таксист – Kurir.mk

Сведочеше и таксистот кој бил киднапиран од масовниот убиец- се плаши од одмазда од семејството на Урош

Дарко Андоновски — Thu, 01 Jun 2023 18:51:15 +0000

Таксистот Драгослав А.(58) кој беше киднапиран од Урош Блажиќ (21) и држен како заложник по масакрот што го направи во Младеновац, денеска беше сослушан во обвинителството во Смедерево. Тој на рочиштето рече дека се плаши од одмазда од семејството на Урош Блажиќ. Според Информер, таксистот детално опишал како Блажиќ налетал на неговиот автомобил и со закани му наредил да го вози до Вињиште во Крагуевац, каде што бил уапсен. -Распитот траеше повеќе од час и половина. Тој детално раскажа се што му се случило кобната ноќ, кога налудничавиот Блажиќ му провалил во „фордот“. По сослушувањето тој не сакаше да разговара со новинарите бидејќи се плаши од семејството на осомничениот Блажиќ, вели за Информер извор од истрагата. Да потсетиме, Блажиќ по масакрот во селата околу Младеновац, на наплатната рампа кај Мали Пожаревац налетал на такси автомобил во кој се наоѓала девојка која го лажела дека е бремена за да се спаси. Храбриот таксист успеал да го убеди Блажиќ да ја пушти девојката, по што го однел до Вињиште кај Крагуевац, каде што бил уапсен. Блажиќ го започна масакрот вечерта на 4 мај во Мали Орашје, убивајќи ги без никаква причина Марко Митровиќ (18), потоа Лазар Миловановиќ (20) и неговиот братучед Александар М. (17), како и Немања Стевановиќ (21) и малиот Никола М.(15). Тешко ранил уште шест млади лица. Потоа во Дубона ранил четворица кои ја поправале капијата, а потоа на 500 метри во училишниот двор ги убил Далибор Тодоровиќ (25), како и полицаецот Милан Паниќ (22) и неговата сестра Кристина (19). Следеше драматична потера по Блажиќ, во која учествуваа повеќе од 600 полицајци, а тој беше уапсен следното утро во куќата на дедо му по мајка во Вињиште кај Крагуевац. Интересно е што при апсењето тој буквално кукаше и ги молеше специјалците да не го тепаат. Инаку, колегите на таксистот рекле дека човекот веднаш по злосторството зел боледување и дека после се воопшто не му е сеедно. -Најмногу јсе секираше за девојката што ја возеше. Само размислуваше како да им ги спаси животите – изјавија претходно неговите колеги. Сепак, токму овој храбар таксист ја известил полицијата каде е Урош. -Кога го оставил Урош во Вињиште, Драгослав решил да повика полиција и да и каже на која адреса го одвозел опасното лице, по кое се трагало. Се однесувал како совесен граѓанин и придонел криминалецот да биде зад решетки.

Повеќе тепачки низ Скопје, а таксист и се нафрлил на девојка

Тале Кристо — Sat, 28 Jan 2023 15:59:38 +0000

На 27.01.2023 во 13.20 часот во Полициска станица Кисела Вода, А.П.(35) од Скопје пријавил дека околу 13.00 часот во близина на продавница на подрачјето на Кисела Вода, по претходна расправија, бил физички нападнат од И.С., со кого од претходно се познавале, и од С.С., Џ.С. и С.С.. Се преземаат мерки за расчистување на случајот. На 27.01.2023 во 16.00 во Полициска станица Центар е пријавено дека во обложувалница во близина на пазар на подрачјето на Центар, Х.Х.(72) и С.С.(53), двајцата од Скопје, го нарушиле јавниот ред и мир со меѓусебна физичка пресметка. По целосно документирање на случајот ќе биде поднесен соодветен поднесок. На 27.01.2023 во 20.45 часот во Полициска станица Кисела Вода М.Т.(67) од Скопје пријавил дека околу 17.00 часот во близина на маркет на подрачјето на Кисела Вода, по претходно недоразбирање околу паркинг, бил физички нападнат од две лица. Се преземаат мерки за расчистување на случајот. На 27.01.2023 во 18.15 часот во Полициска станица Гази Баба, Љ.И.(41) од Скопје пријавил дека околу 17.15 часот во близина на основно училиште на подрачјето на Гази Баба, по претходно недоразбирање во сообраќајот, бил физички нападнат од едно лице. Се преземаат мерки за расчистување на случајот.

На 27.01.2023 во 09.00 часот во СВР Скопје, И.Д.(49) од Скопје пријавил дека на 26.01.2023 околу 09.10 часот во обложувалница на подрачјето на Ѓорче Петров, додека извршувал работни задачи како обезбедување, бил физички нападнат од едно лице кое претходно вознемирувало вработена во обложувалницата. Се преземаат мерки за расчистување на случајот. На 27.01.2023 во 17.50 часот во Полициско одделение Сарај С.С.(57) од с.Радуша, скопско, пријавил дека на 25.01.2023 околу 19.45 часот, додека неговиот малолетен син се возел во автобус во с.Кондово, скопско, по претходно недоразбирање, бил физички нападнат од две лица. Се преземаат мерки за расчистување на случајот. На 27.01.2023 околу 20.35 часот во Полициска станица Драчево е пријавено дека во угостителски објект на подрачјето на Драчево, М.В.(20) од Скопје бил физички нападнат од Д.Д., кого го познавал од претходно. Се преземаат мерки за расчистување на случајот. Денеска (28.01.2023) во 06.00 часот во Полициска станица Карпош, Т.Т.(21) од с.Јегуновце, тетовско, пријавил дека околу 03.15 часот во дискотека во Градски парк во Скопје бил физички нападнат од А.Б. од с.Јегуновце, кој употребил тврд предмет. Се преземаат мерки за расчистување на случајот. На 27.01.2023 во 04.33 часот во Полициска станица Аеродром, 19-годишна кичевчанка пријавила дека околу 04.20 часот додека со такси возило се враќала кон нејзиниот дом на подрачјето на скопски Аеродром, такси возачот започнал да се однесува недолично и да ја допира по телото. Се преземаат мерки за расчистување на случајот.

