татко и ќерка – Kurir.mk

Татко и ќерка од Косово граделе луксузни бунгалови во Маврово, инспекторите ги запреле – но тие продолжиле

Дарко Андоновски — Fri, 11 Feb 2022 14:28:54 +0000

Основното јавно обвинителство Гостивар поднесе Обвинителен акт против две физички и едно правно лице за кривично дело – Бесправно градење од член 244-а од Кривичниот законик. Обвинетите, татко и ќерка, државјани на Република Косово, како и правното лице во кое управител била ќерката, во периодот од 10.07.2021 до 20.09.2021 година, без одобрение за градба издадено од надлежен орган, започнале да градат осум бунгалови во селото Леуново, општина Маврово и Ростуше. Објектите – цврста градба, на околу 200-300 метри од езерото, биле евидентирани при извршена контрола од градежен инспектор, при што инвеститорите добиле наредба да запрат со градежните активности. И покрај ова, тие продолжиле да ги градат објектите спротивно на закон.

Татко и малолетна ќерка меѓу повредените во сообраќајката на автопатот Велес – Скопје

Ивона Петрова — Thu, 16 Jan 2020 11:11:19 +0000

Во верижниот судир што се случи утрово околу осум часот меѓу шест возила кај Пуста Кула на автопатот Велес-Скопје, три лица се повредени, од кои две се однесени во велешката Општа болница, а едно е пренесено во Скопје. Поради несреќата, сообраќајот е сé уште во прекин, информираат за МИА од СВР Велес. Велат и дека увидот трае, но наскоро се очекува нормализирање на сообраќајот. Во велешката болница, според д-р Љупчо Леов, се примени татко и десетгодишна ќерка од Кавадарци кои се со полесни телесни повреди и нагмечувања по телото. Полицијата ги утврдува причините поради кои дошло до несреќата.

ТАЖНА СЛИКА НА АВТОПАТОТ- во тешка несреќа загинаа татко и ќерка, повреденото бебе пренесено во болница (ФОТО)

Дарко Андоновски — Wed, 10 Jul 2019 11:40:11 +0000

Татко и ќерка загинаа во страшна сообраќајна несреќа која утрово се случила на автопатот Ниш- Белград во 8:45 часот. Како што пренесуваат српските медиуми на лице место загинале возачот и совозачот кој биле татко и ќерка, додека во „Шкодата фелиција“ имало уште две жени и едно бебе кои седеле на задните седишта. Двете жени со повреди и скршеници се префрлени во болница во Белград, додека бебето кое исто така е пренесено во болница останала не повредено. До несреќата дошло кога автомобилот се забил во камион кој бил застанат поради градежните работи на патот. Сведоците раскажуваат за хоророт и расфрланите играчки и облеки на децата и луѓето кои биле во автомобилот.

Тажната слика се уште главна вест во светот- еве што ќе се случи со таткото и ќерката кои заедно се удавија во обид да ја поминат реката

Дарко Андоновски — Fri, 28 Jun 2019 07:18:14 +0000

Телата на таткото и ќерката кои се удавија во реката Рио Гранде во обид да стигнат до територијата на САД, ќе бидат вратени во нивната држава, Салвадор, каде што ќе бидат погребани. Како што пренесува Си-Ен-Ен, фотографијата на која се Оскар Алберт Мартинес и 23-месечната Енџи Валери Мартинес во прегратка со лицата во матна вода го потресе светот и претставува сурова реалност на мигрантската криза и ризикот што луѓето го преземаат за да стигнат до јужно американската граница. Телата се предадени на сопругата и мајка Танија Авалос во Мексико, оттаму се префрлени во Монтереј од каде со авион треба да бидат однесени во Сан Салвадор. Семејството на трагично загинатите татко и ќерка побара од властите да гарантираат приватност за време на префрлувањето на телата во нивната држава.

ЌЕ ВЕ ОБЛЕАТ СОЛЗИ: Татко и ќерка прегрнати се удавија во река- не успеале да го сонуваат американскиот сон (ВОЗНЕМИРУВАЧКО ФОТО)

Дарко Андоновски — Wed, 26 Jun 2019 10:22:09 +0000

Светот е шокиран од фотографиите објавени во светот денес на безживотните тела на таткото и ќерката кои гушнати лежат на брегот на реката Рио Гранде на мексиканско-американската граница. Сонот да стасаат до Америка завршил во водите на Рио Гранде кога таткото, 26-годишниот Оскар Алберто Мартинез Рамирез и неговата двегодишна ќерка Валерија не успеале да ја препливаат реката. Мексиканските новинари фотографијата ја споредија со таа на Алан Курди кого морето го исфрли на брегот на островот Кос. Несреќните татко и ќерката, која до последен момент се држела за вратот на својот татко, сакале да преминат во Тексас. Двајцата биле од Ел Салвадор, чии власти го потврдиле идентитетот на жртвите. Илјадници луѓе од Централна Америка се обидуваат да је преминат мексиканско-американската граница, која е заштитена од 15.000 мексикански војници со цел да спречат илегални миграција кон САД.

Трагедија во Лесковац: Татко и ќерка пронајдени мртви во штала

Ивона Петрова — Tue, 17 Jul 2018 17:25:10 +0000

Татко и неговата 15-годишна ќерка починале утрово во ургентниот центар во Општата болница Лесковац како последица на удар од струја, пренесуваат српските медиуми. -Беа донесени во болницата без знаци на живот. Докторите се обиделе со реанимација, направиле се што можеле, но било доцна, изјавил директорот на болницата Небојша Димитријевиќ. Таткото починал во 9 часот, а петнаесет минути подоцна и девојчето. Неофицијално, тие починале од апаратот за молзење на крави, бидејќи биле пронајдени блиску до него.

Татко и ќерка тешко повредени во сообраќајка во полошко

Ивона Петрова — Mon, 05 Feb 2018 20:04:36 +0000

Татко и ќерка се тешко повредени во сообраќајка што се случи доцна попладнево во близина на мостот во селото Милетино на локалниот пат Брвеница-Радиовце. Несреќата се случила околу 18:30 часот, а повредените првично се однесени во Тетовската клиничка болница, но поради сериозноста на повредите се препратени на скопските клиники. Портпаролот на СВР Тетово, Марјан Јосифоски изјави дека до несреќата дошло кога автомобил „Голф 5“ со хрватски таблички што го управувал М.Д.(24) од Радиовце удрил во запрежната кола во која биле 71-годишниот татко и неговата 18-годишна ќерка. - Увид на местото од несреќата изврши екипа на СВР Тетово и се работи на утврдување на причините, околностите и се друго поврзано со сообраќајката, изјави Јосифоски. МИА