Тајланд – Kurir.mk

Средношколецот Андреј Доневски од Куманово ќе учествува на Светската олимпијада по природни науки во Тајланд

Тале Кристо — Tue, 05 Sep 2023 13:32:26 +0000

Ученикот Андреј Доневски од Куманово обезбеди учество на Светската олимпијада по природни науки, која ќе се одржи во Тајланд. Сега гимназијалец, претходно ученик во основното „Кочо Рацин“ во Куманово, Доневски ќе учествува во тимот од државата на Светската олимпијада по природни науки, која ќе се одржи во Тајланд во текот на декември, годинава. Како што појаснува ученикот, за учество на олимпијадата ги поминал сите натпревари, општинскиот, регионален и државен натпревар под менторство на професорот по физика во „Кочо Рацин“, Жаклина Пешевска. – Очекуваме успех и целиме кон злато, вели Андреј. За учество на олимпијадата, како што нагласи, заедно со целиот тим ќе почне веднаш со подготовки на Природно математичкиот факултет. Најдобрите во државата по предметите физика, хемија и биологија учествуваа во два селекциски круга од каде Андреј после вториот круг се пласираше на четвртото место и избори место во шестчлениот македонски тим за олимпијада. Во текот на целото школување младиот кумановец уште од четврто одделение учествува на натпревари по математика, физика, биологија, хемија, информатика, учество во фото-секција, учество во училишниот тим по кошарка, одбојка и атлетика и друго. Добитник е на повеќе награди и признанија, последно трето место на државен натпревар по програмирање, трета награда на државен натпревар по математика и бронзен медал на јуниорска македонска математичка олимпијада, -учество на светскиот натпревар организиран од страна на Microsoft и стекнати меѓународни сертификати. – Проблем за учеството се финансиите кои треба да бидат обезбедени заради подмирување на трошоците на целиот тим за натпреварот. Ќе се обидеме преку донации или спонзорства да обезбедиме средства, затоа што самиот билет е скап. Ќе побараме поддршка од локалните и државните институции, вели родителот на Андреј, Горан Доневски. Андреј, дотогаш ќе се подготвува и како ученик во природно математичката насока во кумановската гимназија „Гоце Делчев“.

Кралот на Тајланд ја намали казната за поранешниот премиер Шинаватра

Ивана Ефремовски — Fri, 01 Sep 2023 14:42:37 +0000

Тајландскиот крал Маха Ваџиралонгкорн денеска му ја намали осумгодишната затворска казна на поранешниот премиер Таксин Шинаватра на една година. Шинаватра се врати во Тајланд минатата недела, „прифаќајќи го своето злосторство и покажа каење“, се наведува во соопштението објавено во кралскиот весник. Поранешниот премиер се врати на Тајланд од егзил по 17 години и веднаш беше префрлен во затвор за да одлежи осумгодишна затворска казна за злоупотреба на службената положба и судир на интереси за време на неговото владеење. Шинаватра набрзо беше префрлен во болница поради лошата здравствена состојба. (МИА)

Силен ветер урна покрив на училиште на Тајланд, шестмина загинати

Ивона Петрова — Tue, 23 May 2023 07:33:37 +0000

Шест лица, меѓу кои четири деца, загинаа вчера кога во услови на бура, ветер го урна металниот покрив на основно училиште во северниот дел на Тајланд. Официјални лица објавија дека 18 лица се хоспитализирани. Како што наведоа, загинаа еден родител, чистачка во училиште и четири деца. Учениците побарале засолниште од временските услови под покривот на центарот за специјални активности во училиштето, кој се урна, соопшти канцеларијата за заштита од природни катастрофи во провинцијата Фишит. Метеоролозите претходно предупредија дека неделава обилни дождови ќе ги погодат северните делови на Тајланд, а вчера беше официјалниот почеток на сезоната на дождови во оваа јужноазиска земја.

Eкстремни жештини во Тајланд, властите ги предупредија жителите да не излегуваат на отворено

Ивона Петрова — Sat, 22 Apr 2023 15:12:47 +0000

Тајландските власти денеска ги предупредија жителите во големи делови од земјата, вклучително и главниот град Бангкок, во кој се измерени 54 степени Целзиусови, да избегнуваат излегување на отворено поради екстремните жештини. Поголеми делови од Азија пријавуваат екстремни жештини овој месец, со рекордни температури во некои земји. Во Бангладеш и делови од Индија, поради жештините се зголеми потрошувачката на електрична енергија, што резултираше со прекини на снабдувањето и недостиг на електрична енергија за милиони луѓе. Во Бангкок денеска температурата достигна рекордни 54 степени Целзиусови во областа Бангна, соопшти метеоролошката служба. Затоа властите ги предупредуваат жителите да избегнуваат активности на отворено и да бидат свесни за опасноста од топлотен удар.

Тајланд: Украден опасен радиоактивен материјал

Ивона Петрова — Thu, 16 Mar 2023 07:48:34 +0000

Властите во Тајланд се во потрага на метален цилиндар со опасна радиоактивна содржина што исчезнал од електрана неделава. Надлежните ја предупредија јавноста на сериозни здравствени опасности што можат да настанат во случај на контакт со тој материјал. Цилиндарот долг 30 сантиметри и широк 13 сантиметри бил пријавен за исчезнат за време на рутински проверки на 10 март во електрана за јаглен во Прачин Бури - област во средиштен Тајланд. Во предметот има цезиум-137, високо радиоактивна и потенцијално смртоносна супстанција. Заменик-генералниот секретар Пенап Канчан изјави за Си-ен-ен дека надлежните лица користат посебна опрема за детектирање радиоактивност заради пронаоѓање на цилиндарот. - Ги претресуваме работилниците за рециклирање отпад во областа. Користиме и посебна опрема за откривање сигнали. Испративме и роботи и дронови во областите каде што немаме пристап, рече таа. Монкол Топао, началник на полицијата, додаде дека има и видеоснимка, која сепак, не го покажува најдобро она што се случило.

