тајмс сквер – Kurir.mk

На „Тајмс сквер“ повторно ќе се слави Нова година, еве колку луѓе се очекува да дојдат

Ивана Ефремовски — Wed, 17 Nov 2021 08:33:35 +0000

Градоначалникот на Њујорк, Бил де Блазио денеска најави дека Новата година повторно ќе се слави на „Тајмс сквер“ плоштадот, по откажувањето лани поради пандемијата на коронавирус. -Стотици илјади луѓе ќе дојдат да слават. Конечно ќе можеме повторно да се најдеме еден со друг и тоа ќе биде фантастично!, изјави градоначалникот. Сепак, тој нагласи дека за влез на прославата ќе биде потребен доказ за вакцинација, а единствен исклучок ќе бидат децата до пет години и лицата коишто имаат медицинска причина за непримена вакцина, а кои ќе мора да имаат негативен тест не постар од 72 часа. Прославата на Новата година на „Тајмс сквер“, којашто се одржува од почетокот на 20. век, е симбол на овој културно-туристички центар на САД. Традицијата лани се одржа на речиси празен плоштад, само за медиумите и за здравствените работници и нивните семејства на кои им беше дозволено да присуствуваат поради нивната улога во корона-кризата. (МИА)

Новогодишниот дочек на Тајмс сквер ќе биде виртуелен

Ивона Петрова — Fri, 25 Sep 2020 07:03:05 +0000

Традиционалната новогодишна ноќ на Тајмс сквер во Њујорк, која вообичаено привлекува илјадници посетители, овојпат е откажана за првпат по 114 години. Тоа, поради пандемијата на коронавирусот. Наместо тоа, ќе се организира виртуелна новогодишна забава на истото место, што милиони луѓе ширум светот ќе можат да го следат преку интернет. Сепак, организаторите истакнуваат дека ограничен број луѓе ќе бидат пуштени на Тајмс сквер заради емитување на свеченоста. Познатата кристална топка ќе слета на плоштадот и оваа година, означувајќи го крајот на старата и почетокот на новата година. – Единствено нешто што нема да се промени е одбројувањето на полноќ на 31 декември, изјави Тим Томпкинс, претседател на Алијансата Тајмс сквер – организатор на настанот. Тој додаде дека полицијата ќе формира кордон околу Тајмс сквер на 31 декември годинава за да се спречи евентуален помасовен собир.

Њујорчани на минус 12 ја дочекаа Новата година на Тајмс сквер

Александар Михаилов — Mon, 01 Jan 2018 08:30:23 +0000

Жителите и туристите во Њујорк ја дочекаа на Тајмс сквер Новата година на минус 12 степени со традиционално спуштање на кристалната кугла, конфети и величествен огномет. Сепак, за разлика од минатите години имаше помал број присутни. Мараја Кери оваа година настапи успешно, за разлика од лани, а меѓу две песни бараше топол чај. Прославата беше со традиционалното спуштање на кристалната кугла Вотерфорд која оваа година имаше 3,5 метри во пречник и тежина од 5,385 кг. Беше обложена со 2.688 триаголници кои менуваа боја како калеидоскоп под силно осветлување. Безбедноста беше засилена при што гаражите во колина на Тајмс сквер беа затворени. Илјадници полицјаци беа на улици, а бетонски блокови и комунални камиони блокира апристап на возила во безбедносна зона во која беа граѓаните кои претходно мораа да поминат низ десетина безбедносни контроли. Мерките за обезбедувњае го чинеа градот 7,5 милиони долари. Тоа беше најстудена Новогодишна ноќ во Њујорк од 1907 година кога биле регистрирани 17 степени Целзиусови под нулата.