тајмс – Kurir.mk

„Тајмс“: Путин испратил 400 платеници од Африка во Киев да ги убијат Зеленски и браќата Кличко

Ивона Петрова — Tue, 01 Mar 2022 13:53:03 +0000

Еден од најугледните и најпознати светски магазини „Тајмс“ објави дека рускиот претседател Владимир Путин, испратил 400 платеници во Киев со задача да убијат 23 лидери во Украина. На листата се наоѓаат украинскиот претседател Володимир Зеленски, потесниот владин кабинет и воен врв, како и браќата Кличко, Виталиј и Владимир. -Путин состави црна листа на која се 23 високи украински официјални лица и моќници. Мешу нив се двајцата поранешни светски боксерски прваци во тешка категорија, браќата Кличко. Тие се омилени меѓу Украинците, и станаа заштитно лице на отпорот на руската агресија. Виталиј веќе осум години е градоначалник на Киев, стои на почеток на текстот пренесен од Би-Би-Си. Во продолжение од текстот се дава појаснување кој ја добил оваа задача од Путин. -Вагнер Групата брои 400 одлично опремени платеници кои во јануари од Африка ги донесе Евгениј Пригожин, близок соработник на рускиот претседател кого го нарекуваат „готвачот на Путин“. Пред пет недели дојдоа во Белорусија, а потоа тргнаа кон Киев. За убиството на украинскиот врв и е гарантиран огромен износ пари. За нивните планови во саботата наутро се информирани високи украински претставници, стои во објавата. Платениците наводно го следат Зеленски и неговите колеги преку мобилните телефони и тврдат дека секогаш знаат каде се наоѓа.

„Тајмс“: Германија сака да им забрани на британските патници влез во ЕУ

Ивона Петрова — Mon, 28 Jun 2021 07:55:34 +0000

Германија ќе се обиде да им забрани влез на британските патници во Европската унија, без разлика дали ја примиле вакцината против Ковид-19, пренесува денеска „Тајмс“. Германската канцеларка Ангела Меркел сака да ја прогласи Велика Британија за „загрижувачка земја“ затоа што делта варијантатата на вирусот е премногу распространета во оваа земја, пренесува весникот. Весникот додава дека за ваквите планови ќе расправаат високи европски и национални претставници од Комитетот на ЕУ за интегриран политички одговор на кризата, но Грција, Шпанија, Кипар, Малта и Португалија се очекува да се спротивстават. Предвидено е канцеларката Меркел неделава да се сретне со британскиот премиер Борис Џонсон во Англија. Велика Британија планира следниот месец да објави план со кој целосно вакцинираните лица ќе можат да патуваат без ограничувања во сите земји, освен оние со висок ризик од инфекција со Ковид-19.

Тајмс: Закана за светот доаѓа од Русија, Кина и Иран

Предраг Кукиќ — Mon, 18 Feb 2019 13:11:08 +0000

Во интерес на глобалната безбедност, земјите членки на НАТО треба да ја надминат меѓусебната недоверба, бидејќи само со заеднички напори можат да се спротивстават на современите закани, наведува лондонски „Тајмс“ во редакцискиот коментар посветен на вчера завршената Минхенска безбедносна конференција. Според „Тајмс“, главни извори на современата глобална закана се „трите ревизионистички сили“ – Русија, која го занемарува меѓународното право, Кина, која се обидува да ги поттикне евроазиските држави против Западот и Иран, кој користи различни методи за мешање во Сирија, Јемен, Либија и Ирак. Судирот со оваа „тројка“ е уште посложен отколку оној што беше со поранешниот Советски Сојуз за време на Студената војна, оценува лондонскиот весник. „Тајмс“ посочува дека трите сили сорабитуваат меѓусебе на различни нивоа, посочувајќи ги како пример заедничките руско-кинески постапки за блокирање на иницијативите на Западот во Советот за безбедност на ОН и нивната зголемена активност во трговијата со оружје и во енергетскиот сектор. – Опасноста е очигледна. Ако Русија преземе контрола врз уште повеќе делови на поранешниот Советски Сојуз, ако Кина успее во контролата над поморските рути во Тихиот Океан и ако Иран менаџира со нафтените резерви на земјите од Персискиот Залив, очигледно е дека ќе дојде до нарушување на геополитичкиот баланс на штета на Западот, се наведува во редакцискиот коемнтар весникот. Според „Тајмс“, во таков случај ќе се постави прашањето што ќе се либералниот поредок?