татко – Kurir.mk

ТАТКОТО И МАЌЕАТА НА МИЛИЦА ПАВЛОВИЌ ПРВПАТ ЗАСТАНАА ПРЕД КАМЕРА – пејачката ги отвори вратите од селскиот двор и куќа каде израснала (ФОТО)

Дарко Андоновски — Tue, 31 Oct 2023 10:19:07 +0000

Српската пејачка Милица Павловиќ го угости водителот Огнен Амиџиќ во своето село Горно Буниброд, а во таа прилика за првпат пред камерата застана нејзиниот татко Драгослав и маќеата со која од секогаш била во одлични односи. -Нејзината баба од малечка ја учеше да танцува и да биде пејачка како на пример Драгана Мирковиќ. Таа желба и се оствари и стана наша Милица..., вели Драгослав Павловиќ пред водителот на емисијата. Пејачката во репортажата низ нејзиниот селски двор и куќа вели дека сакала да изгради базен, но татко и не и давал. Камерите влегоа и во внатрешноста од домот, а како изгледа сето тоа погледнете во продолжение:

ЛАТИНСКО ИМЕ КОЕ Е РЕТКОСТ: Македонскиот актер стана татко, со сопругата не го заобиколија светскиот тренд на фотосесија (ФОТО)

Дарко Андоновски — Mon, 25 Sep 2023 10:18:49 +0000

Изминатио викенд македонскот актер, водител и пејач Жарко Димоски ги изненади своите следбеници, барем оние што не знаеја, дека станал татко за првпат. Жере и неговата сопруга Андреа преку специјална фотосесија обзнанија пред јавноста дека станале родители на машко бебе. Мама и тато најпрвин ги подредија фотографиите од последните денови на бременоста, а потоа следеа и оние со наследникот кој веќе е меѓу нив.

View this post on Instagram

A post shared by Andrea Josifova (@andrea_josifova)

Гордите родители се одлучиле на синот да му го дадат името Вито, кое има латинско потекло и значи живот. Се повеќе јавни личности не го заобиколуваат трендот на фотосесија во бременсота и кога бебето ќе дојде на свет, а познатиот македонски актер и неговата сопруга не го исклучија. Жарко и Андреа не сакаа пошироката јавност да знае за бременоста, а веќе еден месец се во проширен состав. Тие дури сега се решија да ја откријат убавата вест преку комплетна фотосесија кога веќе сите се на број. За потсетување, Жарко и неговата избраничка пред три години имаа и венчавка во Хрватска, но поради корона пандемијата чекаа некои подобри времиња за да ја реализираат свадбата која се случи лани во месец мај. Честитки, да е здрав и жив Вито!

Иван Јованов од „Либеро бенд“ ќе стане татко – сите се прашуваат која ли е идната мајка, еве какво дете очекува парот (ФОТО)

Дарко Андоновски — Mon, 25 Sep 2023 07:28:16 +0000

Пејачот од Либеро бенд, Иван Јованов ќе стане татко. Во моментов се одржува прослава со најблискиот круг на пријатели и семејство на која го открија полот на бебето кое го очекуваат. Со својата понежна половина Ивана штотуку дознаа дека очекуваат девојче. Многумина се изненадени од фактот дека Јованов ќе стане татко, бидејќи веста доаѓа неочекувано, а очигледно пејачот својот љубовен живот добро го криел од медиумите, откако раскина со пејачката Антониа Гиговска. На фотографиите може да се забележи дека заљубениот пар навистина се радува на веста дека бебето кое го очекуваат ќе биде девојче, а честитки до нив пристигнуваат од сите страни. За потсетување, поранешна девојка на Иван Јованов беше македонската ѕвезда Антониа Гиговска, која по кратко време од раскинувањето со него, се реализираше во улога на мајка, а нејзиниот избраник беше близок пријател на Иван.

ТАТКО СЕ УДАВИ НА ХАЛКИДИКИ – се обидувал да си го спаси синот, но водата го проголтала

Дарко Андоновски — Mon, 21 Aug 2023 10:46:03 +0000

Татко се удави на познатата плажа „Лагониси“ на Халкидики, Грциј,а додека се обидувал да го спаси своето 8-годишно дете, кое ветерот го однел на отворено море. Како што соопшти крајбрежната стража во 11.30 часот, 48-годишен маж бил извлечен од морето во бесвест. Според „Прототема“, таткото се обидувал да го спаси синот, кој бил на душек, а силниот ветер го однел на отворено море. Момчето било спасено со чамец, а таткото не успеал да преживее.

