Тања Каракамишева – Јовановска – Kurir.mk

Каракамишева: Колку поголема излезност, толку помала е можноста на Заев и неговата банда да ги полни кутиите

Ивона Петрова — Sun, 12 Jul 2020 07:30:46 +0000

Универзитетската професорка Тања Каракамишева во емисијата „Заспиј ако можеш" на Алфа телевизија истакна дека гласот на граѓаните мора да има вредност. Не смеат да останат дома затоа што ќе биде злоупотребен. -Еве зборувавме за полнење на кутии. Нели имавме гласање на две-три секунди. ВМРО-ДПМНЕ поднесе 12 кривични пријави и ЈО сеуште молчи. Тоа ќе се случува и на овие избори доколку граѓаните останат дома. Значи некој ќе го искористи нивното седење дома за полнење на кутиите. Колку поголема излезност, толку помала е можноста на Заев и неговата банда да ги полни кутиите, вели Каракамишева. Втората работа, потенцираше Каракамишева, околу тие луѓе што не се задоволни од двете големи политички партии и гласање на мали партии. -Во ред. Легитимно е правото на секој граѓанин е да процени дали ќе го даде за голема коалиција или за мали партии. Но, не смее да заборави тој што ќе се одлучи да гласа за мала партија дека во сите изминати процеси, од 2006-та јас ги следам наваму, имаме 100 илјади такви гласови дадено за мали политички партии кои се оставени, а не претставени. Во 2011-та ВМРО Народна имаше мислам околу 28 илјади гласа и не доби мандат. во 2014-та ГРОМ, на Стефче, освои 31 илјада и освои само еден пратенички мандат. Понатака, 2011-та година ЛДП освои 16 илјади гласа и нула пратеници. Тоа им даде понатака мотив да се вклучат во големите коалиции. Сега имаме нови политички партии, каде што може да се случи истиот тој тренд, и само да му помогнат на СДСМ и Заев, потенцираше Каракамишева.

Каракамишева: Финансискиот извештај на СДС за примени донации за изборната кампања е мајтапење со народот без усул! (ФОТО)

Дарко Андоновски — Thu, 09 Jul 2020 16:01:42 +0000

Универзитетскиот професор Тања Каракамишева преку статус на Фејсбук пишува дека финансискиот извештај на СДС што го поднеле за примени донации за изборната кампања од почетокот до крајот на 10-иот ден од кампањата е вистинско мајтапење со сите граѓани. -Одете на страната на ДКСК dksk.mk и видете го финансискиот извештај што СДС го поднел за примени донации за изборната кампања од почетокот до крајот на 10-от ден од кампањата. Приходи на донации во пари 36.000 ден. Вкупни приходи за кампања 96.000 денари?! Приходи од донации во ствари и услуги 60.000 денари? МАЈТАПЕЊЕ СО СИТЕ НАС БЕЗ УСУЛ!, стои во нејзиниот пост на Фејсбук.

Одете на страната на ДКСК dksk.mk и видете го финансискиот извештај што СДС го поднел за примени донации за изборната... Posted by Тања Каракамишева on Thursday, July 9, 2020

НЕМА ВОНРЕДНА СОСТОЈБА, НЕМА УРЕДБИ СО ЗАКОНСКА СИЛА!

