татко и син – Kurir.mk

ТРАГЕДИЈА ВО ПРИЛЕП: Татко и син загинаа во пожар во семејната куќа

Ивона Петрова — Fri, 08 Sep 2023 09:23:50 +0000

Двајца прилепчани, татко и син синоќа загинаа во пожар што избувнал во нивниот семеен дом на улицата „Цане Илиоски број 87а“ во Прилеп. Пожарот во надлежните служби бил синоќа пријавен околу 21,45 часот. - Околу 22 часот синоќа добивме пријава за пожар за запалена куќа на улицата „Цане Илиески“ број 87а“. За гаснење на пожарот интервениравме со три возила и девет пожарникари. Опожарени беа дел од катот на куќата - дневна просторија и кујна. Затекнато е едно изгорено лице, а другото лице, задушено од чадот извлечено е надвор од куќата и предадено на службата за Итна помош каде е констатирана смрт. Двете лица се на возраст од 60-тина и 80-тина години. Лицата пред да стигнеме веќе биле починати, вели Кристијан Момироски, командир на противпожарната единица од Прилеп. Едниот прилепчанец бил затекнат во дневната просторија и целосно изгорен, а другиот во претсобјето и се задушил. Пожарот е изгаснат и е спречено да се прошири на другиот кат и на соседните куќи. Увид на местото на пожарот направија полицијата и основен јавен обвинител. Се врши истрага за да се откријат причините за пожарот и трагедијата. На лице место беше и екипата на службата за Итна помош која ја констатирала смртта на двајцата прилепчани -Синоќа околу 21,45 часот добивме повик во Итната помош од полицијата која беше на терен дека има опожарена куќа. нашата екипа на лице место дозна дека во куќата има две лица кои не се извлечени. На пожарникарите им требаше околу 20 минути да стигнат до телата. Едното тело беше целосно опожарено, а другото делумно. Првично од ситуацијата која ја видовме, сигурно дека двете лица се имаат задушено од чадот. Еден од луѓето што живее таму ни кажа дека биле подвижни, но останале во куќата да го гаснат пожарот. Во куќата живееле тројца, од кои едниот излегол да побара помош. Викал по нив да излезат, ама тие останале во куќата да го гаснат пожарот. Ние ја утврдивме смртта, а потоа надлежност презеде основниот јавен обвинител, ни изјави Даниел Аврамоски началник на службата за Итна помош- Прилеп Сосетка потврди дека во куќата живееле тројца, татко со двајца синови. Обдукцијата телата на загинатите ќе ги утврди причините за смртта, а надлежни инспектори ќе ја вршат истрагата за причината за пожарот.

ФОТО: Објавена последната фотографија на пакистанскиот милијардер и неговиот син пред влегувањето во Титан

Ивона Петрова — Mon, 03 Jul 2023 13:38:31 +0000

Објавена е последната фотографија од пакистанскиот милијардер и неговиот син пред да се качат на подморницата Титан, во која загинаа пет лица, објавија светските медиуми. Шахзада Давуд (58) и неговиот 19-годишен син Сулејман беа фотографирани со насмевки ја лицето пред да влезат во подморницата на патувањето од 250.000 долари по човек, во кое покрај нив загинаа уште тројца. Фотографијата е објавена откако сопругата Кристин Давуд откри како таткото и синот последните моменти пред Тиран да имплодира ги поминале слушајќи ја нивната омилена музика во целосна темнина за да заштедат енергија додека ги набљудувале биолуминисцентните суштества во длабочините. Давуд опишала како таа и нејзината ќерка Алина (17) биле на матичниот брод на подморницата и дека им мавтале на таткото и синот пред да заминат во авантурата.

