танчерки – Kurir.mk

Полициска акција во угостителски објект – танчерки од Албанија, Русија и Украина забавувале гости

Магдалена Андонова — Sun, 11 Jul 2021 08:26:14 +0000

На 10/11.07.2021 година во времето од 23,50 до 01,00 часот, а по претходно изготвен план, од страна на инспектори од ОНТДО и УПС од ПС-Тетово извршена е акциска контрола во угостителски објект во Тетово, во сопственост на А.Б. (44) од Тетово. При тоа затекнати се девет женски лица кои ги забавувале гостите (танчерки), од кои три биле руски државјанки, по една од Украина и соседна Албанија, и четири државјанки на РСМ. Лицата се лишени од слобода и задржани во СВР-Тетово за понатамошна постапка.

Приведени 24 танчарки од странство во угостителски објект во Тетово

Магдалена Андонова — Sun, 13 Sep 2020 09:03:57 +0000

Синоќа при акциска контрола од полициски службеници, во угостителски објект лоциран покрај автопатот на стариот пат Тетово – Скопје, биле затекнати 26 женски лица кои работеле како танчарки од кои две македонски државјанки, а 24 странски државјанки (пет од Русија, седум од Украина, седум од Албанија, три од Србија и по една од Молдавија и Босна и Херцеговина). Тие биле приведени. Исто така, и кај едно женско лице од Албанија (танчарка) била пронајдена марихуана, а кај А.А.(28) од селото Радуша-скопско бил пронајден нож. Сопственикот на објектот М.А. (68) е повикан во Полициската станица Тетово. Од полицијата информираат и дека во угостителски објект во селото Жеровјане-тетовско бил приведен С.А.(25) од Прешево-Р.Србија поради нерегилиран престој во РСМ и во угостителски објект во с.Горно Седларце-тетовско приведени биле Г.Ќ.(28) и Р.О.(22) од Р.Албанија поради нерегулиран престој.

Девет танчерки и пејачки затекнати при контрола на угостителски објект во Слупчане

Катерина Бојаџиева — Wed, 07 Nov 2018 13:09:59 +0000

Девет танчерки и пејачки од кои шест странски државјанки по три од Албанија и Косово, затекле полициските службеници од СВР Куманово и инспекторите од Државниот пазарен инспекторат и Управата за јавни приходи, при контрола на угостителски објект во село Слупчане, општина Липково, соопшти денеска СВР Куманово. Контролата била спроведена синоќа во периодот од 23.55 до 01.30 часот. Танчерките и пејачките не биле пријавени и не поседувале дозволи за работа. Тие биле предадени на инспектор за странци и реадмисија за понатамошна постапка. Државниот пазарен инспекторат констатирал дека угостителскиот објект врши дејност без да биде регистриран во соодветен регистар и на сопственикот му била изречена глоба и мерка забрана за вршење на дејност од еден месец. Инспекторите од ЈП констатирале прекршок по Закон за регистрирање на готовински плаќања за што му била изречена глоба во висина од 500 евра и мерка затворање на објектот во траење од еден месец.

Девет женски лица затекнати во угостителски објект во Желино

Ристе Здравков — Fri, 28 Sep 2018 10:02:37 +0000

Девет женски лица се затекнати во акција на полицијата ноќеска од полноќ до 2:00 часот во угостителски објект во село Желино, тетовско сопственост на 46-годишен жител на ова село. Како што соопшти МВР, полициски службеници на Секторот за внатрешни работи Тетово при контролата, од деветте женски лица (пејачки и танчерки), три биле од Република Албанија и шест македонски државјанки. Трите албански државјанки на возраст од 25, 30 и 33 години приведени се во Полициската станица Тетово и потоа предадени во Отсекот за прекуграничен криминал, миграции, странци и раедмисија за натамошна постапка, а сопственикот на објектот ќе биде повикан во Полициска станица Тетово.

Во угостителски објект во Жеровјане приведени женски лица

Ристе Здравков — Wed, 26 Sep 2018 11:24:41 +0000

Во полициска акциска контрола во угостителски објект во село Жеровјане, синоќа во периодот од 22.00 часот до 01.00 часот по полноќ биле затекнати шест женски лица (три од Република Србија и три македонски државјанки). Српските државјанки (две на возраст од 21 и една 26 години ) биле приведени и предадени во Отсекот за прекуграничен криминал, миграции, странци и реадмисија за натамошна постапка. МВР денеска соопшти дека полициски службеници од Секторот за внатрешни работи Тетово спровеле акциска контрола во угостителски објект во село Жеровјане, сопственост на 28-годишен жител од тетовското село Боговиње.

