Тајлер Дорси – Kurir.mk

Тајлер Дори се повреди, ќе паузира два месеци

Бошко Тасиќ — Sun, 15 Oct 2023 07:02:41 +0000

Кошаркарот на Фенербахче, Тајлер Дорси, поради повреда ќе отсуствува два месеци потврдија од клубот на својата официјална страна. Дорси (27) заработи скршеница на метатарзалната коска на десното стапало на натпреварот против Валенсија во петокот вечерта и ќе биде подолго време надвор од терените.Поради повредата ќе пропушти голем број важни натпревари во Евролигата. Отсуството на Дорси ќе биде тежок удар за тренерот на Фенербахче, Димитрис Итудис. .

Тајлер Дорси се реши за Фенербахче

Бошко Тасиќ — Thu, 02 Mar 2023 05:50:19 +0000

Тајлер Дорси официјално е нов кошаркар на Фенербахче, потврди турскиот клуб. Грчкиот репрезентативец во Истанбул доаѓа од НБА лигата каде прво го носеше дресот на Далас, а подоцна и на развојниот тим во Џи-лигата и се очекува да биде големо засилување за еднократниот освојувач на најсилното европско кошаркарско натпреварување. Дорси кој претходната сезона со успех настапуваше за Олимпијакос потпиша договор до 2025 година вреден 1.5 милиони евра по сезона со што ќе биде еден од најплатените кошаркари во Европа.

Монако сака да го врати Дорси

Бошко Тасиќ — Wed, 28 Dec 2022 05:52:09 +0000

Поранешниот кошаркар на Олимпијакос, Тајлер Дорси, доби раскин на договорот со Далас Маверикс во НБА лигата и стана слободен играч. Одличниот стрелец ќе биде еден од најбараните играчи во Евролигата, а веќе ја доби и првата конкретна понуда за соработка. Монако испрати понуда вредна 1,25 милиони евра до крајот на сезоната. „Кнезовите“ имаат одлична сезона, но бековската позиција е празна по тешката повреда на Џордан Лојд на мечот против Реал Мадрид. Дорси не одигра ниту еден натпревар во НБА и настапуваше за развојниот тим на Далас Маверикс.

НБА играч во „црно-белиот“ дрес!

Бошко Тасиќ — Sat, 10 Dec 2022 05:56:19 +0000

Катастрофалните резултати во последните три недели и петте порази во последните шест меча во сите натпреварувања го натераа Партизан да размислува за потенцијални засилувања со цел да ја спаси сезоната. Белградскиот клуб е во преговори со искусниот бек Тајлер Дорси кој во моментов е член на Далас Маверикс, но има „двонасочен“ договор со цел да може да игра за филијалата на оваа франшиза Тексас Леџендс. Дорси е грчки репрезентативец и во 2017 година беше избран како 41. пик на драфтот од Атланта Хоукс. За тимот од Џорџија настапуваше две сезони и одигра вкупно 83 натпревари по што се пресели во Мемфис и за него играше на 21 меч. Сезонава игра одлично во Развојната лига каде на 12 натпревари просечно постигнува по 24,8 поени. Има искуство и од Евролигата бидејќи беше член и на Макаби и Олимпијакос.