Тања Каракамишева - Јовановска — Fri, 12 Jun 2020 14:51:58 +0000

Претседателот Пендаровски денес соопшти дека нема да прогласи нова вонредна состојба иако бројките на новозаразени лица се алармантни. Смета дека државата функционира добро, дека има доволно економски мерки за следниот период, дека има залихи на медицински материјал. Вонредната состојба истекува утре, на 13 јуни на полноќ, што значи дека веќе од недела, 14. јуни Македонија се враќа во редовна состојба со примена на Уставот и законите. По престанокот на вонредната состојба, согласно член 126, став 2 од Уставот, престанува овластувањето на Владата да донесува уредби со законска сила. Со оглед на фактот дека уредбите со законска сила се врзани со овластувањето на Владата да ги носи овие акти само во време на вонредна состојба, со престанокот на вонредната состојба престануваат да важат и уредбите со законска сила. Ова не е само уставна логика извлечена од уставната одредба дека овластувањето дава моќ, легалитет и легитимитет за носење на уредби со законска сила, туку и мислење на Венецијанската комисија во кое јасно се наведува дека „уредбите треба да го изгубат својот правен ефект во моментот на престанокот на вонредната состојба“ (Compilation of Venice Commission Opinions and Reports on States of Emergency https://www.venice.coe.int/webforms/documents/?pdf=CDL-PI(2020)003-e, (стр. 21). Што практично значи престанокот на вонредната состојба во наши околности? Освен престанокот на важењето на уредбите со законска сила, повторното враќање на правната состојба во земјата во редовен колосек ќе значи дека ДИК, од недела 14 јуни кога престанува вонредната состојба, повеќе нема да биде обврзана да ја следи првата уредба со законска сила за прашања поврзани со изборниот процес, ниту втората, уредбата со законска сила за дополнување на уредбата со законска сила за прашања поврзани со изборниот процес. Ова практично значи дека ДИК ќе мора да работи исклучиво во согласност со Уставот и со Изборниот законик. Со оглед дека Изборниот законик не познава институти како „прекинување на изборни дејствија“ и „продолжување на изборните дејствија“, впрочем не го познава ниту терминот „изборни дејствија“, сите изборни рокови ќе мора да се вратат од почеток ако сакаме изборите да бидат легални, легитимни, фер, демократски и кредибилни. Во Македонија нема нов, законски утврден изборен ден. 12 април, кога беа закажани предвремените избори, како термин е одамна поминат, исто како што е поминат и уставниот основ од 60 дена за нивно организирање. Значи, уставниот основ организирање избори 60 дена од денот на распуштањето на Собранието повеќе не постои. Владата со уредба не може да го запре времето, ниту да ги прекине роковите. Со уредба не може да се утврди нов изборен ден, бидејќи согласно член 67, став 4 од Уставот „Претседателот на Собранието распишува избори за пратеници и избор на претседател на Републиката“. Ова практично значи дека треба да биде утврден нов изборен ден врз основа на претходно постигнат партиски консензус. Претседателот на Собранието има административен капацитет да донесе ново решение за распишување парламентарни избори. Тој административен капацитет го влече од член 63, став 1 од Уставот каде стои дека „Конститутивната седница ја свикува претседателот на Собранието од претходниот состав“. Со оглед дека решението за распишување на изборите е административен (управен) акт кој го донесува исклучиво претседателот на Собранието по донесувањето на одлуката за распуштање на Собранието, административниот капацитет на Џафери му дава за право, врз основа на веќе донесената одлука за распуштање на Собранието од 16.2.2020 година, да донесе ново решение за распишување избори со изборен ден што претходно ќе биде утврден со партиски консензус. Денот на изборите од секогаш е прашање на партиски консензус и е техничко прашање со политичка тежина. Врз основа на тоа ново решение, ДИК ќе биде должен да направи нов изборен роковник по кој ќе ги утврди роковите за сите со закон утврдени изборни активности што треба да бидат преземени (прочистување на Избирачкиот список и внесување на сите лица кои во меѓувреме наполниле 18 години, овозможување на дијаспората повторно да собира гласови за добивање можност да кандидира свои пратеници во Собранието, отворање на уставната можност сите граѓани кои во меѓувреме навршиле 18 години да можат да се собираат потписи за своја кандидатура за пратеници (пасивно избирачко право), и слично). Државната комисија за спречување на корупција ќе мора од понеделник да отвори итна постапка за испитување на законитоста на сите мерки што владата ги презема како исплати на т.н. трет сет мерки за финансиска поддршка на одредени категории граѓани согласно уредбата. Во член 7 од уредбата за прашањата од изборниот процес јасно е наведено дека чл. 8-а, 75-г, 75-д и 84-а од Изборниот законик, како и чл. 34 од Законот за спречување на корупција и судир на интереси не се применуваат до престанокот на вонредната состојба. Со оглед дека вонредната состојба престанува во сабота на полноќ, од недела повторно се враќаат во правен промет забраните утврдени во чл. 8-а од Изборниот законик и чл. 33 и 34 од Законот за спречување курупција и судир на интереси. Како што е познато, согласно овие члена забрането е да се вршат вонредни исплати на буџетски средства во предизборен период, како и вработувања на нови лица во државни и јавни институции, а започнатите постапки се ставаат во мирување. Ако владата продолжи да врши вонредна исплата на буџетски средства тоа ќе повлече кривична одговорност за сите инволвирани лица и органи. Враќањето кон Уставот и законите ќе значи почитување на уставниот принцип на владеење на правото и правната сигурност на граѓаните. Искуствата од првата вонредна состојба во земјата допрва ќе бидат анализирани, иако и сега може да се даде незадоволителна оценка за работата на владата во справувањето со последиците од епидемијата. Владата во најголем дел арбитрерно се постави во вонредната состојба, излезе од доменот на своите и онака ограничени овластувања, имајќи предвид дека станува збор за техничка влада и не ги почитуваше европските стандарди што се однесуваат на вонредната состојба. Донесе многу уредби со законска сила за прашања кои немаа никаква врска со вонредната состојба што допрва ќе биде предмет на оценка и одговорност на владата од страна на соодветните институции. Проф. д-р Тања Каракамишева-Јовановска

