талир 2 – Kurir.mk

Дали пресудата за Талир 2 е напишана уште пред да се кажат завршните зборови?

Магдалена Андонова — Thu, 09 Jun 2022 10:20:25 +0000

Во текот на вчерашниот ден судот донесе пресуда за предметот Талир 2. Во пресудата судијката Даниела Алексовска Стојановска му одреди казна затвор од шест години на првообвинетиот поранешен премиер Никола Груевски, додека на второобвинетиот екс генерален секретар на ВМРО-ДПМНЕ Кирил Божиновски му одреди двегодишна условна казна затвoр. Скопскиот кривичен суд одлучи и да се конфискува Централниот штаб на ВМРО-ДПНЕ како и уште дваесетина партиски штабови низ државата. Според полномошникот на ВМРО-ДПМНЕ, адвокатката Ружица Николовска целта на судскиот процес бил токму конфискација на имотот. За да ја променат ваквата одлука таа рече дека ќе ги искористат сите правни можности кои им се на располагање. Она што е симптоматично е што од завршните зборови на одбрана до донесувањето на пресудата не поминаа ниту 12 часа. Симптоматично е и што уште во текот на завршните зборови кои беа само ден пред донесувањето на пресудата е што и адвокатите кои беа присутни на рочиштето на завршните зборови и останатите правници кои го следеа судењето видоа една сериозна грешка која што ја направи судот каде што се обиде да оневозможи едно право на одбраната, односно на одбраната од страна на ВМРО-ДПМНЕ. Симптоматично е и што ваквата одлука следува на само 10 тина дена од закажаниот сенароден протест на опозицијата. Тенденциозно и забрзано изгледа целиот процес и одлука која беше донесена само да се убрза тој процес на политички линч врз ВМРО-ДПМНЕ во пресрет на најавениот протест. Пресудата за случајот Талир 2 ја прокоментира и портпаролот на ВМРО-ДПМНЕ, Димче Арсовски кој што истакна дека целата пресуда изгледа како однапред да била напишана. "Она што е исто така многу важно да се напомене е дека премногу е симптоматично и јасно е дека истава оваа пресуда била напишана однапред, се знаела каква ќе биде. Вчера завршни зборови, денес се донесе таа пресуда, така да се знаело бидејќи немаше повеќе од 12 часа за да може да се спреми сето тоа, истакна Димче Арсовски портпарол на ВМРО-ДПМНЕ во емисијата Филибастер на Радио Лидер. Тој посочи дека оваа одлука на судот е однапред смислена и договорена и со ова го загрозуваат правото на некој начин. Дополнително Арсовски се произнесе и околу начинот на кој СДСМ се однесува последните 5 години. Она што го прави СДСМ е повеќе од јасно тераат на сила, тераат надвор од законите, надвор од правните рамки, но ова не е од сега ова е наназад 5 години. ВМРО-ДПМНЕ не е прв пат да биде предмет на ваков политички прогон и линч, така да јасно е повеќе е од јасно дека е политички реваншизам. Што се однесува до одлуката, таа е тенденциозна и очекувам дека повисоките инстанци ќе бидат свесни дека оваа одлука е неправедна и треба да се промени, додаде портпаролот Арсовски. Политичкиот реваншизам, директниот атак врз опозицијата, селективната правда како и донесувањето на пресуди кои се однапред напишани и диктирани се причина за недовербата на граѓаните во судството и институциите. Селективната правда и однапред напишаните пресуди се причина за довербата во судството од само 8 проценти. Причина поради која случајот Талир е актуелен е и дефокус од поскапувањата, нискиот животен стандард и сиромаштијата, поради што народот губи нерви.

Обвинителот со ништо не го докажа обвинението за „Талир 2“

Дарко Андоновски — Tue, 07 Jun 2022 10:34:57 +0000

На денешното рочиште за предметот „Талир 2“ адвокатите го дадоа својот завршен збор во кој побараа ослободителна пресуда за случајот. „Како што најавив и во мојот воведен говор и фактите кои сметам дека се релевантни така и во овој завршен збор сметам дека со овии факти релевантни за вашата одлука која ќе следи да ја донесете водат кон ослободителна пресуда. Исто така како што најавив во мојот воведен говор и ги изнесов правните факти и изведени докази во овој предмет така и во овој завршен збор сметам дека водат кон ослободителна пресуда“ истакна адвокатот Горан Кркински. Адвокатите при својот завршен збор во случајот „Талир 2“ истакнаа дека обвинителот со ништо не го докажал постењето на кривичното дело за предметот. „Правната основа за овој предлог ја основам врз член 4 и став еден како последица на примена на член 4, член 1 од ЗКП. Верувам во убеденоста на судот дека ова се значајни одредби кои претставуваат една целина и следуваат по редослед. Во мојот воведен говор се повикав на правото на одбрана која извира од основната обврска на јавниот обвинител во текот на постапката, товарот на докажување на вината на обвинетите во овој случај е на негова страна а не на страна на одбраната. Обвинителот со ништо не го докажа законското кривичното дело за кое Никола Груевски е обвинет, кој може да се стави во врска со обвинетиот на заштита кој ова кривично дело, кој мора да се стави во врска со правната норма преку која се штити објектот на заштита, кој во случајов, не само што не е повредено, туку и не се наведува како елемент на описот на ова кривично дело“ истакна адвокатот Кркински.

Обвинителниот акт за Талир 2 е незаконски, поднесен е по истекот на рокот

Дарко Андоновски — Tue, 07 Jun 2022 10:16:53 +0000

На денешното судско рочиште за предметот од СЈО, таканаречен Талир 2, завршни зборови изнесуваше одбраната. Адвокатите на одбраната истакнаа дека еден од клучните причини зошто треба да падне случајот, е затоа што предметот е покренат на незаконски начин и истиот е поднесен по истекот на рокот на право на обвинителите на Специјалното јавно обвинителство (СЈО) да поднесуваат обвинителни акти илио да покренуваат предистражни постапки. Согласно законот за СЈО, кој во македонското Собрание е донесен на 15 септември 2025 година, се предвидува дека обвинителите имаат рок од 18 месеци за покренување на постапки од моментот на преземање на материјалиа под нивна надлежност. Одбраната посочи дека обвинителите на СЈО, материјате кои произлегуваат од незаконското следење на комуникациите, ги преземаа на 30 декември 2015 година, додека обвинителниот акт за преметот Талир 2 е поднесен на 22 ноември 2018 година, што претставува истекување на законски предвидениот рок за поднесување обвиненија за 16 месеци и 22 дена. „Јавниот обвинтел кој раководи со јавното обвинителство може да покрене обвинение или да нареди запирање на истражна постапка во период не подолг од 18 месеци од денот на преземањето на предметите и материјалите под негова надлежност. Во согласност со член 23 од истиот закон е предвидено дека овој закон влегува во сила истиот ден од неговото објавување, а тоа е 15.09.2015 година, според кој крајниот рок за поднесување и покренување ново обвинение истекува на 18 месеци од денот на преземањето на предметите и матерјалите во негова надлежност. Со оглед на предметите и материјалите под надлежност на обвимнителството предвидено со овој закон се преземени на 30.12.2015 година, рокот од 18 месеци е истечен на ден 30.06.2017 година. Обвинителниот акт по кој постапува овој суд е поднесен на ден 22.11.2018 година, поради кој постои протек на рок за поднесување на обвинителниот акт од 16 месеци и 22 дена“, истакна меѓу другото адвокат на одбраната во своите завршни зборови.