таравари – Kurir.mk

Таравари е скептичен: Македонија тешко дека ќе започне со вакцинација пред мај или јуни

Тале Кристо — Wed, 27 Jan 2021 09:56:56 +0000

Опозициските партии во Македонија велат дека доцнењето во процесот на снабдување со вакцини ја покажува неспособноста на владините преставници. -Сметам дека ние како држава заглавивме во договорите направени со компаниите што произведуваат вакцини, а исто така и во врска со програмата COVAX, вели за Радио Слободна Европа, Арбен Таравари од опозициската коалиција, Алијанса за Албанците - Алтернатива. Таравари, кој претходно беше на чело на Министерството за здравство, е скептичен дека Македонија може да започне масовна кампања за вакцинација пред мај или јуни. -Не е лошо граѓаните да имаат повеќе опции, да ги имаат кинеските вакцини тука, но и вакцините на другите две компании, а потоа оставете ги луѓето да го изберат она што мислат дека е најдобро, нагласува Таравари Андон Чибишев, кој е член на собраниската Комисија за здравство, исто така ја обвинува владата за неспособност поради доцнењето во обезбедувањето на вакцината. -Еднаш не уверуваа дека сè е во ред, дека нашите власти постигнаа договор да обезбедат 500 илјади или 800 илјади дози преку системот COVAX и тогаш се покажа дека овој систем не работи и дека нема да добиеме вакцини. Слушнавме дури и изговори од претседателот на државата и министерот за здравство дека сме многу мал пазар, затоа сме игнорирани, рече Цибишев, кој доаѓа од редовите на македонската опозициска партија, ВМРО-ДПМНЕ.

Таравари: Државата нема стратегија да се справи до Ковид пандемијата

Тале Кристо — Fri, 23 Oct 2020 17:47:03 +0000

Градоначалникикот на Гостивар и генерален секретар на Алијансата на Албанците, Арбен Таравари во своето гостуваење во емисијата „Што не е јасно“ зборуваше за Ковид пандемијата во државата и посочи дека Република Македонија е држава со најголем морталитет во регионот, па и во Европа и треба да се размисли кој ги прави грешките. Имено тој истакна дека државата е единствена држава во регионот која нема стратегија како да се постапи доколку од тестираните 20% се позитивни, ако 15% се позитивни од тестираните. -Бројките кои кажуваат како одредени држави менаџираат со кризата, Македонија е рангирана со последен четврт степен на успешност во менаџирањето и мислам дека одговорност треба да се бара од некого. Македонија е мала држвата и треба да се седне да се види кои се најдобрите епидемиолози и најкомпетентни и ако не ја смениме целата комисија барем да бараме таа да се прошири и да се повикаат одредени луѓе без разлика на која партија припаѓаат. Јас гледам во таа комисија тенденцијата е да бидат партиски луѓе и затоа мислам дека треба да се седне да се направи тим кој ќе ни даде најдобри препораки. На Клиниката за инфективни болести вие сеуште немате препораки како да се лекува еден пациент со Кови-19, додаде Таравари.

Таравари: Политики на ВМРО-ДПМНЕ беа покоректни од овие политики на СДСМ

Тале Кристо — Fri, 23 Oct 2020 17:10:42 +0000

Арбен Таравари, градоначалник во Гостивар и генерален секретар на Алијансата на Албанците во своето гостуваење во емисијата „Што не е јасно“ рече дека според него претходните политики на ВМРО-ДПМНЕ биле покоректни од политиките на СДСМ. -Бесплатни ушебни, јавниот транспост за децата од училиште да биде бесплатен, намалување на квотите на студентите на универзитетите, додаток за трето дете тоа беа мерки кои го направи ВМРО-ДПМНЕ. Дојде СДСМ на власт и го поништи тој додаток и затоа мислам дека одредени политики на ВМРО-ДПМНЕ беа покоректи отколку овие политики на СДСМ, рече Таравари.

Таравари: Филипче под итно треба да ги смени членовите на Комисијата за заразни болести

Тале Кристо — Wed, 14 Oct 2020 17:20:24 +0000

„Јас да сум на место на министерот би се преиспитал и би ја викнал таа Комисија за заразни болести и би ја прашал за овие индикатори кои што објективизираат одредена ситуација“, истакна Арбен Таравари при своето гостување вечерва на „24 Анализа“. Таравари додаде дека би требало министерот Комисијата за заразни болести треба да ја праша зошто има толкав морталитет во државата од КОВИД-19. Зошто бројот на инфицирани случаеви на милион граѓани Македонија е толку напред пред другите држави во регионот. Што е работата, каде е пропустот? „Јас мислам дека и предлозите што ги даваат за рестрикции, не ги дава министерот, туку ги дава Комисијата за заразни болести. Јас искрено мислам дека одамна сум го кажал тоа пред три – четири месеци дека треба да ја смени таа Комисија.“, нагласи Таравари. Таравари посочи дека Македонија е мала земја и дека има врвни епидемиолози кои ќе ја сработат работата многу подобро отколку членовите во актуелната Комисија.

Таравари: Бројката на мртви во Македонија изнесува колку вкупната во регионот

Тале Кристо — Wed, 14 Oct 2020 16:58:52 +0000

Арбен Таравари, градоначалник на Општина Гостивар вечерва гостуваше во „24 Анализа“, каде што посочи дека загрижувачка е ситуацијата со бројката на новозаразените од КОВИД-19, а да не говори и за морталитетот. „Да не говориме за морталитетот, некој вели па апсолутни цифри кажувате. Еве да не збориме за апсолутни цифри, да збориме за починати на милион жители, Македонија е апсолутен шампион во регионот. Ние сме први со околу 400 веќе на милион жители, после нас е Косово со 320-30 на милион жители. После е Босна некаде со 200, многу помалку од нас, и да не збориме Хрватска, Грција, Србија,сите да ги соберете заедно доаѓа колку Македонија“, нагласи Таравари. Таравари додаде дека процентите на смртноста во Македонија се доста високи дури и загрижувачки во однос на другите држави во регионот.