Македонски државјанки, жени од Косово и Словенки незаконски работеле како танчерки, дел од нив приведени

Ивана Ефремовски — Wed, 27 Jun 2018 10:46:50 +0000

Во периодот од 23.30 часот на 26.06.2018 до 03.00 часот на 27.06.2018 година полициски службеници од СВР Тетово и од Отсекот за прекуграничен криминал, миграции, странци и реадмисија Тетово спровеле акциска контрола во угостителски објект во село Добридол, гостиварско, сопственост на Б.Р.(25) од истото село. Притоа, во објектот биле затекнати седум женски лица (танчерки), а од нив четири биле странски и три државјанки на Република Македонија. Четирите странски државјанки (три од Република Косово и една од Република Словенија), на возраст од 20 до 32 години, поради злоупотреба на туристичкиот престој, односно престојување спротивно на целта, биле приведени и задржани во Полициската станица Тетово за понатамошна постапка. Во исто време била спроведена акциска контрола и во угостителски објект во село Чегране, гостиварско, во кој биле затекнати осум женски лица, сите македонски државјанки.

ФОТО: Покрај вакви жешки танчерки, ракометот е во втор план

Дарко Андоновски — Mon, 15 Jan 2018 16:31:29 +0000

Во тек е Европското првенство (ЕП) за ракометари во Хрватска. А Хрватска, како и Македонија, е позната по убави девојки. Континенталното првенство се игра во четири града – Сплит, Пореч, Вараждин и Загреб. А таму, за време на паузите и тајм-аутите, танчерките ја забавуваат публиката. Кому му е гајле за ракомет кога има вакви танчерки?

Во тетовско и гостиварско приведени танчерки од Албанија и Србија

Катерина Бојаџиева — Fri, 12 Jan 2018 10:08:32 +0000

Во рамки на континуираните активности на СВР Тетово по однос на илегалниот престој и работа, извршени се нови акциски контроли во три угостителски – во тетовското село Горно Седларце и во гостиварското село Равен при што се затекнати осум странски државјанки, седум од Албанија и една од Србија. Така, во контролата на угостителскиот објект во Горно Седларце, сопственост на Б.Л. (48) од Тетово, покрај две албански државјанки кои што го злоупотребиле туристичкит престој во земјава затекнати се и пет македонски државјанки и сите тие биле танчерки во угостителскиот објект. Двете албански државјанки се приведени во Полициската станица Тетово, и по целосно документирање на случајот, против нив ќе биде поднесен соодветен поднесок и ќе бидат депортирани во нивната матична земја. Додека при контролата во угостителски објект во Тетово сопственост на Б.М.(36), затекнати се пет лица, од кои четири државјанки на Албанија и една македонска државјанка. Против странските државјанки се поднесени барања за прекршочна постапка, при што од страна на Основен суд им е изречена глоба во износ од по 400 евра и мерка протерување од Македонија со забрана за влез од една година. Во контролата, пак, во угостителски објект во село Равен, сопственост на Ј.А., затекнати се седум лица, од кои две странски државјанки,една од Албанија и една од Србија и пет македонски државјанки. Странските државјанки се приведени во Полициска станица Гостивар, поради непријавен престој и злоупотреба на туристички престој во Република Македонија, и по целосно документирање на случајот, против нив ќе биде поднесен соодветен поднесок и ќе бидат депортирани во нивните матични држави.

Во Горно Седларце и Равен приведени и протерани танчерки од Албанија и Србија

Дарко Андоновски — Thu, 11 Jan 2018 11:31:39 +0000

При акциска контрола на СВР Тетово за откривање лица со илегален престој и работа во три угостителски објекти во тетовско Горно Седларце и гостиварски Равен се приведени две албански државјанки и една српска, кои ќе бидат депортирани, а на четири државјанки од Албанија им е изречена глоба од 400 евра и се протерани од државава. Министерството за внатрешни работи денеска соопшти дека при контролата во угостителскиот објект во Горно Седларце тетовско, сопственост на Б.Л. (48) од Тетово, покрај две албански државјанки кои што го злоупотребиле туристичкит престој во земјава затекнати се и пет македонски државјанки. Сите биле танчерки во угостителскиот објект. Двете албански државјанки се приведени во Полициската станица Тетово, и по целосно документирање на случајот, против нив ќе биде поднесен соодветен поднесок и ќе бидат депортирани во нивната матична земја. Во угостителски објект во Тетово во сопственост на Б.М.(36), затекнати се пет лица, од кои четири државјанки на Албанија и една македонска државјанка. Против странските државјанки се поднесени барања за прекршочна постапка, при што од страна на Основен суд им е изречена глоба во износ од по 400 евра и мерка протерување од Република Македонија со забрана за влез од една година. Во контролата, пак, во угостителски објект во Равен сопственост на Ј.А., затекнати се две странски државјанки, една од Албанија и една од Србија, и пет македонски државјанки. Странските државјанки се приведени во Полициска станица Гостивар, поради непријавен престој и злоупотреба на туристички престој во РМ и по целосно документирање на случајот, против нив ќе биде поднесен соодветен поднесок и ќе бидат депортирани во нивните матични држави, информираат од МВР.