Син од пеколот во Прилеп: Го запалил својот татко, човекот со изгореници бил и претепан

Ивана Ефремовски — Fri, 18 Aug 2023 14:04:41 +0000

На 17.08.2023, полициски службеници од Полициското одделение Ропотово го лишиле од слобода Т.И.(20) од прилепско село затоа што физички го нападнал својот 51-годишен татко. Според пријавеното, тие и на 11.08.2023 имале семејна расправија, по што Т.И. со запалива течност го полил и запалил татка си, по што веднаш потоа со ќебе го изгасил огнот. 51-годишниот маж се здобил со изгореници, констатирани во ГОБ Прилеп. Т.И. бил задржан во полициска станица и по целосно документирање на случајот против него ќе биде поднесена соодветна пријава.

Татко под истрага: На малолетната ќерка и покажувал порно видеа и вршел други полови дејствија

Ивона Петрова — Wed, 16 Aug 2023 08:57:57 +0000

Основното јавно обвинителство Кавадарци донесе Наредба за спроведување истражна постапка против 42-годишник за кого постои основано сомнение дека подолг временски период вршел други полови дејствија спрема неговата ќерка родена во 2016 година. -Постои сомнение дека тој во повеќе наврати, во текот на 2022 и 2023 година, искористувајќи што со девојчето живеел во иста семејна заедница, и прикажувал видеа со порнографска содржина и кон неа продолжено вршел други полови дејствија, санкционирани во член 188 став 5 од Кривичниот законик, информираат од Обвинителството. По предлог на надлежниот јавен обвинител, судијата на претходна постапка од Основниот суд во Кавадарци определи мерка притвор во траење од 30 дена за осомниченото лице.

Тешки зборови на мајката на убиениот навивач на АЕК, за првпат се огласи и таткото на Михалис

Ивона Петрова — Thu, 10 Aug 2023 11:04:19 +0000

Дваесет и девет годишниот Михалис го загуби жиботот во хаосот што се случи меѓу навивачите на Динамо Загреб и АЕК во Атина. Во моментот кога слушнала дека нејзиниот син е убиен, мајката на Михалис доживеала инфаркт и моментално се наоѓа во болницата „Црвен крст“ во атинската населба Нова Филаделфија. Сега за првпат се огласи и таткото на починатиот млад човек. Тој во изјава за грчките медиуми рече дека единствена желба му е да го пронајде убиецот. -Сега се грижам да го најдам убиецот на моето дете. За жал, моето дете е изгубено и се плашам дека ќе се изгубат и други. Сакам да го испратам достојно моето дете, а потоа да разговарав, изјавил таткото на Михалис Качурис. Мајката на Михалис, проговорила преку својата сестра која ја открила нејзината состојба -Таа е на лекови, продолжува со лекувањето, но ќе оди на погреб. Таа сака да се збогува со Михалис. Кога ја посетив, таа ме држеше цело време и рече дека никогаш нема да го види или гушне својот син, откри таа. Родителите на трагично загинатиот 29-годишник добија голема поддршка од родителите на Алкис Кампанос. Алкис беше фан на Арис, кој беше нападнат и убиен од 12 навивачи на ПАОК поради неговата навивачка припадност. Седуммина добија доживотна казна за убиство од небрежност, додека пет беа осудени на по 20 години затвор.

Дете нападнато од своите татко и брат во Битола

Ивана Ефремовски — Wed, 02 Aug 2023 20:40:42 +0000

На 01.08.2023 во 17:30 часот во СВР Битола В.А.(66) пријавила дека околу 13:30 часот во Битола нејзиниот малолетен внук бил физички нападнат од неговиот татко В.А. и неговиот малолетен брат. Се преземаат мерки за расчистување на случајот.

Пукано во таткото на исчезнатиот Самоил Костадиновски пред неговиот дом, се огласија од МВР

Ивона Петрова — Fri, 07 Jul 2023 08:31:13 +0000

Рано утринава е пукано кон таткото на исчезнатиот Самоил Костадиновски, внук на Виолета Бошковска, сопругата на Љубе Бошковски. Кон него пукало, засега непознато лице, кое неофицијално се движело со мотор. -Денеска во 08:38 часот во СВР Скопје е пријавено дека на подрачјето на Аеродром едно лице пукало и го повредило Љ.К. (57) пред неговиот дом. Повредениот бил пренесен во комплексот клиники „Мајка Тереза“ за укажување на лекарска помош. Полициски службеници излегле на местото на настанот и се преземаат мерки за расчистување на случајот, велат од МВР за Курир. Од исчезнатио Самоил веќе неколку месеци нема ни трага, ни глас.

МОЖЕЛО ДА НАСТАНЕ ТРАГЕДИЈА: Татко со автомобил удрил во малолетниот син

Тале Кристо — Fri, 30 Jun 2023 14:17:03 +0000

Вчера (29 јуни) во 12.10 часот во СВР Тетово пријавено е дека 34-годишниот З.С. од тетовска Мала Речица, враќајќи се наназад со своето патничко моторно возило „ауди“ во дворот пред семејната куќа, според пријавеното, удрил во малолетниот син, при што му нанел тешки телесни повреди, констатирани во тетовската Клиничка болница. Извршен е увид од екипа на Секторот за внатрешни работи Тетово.