Татабања – Kurir.mk

Еурофарм Пелистер загуби кај Татабања

Бошко Тасиќ — Tue, 01 Mar 2022 21:03:47 +0000

Еурофарм Пелистер поразен се враќа од гостувањето во Унгарија кај Татабања, во меч од 9. коло на Европската лига. Битолчани загубија со 25:21 и сега има само теоретски шанси да стигне до првото место во групата. Без Табоада, Велковски и Обрадовиќ во составот, сам играше Стипе Мандалиниќ, кој постигна 10 гола, а по три имаа Маџовски, Граѓан и Периќ. Кај противникот Сунајко постигна осум, Ѓор имаше седум од седум. Е. Пелистер остана на 10 бода, но имаше среќа што Спортинг киксна во Атина и загуби од АЕК со 25-24, па не го престигна македонскиот тим. Во последното коло, идната недела, „пелистерци“ ќе имаат можност да го сочуваат второто место во групата Д на дуелот против АЕК во Битола.

Бабиќ: Ракометарите одиграа на неверојатно ниво

Бошко Тасиќ — Tue, 23 Nov 2021 20:13:17 +0000

По мечот и победата на Еурофарм Пелистер Жељко Бабиќ изрази задоволство од нивото на игра кое го прикажаа неговите ракометари на оваа средба. „Најпрво би сакал да изразам сочувство за сите погодени од несреќата која и се случи на Македонија. Што се однесува на натпреварот, ние добро ги искористивме сите нивни проблеми. Тие беа уморни и се покажа дека тоа влијаеше на нивниот настап. Воедно сакам да им се заблагодарам на моите играчи на одличниот ангажман и желба. Навистина одиграа на неверојатно ниво и на крај мислам дека победивме повеќе од тоа што очекувавме“, рече хрватскиот стратег.

Ракометна лекција од Еурофарм Пелистер за Татабања

Бошко Тасиќ — Tue, 23 Nov 2021 19:37:35 +0000

Ракометниот клуб на Еурофарм Пелистер одигра уште еден извонреден натпревар, можеби и најдобар во сезоната и очекувано славеше против Татабања со 33:20. Пелистерци одиграа без грешка и ја запишаа втората победа во групната фаза во ЕХФ Европската лига. Битолчани беа доминантни во двете полувремиња, а од четата на Бабиќ дури 11 ракометари се запишаа во листата на стрелците. Најефикасен кај Пелистер беше Мараш со шест постигнати погодоци, додека Табадоа и Периќ застанаа на по пет гола. Со оваа победа Еурофарм привремено се искачи на првата позиција на табелата во групата Д.

Еурофарм Пелистер ја забележа трета победа во серија во Европската лига

Бошко Тасиќ — Thu, 11 Feb 2021 17:58:01 +0000

Битолскиот ракометен клуб Еурофарм Пелистер во Европската лига и ја запиша третата победа во низа, откако денес славеше против Татабања за само два дена. По вчерашните 21-19, вечерва, македонскиот вицешампион долги време бркаше негатива, но ги дочека своите минути и по вистинска драма славеше со 24-21, со што ги сочува шансите за пласман во елиминационата фаза. Мандалиниќ со девет гола од 14 обиди беше прв стрелец во редовите на домашната екипа, а солиден настап имаа и голманот Хендави со 9 одбрани и Радовиќ со три гола.

Бабиќ : Горд сум на моите играчи

Бошко Тасиќ — Wed, 10 Feb 2021 19:00:02 +0000

Стратегот на битолскиот ракометен клуб Еурофарм Пелистер Жељко Бабиќ, им честита на ракометарите за победата над Татабања, втора во новата сезона во Европската лига на ЕХФ. Хрватскиот тренер истакна дека големата борбеност на неговиот тим во клучните моменти ги донела посакуваните бодови. „Знаевме дека Татабања е цврст тим, дека нивниот тренер преферира добра одбрана и притисокот кој го носеше овој натпревар го донесе оној ракомет на терен, што можеби не беше и премногу убав да гледање. Чекавме грешка на противникот за да се одлепиме, во тоа и успеавме и дојдовме до посакуваната победа. Честитки до играчите кои се бореа за секој милиметар и за секоја топка, јас сум горд на нив. Следи нова пресметка со Татабања, тоа сигурно ќе биде нов меч и верувам дека ќе биде нов неизвесен дуел, затоа што противникот никогаш не се предава. Доаѓа нова борба, за секоја топка, за секој метар. Мора да се одмориме малку физички колку што можеме, па пак да тргнеме со една борбена игра кон нова победа“, изјави Бабиќ. Вториот меч меѓу Еурофарм Пелистер и Татабања се игра утре во Битола, а по одлука на двата клуба, улогата на домаќин ќе ја има унгарскиот гостин.

Одложен натпреварот Еурофарм – Татабања во Лига Европа

Тале Кристо — Wed, 14 Oct 2020 19:09:27 +0000

Македонскиот претставник во Лига Европа, Еурофарм Пелистер ќе дебитира против данскиот ГОГ Гудме на гостински терен, а не како што беше предвидено во Битола против Татабања, соопштија од клубот. Имено, Европската ракометна федерација го одложи натпреварот од првото коло на групата Ц на Лига Европа помеѓу Еурофарм Пелистер од Македонија и Татабања од Унгарија. Причината е големиот број на заразени членови на ракометната екипа и стручниот штаб на Татабања на коронавирус. Натпреварот беше планирано да се одигра на 20 октомври во 18:45 часот во Битола, а ЕХФ дополнително ќе ги извести двата клуба за новиот термин за одржување на натпреварот. Натпреварот ГОГ Гудме – Еурофарм Пелистер предвидено е да се игра на 27 октомври во 18:45 часот.