тајрон лу – Kurir.mk

Лу: Ние сме тим гладен за победи

Тале Кристо — Sat, 19 Jun 2021 14:25:43 +0000

Тренерот на Лос Анџелес клиперс, Тајрон Лу ја коментираше победата на против Јута во четвртфиналната серија од НБА плејофот со 4-2. – Овој клуб е многу гладен и жеден за победи. Клиперси имаа многу одлични состави во минатите сезони, но многупати сме имале многу неуспеси и падови. Откако Каваи (Ленард) беше елиминиран поради повреда, сите мислеа дека приказната со Клиперс се повторува. Но, нашиот тим, нашите момци не се предаваат. Победата ја извојуваа преку апсолутен тимски напор. Сите ние сме тука и се обидуваме да победиме на натпреварите и подготвени сме да сториме сè за успех, изјави Лу. Јута водеше со 2-0 во серијата прв до четири победи. Сепак тимот од Калифорнија успеа да направи пресврт и со четири триумфи по ред да обезбеди конференциско финале.

Тренерот на Клиперс ги доби сите четири „мајсторки“ во неговата кариера

Ивона Петрова — Mon, 07 Jun 2021 06:53:27 +0000

Кошаркарите на Лос Анџелес Клиперс го совладаа Далас со 126:111 во решавачкиот, седми натпревар од првото коло од плејофот во 2021 година и се пласираа во полуфиналето на Западот. Тренерот на Клиперси, Тајрон Лу повторно победи во седмиот натпревар од плејоф-серијата и продолжува да има совршени четири победи без ниту еден пораз во „мајсторките“. Лу во неговата тренерска кариера победи во изминатите три седми натпревари од плејоф серијата предводејќи го Кливленд со Леброн Џејмс во составот од 2016 до 2018 година. Единствениот тренер во историјата на НБА кој постигнал 4-0 во седмите средби е Ред Ауербах од Бостон селтикс чија успешна серија траеше до осум вакви натпревари. Следен противник на ЛА клиперс во НБА плејофот ќе биде тимот на Јута џез.

Лу ќе ги предводи Клиперс

Магдалена Андонова — Fri, 16 Oct 2020 07:13:53 +0000

Американскиот кошаркарски стручњак, Тајрон Лу ќе биде новиот тренер на Клиперс. Четириесет и тригодишниот Лу ќе потпише петгодишен договор, објавија американските медиуми. Минатата сезона тој беше помошник тренер во НБА тимот. Во септември раководството на Клиперс му додели отказ на Док Риверс, кој беше во тимот од 2013 година. Под негово водство, тимот никогаш не стигна до финалето на Западната конференција. Клиперси беа елиминирани во второто коло од плејофот оваа година. Тајрон Лу беше на чело на Кливленд од 2016 до 2018 година. Под негово водство, Кавалирс станаа НБА шампиони во 2016 година. (МИА)