танц – Kurir.mk

ВИДЕО: Георгина Родригез покажа како тверка и игра бачата

Ивона Петрова — Fri, 26 May 2023 09:49:57 +0000

Георгина Родригез на својот Инстаграм се пофали дека се запишала во училиште за танц каде учи бачата, како и популарниот танц „тверкинг“. Oбјави две кратки видеа на кои вежба танцување со помош на тренер. „Неверојатна танцова основа и голема желба за учење можат да донесат само добри резултати. Презадоволна сум од еволуцијата на Георгина за само 3 часа што ги имавме“, ја пофали тренерот свршеницата на Роналдо. Георгина во својот документарец што беше прикажан на Нетфликс откри дека танцувала балет во детството и дека танцувањето било нејзино бегство од секојдневните проблеми со кои се соочувало нејзиното семејство.

Божиќниот танц на Ентони Хопкинс: Легендарниот актер танцуваше на евергрин на Леонард Коен (ВИДЕО)

Ристе Здравков — Tue, 27 Dec 2022 08:27:58 +0000

„Роден слободен. Биди слободен. Среќни празници“, напиша Хопкинс. Многу луѓе ширум светот го прославија Божиќ во недела, на 25-ти декември, според Грегоријанскиот календар. Меѓу нив и Ентони Хопкинс. За оваа прилика, легендарниот актер на социјалните мрежи објави кратко видео каде танцува на евергринот на Леонард Коен „Dance Me to the End of Love“. „Роден слободен. Биди слободен. Среќни празници“, напиша Хопкинс. Лајкови и позитивни коментари доаѓаа од сите страни. Секако, Ентони Хопкинс со оваа содржина уште еднаш им го разубави денот на многу луѓе ширум светот.

Born free. Be free. Happy holidays. 🕺🏻 pic.twitter.com/k3MZb7jIqK
— AHopkins.eth (@AnthonyHopkins) December 25, 2022

Сенида се заинтересира за танцот на Македонците, Кики Мукаетова го привлече нејзиното внимание (ВИДЕО)

Ивана Ефремовски — Tue, 08 Nov 2022 16:24:00 +0000

Танчерите од студиото Еурека од Македонија, заедно со артисти од Словенија и Црна Гора беа дел од перформансот на официјалната песна Play with heart, која на отворањето на Европското првенство за ракомет за жени ја изведе познатата пејачка Сенида. Кики Мукаетова, која беше дел од танчерската група, на својот профил на Инстаграм сподели фотографии од настанот, а тоа го привлече вниманието и на пејачката Сенида која лично и напиша и побара да го сподели и видеото од настапот. Сенида е регионална музичка ѕвезда, пејачка и текстописец, родена во Словенија, позната по нејзиниот длабок глас и уникатен изглед. Таа е избрана за амбасадор на Европското првенство Песната која ја пее „Играј со срце“ се изведува на повеќе јазици е напишана од Гашпер Павли, продуцент е Тимотеј Лампе Игњиќ, музиката ја изработија Казафура и Сенида, додека текстот е напишан од Бенџамин Крнетиќ, Сенида и Казафура.

Работилница за кореографија и танц „Мое тело, мој дом“

Ивана Ефремовски — Tue, 01 Nov 2022 06:51:31 +0000

Центарот за нови иницијативи во уметноста и културата „Локомотива“ – Скопје, вечерва со почеток во 19 часот во просторот на Кино Фросина во Македонскиот културен центар ќе го одржи третиот таканаречен „Култренинг“ – Работилница за кореографија и танц „Мое тело, мој дом“ со Христина Ангеловска. Како што информираат од Локомотива, на работилницата ќе се работи на поттикнување на движења преку кои секој од присутните ќе може да се претстави онака како што се препознава, и сака да се осознае. – Работилницата ќе се одвива во групна и динамична работа, која ќе ги следи потребите на учесниците. Ќе се работи по групи, каде ќе се групираат учесниците според нивното претходно искуство во движење и креирање, сметајќи дека ќе има почетници и професионалци на работилницата, велат од Локомотива. Христина Ангеловска има дипломирано балетска педагогија за современ танц. Нејзиното искуство со кореографија го стекнала на Факултетот за музичка уметност во Скопје. Работела на презентација на програмата на катедрата за балетска педагогија – современ танц – Нови тенденции / Нови современи танцови дела и автори/ки при ФМУ, УКИМ, во чиј тим таа и членува. Самостојно изведува во кореографските дела “Somewhere, somehow, somebody” и „Три“ во 2019 година, како и „Равенка“ 2018 година. Работилницата е дел од програмата „Култренинг” на Локомотива реализиранa во соработка со Младинскиот културен центар, а поддржана е од Министерството за култура. (МИА)

Ќерката на Бијонсе ги воодушеви сите со танцот: Таа го наследи талентот на својата мајка! (ВИДЕО)

Ивана Ефремовски — Tue, 12 Jan 2021 14:39:35 +0000

Бијонсе е позната по својот моќен вокал и професионални танцувачки потези, па не е изненадување што нејзината ќерка Блу Ајви е исто така прилично добра танчерка иако има само девет години. Ова го потврди и Тина Ноулс-Лоусон, мајката на Бијонсе, која сподели симпатично видео од 9-годишното дете на час за танц. Погледнете како ќерката тргна по стапките на својата славна мајка.

