тајгер вудс – Kurir.mk

Тајгер Вудс обвинет за сексуална злоупотреба

Катерина Бојаџиева — Mon, 08 May 2023 11:18:53 +0000

Ерика Херман, поранешна девојка на Тајгер Вудс - 15-кратниот шампион во голф, го обвини спортистот за сексуално вознемирување и злоупотреба, јави Си-ен-ен. Вудс, еден од најголемите голфери на сите времиња и една од највлијателните личности во светскиот спорт, имал секс со своја вработена и потоа, како што тврди таа, ја принудил да потпише договор за необјавување на тој податок, или да се соочи со отказ, се наведува. А, кога тој решил да се разделат, ја принудил да го напушти неговиот дом, ѝ одзел пари, миленичињата и лични предмети и се обидел да ја принуди да потпише поинаков договор за доверливост. - Шеф кој им наметнува различни работни услови на своите вработени поради нивната сексуална врска е сексуално вознемирување, тврди адвокатот на Ерика - Бенџамин Хобас. Тајгер и Ерика почнале да се гледаат во 2017 година. Се разделиле во октомври 2022 година. Во тоа време, таа тврдеше дека имала вербален договор дека ќе може да живее во домот на голферот уште најмалку пет години. Но, наместо тоа, по нивната разделба, неговите луѓе ѝ ги спакувале куферите и насилно ја избркале од куќата. Голферот допрва треба јавно да се произнесе за наводите во обвинението. Поради прекршување на вербалниот договор, поранешната партнерка на Тајгер Вудс бара отште од 30 милиони долари. Таа, исто така, тврди дека чувала 40.000 долари во готовина во куќата, којашто била присвоена.

Тајгер Вудс влезе во клубот на милијардери

Ивона Петрова — Sat, 11 Jun 2022 11:24:16 +0000

Американскиот професионален играч на голф Тајгер Вудс им се придружи на Леброн Џејмс и Мајкл Џордан меѓу спортистите кои влегоа во кругот на милијардери, објави денеска списанието Форбс. Вудс, кој петнаесет пати беше шампион и се врати во натпреварувањето оваа пролет по тешката сообраќајна несреќа што ја доживеа минатата година, во кариерата заработи околу 1,7 милијарди долари. Околу 90 отсто од неговата заработка доаѓа од бројни рекламни договори и други инвестиции надвор од голфот, објави Форбс. Шесткратниот НБА шампион Мајкл Џордан беше првиот спортист кој ја достигна таа заработка, а минатата недела му се придружи четирикратниот шампион во НБА, Леброн Џејмс, откако списанието Форбс го процени богатството на играчот на Лос Анџелес Лејкерс на една милијарда долари.

Вудс: Малку фалеше да останам без нога

Бошко Тасиќ — Thu, 02 Dec 2021 20:18:55 +0000

Најдобриот голфер на денешницата, Американецот Тајгер Вудс, на крајот од февруари минатата година доживеа тешка сообраќајна несреќа.

Тогаш Вудс (45) го возеше својот автомобил кој неколку пати се превртел и од кој едвај бил извлечен од страна на пожарникарите.

Тогаш целата јавност, и сите негови блиски беа загрижени дали ќе ги преживее тешките повреди со кои се здоби, а неговото закрепнување траеше со месеци. Се уште не е целосно завршено закрепнувањето, а како што то самиот откри, големи биле шансите да излезе од болница без една нога

-Има голем напредок во опоравувањето и сега сум добро. Додека бев во болница, имаше големи шанси да си заминам само со една нога. Кога сфатив дека ќе ја задржам ногата, тогаш морав да почнам да тренирам па ја замолив мојата девојка и пријателите да фрлаат предмети по мене додека лежам во кревет за да можам да вежбам, се присетува Тајгер на моментите во болница.

Американецот е еден од најуспешните голф играчи на сите времиња, а поради популарноста што ја донесе во овој спорт, многумина го сметаат за најдобриот играч на сите времиња.

Откриена е причината за сообраќајната несреќа на Тајгер Вудс

Магдалена Андонова — Wed, 07 Apr 2021 13:37:52 +0000

Шерифот на округот Лос Анџелес треба да објави во среда дека сообраќајната несреќа на голферот Тајгер Вудс е предизвикана од прекумерна брзина - но исто така и дека голферот нема да се соочи со никакви обвинувања, се наведува во извештајот. Извори со директни информации за TMZ изјавија дека Вудс возел премногу брзо кога изгубил контрола над позајмениот џип Jenes GV80 од 2021 година на 23 февруари. Порталот ТМЗ објави дека му било кажано на легендата за голф дена нема да биде осуден. Вудс беше сериозно повреден откако џипот удри во возвишената земја, премина преку две спротивни ленти и откорнал дрво додека летал кон долината. Шерифот Алек Виланова ќе ја наведе брзината како единствена причина за несреќата, се наведува во соопштението, во кое исто така се вели дека му било кажано дека Вудс всушност забрзал во времето кога изгубил контрола над возилото. Веста за очекуваната објава доаѓа откако шерифот неодамна одби да ги открие новооткриените детали за причината за несреќата, повикувајќи се на нејасни проблеми со приватноста. - Причината е утврдена, истрагата е заклучена - рече Виланова на 31 март. - Завршено е, потпишано, запечатено и доставено - додаде тој. Во другите вести, ТМЗ во средата објави дека полицијата не знаела дали Вудс бил свесен за време на несреќата.

Тајгер Вудс излезе од болница по тешката несреќа, се огласи на Твитер

Ивона Петрова — Wed, 17 Mar 2021 09:43:37 +0000

Еден од најдобрите голф играчи Тајгер Вудс е отпуштен од болница по сообраќајна несреќа. За ова тој објави на својот Твитер. – Драго ми е да објавам дека веќе се вратив дома, каде ќе продолжам со закрепнувањето. Благодарност до сите за пораките за поддршка што ги добив изминатите недели, напиша Вудс.

pic.twitter.com/JU6D0MKpsK
— Tiger Woods (@TigerWoods) March 16, 2021

Американецот имаше несреќа на 23 февруари во близина на Лос Анџелес. За да го извлечат од автомобилот кој излета од патот, спасувачите морале да сечат дел од каросеријата. Вудс се здоби со сериозни повреди на нозете, фрактури, повреди на коските на стапалото и глуждот. Него му беше вградена метална прачка.

Тајгер Вудс доживеа сообраќајна незгода (ВИДЕО)

Бошко Тасиќ — Tue, 23 Feb 2021 20:21:46 +0000

Еден од најдобрите спортисти ма сите времиења голферот Тајгер Вудс заработил сериозни повреди во сообраќајна незгода и е итно хоспитализиран објавија американските медиумите.

Вудс имаше сериозен инцидент, во кој неговиот автомобил излетал од патот, а Вудс бил ослободен од внатрешноста дури по интервенцијата на пожарникарите.

Веднаш бил префрлен во болница во Лос Анџелес, а првичните информации се дека има повреди на нозете и итно е опериран. Во инцидентот не учествувале други возила, а првите снимки од местото на настанот покажуваат дека автомобилот е сериозно оштетен и токму поради тоа било искомплициран и процесот на извлекување на повредениот голфер. Информациите се потврдени од локалната полиција и од агентот на Вудс. https://twitter.com/i/status/1364304134963400708