Тања Робертс – Kurir.mk

Тања Робертс почина на 65 години – еден ден откако по грешка предвреме ја објавија нејзината смрт

Магдалена Андонова — Wed, 06 Jan 2021 11:39:41 +0000

Актерката Тања Робертс почина во понеделникот вечерта – еден ден откако нејзиниот сопруг и публицист поради недоразбирање предвреме ја објавија нејзината смрт. Девојката на Бонд мирно починала во болницата „Cedars – Sinai“ во Лос Анџелес, каде беше хоспитализирана 24 декември, откако отишла да ги прошета кучињата и по враќањето дома паднала во несвест. Нејзиниот претставник за медиумите рекол дека на таа отишла да ги прошета кучињата. По враќањето дома паднала во несвест. Ја однеле во болница, но не ѝ било подобро. Тие информации ги пренесе нејзиниот долгогодишен партнер Ленс О`Брајан за „Пост“ во вторникот. Партнерот на актерката изјави дека претходно се согласил да ги исклучат апаратите затоа што лекарите му рекле дека тоа е „сочувствително“ – со оглед на тоа дека бубрезите, црниот дроб и жолчното кесе веќе не биле во функција, дека таа имала смртоносна инфекција на крвта што се ширела низ нејзиното тело. „Тие ми рекоа дека сите нејзини телесни функции, нејзините органи се распаднати и таа никогаш повеќе нема да биде истата, дека ќе биде врзана за кревет до крајот на својот живот“, изјави О`Брајан. Сестрата на Робертс, Барбара Лири, изјави дека е „во целосен шок“ поради смртта на најзината сестра. „Нека нејзината убава душа почива во мир… Јас сум ужасно, ужасно тажна“, изјави Лири. Конфузијата се вртеше околу последните моменти од животот на Робертс, откако нејзиниот публицист, Мајк Пингел, предвреме ја објави нејзината смрт во неделата. Ова веројатно произлезе од очигледно недоразбирање помеѓу О`Брајан и Пингел… О`Брајан во вторникот изјави дека не знаел како се случило недоразбирањето и дека сите биле длабоко вознемирени во тие моменти. Пингел ја повлече веста за смртта на Робертс во понеделникот, велејќи дека таа сè уште е жива, но дека е во многу тешка состојба, но ден потоа, таа засекогаш ја изгубила битката… Извор: Слободенпечат

Светските медиуми ја повлекоа веста за смртта на глумицата: Тања Робертс е во критична состојба

Ивона Петрова — Tue, 05 Jan 2021 09:08:57 +0000

Американската актерка Тања Робертс не починала, како што првично објави нејзиниот агент. Но, нејзината здравствена состојба е критична, јавија американските медиуми. Нејзиниот претставник Мајк Пингел изјави дека имало недоразбирање во разговорот што го водел со партнерот на глумицата. Таа беше примена в болница на 24 декември, откако паднала при прошетка со своите кучиња. – Таа е во болницата во Лос Анџелес и нејзината состојба е критична, изјави Пингел доцна синоќа, откако ја повлече веста за смртта на глумицата. Тања Робертс (65) се појави во филмот „Џејмс Бонд: Изгледи за убиство“ од 1985 година. Беше и модел, а глумеше и во сериите „Чарлиевите ангели“, „Жешка линија“ и „Луди седумдесетти“.

Почина глумицата Тања Робертс, најпозната по улогата во „Џејмс Бонд“

Ивона Петрова — Mon, 04 Jan 2021 08:43:57 +0000

Американската глумица Тања Робертс, можеби најпозната по филмот „Џејмс Бонд: Изгледи за убиство“ (A View to a Kill), почина вчера на 65-годишна возраст. Причината за смртта сѐ уште не е соопштена. Таа глумеше и во серијата „Чарлиевите ангели“ од 1980-тите, како и во „Лудите ’70-ти“ од 1998 до 2004 година. Во кариерата таа била и модел со улоги во реклами, како и во повеќе филмови од Б-категорија.