тајзи – Kurir.mk

ВИДЕО: Тајзи ја промовираше новата песна „Сине“

Ивона Петрова — Wed, 22 Jan 2020 11:48:08 +0000

Новото видео и песна на Драган Величковски Тајзи, со наслов „Сине“ е промовирано денеска. За овој проект, Тајзи вели дека е круна на неговата десетгодишна кариера, а последните спотови во режија на Даниел Јовески изгледаат светски. Текстот е на Тајзи, а заедно со еден од нашите најдобри продуценти, Лазар Цветковски ја направија музиката. -Спотот е вистинско мало ремек дело. Ќе ве наежи и ќе ве замисли во каква сурова реалност живееме и каква борба не чека во животот, вели Величковски за видео записот за „Сине“. Снимен е на повеќе локации, во Куклици ( Кратово), тврдината Зебрњак, како и боксерските клубови од Куманово и Скопје. Шминката на Андријана Станковска го трансформираше Тајзи во старец, а продукцијата Балкатон од Србија го најави видеото како нешто што дефинитивно ќе ги помести границите и дека им е многу мило што имаат ваков талентиран артист во своите редови.

Тајзи гори во новите песна и спот (ВИДЕО)

Ивана Ефремовски — Tue, 21 May 2019 07:26:56 +0000

„Гори“ е прва од неколкуте песни кои ќе ги чуеме оваа година од Тајзи, повторно во соработка со Балкатон продукција на Раста. Музиката и текстот се на Тајзи, а аранжманот и мастерот на Лазар Цветковски. Спотот е во режија на Даниел Јовески.

Инцидент на скопскиот аеродром: Експлодирал куферот на Тајзи, интервенирало обезбедувањето (ФОТО)

Дарко Андоновски — Fri, 23 Nov 2018 17:05:47 +0000

Пејачот Драган Величковски, попознат во јавноста како Тајзи, викендов преживеал вистински драма на скопскиот аеродром, открива „Убавина и здравје“. Додека се подготвувал за да се качи на авион на летот за Базел, при пренесувањето на багажот му експлодирал куферот, па вработените на аеродромот мислеле дека станува збор за бомба. Веднаш интервенирало обезбедувањето, за на крај да се воспостави дека куферот експлодирал од притисок од дезодоранс, а подебелиот крај секако го извлече Тајзи кој во Швајцарија пристигна со црна кеса за ѓубре во која беа сместени работите од куферот кои беа целосно уништени. Носев бомба во куфер , се пошегувал Тајзи после слетувањето. Од притисок експлодирал, ми беше понудено да не се качам на авион и да спремам тужба, но имав договорен настап и не можев да не се појавам – откри раперот за „Убавина и здравје“.

Слушнете ја „Параноја“- Продуцент од Шведска му направи нов летен хит на Тајзи

Ивана Ефремовски — Wed, 25 Apr 2018 11:50:13 +0000

Македонскиот пејач Тајзи, периодов направи нешто на кое би му позавиделе и светските ѕвезди- во само две недели промовираше три нови песни: „Мој живот, моја ствар“, дуетот со Викторија Лоба, „Каде сме ние“, а денеска ја промовира и најновата тема „Параноја“ која излезе на каналот на „Балкатон“ продукција од Србија. Се работи за песна на македонски јазик и е вистински весел летен хит, кој го продуцираше Александар Иван Миличевиќ, млад и талентиран продуцент кој е роден и работи во Шведска. Во иднина Тајзи најавува уште соработки со продуценти од Шведска, бидејќи моментално тие се едни од најактуелните на светската музичка сцена. Мастерот е на Роберт Билбилов, со кој Драган Величковски Тајзи веќе најави повеќе проекти, како и песна на англиски. Видеото е во режија на Тајзи и Илија Жоговски, а спотот е снимен на Кокино, Мермерно езеро, како и уште неколку локации низ Македонија. Погледнете го новиот видео запис на Тајзи, кој поставува нови граници за тоа како еден артист треба да работи ако сака успех и кариера.