Каракамишева-Јовановска: Владата изворно, оригинерно нормирала нова ситуација што не е дозволено според мислењето на Уставниот суд

Љупчо Цветаноски — Fri, 29 May 2020 19:14:28 +0000

Тоа што јас од почеток го велам и пишувам во врска со уредбата со законска сила за прашањата поврзани со изборниот процес го потврди и Уставниот суд во одлуката со која ја поништи уредбата за надоместоците на вработените во јавниот сектор, пишува на ФБ проф. д-р Тања Каракамишева-Јовановска. "Уредбите со законска сила можат да бидат донесени само во функција на ОПЕРАЦИОНАЛИЗИРАЊЕ на уставните и законските одредби, а не со истите изворно, оригинерно да се нормира одредена ситуација што не е предвидена со Уставот или со закон" - смета Уставниот суд. Во Изборниот законик никаде не е предвидено дејствие запирање, замрзнување, престанување на избори, на изборни дејствија, како што е уредено со уредбата што значи владата изворно, оригинерно нормирала нова ситуација што не е дозволено според мислењето на Уставниот суд, пишува Каракамишева-Јовановска.

Каракамишева до Шекеринска: Нема дезинфекциски средства, се слушаме? Војниците не се луѓе?

Катерина Бојаџиева — Tue, 17 Mar 2020 11:20:57 +0000

Имам информации дека во Касарната „Илинден“ нема никакви заштитни средства, организиран превоз на војници по 50-тина во автобус, кашлаат војници никој не ги прегледува, вели проф. д-р Тања Каракамишева-Јовановска. -Наредени како сардини за доручек, ручек, нема растојание меѓу нив. Нема дезинфекциски средства, @Sekerinska се слушаме? Војниците не се луѓе???, прашува таа на Фејсбук.

Професорите Каракамишева, Силјановска и Спасеновски го издадоа првиот учебник по парламентарно право во земјата

Ивона Петрова — Fri, 27 Dec 2019 12:31:26 +0000

Во издание на Правниот факултет „Јустинијан Први“ и на германската фондација „Конрад Аденауер“ излезе од печат учебникот по предметот „Парламентарно право“ од авторите проф. д-р Гордана Силјановска – Давкова, проф. д-р Тања Каракамишева - Јовановска и проф. д-р Александар Спасеновски, од катедрата по уставно право и политички систем, што претставува прво вакво дело во земјата кое се однесува на оваа оваа исклучително значајна проблематика. Во учебникот „Парламентарно право“ на повеќе од 350 страни се опфатени теоретските и компаративните аспекти на законодавната власт како една од гранките на власта во демократските држави, со посебен осврт на местото, улогата и надлежностите на македонското собрание. Основната намера да се напише овој учебник произлезе, пред сė од потребите на студентите што студираат на правните студии, на политичките студии, на студиите по новинарство, како и на студиите по односи со јавноста, организирани како студии од прв циклус, а, секако и на студентите од вториот циклус, мастер студиите на насоката уставно право и политички систем и мастер студиите по политички науки, информираат авторите. Според нив, со оглед на целите на секој универзитетски учебник, ова дело ќе им биде од полза и на сите заинтересирани субјекти надвор од универзитетите кои се занимаваат или се интересираат за оваа значајна проблематика. Со реализацијата на оваа идеја, освен што се осовременува наставната содржина на односниот предмет, се влијае позитивно и врз студентскиот стандард, со оглед дека учебникот студентите го добиваат потполно бесплатно. Сите заинтересирани учебникот по „Парламентарно право“ може да го добијат на Правниот факултет или да го преземат во електронска форма на официјалната интернет страница на германската фондација „Конрад Аденауер“ .

Каракмишева: Генералниот секретар на Венецијанската комисија информира дека владин притисок од каков било вид врз национален претставник НЕ Е ДОЗВОЛЕН

Дарко Андоновски — Wed, 23 Jan 2019 16:06:36 +0000

Само што добив информација од генералниот секретар на Венецијанската комисија, г-дин Томас Маркерт, дека согласно правилата на Комисијата владин притисок од каков било вид врз национален претставник НЕ Е ДОЗВОЛЕН и дека писмото е веќе доставено до кабинетот на Османи и на Заев, ова преку својот Фејсбук статус го потенцира универзитетската професорка Тања Каракамишева. -Да имавме слободно новинарство јавноста веќе ќе беше информирана. Ама немаме! Ги повикувам новинарите да го добијат писмото упатено до претседателот и заменик-претседателот на Владата и да ја информираат јавноста за ставот на Комисијата во однос на ваквите недолични испади на политичари врз угледни експерти, додава Каракамишева.

