Тами Абрахам – Kurir.mk

Тешка повреда на Тами Абрахам кој ги скина лигаментите

Бошко Тасиќ — Tue, 06 Jun 2023 04:13:26 +0000

Проблем за тимот на Рома. На последниот дуел од Серија А сезоната, напаѓачот Тами Абрахам заработи повреда и излезе од игра. Прегледите покажаа дека се работи за најлошото, односно дека тој ги има скинато предните вкрстени лигаменти. Па така, се проценува дека со правилна рехабилитација и опоравок, Абрахам би требало да биде фит дури за пролетниот дел од следната сезона. Тешката повреда на Тами Абрахам секако е голем удар за Рома, бидејќи клубот најверојатно ќе мора да бара нов центарфор во летниот преоден рок.

Абрахам неизвесен за дербито со Јувентус

Ивона Петрова — Wed, 13 Oct 2021 08:25:50 +0000

Напаѓачот на Рома, Тами Абрахам, може да го пропушти натпреварот од 8. коло во италијанското фудбалско првенство против Јувентус, објави „Калчомеркато“. Според италијанскиот весник, 24-годишниот Англичанец нема да има време да закрепне за натпреварот поради повреда на мускулот заработена на вчерашниот квалификациски натпревар за Светското првенство 2022 против Унгарија (1:1). Во сезоната 2021/22, Абрахам одигра 10 натпревари за Рома, постигна четири гола и креира две асистенции. Натпреварот Јувентус – Рома ќе се одржи на 17 октомври со почеток во 20:24 часот.

Рома се засили со напаѓач вреден 40 милиони евра

Бошко Тасиќ — Sun, 15 Aug 2021 14:01:44 +0000

Тами Абрахам пристигна во Рим на медицинските прегледи пред да ја засили Рома, а навивачите го дочекаа со песна на аеродромот во главниот град на Италија. Абрахам долго се мислеше дали да ја прифати понудата на Рома и на крајот сепак одлучи да игра во Серија А и покрај понудата од Арсенал да остане во Премиерлигата. Се очекува Абрахам да биде член на Рома до 2026 година со плата од 4 до пет милиони евра годишно. Трансферот ќе му донесе на Челзи 40 милиони евра, плус предвидени бонуси од пет милиони евра.