View this post on Instagram

A post shared by Tina Knowles (@mstinalawson)

СКАНДАЛ: СДСМ злоупотреби ковид болница за спот, докторите во строј ги дочекаа партиските функционери

Дарко Андоновски — Thu, 31 Dec 2020 07:11:26 +0000

Интересно видео се појави на социјалните мрежи и стана вистински хит. Имено, активистките од Форумот на жени ОО СДСМ Прилеп со смислена корегорафија танцуваа во штабот на СДСМ, а оттаму се упатија и до Општата болница во Прилеп, каде медицинскиот персонал ги дочека со ракоплескање, а потоа сите заедно излегоа надвор и продолжија со танцување. Меѓу реакциите на граѓаните на социјалните мрежи преовладува чудењето дека некому му дошло до танцување во време на епидемија од коронавирус што секојдневно однесува десетици животи во Македонија. Погледнете го видеото и се ќе ви стане јасно:

Заевите сведици у некој обред ли, што ли pic.twitter.com/5ROrqhIQpR
— Kuglica (@Kuglica6) December 30, 2020

ВИДЕО: Танчерка од Франција танцува со косата прикачена на таванот

Тале Кристо — Thu, 02 Jul 2020 11:34:48 +0000

Марион Крампе од Франција е една од најдобрите танчерки на шипка во светот. Но, убавата Мерион реши да го подигне овој танц на повисоко ниво. Имено, наместо околу шипката, таа прави чуда со тоа што косата и е прикачена на таванот. Погледнете како изгледа оваа навистина необична изведба на во видеото:

АНАЛИЗА: Последниот ТАНЦ на Зоран Заев

Ристе Здравков — Mon, 06 Apr 2020 15:57:20 +0000

Чекич, Танц, Камшикар... серија на зборови кои најверојатно само Зоран Заев ги користи во политички и економски жаргон. Зборови после кои долго време кај половина од народот предизвикуваат потсмев и се користат како материјал за мајтапење, а кај половина од народот чудење и материјал за детална психолошка анализа. Поминаа четири дена од онаа фамозна изјава за Чекичот и Танцот на Зоран Заев. Интервју од час и половина преполно со големо непознавање на материјата, интервју во кое се верува дека само Зоран Заев знае што сакаше да каже. Рипаше од тема на тема, „сакам кажам, не знам речам“, неповрзани реченици, бројки вадени од ракав, па барале помош од Арапите (ваков податок не постои), потоа вели дека неговите фирми пред време платиле данок (УЈП не го дава овој податок, го крие како државна тајна), па се до тоа дека неговите фамилијарни фирми донирале огромни средства за надминување на кризата. Во 99 проценти од државите, нивните лидери пред да гостуваат на некое интервју или јавен настап, неговата ПР-служба го подготвува, ама Зоран Заев најверојатно спаѓа во оној еден процент. Но да преминеме на главното. Од тоа дека државата блеска на сите полиња, стигнавме до дупка во буџетот од 2 милијарри евра според Заев и 1,3 милијарди сподред Нина и Оливер. Кому да веруваме? Во време на криза и вонредна состојба, лидерите се должни да преземат и многу ризични мерки и да повлекуваат ризични потези, но во време на криза, опозицијата е должна да учествува во справувањето со истата. Според економските експерти среќа што Зоран Заев не е претседател на владата, бидејќи според неговите мерки кои не беа прифатени, администрацијата ќе беше ставена на минималец, нешто што развиените земји не го практикуваат, односно, никаде во светот нема толкаво кратење на платите на администрација. Дали Зоран Заев со ваквиот потег сакаше да покрие еден дел од дупката во буџетот за кој викаше дека е ликвиден и во одлична кондиција? Но како што споменавме погоре, во секоја криза многу е важно и опозицијата да учествува во справување со истата. Во моментов ВМРО-ДПМНЕ е најголема опозициска партија во Македонија. Што работи ВМРО-ДПМНЕ во време на криза? Како ВМРО-ДПМНЕ учествува во справување со кризата? Дали ВМРО-ДПМНЕ е конструктивна опозиција во време на криза? Да почнеме од почеток. Серија прес-конференции на лидерот на опозицијата, Христијан Мицкоски, серија мерки нејмногу економски. Според лидерот на ВМРО-ДПМНЕ, по оваа криза со коронавирусот најпогодени ќе бидат стопанствениците, бизнис секторот. И тоа е така, не затоа што само Мицкоски вели така, туку затоа што сите светски економски експерти и лидери го говорат истото. Што предлагаат ВМРО-ДПМНЕ и Мицкоски?