Професорката Каракамишева во полициска станица: Политичкиот прогон го пуштаат на максимум, нема да ме замолчите

Ивона Петрова — Fri, 18 Jan 2019 11:55:19 +0000

Професорката Тања Каракамишева Јовановска преку социјалните мрежи информираше дека била повикана во полициска станица поради поднесена пријава против неа за предизвикување омраза, раздор или нетрпеливост врз национална, расна, верска и друга дискриминаторна основа -Само што излегов од полициска станица Центар. Вчера ТРОЈЦА полицајци ги вознемирија моите малолетни деца носејќи ми покана дома да се јавам денес во 11 часот во станица "под сомнение дека сум сторила кривично дело од чл.394-г од КЗ, Ширење на расистички и ксенофобичен материјал по пат на компјутерски систем". Пријавена сум од ХЕЛСИНШКИ КОМИТЕТ по чл. 319 од КЗ "Предизвикување омраза, раздор или нетрпеливост врз национална, расна, верска и друга дискриминаторна основа".

Фејсбук статусот за кој сум под сомнение се однесува за мигрантите. И јасно е се! ПОЛИТИЧКИОТ ПРОГОН ГО ПУШТААТ НА МАКСИМУМ. ХЕЛСИНШКИ, ДЕЖУРНИ БРАНИТЕЛИ НА ВЛАСТА, ЌЕ СЕ ВИДИМЕ ПРЕД ЛИЦЕТО НА ПРАВДАТА! ВИЕ ЌЕ СЕ СРАМИТЕ ОД СВОИТЕ ПОСТАПКИ, ЈАС ЌЕ ОСТАНАМ НА СТРАНАТА НА ВИСТИНАТА И ПРАВОТО! НЕМА ДА МЕ ЗАМОЛЧИТЕ! НЕМА ДА МЕ ЗАПЛАШИТЕ! БОРБАТА ПОЧНА, НЕМА ВРАЌАЊЕ, пишува Каракамишева на Фејсбук.

Каракамишева: Сега е момент да ги испратиме Заев и хунтата во политичката историја со утврдена кривична и политичка одговорност

Ивона Петрова — Tue, 16 Oct 2018 12:36:48 +0000

Професорката Тања Каракамишева на социјалните мрежи пишува дека сега е моментот Заев и соработниците да бидат испратени во политичка историја. -Ајде да ги испратиме Заев и хунтата во политичката историја со утврдена кривична и политичка одговорност! Сега е моментот за тоа! Ајде да им покажеме како се штитат националните и државните интереси со кренати глави и со национално достоинство! Ајде да ги научиме како се решаваат проблемите, како се негуваат пријателски односи со достоинство и национален интегритет, како се развива економијата, како се почитува правната држава! Ајде да им ја покажеме вратата од Владата и од Собранието за никогаш повеќе да не им текне да бидат власт! Да се биде власт не е само да се користат привилегиите и да ги задолжуваш крвнички наредните генерации! Да се биде власт е саможртва за Татковината и за нејзиниот напредок. Тоа СДС никогаш не го разбра, ниту кога било ќе го разбере. Државата не е средство за водење бизнис на Вице и Зоран, не е гранапче на Анѓушев, не е пазар на Митко, не е кванташки пазар на ситни препродавачи. МАКЕДОНИЈА Е НАША ГОРДОСТ ВО КОЈА ВРЕДИ ДА СЕ ВЛОЖУВА, ИНВЕСТИРА, НАПРЕДУВА ЗА ДОБРОТО НА СИТЕ! МАКЕДОНИЈА Е НАШЕТО СЕМЕЈСТВО, пишува Каракамишева на Фејсбук.

Каракамишева: Целта на СЈО е да ја уништи ВМРО-ДПМНЕ, вакви квази-органи прават несогледлива штета за угледот на државата

Ивона Петрова — Thu, 11 Oct 2018 15:27:50 +0000

Професорката Тања Каракамишева на социјалните мрежи се огласи по вчерашното објавување на новите шест истраги на СЈО. Таа уште еднаш го потенцираше нејзиниот став дека целта на СЈО е да ја уништи партијата ВМРО-ДПМНЕ. -Целта на СЈО е да ја уништи партијата ВМРО-ДПМНЕ! Неуставно обвинителство во функција на лов на вештерки...кажано 100 пати, вреди уште толку за да на сите им дојде умот дека вакви квази-органи прават несогледлива штета за угледот на државата, пишува Каракамишева на Фејсбук.