Неопходно носење маска поради густиот смог во многу делови на Тајланд

Ивона Петрова — Wed, 08 Mar 2023 20:43:20 +0000

Големи области на Тајланд се обвиени со густ смог поради палењето на стрништата, а најпогодени се северниот дел на земјата и главниот град Бангкок, јави ДПА. Лекарите ги повикаа луѓето да носат заштитни маски на отворено за да се заштитат од вдишување ситни честички од прашина. Небото над Бангкок денеска е млечно бело со ниту еден облак и сонцето едвај наѕира низ маглата. Загадувањето во Тајланд најмногу е предизвикано од палење на стрништа, не само во големи делови од земјата, туку и во соседните Мјанмар, Камбоџа и Лаос. Оваа активност обично резултира со високи нивоа на фини честички помеѓу јануари и март, особено во северниот дел на Тајланд. Вредностите денеска ги надминаа безбедните нивоа во 48 од 75 провинции на Тајланд, објавија локалните медиуми. Нитипатана Чиеракул, директор на одделот за респираторни болести во болницата Сиријај во Бангкок, рече дека загадувањето е најопасно за децата. Секое домаќинство треба да има вклучен прочистувач на воздух, советува тој и повика да се ограничат активностите на отворено во училиштата и градинките. Метеоролозите предупредија дека смогот, кој ги покри облакодерите на Бангкок, ќе се задржи барем до утре, кога квалитетот на воздухот ќе почне да се подобрува поради силните ветрови.

Тајланд: Најмалку едно лице загина во експлозија на бомба во полициски комплекс

Магдалена Андонова — Tue, 22 Nov 2022 09:30:51 +0000

Најмалку едно лице загина денеска во експлозија на бомба во полициски комплекс во јужниот дел на Тајланд, изјави заменик полициски комесар во провинцијата Наративат, потполковникот Нити Суксан. Во експлозијата повредени се 29 лица, а се стравува дека бројот на жртвите може да биде поголем. – Тоа беше автомобил-бомба. Сè уште ја чистиме областа и бројот на повредени може да се зголеми, истакна потполковник Суксан. Засега никој не презеде одговорноста за нападот. (МИА)

Се самоуби напаѓачот од Тајланд: Усмрти 34 лица, најмалку 22 се деца

Ивона Петрова — Thu, 06 Oct 2022 10:13:43 +0000

Напаѓачот кој денеска уби најмалку 34 лица, меѓу кои и деца во градинка во североисточниот дел на Тајланд, ги убил и својата сопруга и детето, а потоа се самоубил, изјави портпаролот на полицијата. Тој рече дека напаѓачот бил поранешен полицаец, а меѓу жртвите имало најмалку 22 деца. Пукањето се случило во градинка во Нонг Буа Лампу. Како што јави Би-Би-Си, напаѓачот денеска со огнено оружје и нож ги убил своите жртви.

Масакр во Тајланд: Пукал во полна градинка, убиени најмалку 31 лице меѓу кои и деца (ВИДЕО)

Ивона Петрова — Thu, 06 Oct 2022 09:20:12 +0000

Најмалку 31 лице е убиено во престрелка во североисточниот дел на Тајланд, изјави портпарол на полицијата. Пукањето се случило во детски центар во провинцијата Ног Буа Ламфу. Меѓу жртвите има и деца и возрасни. Снимки од масакрот што се случи утрово во градинка во Тајланд се појавија на сoцијалните мрежи. Според неофицијални информации на тамошните медиуми, поранешен полицаец пукал во полна градинка и убил најмалку 30 луѓе, меѓу кои и деца. На видеото се гледа како луѓето плачат, вклучувајќи ги и родителите кои се во неверување.

At least 32 people, many of them children, were killed by an ex-policeman raiding a child care centre in Na Klang district of Nong Bua Lamphu. The suspect is on the run. #BangkokPost #Thailand pic.twitter.com/7oHyjmkkzR
— rajni singh (@imrajni_singh) October 6, 2022

Кина испраќа борбени авиони на воена вежба со Тајланд

Магдалена Андонова — Sat, 13 Aug 2022 12:51:48 +0000

– Кинеските воздухопловни сили ќе испратат борбени авиони на заедничка воена вежба со Тајланд, потврди Министерството за одбрана на Кина, јавува Анадолија. Во соопштението се наведува дека кинески борбени авиони и бомбардери ќе учествуваат во вежбата „Falcon Strike“, која ќе започне утре во Тајланд. Во вежбата, која ќе се одржи во кралската воздухопловна база Удорн на северот на земјата, во близина на границата со Лаос, „ќе се спроведуваат тренинзи во областа на воздушна поддршка, напади на копнени цели, мал и голем транспорт на трупи“. Вежбата следува по кинеските воени вежби што се одржаа околу Тајван, откако претседателката на Претставничкиот дом на САД, Ненси Пелоси, го посети островот. Вежбите спроведени во шест региони, со учество од воздух, копно и море, создадоа де факто блокада околу островот. Во средата Кина објави крај на воените вежби во близина на Тајван. (МИА)