Таксист ограбил патничка во Илинден

Ивана Ефремовски — Wed, 19 Oct 2022 17:58:28 +0000

На 18.10.2022 во 03:20 часот во СВР Скопје, М.С.(61) од Скопје пријавила дека на подрачје на Илинден, додека се превезувала во такси возило во насока кон с.Ајватовци, општина Илинден, лицето кое ја превезувало со возилото ѝ одзело два паричници со пари. Се преземаат мерки за расчистување на случајот.

Ограбил таксист: Приведен разбојник во Скопје, следува соодветна пријава

Ивана Ефремовски — Tue, 20 Sep 2022 13:20:32 +0000

Денеска (20.09.2022) во 12.00 часот на ул.„11 Октомври“ во Скопје, полициски службеници од ЕВР Центар и Бит Пазар го лишиле од слобода Н.Д.(46) од с.Вражале, општина Зелениково. Тој се сомничи дека на 16.09.2022 извршил кривично дело разбојништво, односно дека со употреба на сила од такси возач одзел пари. Тој бил приведен во полициска станица и по целосно документирање на случајот ќе следува соодветна пријава.

Таксист пронашол платежна картичка на патник, па си ја користел

Ивана Ефремовски — Tue, 12 Jul 2022 16:23:37 +0000

Надворешната канцеларија за криминалистички работи Кочани поднесе кривична пријава против Р.С.(38) од Кочани поради постоење основи на сомнение за сторено кривично дело „оштетување и неовластено навлегување во компјутерски систем“. На 13.03.2022 во Кочани, пријавениот во неколку наврати употребил платежна картичка која ја пронашол во такси возило кое го управувал, при што го оштетил лицето за 7.310 денари.

Таксист нагло закочил, тешко повредена патничка

Ивона Петрова — Thu, 03 Mar 2022 10:47:51 +0000

Дваесет и тригодишната Д.Ф. од тетовска Шипковица се здобила со тешки повреди. Имено, таа синоќа пријавила во полиција дека додека со такси возило што го управувал И.А.(54) од истото село се превезувала кон селото, возачот нагло ја намалил брзината, а поради што таа се удрила во пластичен предмет и задобила тешки телесни повреди. Повредите биле констатирани во тетовскатa Kлиничка болница, каде била пренесена за укажување на лекарска помош. Од СВР Тетово информираат дека се расчистува и документира случајот.

Taксист претепан во Велес откако претходно имал недоразбирање со напаѓачот

Магдалена Андонова — Sun, 30 Jan 2022 16:50:18 +0000

На 30.01.2022 околу 00.40 часот во СВР Велес, Т.Г.(54) од Велес, додека работел како такси возач во Велес, по претходно недоразбирање, бил физички нападнат од едно лице. Се преземаат мерки за расчитување на случајот.

Скопјани со закана со нож и пиштол украле пари и телефон од таксист, полиција ги привела откако во нивните домови го пронашла украденото

Магдалена Андонова — Sat, 29 Jan 2022 12:57:44 +0000

На 27.01.2022 околу 06.15 часот во с.Визбегово, од страна на полициски службеници од Единицата за внатрешни работи – Одделение за криминалистички работи Чаир и Единицата за интервентна полиција при СВР Скопје, по обезбедена судска наредба, извршен бил претрес на дом и други простории кај А.А.(29) и кај Б.Ќ.(30), поради постоење основи на сомнение дека сториле кривично дело „разбојништво“. Имено, кривичното дело двајцата го извршиле на 21.01.2022, при што со закана со нож и пиштол од таксист од Скопје одзеле пари и мобилен телефон. При претресите кај двете лица биле пронајдени предмети поврзани со кривичното дело. А.А. и Б.Ќ. биле лишени од слобода, против нив е изготвен поднесок, а од страна на судија определена им била мерка притвор.

Таксист нападнал скопјанец

Ивана Ефремовски — Wed, 08 Dec 2021 18:09:08 +0000

На 07.12.2021 во 22:50 часот во Полициската станица Центар, Б.Б.(29) од Скопје пријавил дека околу 17:40 часот на крстосница од ул.„Димче Мирчев“ и ул.„50-та Дивизија“, поради недоразбирање во сообраќајот, бил физички нападнат од едно лице кое управувало такси возило. Се работи на расчистување на случајот.

БИЗАРНО: Таксист поради две пици со лук останал без возачка дозвола

Магдалена Андонова — Wed, 25 Aug 2021 09:14:38 +0000

Расправијата за две пици станала насилна во германскиот град Менхенгладбах, до тој степен што таксист соборил девојка кога таа не сакала да ја остави на патот. Младa двојка си купиле пици со лук во саботата рано утрината, по ноќно излегување во Менхенгладбах. Кога одлучиле да си одат дома, таксистот прво одбил да ги прими поради силниот мирис, но се согласил. Сепак, по кусо возење го запрел автомобилот и им рекол да излезат со пиците, бидејќи му пречел силниот мирис. Избувнала караница, наводно, со турканици и шлаканици, како што објави полицијата денеска. Кога таксистот (49) сакал да си замине, девојката застанала пред автомобилот. Таксистот ја соборил на патот и побегнал со возилото. Полицијата набрзо го пронашла возачот и му ја одзела возачката дозвола. Тој сега е под истрага за предизвикување сообраќајна опасност. (МИА)