Татко и син 10 години мамеле на лото, заработиле над 20 милиони долари

Ивона Петрова — Thu, 25 May 2023 08:14:55 +0000

Американскиот Сојузен суд неделава осуди татко и син од сојузната држава Масачусетс за незаконско стекнување на повеќе од 20 милиони долари од добивки на лотарија и лажни даночни пријави за да избегнат плаќање од над шест милиони долари во даноци. Али Џафар (63) е осуден на пет години затвор, а неговиот 29-годишен син Јусеф Џафар е осуден на 50 месеци затвор. А, вториот син, Мохамед Џафар ќе биде осуден во јули. Валери С. Картер, адвокатка на Али и Јусеф Џафар, изјави дека нејзините клиенти имаат намера да поднесат жалба до Апелациониот суд. „Најдоцна од 2011 година до најрано во јуни 2020 година, обвинетите заговарале со други познати и непознати лица, заради „перење“ на приходите од добивките на туѓа добивка од државната лотарија во Масачусетс. Овие мажи купувале добитни лото ливчиња од луѓе ширум земјата кои сакале да го продадат својот билет за готовина и попуст наместо да ја побараат наградата“, се вели во обвинението на американското Обвинителство. Ова значи дека вистинските добитници избегнувале идентификација од Државната комисија за лотарија. Откако ќе ги купат добитните ливчиња, обвинетите ги бараат парите од наградата како нивна добивка. Така, со манипулации потоа, семејството Џафар незаконски заработиле од над 14.000 „поситни“ добивки, во вкупна вредност од над 20 милиони долари, во „разработена шема“ наречена „десет насто“.

Ужас во Бор: Двојно самоубиство, татко и син по расправија скокнале од 8 кат

Ивона Петрова — Sun, 20 Feb 2022 12:53:33 +0000

Телата на татко и син се пронајдени денеска пред станбена зграда во Бор, а според првичните информации се работи за двојно самоубиство. Како што јавуваат српските медиуми, М.Р. (61) и Д.Р. (37) имале голема расправија пред да се случи трагедијата. Се претпоставува дека по кавгата, таткото и синот заедно скокнале од осумиот кат од зградата. Неофицијално, помош повикала мајката, односно сопругата. Полициски екипи се на терен.

Гостиварец со секира и нож нападнал татко и син

Ивона Петрова — Fri, 08 May 2020 10:01:29 +0000

Гостиварец завршил во полициска станица откако бил пријавен дека синоќа физички нападнал татко и син. Во пресметката, пријавениот се заканувал со нож и секира. Според СВР Тетово, синоќа во 19 часот, И.Р.(44) од Гостивар пријавил дека половина час пред тоа, на улица „Балиндолска“ во Гостивар, тој и неговиот син биле физички нападнати од Н.Ш.(56). Според пријавата, тие претходно се расправале и набрзо дошло до физичка пресметка. Пријавениот Н.Ш. им се заканил со нож и секира, а при обид да му го одземе ножот, И.Р. се здобил со повреда на десната рака. Н.Ш. е лишен од слобода и задржан во Полициската станица Гостивар за целосно расчистување и документирање на случајот.

Извадиле маса и столчиња и започнале да пијат среде улица, кога татко и син сакале да поминат со автомобилот настанала драмата

Дарко Андоновски — Sun, 19 Apr 2020 11:56:22 +0000

Во СВР Битола синоќа во 21,00 часот З.И. (39) од Прилеп, пријавил дека истиот ден додека заедно со неговиот татко В.И. (66) од Прилеп, се движеле со возило од село Тројкрсти кон Прилеп, на патот наишле на паркирано патничко моторно возило „фолксваген голф“ при што на самиот пат имало поставено маса на која седеле две лица кои конзумирале алкохол. Како што соопшти денеска МВР, З.И. ги замолил да го тргнат возилото со цел да можат да поминат, но истите одбиле да го тргнат возилото . – Тогаш В.И му рекол на својот син да повика полиција, но во тој момент лицата физички ги нападнале при што на В.И му нанале видливи повреди во пределот на главата.Едното лице му го зел телефонот на З.И. а другото лице зело од масата нож и почнало да трча кон него, по што тој почнал да бега. Двете лица повторно го нападнале В.И. удирајќи го насекаде и цело време замавнувале со ножот со цел да го повредат. По кратко време З.И. и В.И. успеале да побегнат кон селото и настанот го пријавиле во полиција, стои во соопштението од МВР. Се преземаат мерки за пронаоѓање на лицата и целосно расчистување на случајот.

