тафталиџе – Kurir.mk

ФОТО: Тешка сообраќајка кај „Веро“ Тафталиџе

Ивона Петрова — Wed, 25 May 2022 07:12:18 +0000

Тешка сообраќајка несреќа рано утринава се случи на булеварот „Митрополит Теодосиј Гологанов“ во близина на „Веро“ во Тафталиџе. Учесници во несреќата се автомобил „БМВ“ и мотор. Неофицијално, има повредени лица кои се пренесени во болница. Наскоро се очекуваат повеќе детали од МВР.

Без вода дел од скопската населба Тафталиџе

Ивана Ефремовски — Sun, 08 Aug 2021 14:32:24 +0000

Поради предизвикан уличен дефект на водоводната цевка Ф 80 милиметр на улица „Московска 10“ прекинато е водоснабдување на корисниците од од оваа и од улиците „Софиска“, „Гаврил Лесновски“ и „Бриселска“ во скопската населба Тафталиџе. Како што информира ЈП „Водовод и Канализација“ – Скопје водоснабдувањето е во прекин од 16:10 часот и ќе трае до отстранување на дефектот. (MИА)

Оваа улица во Тафталиџе утре ќе биде без вода

Магдалена Андонова — Thu, 22 Apr 2021 16:56:09 +0000

ЈП Водовод и канализација известува дека на ден 23.04.2021 год.(петок), поради штопирање на шибер и хидрант од Ф-80 мм на ул.Женевска 31 во нас. Тафталиџе, без водоснабдување oд 08:00 часот до 10:00 часот ќе останат корисниците на дел од ул.Женевска. (општина Карпош)

По земјотресот е формирана оваа скопска населба: Дали знаете која е? (ФОТО)

Ристе Здравков — Sun, 26 Jul 2020 11:51:29 +0000

По земјотресот, под управа на познатиот мексикански архитект Педро Рамирез Васкез во Јуни 1964 година е формирана познатата скопска населба Тафталиџе.

Пожар во ресторан во Тафталиџе

Ивона Петрова — Fri, 15 May 2020 10:18:04 +0000

Пожар во ресторан позади Катастар кај Педагошка академија денеска избувна при што е уништена кровната конструкција. Противпожарните служби на Град Скопје интервенирале со пет возила и 15 пожарникари. Командантот на Противпожарната единица на Град Скопје Владимир Симоновски за МИА изјави дека пожарот кај нив е пријавен во 11:20 часот, а изгаснат околу 11:45 часот. Најверојатно пожарот избувнал од скарата во ресторанот по што биле зафатени оџакот и кровната конструкција. Причинета е материјална штета.

Најнови детали за убиството во Тафталиџе: Му тропале на врата и му се заканувале, тој излегол со пиштол и пукал

Ивана Ефремовски — Sat, 21 Dec 2019 20:19:53 +0000

Јавен обвинител од Основното јавно обвинителство Скопје донесе наредба за спроведување истражна постапка против лицето осомничено за вчерашното убиство во Тафталиџе и побара мерка притвор. Истражната постапка се спровдува поради сомнение за извршени кривични дела – убиство од чл.123 ст.1, убиство од чл.123 ст.1 во врска со чл. 19 (обид), како и недозволено изработување, држење, посредување и тргување со оружје или распрскувачки материи од чл.396 ст.1 од Кривичниот законик. На 20 декември, на улица „Московска“ во Скопје, осомничениот неовластено држел огнено оружје – пиштол марка „Чешка Зброевка“ модел VZOR 50 cal калибар 7.65. Со оружјето со умисла лишил од живот едно лице, а уште едно се обидел да лиши од живот. Кога оштетените татко и син дошле пред дуќанот на осомничениот и почнале да тропаат на вратата, упатувајќи му закани да отклучи и да излезе надвор за да ги решат меѓусебните недоразбирања, тој без да отклучи го извадил пиштолот кој го држел без дозвола и го насочил кон нив. Во тој момент тие се оддалечиле, па осомничениот ја отклучил вратата, мислејќи дека си заминале. Тогаш ги забележал како повторно се приближуваат, па пак влегол во дуќанот и го зел пиштолот и започнал да пука кон нив. Еден од оштетените починал на лице место, додека другиот се здобил со тешки телесни повреди – огнострелни рани во пределот на десниот колк и абдоменот. Надлежниот јавен обвинител процени дека во конкретниот случај се исполнети законските основи, па до судијата на претходна постапка од Основниот кривичен суд Скопје достави предлог за определување мерка притвор за осомниченото лице.

Детали за убиството во Тафталиџе: Познати идентитетите на убиецот, убиениот и ранетиот

Ивана Ефремовски — Sat, 21 Dec 2019 15:33:30 +0000

Според информациите на МВР, вчера во 19:40 часот во СВР Скопје било пријавено дека во продажен објект на ул.„Московска“ В.Ш.(55) од Скопје, по претходна вербална расправија, со пиштол испукал неколку куршуми кон С.Д.(55) од Скопје, кој бил негов зет за сестра. Тој починал на местото на настанот, додека Ф.Д.(25) од Скопје негов внук од сестра бил погоден во десната нога, по што бил пренесен во Комплексот клиники „Мајка Тереза“ за укажување на лекарска помош. Според пријавеното, причина биле нарушени семејни и имотно-правни односи. В.Ш. бил лишен од слобода и се преземаат мерки за целосно расчистување на случајот.

Инцидент вечерва во Тафталиџе- најверојатно имало и пукање (ФОТО)

Катерина Бојаџиева — Fri, 20 Dec 2019 19:26:10 +0000

Инцидент се случил вечерва во скопско Тафталиџе, дознава КУРИР. Според првичните и неофицијални информации на КУРИР, имало пукање, а од нашите фотографии може да се забележи дека на местото на настанот има и возило на Брза помош. Од МВР за КУРИР, потврдуваат дека имало некаков инциден, но повеќе детали најавија за подоцна. ФОТО: КУРИР

Гори куќа во скопско Тафталиџе

Ивана Ефремовски — Tue, 03 Sep 2019 06:27:47 +0000

Пожар утринава изби во куќа на улицата „Будимпештанска бр.31“ во скопската населба Тафталиџе, јавува МИА. Од Противпожарната бригада на Град Скопје за МИА изјавија дека интервенираат со пет возила и 10 пожарникари. Пожарот кај нив е пријавен во осум часот. Засега не се знае причината за пожарот. (МИА)

Утрово се преврти возило со три лица во скопски Карпош- пожарникарите интервенирале на лице место (ФОТО)

Дарко Андоновски — Tue, 11 Jun 2019 07:31:26 +0000

Сообраќајна несреќа се случи утринава во Скопје во близина на Катастарот во Карпош, објавува Вечер. Едно од возилата се превртело, па пожарникарите биле повикани да интервенираат. Како што информираше командатот на Бригадата за противпожарна бригада Владимир Симоновски во превртеното возила имало тројца патници, но тие не биле заглавени. -Пожарникарите не мораа да интрервенираат со алат за сечење на возилото. Успеаја да ги извлечат патниците. За среќа сите се добро, објасни Симоновски.