такси превоз – Kurir.mk

Атина денеска без такси превоз

Ивона Петрова — Thu, 23 Mar 2023 08:09:18 +0000

Атина денеска е без такси превоз поради 24-часовниот штрајк на таксистите организиран од нивниот синдикат за проблемите во конкретниот сектор. Од синдикатот на такси возачите велат дека Владата ги игнорира нивните барања и е рамнодушна кон главните проблеми со кои се соочуваат. Штрајкот започна во 6 часот утрово и ќе заврши утре, исто така во 6 часот.

Групација на авто такси превоз упати барање до Град Скопје за решавање на проблемите

Ивона Петрова — Mon, 13 Mar 2023 10:28:39 +0000

Групацијата на скопските авто такси превозници соопшти дека денеска упатиле барање до Град Скопје за решавање на проблемите со такси превозот, преку кои, според нив, граѓаните ќе добијат делумно почист воздух и делумно намалување на сообраќајниот метеж во градот, како и околу 1.200 до 1.500 нови вработувања. Тие бараат решение за проблемите со жолтите таблички поради коишто возачите не можат да ги обноват возилата, решавање на проблемите со возачите без лиценци, без фискални таксиметри, со диво наштелувани фискални сметки и таксиметри, не пријавените такси возачи, задолжителните обележја и не совпаѓањето на лиценците со возилата. - Сето ова преставува нелојална конкуренција, сива економија, ја доведува во прашање безбедноста на патниците и другите учесници во сообраќајот, го зголемува метежот во сообраќајот, го зголемува загадувањето во градот и создаваат лоша претстава за такси дејноста во Градот Скопје, се наведува во соопштението. Како организатор на авто такси дејноста, од Градот Скопје бараат да го среди хаосот во авто такси превозот, да се заложи за поголема безбедност на граѓаните кои користат авто такси превоз и да ја доведе такси дејноста, како што се вели во соопштението, на едно пристојно ниво преку постоечките закони, одлуки и соодветни прописи кои само треба да се спроведуваат.

ВАЖНА ОДЛУКА ЗА ТАКСИ ПРЕВОЗНИЦИТЕ: Се воведуваат 3 тарифи- сами можат да одлучат која ќе ја применат!

Катерина Бојаџиева — Wed, 27 Jul 2022 18:16:29 +0000

На 15-тата седница на Советот на Град Скопје, по барање на такси компании и здруженија, Советот донесе одлука за изменување и дополнување на Одлуката за авто-такси превоз на патници на подрачјето на градот Скопје, подржана од речиси сите советнички групи!, пишува на Фејсбук, Филип Јаневски, советник во Совет на Град Скопје од коалицијата „За обнова на Македонија“ предводена од ВМРО-ДПМНЕ. -Со оваа одлука се воведуваат три тарифи за пресметување на цената на авто-такси превозот, помеѓу кои, компаниите ќе можат самите да одлучат по која тарифа ќе ја пресметуваат цената на превозот, без оглед на цената на горивата! Советот на Град Скопје уште еднаш докажа дека има слух за проблемите и потребите на сите граѓани засегнати од тешката криза во која се наоѓа Македонија! Одлуката можете да ја погледнете на следниот линк.

Поскапува такси превозот во Гевгелија

Катерина Бојаџиева — Tue, 30 Jan 2018 12:05:33 +0000

Советот на општина Гевгелија го прифати барањето од Здружението на такси превозниците од општинава за поскапување на такси превозот почнувајќи од 1 март. Како главна причина во барањето такси превозниците ја истакнаа високата цена на нафтата која континуирано поскапува и зголемените трошоци во работењето предизвикани од неа. Според одлуката, цената за старт на возењето како и досега останува непроменета, 50 денари, но наместо од два километри таксиметрите ќе почнат да отчукуваат по изминат 1,5 километар. Минута чекање ќе се наплатува по четири денари, а единствено непроменета останува цената од 23 денари за изминат километар. Во периодот до први март такси превозниците имаат обврска да ги баждарат таксиметрите и да ги прилагодат за работа според новиот тарифник. Сообраќајните инспектори во соработка со сообраќајната полиција и претставници од Управата за јавни приходи ќе спроведат акциски контроли за исправноста на таксиметрите и спроведување на одлуката.