Таткото и синот од струмичко убиени во Швајцарија денес ќе бидат погребани

Ивона Петрова — Thu, 02 Apr 2020 08:47:00 +0000

Во Лозана, Швајцарија денеска ќе бидат погребани таткото Наум Колев (47) и синот Андон (23) од селото Мокриево, струмичко, кои беа убиени на 26 минатиот месец во местото Соренс, во кантонот Фрибург, а нивните тела беа пронајдени наредниот ден на фарма за коњи покриени со арско ѓубре, соопштија од Македонската православна црковна општина „Собор на сите македонски светители“. Според информации од Швајцарија, тие ќе бидат погребани таму поради пандемијата од коронавирус и неможноста да бидат донесени дома. Семејството Колеви петнаесетина години живеело во Швајцарија и важело за мирно и работливо. Според струмичани што живеат таму, таткото и синот заминале кобната вечер од својот дом за да си ги повлечат дадените пари за купување на земјоделска механизација. Швајцарските истражни органи за убиството сомничат триесет годишен маж, кој е уапсен и ја признал вмешаноста во убиството. При претресот кај него било пронајдено огнено оружје, а истрагата треба да ги утврди околностите под кои биле убиени таткото и синот.

Полициска акција во гостиварско, уапсени татко и син

Ивона Петрова — Wed, 07 Aug 2019 08:50:43 +0000

Татко и син биле уапсени вчера вечерта во акција на полициски службеници од СВР Тетово. Оттаму информираат дека од 20:45 часот до 21:35 часот, полициските службеници извршиле претрес во домот на 18-годишниот А.Џ. во гостиварска Долна Бањица. -При претресот, реализиран со судска наредба, пронајдени се 8 куршуми калибар 9 милиметри и рамка за пиштол и 10 куршуми од гасен пиштол. А.Џ. и неговиот татко Е.Џ.(57) лишени се од слобода и задржани во Полициската станица Гостивар за целосно расчистување на случајот, информира портпаролот на СВР Тетово, Марјан Јосифоски. Против нив ќе биде изготвен соодветен поднесок.

Татко го нападнал синот поради неплатени сметки

Ивона Петрова — Wed, 07 Feb 2018 10:12:46 +0000

Четириесетгодишниот Б.Б. од тетовското село Шемшово, вчера пријавил дека околу 13 часот неговиот татко Б.Б. (71) физички го нападнал во дворот од нивната куќа, додека тој со секира сечел дрва. -Татко му најпрво започнал да се расправа околу неплатени сметки за електрична енергија и со тупаница го удрил по лицето, а откако бил турнат од пријавителот, станал и се обидел да му ја одземе секирата, поради што Б.Б. (40) задобил расекотина на десната дланка, информираат од СВР Тетово. Се вмешале нивните најблиски и ги раздвоиле, а Б.Б. (73) нешто подоцна повикан е во Полициското одделение Јегуновце, одземена е секирата и се расчистува случајот.

Хорор во центарот на Белград: Син го убил таткото со 15 убоди

Ивона Петрова — Tue, 06 Feb 2018 15:50:56 +0000

Во самиот центар на Белград син го убил својот татко Б.Љ. (79), јавуваат српските медиуми. Според првичните информации, пронајдено е тело со повеќе од 15 убоди и пределот на градите и грбот. Осомничениот за овој настан е неговиот син Р.Љ. (37), кој по убиството повикал пријател и му кажал што се случило. Според неофицијалните информации, осомничениот е наркоман на лекување и тој бил уапсен во станот.