Бизарна повреда: Највисокиот играч во НБА се удрил во таван и доби потрес на мозокот

Ивона Петрова — Fri, 25 Oct 2019 11:01:22 +0000

Тако Фол, кошаркарот на Бостон Селтикс, се удрил со главата во плафон по што доживеал поблаг потрес на мозокот. Фол е висок 2,29 метри и ова е негова прва сезона во најсилната лига во светот. Пред тренинг, Тако сакал да ги измие рацете, но не забележал дека таванот и низок и удрил со главата, јавуваат американските медиуми. Тој иако не се чувствувал најдобро го одработил тренингот, но веќе следниот ден отишол на доктор бидејќи му било лошо. Било утврдено дека имал поблаг потрес на мозокот. Сега му претстои период на мирување, кој не би требало долго да трае.

Бостон го привлече слободниот агент Тако Фол

Ивона Петрова — Fri, 26 Jul 2019 09:28:19 +0000

Бостон го привлече слободниот агент Тако Фол и уште тројца други кошаркари, потврдија од НБА. Центарот има 10,1 поени, 7,7 скока и 2,4 блокирани удари во 115 натпревари за четири сезони со колеџ тимот од Централна Флорида. Тимот на Селтикс, исто така, си ги обезбеди услугите на Џејвент Грин, Макс Страс и Тремонт Вотерс. Грин имаше просек од 13,8 поени и 4,7 скока во 51 натпревар за Ратиофарм Улм во Германија минатата сезона. Страс забележуваше по 18,6 поени и 5,8 скока во просек во две последователни сезони на ДеПол Универзитетот во Чикаго. Вотерс беше избран од Бостон во вториот круг од Драфтот во 2019 година. Тој има 15,6 поени и 5,9 асистенции во просек на натпревар за две сезони со колеџ тимот на Луизијана.

Тако Фол – Kurir.mk

Бизарна повреда: Највисокиот играч во НБА се удрил во таван и доби потрес на мозокот

Бостон го привлече слободниот агент Тако Фол