Благајничките записиа кои што стерелизираат од прилика 25 милијарди и 200 милиони денари средства ликвидност на банките во Народната банка веднаш да бидат откажани за месеците кои што следат и наместо тие благајнички записи да бидат запишани државни хартии од вредност кои што ќе ги издаде министерството за финансии и ќе имаат рок од еден месец и така секој месец тие ќе се обновуваат и продолжуваат.

Средствата кои што беа уплаќани во вториот задолжителен приватен пензиски фонд со уредба на владата да бидат пренаменети и наместо во вториот задолжителен приватен пензиски фонд да бидат од први април да бидат уплаќани во државниот задолжителен пензиски фонд. На тој начин ќе се обезбедат дополнителни 10 милијарди денари кои што ќе гарантираат стабилна, сигурна и навремена исплата на пензиите на пензионерите.

Според ВМРО-ДПМНЕ и Мицкоски, само со овие два предлози, Македонија ќе добие 35,36 милијарди денари или 1,2 милијарди евра пари со кои државата сигурно, надежно и безбедно ќе ја преброди економска и здравствена криза. Само за мало потсетување, вакви мерки спроведоа Балтичките држави во економската криза во 2008 и 2009 година, како и земјите од Централна Европа, како Полска и Унгарија. Но според СДСМ и Зоран Заев, тие мерки се неприфатливи. Како ВМРО-ДПМНЕ учествува во справувањето со кризата? Два телефонски повици, два полни авиони со медицинска помош за Македонија. Едниот минатата недела, другиот денес, едниот од Јанес Јанша и Словенија, другиот од Виктор Орбан и Унгарија. Јанша и Орбан, оние лидери за кои СДСМ и Заев не штедеа навреди во минатото, обвинувајќи ги се и сешто. Без размислување, експресно, огромна хуманитарна помош за Македонија во време на пандемија. А каде се пријателите на Заев и СДСМ? Најверојатно учат да танцуваат! Накратко кажано, ВМРО-ДПМНЕ и Мицкоски максимално се вложуваат во оваа криза, прво со своите економски предлози, потоа преку своите меѓународни пријатели и врски, а крајниот резултат е очигледен. Дали ВМРО-ДПМНЕ е конструктивна опозиција? Опозиција која во време на криза ги активира сите расположливи капацитете, економски тимови, меѓународни пријатели, хуманитарна помош и ред други работи е и повеќе од конструктивна опозиција, впрочем во моментов се работи за здравјето на народот, а народот е најбитен. ЗАКЛУЧОК: Ако Христијан Мицкоски со два телефонски повици успеа да добие два авиони полни со хуманитарна помош, тогаш слободно може да заклучиме дека Зоран Заев го игра својот последен танц. Ристе Здравков

„Валкан танц“ кој буди емоции: Ваков настап немате видено (ВИДЕО)

Ивана Ефремовски — Tue, 03 Mar 2020 15:30:11 +0000

Настапот на танцовата двојка Мајкл и Џовита ја одушеви публиката во полуфиналето од танцовиот натпревар „The Greatest Dancer“ во Велика Британија. Оти Мабусе, инструкторка по танц, беше готова да се расплаче по настапот во кој двојката на свој, уникатен начин ја изведе темата од филмот „Валкан танц“ (Dirty Dancing) во кој е вклучена кореографијата на познатата песна „The Time of My Life" на Бил Медли и Џенифер Верс, на која ѝ претходеше „Do You Love Me“ на „Контурс“. Обожавателите не можеа да го скријат одушевувањето и ги преплавија социјалните мрежи со снимки од настапот. Погледнете го танцот на Мајкл и Џовита и кажете ни дали и вие сте одушевени колку нас?

Еволуцијата на танцот: Оваа хит снимка е прегледана 21 милион пати, уживајте и вие (ВИДЕО)

Ивана Ефремовски — Mon, 24 Feb 2020 15:23:04 +0000

На Фејсбук се појави видео кое прикажува како танцот се менувал од 1920-те до 2000-та година и така веднаш стана вирален. „Еволуцијата на танцот“, пишува покрај видеото кое е објавено на страницата „Road 2 Profesional DJ“, а за само една недела само на Фејсбук го прегледале повеќе од 21,5 милиони луѓе. Погледнете зошто…