талог од кафе – Kurir.mk

Не го фрлајте талогот од кафе, 4 начини како може да го искористите

Ивона Петрова — Sat, 13 May 2023 11:57:55 +0000

Од талогот од кафе може да се направи средство за чистење, маска за коса и други корисни работи. Нема сомнеж дека кафето е најпопуларниот пијалок во светот, но многу луѓе не знаат дека неговите остатоци можат да бидат многу корисни. Ова се четири предлози како можете да го искористите талогот од кафе. 1. За чистење на шпоретот Посипете го талогот на плочата, додадете малку детергент и исчистете. Соберете ги остатоците и плочата ќе блесне. 2. Маска за коса Во талогот додадете малку кокосово масло и едно изматено јајце, а потоа нанесете сè на косата и оставете да делува околу 15 минути. Исплакнете и измијте како и обично. 3. Мравки Ако имате мравки на тераса, само посипете го талогот по аглите и тие треба да избегаат. 4. Мириси За да ги отстраните мирисите од фрижидерот, само ставете чинија со талог внатре.

Не го фрлајте талогот од утринското кафе: Домашниот пилинг го отстранува целулитот, а кожата ја прави сјајна и мека

Магдалена Андонова — Sat, 21 Aug 2021 10:16:12 +0000

За повеќето луѓе, еден од омилените начини да го започнете денот е да пиете кафе. Меѓутоа, кога многу луѓе го пијат, го мијат талогот, не знаејќи за поволните ефекти што ги има кафето. На кожата на телото и лицето и е потребна постојана грижа за да остане мека и еластична, а еден од основните чекори е пилинг. Најдобар и најевтин начин да го отстраните слојот од мртви клетки од кожата на лицето и телото е сами да направите пилинг од домашно кафе, што е особено ефикасно за сува кожа. Како да направите смеса за пилинг од кафе? Со цел маската за лице да работи подобро, се препорачува претходно да направите пилинг на лицето и на тој начин да ги отстраните сите мртви клетки. Ќе ви требаат само три состојки што ги имате во кујната и 10 минути време за да го направите овој третман. Состојки: 1 лажица талог 1 лажица маслиново масло 1 лажица кафеав шеќер Комбинирајте ги сите состојки во сад, а потоа нежно нанесете ја смесата на кожата со кружни движења и масирајте. Исплакнете го лицето со млака вода и вишокот вода натапкајте го со мека крпа. Кога лицето ќе биде целосно суво, нанесете хидратантна крема. Пилинг за тело Кафето во пилинг за тело има неколку корисни ефекти, а едно од омилените на жените е борбата против „кора од портокал“, односно целулитот. Состојки: 3 лажици кафе 2 лажици кокосово масло 2 лажици кафеав шеќер Измешајте ги сите состојки и направете густа смеса. Нанесете го пилингот со кружни движења на вратот и остатокот од телото и масирајте, а потоа оставете 10 минути, така што кожата ќе ги апсорбира сите хранливи материи. Исплакнете го телото со млака вода, а потоа истуширајте се како и обично. Ако не ја искористите целата смеса, можете да ја чувате во сад што е херметички затворен и да го користите за три дена.

Спасете се од мравките на топлото време – бегаат од една намирница која сите ја фрламе

Дарко Андоновски — Mon, 24 Jun 2019 10:56:54 +0000

Ако со летото и топлото време ви дојдоа и мравки дома, има начин како да се спасите. Ставете талог од кафе дома. Се става на местата каде излегуваат и тие бегаат од силниот мирис. Ова помага и за други инсекти.