Таравари: Албанците се шегуваат со предлогот на ДУИ за премиер албанец

Тале Кристо — Mon, 22 Jun 2020 18:09:18 +0000

Арбен Таравари, градоначалникот на Гостивар вечерва во 24 Телевизија, а во врска со предлогот на ДУИ за премиер албанец, вели дека повеќе албанците се шегуваат со ДУИ за тој предлог, дека истото е демагогија и ја понижува интелегенцијата,но ја дефокусираат и јавноста од неуспесите на ДУИ кон албанците. -Господинот Ахмети е 18 години на власт, овие се седдми парламентарни избори, на шест парламентарни избори победил, имал прилика за ваков предлог, имал шанси 2006, 2009,2011,2016 година, Ахмети беше пратеникот кој не отиде да го гласа Талат Џафери за претседател на Собрание, вели Таравари. Таравари вели дека по нивните анкети, неговата партија била две три посто над ДУИ и Ахмети, , како и тоа дека со ниеден закон е забрането албанец да биде било каков висок функционер, нема потреба да се збори со истото, Таравари вели дека ова било демагогија на ДУИ, зашто мандатар може да биде Заев или Мицкоски, практично не било изводливо.

Таравари: Заев ќе има дебакл во албанскиот блок, затоа што нема ниедна инвестиција во албанските општини

Тале Кристо — Mon, 22 Jun 2020 17:50:49 +0000

Арбен Таравари, градоначалникот на Гостивар вечерва во 24 Телевизија истакна дека Заев ќе доживее дебакл во албанскиот блок, затоа што нема една инвестиција во ниедна албанска општина, и дека ако добие половина од гласовите кои ги добил од албанците минатите избори треба да е среќен. -Прашањето кое ми беше упатено беше дали Заев ќе има 70 до 100 илјади гласови во албанскиот блок, јас кажав Заев ќе има дебакл во албанскиот блок , затоа што ниедна инвестиција нема во ниедна албанските општини, истакна Таравари. Таравари критикуваше дека нема инвестиција ниту онаму каде има СДСМ има градоначалник којшто е албанец, но нема ниеден проект,вели Таравари. Градоначалникот истакна дека во нашата општина немаа донесено една маска, ниту пак некој министер не праша дали нешто ни треба во три месеци криза, во општина каде живеат 70% албанци. Еден проект за кров во едно училиште во Гостивар кој одеше преку УНДП, а доаѓа Заев вели ние го направивме, тоа е перверзија, нема еден проект од владата за Гостивар, рече Таравари за лагите на власта.

Таравари: Филипче оддржува премногу прес-конференции и делува како владин портпарол

Љупчо Цветаноски — Mon, 06 Apr 2020 08:00:07 +0000

Што повеќе тестирања преку брзи тестови и приспособување на здравствените установи во Битола, Тетово, Штип и други каде што се лекува заболување на бели дробови, апелира поранешниот министер за здравство, Арбен Таравари.

Тој во „Утрински брифинг“ на „Слободна ТВ“, зборувајќи од позиција на градоначалник на Гостивар, информираше за бројот на тестирани и заразени на таа територија.

-Генерално во Гостивар, ситуацијата е под контрола. Имаме 97 тестирани луѓе на цела територија на општината, само четири имаме инфицирани и еден излечен пациент кај кој се направени два тестови и се негативни, рече Таравари. Смета дека Здравството засега добро се справува во борба против Ковид 19, но упати критики кон Венко Филипче. -Здравството засега добро се справува со вирусот, освен што мислам дека министерот одржува премногу прес-конференции, доволно е да се појави два пати во неделата и да не делува како владин портпарол. Треба да се направат резервни капацитети, да не биде центрирано само во Скопје. Установите во Битола, Тетово, Штип, каде што се третираат заболувања на бели дробови, треба да бидат подготвени, порача Таравари. Тој рече дека потребно е да се набават брзи тестови за тестирање на Ковид 19. Оригиналниот текст видете го тука.

Таравари најавува дека Алијансата ќе биде дел од новата Влада

Љупчо Цветаноски — Tue, 14 Jan 2020 09:39:25 +0000

„Што се однесува до албанскиот политички блок, се надевам на долгоочекуваното ослободување од ДУИ. Па, како можеме да зборуваме за напредок и промени кон добро кога 18 години живееме во еднопартиски систем, во кој корупцијата, пресметките, калкулантството и реваншизмот биле главните „адути“ на располагање?, изјави Арбен Таравари, градоначалник на Гостивар и генералниот секретар на Алијансата за Албанците, во интервју за Фокус. Не можам со сигурност да го прогнозирам развојот на случувањата на изборите во македонскиот блок, но јасно е дека ќе имаме неизвесна политичка битка, вели Таравари. Тој додава дека преговараат со БЕСА и Алтернатива за предизборна коалиција, воедно истакнувајќи дека потребите и расположението на гласачите упатуваат на тоа дека Алијансата ќе биде дел од коалицијата која што ќе ја победи ДУИ. – Формирањето на Влада зависи од две работи – бројките и компатибилноста во програмите. Апсолутно не исклучуваме можна соработка со некоја од двете поголеми партии во македонскиот политички блок доколку се исполнат овие услови. Посакуван партнер гледаме во тој којшто ќе покаже дека иднината на оваа држава му е многу поважна отколку битката за да се застане на тронот – посочува Таравари.