан Георгиевски. Ве очекуваме во што поголем број, плоштадот да ни биде тесен, да покажеме што значи ова момче за Македонија, да покажеме што значи Македонија. Сите оние кои што сакаат да не’ пречекаат и на аеродром, можат да дојдат во 14:30 часот. Се гледаме утре на плоштад, 19:30 часот, порачаа вчера од таекводно федерацијата. Во видео пораката која Георгиевски ја испраќа, ги повикува сите граѓани да дојдат во што поголем број и заеднички да го прослават историскиот успех во македонскиот спорт и сребрениот олимписки медал. Тренерите на новата македонска гордост се откажаа од паричната награда која Владата одлучи да им ја додели на последната седница. -Владата доделила 20.000 евра за македонската спортска икона Дејан Георгиевски и 10.000 евра за тренерите. Мојот брат д-р Борче Костовски и јас како тренери на олимпискиот сребрен медалист Дејан Георгиевски, апсолутно се откажуваме од премијата што е доделена за нас, секако таа целосно треба да биде насочена кон олимпискиот вицешампион, новата македонска гордост. За нас како тренери во овие моменти доволен е олимпискиот историски сребрен медал (СО ЗЛАТЕН ОТСЈАЈ), пишува на Фејсбук, Дарко Костовски. Владата вчера соопшти дека донесе одлука на Георгиевски да му биде доделена парична награда во висина од 1.200.000 денари. На седницата одлучено е на тренерот да му бидат доделени 600.000 денари. Освојувачот на сребрениот медал во теквондо на ЛОИ Токио 2020 ќе биде награден и со дополнителни 600.000 денари од страна на Агенцијата за млади и спорт, информираа од Владата. Македонскиот теквондист и донесе сребрен олимписки медал на Македонија во категорија +80 килограми. Георгиевски загуби во финалната борба од Русинот Владислав Ларин со резултат 15:9, а Мохамед Азми од Египет беше судија на оваа борба. Од Токио се враќа со сребрен медал, а во финалето се пласираше откако во полуфиналето го совлада Кореецот Ин кој го носи прекарот „магионичарот“. Патот кон олимпискиот медал, Дејан го започна со победата на актуелниот светски шампион Рафаел Алба од Куба, а следуваше и победата над Саиду Гбане од Брегот на Слоновата коска.

БРАВО ДЕЈАН: ГЕОРГИЕВСКИ ОСВОИ СРЕБРЕН ОЛИМПИСКИ МЕДАЛ ЗА МАКЕДОНИЈА

Ивона Петрова — Tue, 27 Jul 2021 13:02:29 +0000

Македонскиот таеквондист Дејан Георгиевски и донесе сребрен олимписки медал на Македонија во категорија +80 килограми. Георгиевски загуби во финалната борба од Русинот Владислав Ларин со резултат 15:9, а Мохамед Азми од Египет беше судија на оваа борба. Георгиевски од Токио се враќа со сребрен медал, а во финалето се пласираше откако во полуфиналето го совлада Кореецот Ин кој го носи прекарот „магионичарот“. Утринава, патот кон олимпискиот медал, Дејан го започна со победата на актуелниот светски шампион Рафаел Алба од Куба, а следуваше и победата над Саиду Гбане од Брегот на Слоновата коска.

ФОТО: Бутел подготвен за еуфорично следење на финалната борба на Георгиевски за олимписко злато

Ивона Петрова — Tue, 27 Jul 2021 12:40:57 +0000

Дејан Георгиевски, македонскиот таеквондо претставник на Олимписките игри во Токио во 14:45 часот ќе ја одигра финалната борба за олимписко злато. Нашиот Дејан во финалето ќе се сретне со Русинот Владислав Ларин кој важи за фаворит. По две децении македонскиот спорт доаѓа до медал на Олимписките игри, а Дејан ќе се врати дома со сребро или злато. Оваа борба организирано се следи во ОУ „Св. Климент Охридски“ во Бутел каде Дејан ја започнува својата спортска приказна.

Георгиевски се огласи пред финалната борба: Дојден сум по златен медал (ВИДЕО)

Ивона Петрова — Tue, 27 Jul 2021 12:02:12 +0000

Македонскиот таеквондо претставник на Олимписките игри во Токио се огласи преку видео порака пред финалната борба закажана за 14:30 часот против Русинот Владислав Ларин. Дејан Георгиевски им се заблагодарува на сите за големата поддршка и порачува дека е дојден во Токио по злато. -Дојден сум по златен медал. Свесен сум дека ова е најголем спортски успех во независна Македонија, одиме до крај. Македонија е голема. Поздрав до сите, ви благодарам уште еднаш, порачува Георгиевски.

ВО БУТЕЛ: „Да направиме македонска енергија за лавот“, организирано гледање на финалната борба на Георгиевски за олимписко злато

Ивона Петрова — Tue, 27 Jul 2021 10:18:31 +0000

Македонскиот таеквондист Дејан Георгиевски денеска се пласираше во финалето на Олимписките игри. По две децении македонскиот спорт доаѓа до медал на Олимписките игри, а нашиот Дејан ќе се врати дома со сребро или злато. Финалната борба против Русинот Владислав Ларин е закажана во 14:45 часот, а преку социјалните мрежи Дарко Костовски информира дека се организира заедничко следење на финалето во скопски Бутел. -Кој може и сака организирано е заедничко гледање на финалето со почеток од 14 часот во холот на ОУ Св. Климент Охридски Бутел, местото каде што ТКД Бутел и Деки започнаа со оваа магија. Ќе ни значи вашето присуство, да направиме невидена МАКЕДОНСКА ЕНЕРГИЈА ЗА ЛАВОТ. ЗА МАКЕДОНИЈА, со Господ, напиша Костовски на Фејсбук.

Костовски: Тајфун во Токио, Дејан Георгиевски од Македонија, одиме по злато

Ивона Петрова — Tue, 27 Jul 2021 08:45:55 +0000

Македонскиот таеквондист Дејан Георгиевски денеска се пласираше во финалето од ова натпреварување на Олимписките игри. Тоа значи дека Дејан на Македонија сигурно ќе и донесе медал, а финалната борба против Русинот Владислав Ларин ќе одлучи со какво одличје ќе се врати Георгиевски дома. По пласманот во финалето, преку социјалните мрежи се огласи Дарко Костовски, кој е дел од олимписката делегација. -Господе волјата е твоја. ДЕНЕСКА ТАЈФУН ВО ТОКИО, ДЕЈАН ГЕОРГИЕВСКИ ОД МАКЕДОНИЈА. СТАНИ МАКЕДОНИЈО, ДИГНИ ГЛАВА ВИСОКО. МАКЕДОНИЈА ИМА ЛАВ, ЈУНАК, СПОРТСКА ИКОНА ДЕЈАН ГЕОРГИЕВСКИ. За прв пат во независна Македонија одиме во финале на олимписки игри, во полуфинале го победивме Ин Кјо Дон од Кореја, од земјата лулка на овој олимписки спорт. Во финале не чека актуелниот светски шампион во категорија -87кг (за да е на јавноста појасно на олимписки игри во таеквондо се фузираат две категории -87 и +87 значи дупла конкуренција) светски шампион Владислав Ларин од Русија, македонско време 14:30 часот. За сега го имаме најголемиот спортски резултат во независна Македонија, но тука дојдовме по злато, напиша Костовски на Фејсбук. Во полуфиналето Георгиевски го совлада Кореецот Ин кој го носи прекарот „магионичарот“. Магијата на Ин, кој бележи 100 борби и 82 победи на нив, не беше доволна да го запре нашиот Дејан на Македонија да и донесе олимпски медал. Утринава, патот кон олимпискиот медал, Дејан го започна со победата на актуелниот светски шампион Рафаел Алба од Куба, а следуваше и победата над Саиду Гбане од Брегот на Слоновата коска. Финалето е закажано во 2:45 часот.